24 ياشلىق شېنياڭلىق ئەر جاڭ XX قىز بالا سالاھىيىتىدە توردا 20 ياشتىن ئاشقان كەھرىۋا سودىگىرى سوڭ ئەپەندى بىلەن مۇھەببەتلىشىپ، ھەر خىل باھانىلەر بىلەن ئۇنىڭدىن 50 قېتىمدىن ئارتۇق پۇل ئالغان بولۇپ، ئۇنىڭ ئالغان پۇلى جەمئىي 200 مىڭ يۈەندىن ئېشىپ كەتكەن. 7-ئاينىڭ 29-كۈنى، بېيجىڭ شىچېڭ سوت مەھكىمىسى ئالدامچىلىق قىلىش جىنايىتى بىلەن جاڭ XX نى مۇددەتلىك ئۈچ يىللىق قاماق جازاسىغا ھۆكۈم قىلغان. سوتتا، ئۇ ئۇچىسىغا تار كىيىم كىيىۋالغان بولۇپ، يول ماڭغاندىكى قىياپىتىمۇ شۇنداق نازۇك، ئاۋازىمۇ ئىنچىكە چىققان. سوڭ ئەپەندى مۇنداق دېدى: «ئۇنىڭ ئاۋازىنىلا ئاڭلىغاچقا، ئۇنىڭ جىنسىدىن گۇمانلىنىپ باقماپتىمەن.»
تەكشۈرگۈچى تەرەپنىڭ كۆرسىتىشىچە، 2014-يىلى 5-ئايدىن 2015-يىلى 3-ئايغىچە، جاڭ XX ئايال كىشى سالاھىيىتىدە كەھرىۋا سودىگىرى سوڭ ئەپەندى بىلەن ئۈندىداردا پاراڭلىشىپ، ئىككى تەرەپ ئاتالمىش «ئاشىق-مەشۇق مۇناسىۋىتى» ئورناتقان. ئارقىدىنلا، جاڭ XX ئاغرىپ قېلىپ پۇلغا ئېھتىياجلىق بولۇپ قالغانلىقىنى باھانە قىلىپ، سوڭ ئەپەندىدىن 50 قېتىمدىن ئارتۇق پۇل ئالغان بولۇپ، ئۇنىڭ ئالغان پۇلىنىڭ سوممىسى جەمئىي 200 مىڭ يۈەندىن ئېشىپ كەتكەن. رەسىمدە جاڭ XX سوت نەق مەيدانىدا
جاڭ XX نىڭ ئاقلىغۇچى ئادۋوكاتى سوتتا جاڭ XX نىڭ دەسلەپتە قىز بالا قىياپىتىگە كىرىۋېلىشى كەھرىۋا سېتىۋالغاندا ئېتىبارغا ئېرىشىش ئىكەنلىكىنى، سوڭ ئەپەندى بىلەن پاراڭلىشىش جەريانىدا، سوڭ ئەپەندىنىڭ كۆيۈنۈشى ۋە غەمخورلۇقىغا ئېرىشكەنلىكىنى ئېيتقان. ئادۋوكات «بۇ خىل تۇيغۇغا ئېرىشىش جاڭ ئەپەندى ئۈچۈن ئاسان ئەمەس، جاڭ ئەپەندى ئۇزۇن ۋاقىت كۆيۈنۈش ۋە غەمخورلۇققا ئېرىشىپ، نەزەرگە ئېلىندىم دەپ ھوشىنى يوقىتىپ قويغانلىقتىن، داۋاملىق قىز بالا سالاھىيىتىدە ئۇنىڭ بىلەن ئارىلاشقان» دەپ قارىغان. رەسىمدە جاڭ XX
جاڭ XX سوت نەق مەيدانىدا