ئۈرۈمچى شەھەرلىك ئىدارە-ئورگانلار مەمۇرىي خادىم قوبۇل قىلىش خىزمىتىنى قانات يايدۇردى. مۇخبىرنىڭ ئۈرۈمچى شەھەرلىك ئادەم كۈچى بايلىقى ئىجتىمائىي كاپالەت ئىدارىسىدىن ئىگىلىشىچە، بۇ قېتىم 127 نەپەر مەمۇرىي خادىم قوبۇل قىلىنىدىغان بولۇپ، تىزىملىتىش ۋاقتى 7-ئاينىڭ 31-كۈنىگىچە ئىكەن.
بۇ قېتىملىق قوبۇل قىلىش ئوبيېكتى ئۈرۈمچى شەھەرلىك ئىدارە-ئورگانلارغا قاراشلىق ئورۇن، رايون (ناھىيە)، يېزا-كەنت (كوچا، باشقۇرۇش كومىتېتى) ئورگان ۋە مەمۇرلار قانۇنى بويىچە باشقۇرۇلىدىغان ئورۇنلار ئىشتاتىدىكى مەمۇرلار، خىزمەتچى خادىملار ئىكەن.
بۇ قېتىمقى خادىم قوبۇل قىلىشقا 43 ئىدارە-ئورگان چېتىلىدىغان بولۇپ، ئۈرۈمچى شەھەرلىك ھۆكۈمەت ئىشخانىسى، شەھەرلىك پارتكوم ئىشخانىسى، شەھەرلىك خەلق قۇرۇلتىيى، شەھەرلىك پارتكوم قاتارلىق 19 شەھەر دەرىجىلىك ئىدارە-ئورگانلارغا قاراشلىق ئورۇنلار، تەڭرىتاغ ۋە ئىقتىسادىي تېخنىكا تەرەققىيات رايونى (تۇدۇڭخابا رايونى) غا قاراشلىق 22 رايون ۋە ناھىيە دەرىجىلىك يېزا بازار، كوچا باشقارما باشقۇرۇش كومىتېتى تارماقلىرى قاتارلىقلار. مەمۇرىي خادىم قوبۇل قىلىدىغان خىزمەت ئورنى مۇئاۋىن مۇدىر دەرىجىلىك بۆلۈم ئەزاسى، بۆلۈم ئەزاسى، مائارىپ مۇپەتتىشى، نازارەتچى، پارتىيە تارىخى ۋە جايلار تەزكىرىسى مۇھەررىرى قاتارلىقلار.
بۇ قېتىملىق تىزىملىتىش توردا ئېلىپ بېرىلىدىغان بولۇپ، تىزىملاتقۇچىلار تەپسىلىي ئەھۋالىنى ئۈرۈمچى شەھەرلىك كادىرلار ئىمتىھانى تورىغا چىقىپ سۈرۈشتۈرسە بولىدىكەن.