ئۈرۈمچى يۇقىرى سۈرئەتلىك تۆمۈر يول يېڭى ۋوگزالى يىل ئاخىرىدا ئىشقا كىرىشتۈرىلىدۇ

ئاسىيا كىندىكى تورى 30- ئىيۇل خەۋىرى : 2015- يىلى 7- ئاينىڭ 30- كۈنى مۇخبىرنىڭ يۇقىرى سۈرئەتلىك تۆمۈر يول يېڭى ۋوگزال قۇرۇلۇش نەق مەيدانىدىن ئەھۋال ئىگەللىشىچە، ھازىر قۇرۇلۇش قىلىۋاتقان يۇقىرى سۈرئەتلىك تۆمۈر يول يېڭى ۋوگزال ۋە بېكەت ئۆيلىرىنىڭ ئاساسىي گەۋدە قۇرۇلمىسى ئاللىبۇرۇن  %90 پۈتۈپ بولغان، شەھەر مەمۇرىيىتى يانداش ئەسلىھەلەر قۇرۇلۇشى %70 تاماملىنىپ، قۇرۇلۇش ئاللىبۇرۇن ئاخىرقى باسقۇچقا بېرىپ قالغان بولۇپ، بۇ يىل ئاخىرىغىچە ئىشقا كىرىشتۈرۈلىدىكەن.
مۇخبىرنىڭ نەق مەيداننى كۆزىتىشىچە، يۇقىرى سۈرئەتلىك تۆمۈر يول يېڭى ۋوگزال ئۆيلىرى ئاساسىي گەۋدىسىنىڭ شەكلى ئاساسىي جەھەتتىن چىقىپ بولغان بولۇپ، قۇرۇلىۋاتقان كۆۋرۈكلەر تۆت تەرەپتىن كېلىپ ۋوگزالغا توپلانغان تۆمۈر يوللار ۋە يۇقىرى سۈرئەتلىك تۆمۈر يول ۋوگزالىنىڭ يولۇچىلار پويىزىدىن چۈشۈش سۇپىسى قاتارلىقلارنىڭ قۇرۇلۇشى جىددىي ۋە تەرتىپلىك ئېلىپ بېرىلىۋېتىپتۇ. نۆۋەتتە ئىشچىلار يولۇچىلار چۈشۈش سۇپىسىدىكى پولات ساندۇقسىمان ئاسما كۆۋرۈكنى قۇراشتۇرۇش ۋە كەپشەرلەش ئىشلىرىنى جىددىي ئىشلەۋېتىپتۇ.
جۇڭگو قۇرۇلۇش پاي چەكلىك شىركىتى ئۈرۈمچى يۇقىرى سۈرئەتلىك تۆمۈر يول رايونى شىمالىي مەيدانىنىڭ تۈر دېرىكتورى لى دېچىنىڭ تونۇشتۇرىشىچە، نۆۋەتتە يولۇچى چۈشۈش سۇپىسىنىڭ ئاساسىي گەۋدە قۇرۇلۇشى ئاللىبۇرۇن %75 تاماملىنىپ بولغان. يۇقىرى سۈرئەتلىك تۆمۈر يول رايونى تاماشا قىلىش سۇپىسىدا تۇرۇپ قارىغاندا كۆرۈنىشىچە،  يۇقىرى سۈرئەتلىك يېڭى ۋوگزالغا تۇتىشىدىغان ئاساسلىق قاتناش يوللىرى بولغان سۈنئىي ھەمراھ يولى، نەنئەن يولىنى تورلاشتۇرۇش ئاللىبۇرۇن ئىشقا ئاشۇرۇلۇپ بولغان ۋە قىسمەن يوللاردا قاتناش باشلانغان.