شىنخۇا تورى خەۋىرى: رانى ماچگېل 1978-يىلى 21-مارت ھىندىستانىڭ بېنگال شەھىرىدە تۇغۇلغان بولۇپ، ھىندىستاننىڭ ئارتىسى. ئۇ كىنو فىلىم ئېسىلزادىلەر ئائىلىسىدە تۇغۇلغان بولغاچقا، ئۆزىنىڭ تەبىئىي گۈزەللىكى بىلەنلا كىنو ساھەسىگە قەدەم باسقان. ئۇنىڭ تۇنجى فىلىمى 1996-يىلى ئىشلەنگەن، ئەمما ئۇ فىلىم ئانچە ئۇتۇق قازىنالمىغان، ئۇنىڭ گۈزەل رۇخسارى ۋە رول ئېلىش ماھارىتى بىلەن كىنو ساھەسىدىكىلەرنى ئۆزىگە جەلپ قىلغان. ئارقىدىن ئۇ ئىشلىگەن «بۇنداق ئىشلار بولۇپ تۇرىدۇ» فىلىمى بىلەن زور ئالقىشقا ئېرىشكەن، بۇ فىلىمدە ئۇ نەۋرە ھەدىسى كاجول بىلەن بىرگە رول ئالغان، بۇ فىلىمنىڭ بېلەت كىرىمى ھىندىستاندىلا ئەمەس چەتئەللەردىمۇ زور ئاشقان، شۇنىڭدەك شۇ يىلى كۆپ خىل مۇكاپاتلارغا ئېرىشكەن. رانىنىڭ دادىسى بوللىۋودنىڭ پېنسىيىگە چىققان كىنو-فىلىم رېژىسسورى بولۇپ، ئاپىسى ناخشىچى، ئاكىسىمۇ فىلىم ئىشلىگۈچى، ئۇنىڭ نەۋرە ھەدىسى كاجولمۇ بوللىۋودنىڭ داڭلىق ئارتىسى. رانى ئۆزىنىڭ يېمەك-ئىچمەك ئادىتىگە ئىنتايىن دىققەت قىلىدىغان بولۇپ، ئائىلىدە ماش ئومىچى ، لۇتى قوتۇرمۇچى، سالات ۋە شورپا قىلىشنى ياخشى كۆرىدىكەن. ئۇ ئاپىسى ئېتىپ بەرگەن بېلىقنى يىيىشنى ياخشى كۆرىدىكەن. ئەخلەت يېمەكلىكلەرنى ئانچە يەپ كەتمەيدىكەن. ئۇ «تىتانىك ناملىق پاراخوت» فىلىمىنى ئەڭ ياخشى كۆرىدىكەن.