سىنا تەنتەربىيەسى خەۋىرى، : 7-ئاينىڭ 30-كۈنى كەچ ئۈرۈمچى ۋاقتى سائەت 6:00 دە، دۆلىتىمىزنىڭ شاڭخەيدە بىر مەيدان يۇقىرى سەۋىيەلىك مۇسابىقە ئېلىپ بېرىلىدۇ، يەنى كىرىستىئانو رونالدو قاتارلىق دۇنيادىكى ئەڭ داڭلىق ماھىرلار توپلاشقان خان جەمەتى مادرىد كوماندىسى بىلەن ئىتالىيەدىكى ئا س مىلان كوماندىسى كەسكىن بىر مەيدان جەڭ قىلىدۇ، بۇ مۇسابىقىدە ئىككى كوماندىنىڭ داڭلىق ماھىرلىرى تولۇق مەيدانغا چىقىدۇ، جۇڭگو توپ مەستانىلىرى بۇ مۇسابىقىنى ئىنتىزارلىق بىلەن كۈتمەكتە. ھازىر ئىككى كوماندا مەشق ئېلىپ بېرىۋاتقان بولۇپ، مۇشۇ پەيتتە كۈرۈش سۇپىسدا ئاز بولمىغان توپ مەستانىلىرى بۇلارنىڭ مەشقىدىن ھۇزۇرلىنىۋاتىدۇ. (قىزلار كۆپ ساننى ئىگەللەيدۇ) شاڭخەي پۇتبول مەيدانىنىڭ ئەتىراپى توپ مەستانىلىرى بىلەن ئاۋاتلىشىپ كەتتى. ئىگەللىنىشچە، بۇ مۇسابىقىنى 40 مىڭدىن ئارتۇق توپ مەستانىلىرى نەق مەيداندىن كۆرىدىكەن.
مەشق جەريانىدا كۆرۈش سۇپىسىدىكى توپ مەستانىلىرى «كىرىستىئانو رونالدو...كىرىستىئانو رونالدو...« دەپ توختىماي توۋلىغان. ئۆزىنىڭ جۇڭگودا قىزغىن قارشى ئېلىشقا ئېرىشىدىغانلىقىنى بىلىدىغان كىرىستىئانو رونالدو ئۇلارغا ھۆرمىتىنى بىلدۈرۈپ قولىنى كۆتۈرۈپ قويغان. توپ مەستانىلىرى رونالدونىڭ بۇ قول ھەركىتىدىن قاتتىق خۇشال بولۇپ ۋارقىرشىپ كەتكەن. مەشق جەريانىدا يەنە بىر تەسىرلىك كۆرۈنۈش بارلىققا كەلگەن، يەنى خان جەمەتى مادرىد كوماندىسنىڭ سادىق بىر مەستانىسى كۆرۈش سۇپىسدا تۇرۇپ كىرىستىئانو رونالدوغا قاراپ بىر پىلاكاتنى پۇلاڭلاتقان، بۇنىڭغا پورتۇگالىيە تىلىدا مۇنداق دەپ يېزىلغان: «مېنىڭ قەھىرمانىم-كىرىستىئانو رونالدو! بۇ مايكىنى مەخسۇس سەن ئۈچۈن تىكتۈردۈم، بۇنى قوبۇل قىل! » مەشق جەريانىدا كىرىستىئانو رونالدومۇ بۇ پىلاكاتنى كۆرگەن، ھەمدە مەشق ئاخىرلاشقاندىن كېيىن، ھېلىقى سادىق توپ مەستانىسىنىڭ ئالدىغا بېرىپ مايكىسىنى ئالغان، ئارقىدىن ئۆزىنىڭ مەشقتىكى مايكىسىنى مەستانىگە سوۋغا قىلغان. بۇ مەستانە دۇنيادىكى قاتىل ھۇجۇمچى كىرىستىئانو رونالدونىڭ كەمتەرلىك بىلەن ئالدىغا كېلىپ كىيىم سوۋغا قىلغانلىقىدىن چەكسىز شادلىققا چۆمگەن. تەلەيلىك مەستانە........(تۆۋەندىكى فىلىمىنى كۆرۈڭ) مۇسابىقە كۆرۈشنى ئۇنتۇپ قالماڭ...مۇسابىقە نەتىجىسىنى نۇر تورىمىز دەل ۋاقتىدا تورداشلارغا خەۋەر قىلىدۇ...