ئاسىيا- ياۋروپا تورى 29- ئىيۇل خەۋىرى: شىنجاڭ بۇنىڭدىن كېيىن شاڭخەي ھەمكارلىق تەشكىلاتىنىڭ داۋالاش- سەھىيە ساھەسىدە تېخىمۇ چوڭ رولىنى جارى قىلدۇرىشى مۇمكىن. 7- ئاينىڭ 27- كۈنى شاڭخەي ھەمكارلىق تەشكىلاتىغا ئەزا دۆلەتلەرنىڭ داۋالاش- سەھىيە ئەمەلدارلىرىنىڭ تەتقىقات ئۆگىنىش كۇرسى ئاخىرلاشتى. قازاقىستان، قىرغىزىستان، تاجىكىستان، ئۆزبىكىستان قاتارلىق دۆلەتلەر ۋە جۇڭگو شىنجاڭ ۋەكىللىرى تەشەببۇسنامىگە ئورتاق ئىمزا قويۇپ، شىنجاڭ تىببىي ئۇنىۋېرسىتېتىدا يىپەك يولى تىبابەت بازىسى قۇرۇشنى تەشەببۇس قىلدى.
ئىگىلىنىشىچە، تەتقىقات ئۆگىنىش كۇرسى 7- ئاينىڭ 8- كۈنى ئېچىلغاندىن بۇيان، ئوتتۇرا ئاسىيادىكى ھەر قايسى دۆلەتلەردىن كەلگەن 28 نەپەر داۋالاش- سەھىيە ئەمەلدارلىرى شىنجاڭ تىببىي ئۇنىۋېرسىتېتى دوختۇرخانىسى، ئاپتونۇم رايونلۇق ئۇيغۇر تىبابەت دوختۇرخانىسى ۋە دورا زاۋۇتىنى ئېكىسكۇرسىيە قىلدى. شاڭخەي، خاڭجۇ قاتارلىق جايلاردا ئۆگىنىشكە تەشكىللەندى. جۇڭگونىڭ ئاساسىي دۆلەت ئەھۋالى، جۇڭگو تىببىي مائارىپىنىڭ نۆۋەتتىكى ئەھۋالى، ئۇيغۇر تىبابىتىنىڭ يىپەك يولى ئىقتىساد بەلبېغى قۇرۇلۇشىدىكى ئىزدىنىشى ۋە ئەمەلىيەتلىرى، ئەيدىز كېسىلىنى جۇڭگو تىبابىتى دورىلىرى ئارقىلىق داۋالاش ۋە ئالدىنى ئېلىش ھەققىدىكى تەتقىقات ئەھۋالى، شىنجاڭ نېرۋا كېسەللىكلەر تاشقى بۆلۈمىنىڭ تەرەققىياتى ۋە ھازىرقى ئەھۋالىغا دائىر مەزمۇنلار ھەققىدە چۈشەنچىگە ئىگە بولدى ۋە ھەر قايسى دۆلەت داۋالاش- سەھىيە ساھەسىنىڭ تەرەققىيات ئەھۋالى ھەققىدە تەجرىبە ئالماشتۇرۇش سۆھبىتىگە تەشكىللەندى.
قازاقىستان جۇمھۇرىيىتىنىڭ داۋالاش- سەھىيە ساھەسىدىن كەلگەن ئەمەلدار ئابايوف جانات مۇنداق دېدى:« تەتقىقات ئۆگىنىش كۇرسى جەريانىدا بىز شۇنىڭغا دىققەت قىلدۇقكى، جۇڭگو داۋالاش سەۋىيىسىنى يۇقىرى كۆتۈرۈشكە ئىنتايىن ئەھمىيەت بېرىپلا قالماستىن، يەنە ئەنئەنىۋى جۇڭگو تىبابىتى ۋە ئۇيغۇر مىللىي تىبابىتىنى گۈللەندۈرۈش، قوغداش ۋە تەرەققى قىلدۇرۇشقىمۇ ناھايىتى كۆپ كۈچ سەرپ قىلىپتۇ. مەن جۇڭگو شىنجاڭدا قازاق تىبابىتىنى گۈللەندۈرۈش ئۈچۈن تىرىشچانلىق كۆرسىتىلىۋاتقانلىقىنى كۆرۈپ ئىنتايىن خۇرسەن بولدۇم. بۇ قېتىمقى تەتقىقات ئۆگىنىش كۇرسىنىڭ ھەر قايسى ئەللەر ئارىسدىكى ئۆز- ئارا مەنپەئەت يەتكۈزۈش ئاساسىدىكى ھەمكارلىق ۋە ئىناق خوشنىدارچىلىق مۇناسىۋىتىنى ئىلگىرى سۈرۈشكە زور ياردىمى بولدى. ھەمكارلىقنىڭ تۇنجى قەدىمى سۈپىتىدە ، قازاقىستان دۆلەتلىك تىببىي ئۇنىۋېرسىتېتى ۋە شىنجاڭ ئۇنىۋېرسىتېتى بۇ يىل 8- ئايدا رەسمىي ھەمكارلىق باياناتنامىسى ئىمزالايدۇ».
