پىشانىسى شور كىشىلەر

ﺗﻪﻛﻠﯩﻤﺎﻛﺎﻥ ﻗﯘﻣﻠﯘﻗﯩﻨﯩﯔ ﻏﻪﺭﺑﯩﻲ ﻗﯩﺮﻏﯩﻘﯩﻐﺎ ﺟﺎﻳﻼﺷﻘﺎﻥ ﺑﯘ ﻧﺎﮬﯩﻴﻪ ﯞﯨﻼﻳﻪﺕ ﺗﻪﯞﻩﺳﯩﺪﻩ ﺧﯧﻠﯩﻼ ﭼﻮﯓ ، ﻧﻮﭘﯘﺳﻰ ﻛﯚﭖ ﻧﺎﮬﯩﻴﻪ ﺑﻮﻟﯘﭖ، ﺑﺎﺯﺍﺭﻟﯩﺮﻯ ﺋﺎﯞﺍﺕ ، ﺭﻩﺳﺘﻠﯩﺮﻯ ﻗﺎﻳﻨﺎﻕ ﺋﯩﺪﻯ. ﺑﯘ ﻧﺎﮬﯩﻴﻪ ﻛﯩﺸﯩﻠﯩﺮﻯ ﺋﻪﺯﻩﻟﺪﯨﻦ ﺋﯩﺠﺘﯩﻤﺎﺋﯩﻲ ﺋﻪﺧﻼﻕ، ﺑﯜﻳﯜﻙ ﺩﯨﻨﯩﻲ ﺋﯧﺘﯩﻘﺎﺩﯨﻨﻰ ﺋﯚﺯﯨﻨﯩﯔ ﺗﯜﭖ ﻳﺎﺷﺎﺵ ﭘﯩﺮﯨﻨﺴﯩﭙﻰ ﻗﯩﻠﯩﭗ ﻳﺎﺷﺎﯞﺍﺗﺎﺗﺘﻰ ، ﺯﻭﺭ ﻛﯚﭘﭽﯩﻠﯩﻜﯩﻨﯩﯔ ﺗﯘﺭﻣﯘﺷﯩﻨﻰ ﺑﺎﻳﺎﺷﺎﺕ ﺩﻩﭖ ﻛﻪﺗﻜﻠﻰ ﺑﻮﻟﻤﯩﺴﯩﻤﯘ ﮬﻪﺭﮬﺎﻟﺪﺍ، ﭘﺎﺭﺗﯩﻴﻪﻧﯩﯔ ﺷﻪﭘﻘﻪﺕ ﻧﯘﺭﻯ ﺋﺎﺳﺘﯩﺪﺍ ﺋﯚﺯ ﻻﻳﯩﻘﯩﺪﺍ ﺗﯩﺮﯨﻜﭽﯩﻠﯩﻜﯩﻨﻰ ﻗﯩﻠﯩﺸﺎﺗﺘﻰ … ﻳﯩﻠﻼﺭ ﺋﯚﺗﯜﺷﻰ ﺑﯩﻠﻪﻥ ﺗﺎﺵ ﻳﻮﻟﻼﺭ ﺋﺎﺳﻔﺎﻟﯩﺘﯩﻠﯩﺸﯩﭗ، ﺗﯚﻣﯜﺭ ﻳﻮﻟﻼﺭ ﻧﺎﮬﯩﻴﻪ ﺑﻮﺳﯘﻏﯩﺴﯩﻐﯩﭽﻪ ﺋﯘﻻﺷﺘﻰ ، ﺑﯘ ﻧﺎﮬﯩﻴﻪ ﺑﺎﺯﯨﺮﻯ ﯞﻩ ﺋﯘﻧﯩﯔ ﻳﯧﺰﺍ ﺑﺎﺯﺍﺭﻟﯩﺮﯨﺪﺍ ﺑﯚﻟﻪﻛﭽﻪ ﺟﺎﻧﻠﯩﻨﯩﺶ ﺑﺎﺭﻟﯩﻘﻘﺎ ﻛﻪﻟﺪﻯ. ﺟﻪﻣﺌﯩﻴﻪﺗﻨﯩﯔ ﮬﻪﺭ ﺳﺎﮬﻪﻟﯩﺮﯨﺪﻩ ﺟﯘﺵ ﺋﯘﺭﯗﭖ ﺋﺎﻟﺪﯨﻐﺎ ﺳﯩﻠﺠﯩﺶ ﯞﻩﺯﯨﻴﯩﺘﻰ ﻛﯚﺭﯛﻟﺪﻯ . ﺋﻪﻣﻤﺎ ، ﺷﯘﻧﯩﯖﻐﺎ ﺋﻪﮔﯩﺸﯩﭗ ﺑﯩﺮ ﻗﯩﺴﯩﻢ ﻏﻪﻳﺮﯨﻲ ﻣﻪﺩﻩﻧﯩﻴﻪﺕ ﭼﯩﻘﯩﺮﯨﻨﺪﯨﻠﯩﺮﯨﻤﯘ ﺑﯘ ﺟﺎﻳﺪﯨﻦ ﺑﯩﺮﯨﻨﯩﯔ ﻛﻪﻳﻨﺪﯨﻦ ﺑﯩﺮﻯ ﺋﻮﺭﯗﻥ ﺋﯧﻠﯩﺸﻘﺎ ﺑﺎﺷﻠﯩﺪﻯ. ﺋﺎﺭﻗﺎ ﺋﺎﺭﻗﯩﺪﯨﻦ ﻗﯘﺭﯗﻟﻐﺎﻥ ﻗﺎﯞﺍﻗﺨﺎﻧﺎ، ﺩﯦﺴﻜﻮﺧﺎﻧﯩﻼﺭ، ﻣﯘﻧﭽﯩﺨﺎﻧﺎ، ﭘﻪﺭﺩﺍﺯﺧﺎﻧﯩﻼﺭ ﺑﯘ ﻧﺎﮬﯩﻴﯩﺪﯨﻜﻰ ﻳﺎﺷﻼﺭﻧﯩﯔ ﭘﺎﻛﯩﺰﮔﯩﻨﻪ ﺭﻭﮬﯩﻴﯩﺘﯩﻨﻰ ﻏﯩﺪﯨﻘﻼﭖ، ﺋﯘﻻﺭﻧﻰ ﺷﯘ ﺟﺎﻳﺪﺍ ﺋﯘﻻﺭ ﺑﯘﺭﯗﻥ ﮬﯧﺲ ﻗﯩﻠﯩﭗ ﺑﺎﻗﻤﯩﻐﺎﻥ ﺑﯩﺮﺧﯩﻞ ﺋﻪﺳﻪﺑﯩﻴﻠﯩﻚ ( ﺗﻮﻏﺮﯨﺴﻰ ﮬﺎﻳﯟﺍﻧﯩﻴﻠﯩﻖ ) ، ﺑﺎﺷﻘﯩﻼﺭ ﺩﻩﯞﺍﻟﻐﺎﻥ ﺋ.