ئاۋىستىرالىيەدىكى خەۋەر تورىنىڭ ئېلان قىلىشىچە، گۈزەل چىراي ۋە كېلىشكەن قەددى-قامىتى بار بۇ ساھىبجامالنىڭ ئىسمى لارا ئابدۇللا (Abdullah Lara) بولۇپ، ئۇ 2010-يىلى ئىئوردانىيە خانقىزى دېگەن نامغا ئېرىشكەن، ھەمدە ئىئوردانىيەگە ۋاكالىتەن ئەرەبىستان خانقىزى مۇسابىقىسىدە ئىككىنچى بولغان. ئەمما قارىماققا ئاجىز كۆرۈنىدىغان بۇ قىز خاككېر تەشكىلاتىغا كىرىپ، تېررورلۇق تەشكىلات IS بىلەن كۈرەش قىلىشنى تاللاپ، كىشىلەرنىڭ ماختىشىغا ئېرىشكەن.
لارا ئابدۇللا بۇ يىل 33 ياشتا بولۇپ، ئىلگىرى ئىئوردانىيە خانقىزى بولغان ئۇ بايلىقتىن ھۇزۇرلىنىشنى خالىماي، باتۇرلۇق بىلەن ئالدىغا چىقىپ «ئەرۋاھ» ئىسىملىك خەلقئارالىق خاككېر تەشكىلاتىغا كىرگەن. بۇ خاككېر تەشكىلاتى IS نىڭ ئىچكى قىسىمىدىكى تور بېكەت بىلەن يۇقىرى قاتلامدىكى ئىجتىمائىي ئالاقە تور نومۇرىنى تەكشۈرۈپ نازارەت قىلىپ، ھۆكۈمەتنىڭ تېررورلۇق كۈچلەرگە زەربە بېرىشىگە ياردەم قىلىشنى مەقسەت قىلغانىكەن. ئىگىلىنىشىچە، «ئەرۋاھ» تەشكىلاتى يەنە ئامېرىكا فېدېراتسىيەسى تەكشۈرۈش ئىدارىسى ۋە جۇڭگو ئاخبارات ئىدارىسى بىلەن ھەمكارلاشقان بولۇپ، ئەڭ چوڭ دەرىجىدە تېررورلۇق ھۇجۇم يۈز بېرىشنىڭ ئالدىنى ئالىدىكەن.
لارانىڭ دادىسى ئىئوردانىيەلىك، ئانىسى سۈرىيەلىك بولۇپ، بۇ ئىككىلا دۆلەت ئەڭ چوڭقۇر دەرىجىدە IS نىڭ ھۇجۇمىغا ئۇچرىغان دۆلەت. «ھەر كۈنى ئەتىگەندە رادىئونى ئاچساملا ئاڭلايدىغىنىم تېررورلۇق ھۇجۇمى توغرىسىدىكى خەۋەرلەر، بىگۇناھ كىشىلەرنىڭ مۇشۇنداق قورقۇنچلۇق تېررورلۇق تەشكىلات تەرىپىدىن ھاياتىدىن ئايرىلىشى نېمدېگەن تەڭسىزلىك.» مۇشۇ سەۋەبتىن، لارا IS كە زەربە بېرىشكە ئۆزىنىڭ بىر كىشىلىك تۆھپىسىنى قوشۇشنى قارار قىلغان.
خاككېر بولۇشتىن ئىلگىرى، لارا ئىئوردانىيەدىكى بىر يەرلىك تېلېۋىزىيە ئىستانسىسىدا مۇخبىر بولۇپ، كۆپ كېتىم تېررورلۇق ھۇجۇمنىڭ نەقەدەر قورقۇنچلۇق ئىكەنلىكىنى باشتىن كەچۈرگەن. «بىر قېتىملىق زىيارەتتە مەن بىر بىچارە قىزنى ئۇچرىتىپ قالدىم، ئۇنىڭ ئاتا-ئانىسى IS نىڭ ھۇجۇمىدا قازا قىلغانىكەن، ئۇنىڭ خارابىلىك ئىچىدە ئۈنسىز ياش تۆكۈۋاتقان ھالىتى ھەقىقەتەن كىشىنىڭ ئىچىنى ئېچىشتۇراتتى.»
لارا يەنە دائىم دېگۈدەك ئۆزىنىڭ ئىئوردانىيە خانىقىزى بولغانلىقىدەك تەسىرىدىن پايدىلىنىپ، ئىجتىمائىي ئالاقە تور بېكەتلىرىدا تېررورلۇق تەشكىلاتقا قارشى تۇرۇش توغرىسىدىكى بىلىملەرنى تەشۋىق قىلغان.
لارانىڭ مۇخبىر ۋاقتىدىكى رەسىمى
بۇ ئىئوردانىيە ھۆكۈمىتى لاراغا تارقاتقان مېدال بولۇپ، ئۇنىڭ تېررورلۇق تەشكىلات بىلەن كۈرەش قىلغانلىقى تەقدىرلەشكە ۋە مۇكاپاتلاشقا ئېرىشكەن.
لارا ئابدۇللا ئىجتىمائىي ئالاقە تورىدا تىنچلىقنى تەشەببۇس قىلىش توغرىسىدا ئېلان تارقاتقان، ھەمدە ئېلان قىلغان ماقالىسىدە «ئىئوردانىيە خەلقىنىڭ بەختى ئۈچۈن، يەنىمۇ كۆپرەك تىرىشىشقا ئەرزىيدۇ» دېگەن.