ھەر قايسى دۆلەتتىن كەلگەن ۋەكىللەر يەنە شىنجاڭدا شاڭخەي ھەمكارلىق تەشكىلاتى نامىدىكى ئەمەلىيەتچانلىقى كۈچلۈك بولغان ئوتتۇرا ئاسىيا داۋالاش- سەھىيە ھەمكارلىق كېلىشىمىنى ئورتاق ئىمزالاپ، بۇ ئارقىلىق شاڭخەي ھەمكارلىق تەشكىلاتىغا ئەزا دۆلەتلەر ۋە رايونلار ئارا داۋالاش- سەھىيە ھەمكارلىقىنى كۈچەيتىپ، ھەر قايسى دۆلەت خەلقىگە بەخت يارىتىشنى تەشەببۇس قىلدى.
قازاقىستان جۇمھۇرىيىتىنىڭ داۋالاش- سەھىيە ساھەسىدىن كەلگەن ئەمەلدار ئابايوف جانات مۇنداق دېدى:« تەتقىقات ئۆگىنىش كۇرسى جەريانىدا بىز شۇنىڭغا دىققەت قىلدۇقكى، جۇڭگو داۋالاش سەۋىيىسىنى يۇقىرى كۆتۈرۈشكە ئىنتايىن ئەھمىيەت بېرىپلا قالماستىن، يەنە ئەنئەنىۋى جۇڭگو تىبابىتى ۋە ئۇيغۇر مىللىي تىبابىتىنى گۈللەندۈرۈش، قوغداش ۋە تەرەققى قىلدۇرۇشقىمۇ ناھايىتى كۆپ كۈچ سەرپ قىلىپتۇ. مەن جۇڭگو شىنجاڭدا قازاق تىبابىتىنى گۈللەندۈرۈش ئۈچۈن تىرىشچانلىق كۆرسىتىلىۋاتقانلىقىنى كۆرۈپ ئىنتايىن خۇرسەن بولدۇم. بۇ قېتىمقى تەتقىقات ئۆگىنىش كۇرسىنىڭ ھەر قايسى ئەللەر ئارىسدىكى ئۆز- ئارا مەنپەئەت يەتكۈزۈش ئاساسىدىكى ھەمكارلىق ۋە ئىناق خوشنىدارچىلىق مۇناسىۋىتىنى ئىلگىرى سۈرۈشكە زور ياردىمى بولدى. ھەمكارلىقنىڭ تۇنجى قەدىمى سۈپىتىدە ، قازاقىستان دۆلەتلىك تىببىي ئۇنىۋېرسىتېتى ۋە شىنجاڭ ئۇنىۋېرسىتېتى بۇ يىل 8- ئايدا رەسمىي ھەمكارلىق باياناتنامىسى ئىمزالايدۇ».
ھەر قايسى دۆلەتتىن كەلگەن ۋەكىللەر يەنە شىنجاڭدا شاڭخەي ھەمكارلىق تەشكىلاتى نامىدىكى ئەمەلىيەتچانلىقى كۈچلۈك بولغان ئوتتۇرا ئاسىيا داۋالاش- سەھىيە ھەمكارلىق كېلىشىمىنى ئورتاق ئىمزالاپ، بۇ ئارقىلىق شاڭخەي ھەمكارلىق تەشكىلاتىغا ئەزا دۆلەتلەر ۋە رايونلار ئارا داۋالاش- سەھىيە ھەمكارلىقىنى كۈچەيتىپ، ھەر قايسى دۆلەت خەلقىگە بەخت يارىتىشنى تەشەببۇس قىلدى.