بىرلەشمە سەھەر گېزىتى تورىنىڭ 13-دېكابر خەۋىرى: شىمالىي كورىيە ئەمگەكچىلەر پارتىيىسى مەركىزىي سىياسىي بۇيروسىنىڭ كومىسسارى چاڭ سۇڭ تىك سىياسىي ئۆزگىرىش قوزغاپ، يېڭى ھاكىمىيەتنىڭ باش مىنىستىرى بولماقچى بولغانلىقىنى ئىقرار قىلغان. شىمالىي كورىيە دائىرلىرى ئۇنى دۆلەتنى ئاغدۇرىدىغان سۇيقەستتە بولدى دەپ ئەيىبلەب، چاڭ سۇڭ تىككە ئۆلۈم جازاسى بەرگەن ھەمدە 12-دېكابر ئىجرا قىلغان.
شىمالىي كورىيە مەركىزىي ئاگېنتلىقى 12-ئاينىڭ 13-كۈنى خەۋەر قىلىشىچە، شىمالىي كورىيە دۆلەت بىخەتەرلىك مىنىستىرلىكى ئالاھىدە ھەربىي سودا 12-ئاينىڭ 12-كۈنى چاڭ سۇڭ تىكنىڭ جىنايەتلىرىگە قاراپ چىققان، چاڭ سۇڭ تىك ئۇزۇندىن بۇيان ئۇنسۇرلارنى ئەتراپىغا توپلاپ گۇرۇھ شەكىللەندۈرۈپ، دۆلەت ۋە پارتىيەنىڭ ئاڭ يۇقىرى ھوقۇقىنى تارتىۋېلىشقا ئۇرۇندى، ھەر خىل ئۇسۇللار ۋە قەبىھ ۋاسىتىلەر بىلەن دۆلەت ئاغدۇرىدىغان سۇيقەستتە بولدى، دەپ قارىغان.
شىمالىي كورىيە دۆلەت بىخەتەرلىك مىنىستىرلىكى ئالاھىدە ھەربىي سوتى جاۋابكار چاڭ سۇڭ تىكنىڭ قىلمىشى شىمالىي كورىيە جىنايى ئىشلار قانۇنىنىڭ 60-ماددىسىدا بەلگىلەنگەن جىنايەتنى شەكىللەندۈرگەنلىكى ئۈچۈن، جىنايى ئىشلار قانۇنى 60-ماددىسىغا ئاساسەن ئۆلۈم جازاسى بەرگەن ھەمدە دەرھال ئىجرا قىلغان.
