بىرلەشمە سەھەر گېزىتى تورىنىڭ 14-دېكابر خەۋىرى: ئامېرىكا بىلەن جۇڭگونىڭ پاراخوتلىرى 12-ئاينىڭ بېشىدا جەنۇبىي جۇڭگو دېڭىزىدا يېقىن ئارىلىقتا ئۇچرىشىپ قالغان بولۇپ، ئۆز ئارا سوقۇلۇپ كەتكىلى ئاز قالغان.
شىياڭگاڭ مىڭپاۋ تورى خەۋەر قىلىشىچە، ۋەقە 12-ئاينىڭ 5-كۈنى يۈز بەرگەن بولۇپ، ئامېرىكا ئارمىيىسىنىڭ « USS Cowpens» ناملىق باشقۇرۇلىدىغان بومبىلىق ئوكيان چارلاش پاراخوتى جەنۇبىي جۇڭگو دېڭىزىدا يېقىن ئارىلىقتىن مانېۋىر قىلىۋاتقان جۇڭگو ئاۋىئاماتكىسىنى نازارەت قىلغان، جۇڭگو ئارمىيىسىنىڭ پاراخوتى « USS Cowpens» ناملىق پاراخوتقا يېقىنلاپ كېلىپ، ئامېرىكا پاراخوتىنىڭ توختىتىشىنى تەلەپ قىلغان، ئەمما ئامېرىكا پاراخوتى رەت قىلغان.
جۇڭگو دېڭىز ئارمىيىسى قۇرۇقلۇققا چىققۇچى كاتىرنى ئەۋەتىپ، « USS Cowpens» ناملىق پاراخوتنى يۆلىنىشىنى ئۆزگەرتىشكە مەجبۇر قىلغان.
ئامېرىكا تىنچ ئوكيان فلوتى ئېلان قىلغان باياناتتا ۋەقەنىڭ تەپسىلاتىنى تەمىنلىمىگەن، ئەمما بۇ ۋەقەنىڭ پاراخوتلار ئارىسىدىكى ئالاقىنى ئۆز ئىچىگە ئالغان ئەڭ يۇقىرى ئۆلچەمدىكى كەسپىي دېڭىز تېخنىكىسى بولغاندا، ئاندىن تاسادىپىي ۋەقە ياكى ئاپەتنىڭ يۈز بېرىش خەۋپ-خەتىرىنى ئازايتقىلى بولىدىغانلىقىنى كۆرسىتىپ بەرگەنلىكىنى ئېيتقان.
ئامېرىكا دۆلەت مەھكىمىسى دىپلوماتىيە ۋە ھەربىي يول ئارقىلىق جۇڭگوغا ئېتىراز بىلدۈرگەن.