ﺍﺗﺎﻟﯩﻤﯩﺶ ﺋﯩﻨﺴﺎﻥ ﺗﻪﺑﯩﺌﻴﯩﺘﯩﻨﯩﯔ ﺋﻪﺭﻛﯩﻦ ﭘﻪﺭﯞﺍﺯﯨﻨﻰ ﺗﯧﺘﯩﭗ ﺑﯧﻘﯩﺸﻘﺎ ﻗﯩﺰﯨﻘﺘﯘﺭﺩﻯ .. ﺋﺎﺳﺘﺎ ﺋﺎﺳﺘﺎ ﺑﯘ ﺟﺎﻳﻼﺭ ﻳﺎﺷﻼﺭﻧﯩﯔ ﻣﯘﮬﯩﻢ ﻣﻪﻧﺰﯨﻠﮕﺎﮬﯩﻐﺎ ﺋﺎﻳﻼﻧﺪﻯ. ﻳﺎﺷﻼﺭ ﺑﯘ ﺟﺎﻳﺪﺍ ﺋﯚﺯﯨﻨﯩﯔ ﺋﯩﻨﺴﺎﻧﯩﻴﻠﯩﻘﯩﻨﻰ ، ﺋﻪﺭﻛﻪﻛﻠﯩﻜﯩﻨﻰ، ﻗﯩﺰﻟﯩﻘﯩﻨﻰ ﻧﺎﺑﯘﺕ ﻗﯩﻠﯩﺸﺘﻰ، ﺋﯘﻻﺭ ﯞﻩ ﺋﯘﻻﺭﻧﯩﯔ ﺋﺎﺗﺎ – ﺋﺎﻧﯩﺴﻰ ﺋﻮﺗﺘﯘﺭﯨﺴﯩﺪﺍ ﻛﻪﺳﻜﯩﻦ ﺋﻪﺧﻼﻕ ﻛﯩﺮﺯﯨﺴﻰ ، ﺋﯩﺨﺘﯩﻼﭘﻰ ﺗﯘﻏﯘﻟﺪﻯ. ﮬﺎﻟﺒﯘﻛﻰ ﺋﻪﺷﯘ ﺑﯩﺮ ﺋﯘﭼﯘﻡ ﻳﺎﺷﻼﺭ ﺋﯘﺗﯘﭖ ﭼﯩﻘﺘﻰ ، ﺋﺎﺗﺎ – ﺋﺎﻧﯩﻼﺭ ﻗﺎﯕﻘﯩﺮ ﻗﺎﻗﺸﯩﻐﯩﻨﯩﭽﻪ ﺑﺎﻟﯩﻠﯩﺮﯨﻨﯩﯔ ﺋﺎﻣﺎﻥ – ﺋﯧﺴﻪﻧﻠﯩﻜﯩﻨﻰ ﺗﯩﻠﻪﭖ ﺋﯚﻳﻠﯩﺮﯨﺪﻩ ﻗﯧﻠﯩﺸﺘﻰ. ﯞﺍﻗﯩﺘﻨﯩﯔ ﺋﯚﺗﯜﺷﻰ ﺑﯩﻠﻪﻥ ﺑﯩﺮ ﻗﯩﺴﯩﻢ ﻳﺎﺷﻼﺭ ﺯﻩﮬﻪﺭﮔﻪ ﺋﯚﮔﻪﻧﺪﻯ، ﺑﯩﺮ ﺋﯩﺸﭙﯩﺮﯨﺴﻨﻰ ﺋﻮﺭﺗﺎﻕ ﺋﯩﺸﻠﯩﺘﯩﺶ ﺗﯜﭘﻪﻳﻠﻰ ﺋﻪﻳﺪﯨﺰﺩﯨﻦ ﻳﯘﻗﯘﻣﻼﻧﺪﻯ، ﻗﯩﺰﻻﺭ ﺋﯚﺯﯨﻨﯩﯔ ﺋﯩﭙﭙﻪﺕ – ﻧﻮﻣﯘﺳﻰ ﺑﯩﻠﻪﻥ ﻣﻪﺯﮔﯩﻠﺴﯩﺰ ﺧﻮﺷﻠﯘﺷﯘﭖ ﻏﯘﺭﯗﺭ ﯞﻩ ﭘﺎﻛﯩﻠﯩﻖ ﺑﻪﺩﯨﻠﯩﮕﻪ ﺋﻪﻳﺪﯨﺰ ﺑﯩﻠﻪﻥ ﻳﯘﻗﯘﻣﻼﻧﺪﻯ… ﮬﺎﻟﺒﯘﻛﻰ ﺑﯘ ﺋﯩﺸﻼﺭ ﺯﻩﻧﺠﯩﺮﺳﯩﻤﺎﻥ ﺗﻪﺳﯩﺮﻟﯩﺸﯩﭗ ﺑﯘ ﻧﺎﮬﯩﻴﯩﻨﻰ ﻗﺎﺑﺎﮬﻪﺕ ﻗﺎﭘﻠﯩﺪﻯ. ﺋﻪﯓ ﻗﻮﺭﻗﯘﻧﭽﻠﯩﻘﻰ ﺷﯘ ﺑﻮﻟﺪﯨﻜﻰ، ﻣﻪﺯﻛﯘﺭ ﻧﺎﮬﯩﻴﯩﻨﯩﯔ ﻛﯩﺸﯩﻠﯩﺮﻯ ﻳﯘﻗﺎﺭﯨﻘﻰ ﺋﯩﺸﻼﺭﻧﻰ ﮬﻪﺭﺩﻩﻣﺪﻩ ﺗﯩﻠﻠﯩﺮﯨﺪﺍ ﺯﯨﻜﯩﺮﻯ ﻗﯩﻠﯩﺸﯩﺪﯗ – ﻳﯘ ، ﺋﻪﻣﻤﺎ ﺑﯩﺮ ﺋﯩﻨﺴﺎﻥ ﮬﺎﻱ ﻣﻪﻥ ﺩﯨﻘﻘﻪﺕ ﻗﯩﻼﻱ ﻣﯧﻨﯩﯖﻤﯘ ﺑﯧﺸﯩﻤﻐﺎ ﻛﯧﻠﯩﭗ ﻗﺎﻟﻤﯩﺴﯘﻥ ، ﺩﯦﻴﯩﺸﻤﯩﺪﻯ. ﺋﯩﺸﻼﺭ ﺋﻪﯞﻩﻟﻘﯩﺪﻩﻙ ﺋﯚﺯ ﺭﻩﯞﯨﺸﻰ ﺑﻮﻳﯩﭽﻪ ﺩﺍﯞﺍﻡ ﺋﯧﺘﯩﯟﻩﺭﺩﻯ ، ﺋﺎﮬ ﺧﯘﺩﺍﻳﺎ ﭘﺎﻛﺎ ﭘﻪﺭﯞﻩﺭﺩﯨﮕﺎﺭﺍ ﺋﯚﺯﯛﯓ ﻣﯘﺷﯘ ﺋﯩﺸﻼﺭﻧﯩﯔ ﮬﻪﻣﻤﯩﺴﯩﻨﻰ ﻛﯚﺭﯛﭖ ﺗﯘﺭﯨﯟﺍﺗﯩﺴﻪﻥ، ﺋﻪﺟﯩﺒﺎ ﺑﯘ ﺧﻪﻟﻖ ﺋﯚﺯﯨﻠﯩﺮﻯ ﺑﯩﻠﯩﺸﯩﭗ ﺗﯘﺭﯗﭖ، ﺋﯚﺯﯨﻨﻰ ﮬﺎﻻﻛﻪﺕ ، ﺯﯗﻟﯩﻤﻪﺕ ﻗﻮﻳﻨﯩﻐﺎ ﺋﯧﺘﯩﺸﯩﭗ ﻧﺎﺑﯘﺕ ﺑﻮﻻﺭﻣﯘ ؟! …..

ﺑﯩﺮﯨﻨﭽﻰ ﮬﯩﻜﺎﻳﻪﺕ :

ﺧﻪﻳﺮﯨﮕﯜﻝ ﺋﻪﺳﻠﻰ ﺧﯧﻠﻰ ﺋﯘﻗﯘﻣﯘﺷﻠﯘﻕ ﺋﺎﺋﯩﻠﯩﻨﯩﯔ ﭘﻪﺯﯨﻠﻪﺗﻠﯩﻚ ﻗﯩﺰﯨﻠﯩﺮﯨﺪﯨﻦ ﮬﯧﺴﺎﺑﻠﯩﻨﺎﺗﺘﻰ. ﺗﻮﻟﯘﻕ ﺋﻮﺗﺘﯘﺭﯨﻐﺎ ﭼﯩﻘﻘﺎﻧﺪﯨﻦ ﻛﯧﻴﯩﻦ ﺩﻭﺳﺘﻠﯩﺮﯨﻨﯩﯔ ﻗﯩﺰﯨﺘﯩﺸﻰ ﯞﻩ ﺋﯚﺯﯨﻨﯩﯔ ﻛﯚﯕﯜﻝ ﺭﺍﻳﻰ ﺑﻮﻳﯩﭽﻪ ﺋﺎﻟﻠﯩﻘﺎﭼﺎﻥ ﻣﻪﻛﺘﻪﭖ ﭘﯜﺗﺘﯜﺭﯛﭖ ﺟﻪﻣﺌﯩﻴﻪﺗﻜﻪ ﭼﯩﻘﯩﭗ ﺑﻮﻟﻐﺎﻥ ﺷﯩﺮﺋﻪﻟﻰ ﺑﯩﻠﻪﻥ ﻣﯘﮬﻪﺑﺒﻪﺗﻠﻪﺷﺘﻰ. ﻗﯩﺰ ﺗﻮﻟﯩﻤﯘ ﭼﯩﺮﺍﻳﻠﯩﻖ ﯞﻩ ﻧﺎﺯﺍﻛﻪﺗﻠﯩﻚ ﺋﯩﺪﻯ. ﻗﻪﻟﺒﯩﻤﯘ ﺷﯘﻧﭽﯩﻠﯩﻚ ﺳﺎﺩﺩﺍ ، ﺋﯩﺸﻼﺭﻧﯩﯔ ﭘﻪﻗﻪﺗﻼ ﻳﺎﺧﺸﻰ ﺗﻪﺭﯨﭙﯩﻨﻰ ﺋﻮﻳﻼﻳﺪﯨﻐﺎﻥ ﻏﯘﺑﺎﺭﺳﯩﺰ ﺑﯩﺮ ﻗﯩﺰ ﺋﯩﺪﻯ. ﻛﯜﻧﻠﻪﺭ ﺷﯘﻧﺪﺍﻕ ﺭﻭﻣﺎﻧﺘﯧﻚ ﺳﯚﻳﮕﯜ ﮬﯧﺴﻠﯩﺮﻯ ﺋﯧﻠﯩﻜﯩﺪﻩ ﺋﯚﺗﯜﭖ ﺗﻮﻟﯘﻕ ﺋﻮﺗﺘﯘﺭﯨﻨﯩﯔ ﺋﺎﺧﯩﺮﯨﻘﻰ ﻳﯩﻠﻠﯩﺮﯨﻐﺎ ﻛﻪﻟﺪﻯ. ﺷﯘﻧﺪﺍﻕ ﻛﯜﻧﻠﻪﺭﻧﯩﯔ ﺑﯩﺮﯨﺪﻩ ﮬﯧﻠﯩﻘﻰ ﻳﯩﮕﯩﺘﻨﯩﯔ ﺑﺎﺷﻘﺎ ﻳﯘﺭﺗﺘﯩﻦ ﺑﯩﺮﻗﺎﻧﭽﻪ ﺩﻭﺳﺘﻠﯩﺮﻯ ﭼﯩﻘﯩﭗ ﻗﺎﻟﺪﻯ. ﺷﯘﻧﯩﯔ ﺑﯩﻠﻪﻥ ﺑﯩﺮ ﻣﻪﻳﯩﺪﺍﻥ ﺳﻮﺭﯗﻥ ﮬﺎﺯﯨﺮﯨﻠﯩﻨﯩﭗ ، ﺧﻪﻳﺮﯨﮕﯜﻝ ﯞﻩ ﺋﯘﻧﯩﯔ ﺩﻭﺳﺘﻠﯩﺮﯨﻤﯘ ﺑﯘ ﺳﻮﺭﯗﻧﻐﺎ ﮬﺎﺯﯨﺮ ﺑﻮﻟﯘﺷﺘﻰ… … ﺷﯘﻧﺪﺍﻕ ﻗﯩﻠﯩﭗ، ﺧﻪﻳﺮﯨﮕﯜﻝ ﺋﻪﺗﯩﺴﯩﺪﯨﻦ ﺑﺎﺷﻼﭖ ﺗﯜﮔﻪﺗﻜﯜﺳﯩﺰ ﺩﻩﺭﺕ – ﮬﻪﺳﯩﺮﻩﺗﻜﻪ ﻗﺎﻟﺪﻯ. ﺋﯘ ﺋﯚﺯﯨﻨﯩﯔ ﺑﯩﺒﺎﮬﺎ ﺋﻪﻧﮕﯜﺷﺘﯩﺮﯨﻨﻰ ﻳﻮﻗﺎﺗﻘﺎﻥ ، ﺷﯘ ﺳﻪﯞﻩﺑﻠﯩﻚ ﺋﯚﺯﯨﻨﯩﯖﻤﯘ ﻧﯘﺭﻯ ﺋﯚﭼﻜﻪﻥ ﺋﯩﺪﻯ. ﺷﯘﻧﺪﯨﻦ ﺑﺎﺷﻼﭖ ﺷﯩﺮﺋﻪﻟﯩﻨﯩﯔ ﺋﯘﻧﯩﯖﻐﺎ ﺑﻮﻟﻐﺎﻥ ﻣﯘﺋﺎﻣﯩﻠﯩﺴﻰ ﺋﯚﺯﮔﻪﺭﺩﻯ، ﺋﯘﻧﻰ ﺋﯩﺰﻟﯩﻤﻪﻳﺪﯨﻐﺎﻥ، ﻛﯚﺭﯛﺷﺴﯩﻤﯘ ﺳﻮﻏﯘﺕ ﺗﯧﮕﯩﺪﯨﻐﺎﻥ ﺑﻮﻟﯘﭖ ﻗﺎﻟﺪﻯ. ﺑﯘ ﺧﻪﻳﺮﯨﮕﯜﻝ ﺋﯜﭼﯜﻥ ﺗﻮﻟﯩﻤﯘ ﺋﻪﻟﻪﻡ ﺑﻮﻟﺪﻯ… ﺑﯩﺮ ﻛﯜﻧﻰ ﺧﻪﻳﺮﯨﮕﯜﻝ ﺷﯩﺮﺋﻪﻟﯩﻨﻰ ﺋﯚﺯﯨﻨﯩﯔ ﻳﻪﻧﻪ ﺑﯩﺮ ﻧﺎﻳﻨﺎﻕ ﺳﺎﯞﺍﻗﺪﯨﺸﻰ ﺑﯩﻠﻪﻥ ﻗﻮﻟﺘﯘﻗﻠﯩﺸﯩﭗ ﻳﯜﺭﮔﻪﻥ ﮬﺎﻟﻪﺗﺘﻪ ﻛﯚﺭﺩﻯ… ﺋﺎﺳﻤﺎﻥ ﺋﯧﮕﯩﺰ ﻳﻪﺭ ﻗﺎﺗﺘﯩﻖ ﺗﯘﻳﯘﻟﯘﭖ ، ﺑﯘ ﺟﺎﮬﺎﻥ ﺗﺎﺭ ﺗﯘﻳﯘﻟﺪﻯ. ﺋﺎﺗﺎ – ﺋﺎﻧﯩﺴﯩﻨﯩﯔ ﺋﯚﺯﯨﮕﻪ ﺳﯩﯖﺪﯛﺭﮔﻪﻥ ﺋﻪﺟﺮﻯ، ﻛﯜﺗﻜﻪﻥ ﺋﯜﻣﯩﺪﻯ …. ﺋﺎﮬ ﺭﻩﮬﯩﻤﺴﯩﺰ ﺭﯦﺌﺎﻟﻠﯩﻖ ، ﺑﯩﺮﻟﯩﮕﯩﻨﯩﭽﻪ ﺑﯧﺴﯩﻠﻐﺎﻥ ﺧﺎﺗﺎ ﻗﻪﺩﻩﻡ ﺋﯜﭼﯜﻥ ﺗﯚﻟﻪﻳﺪﯨﻐﺎﻥ ﺑﻪﺩﻩﻝ ﯞﻩ ﺋﺎﺯﺍﭖ ﻧﯧﻤﻪ ﺩﯦﮕﻪﻥ ﺋﯧﻐﯩﺮ ﮬﻪ !؟ … ﺷﯘﻧﺪﺍﻕ ﻗﯩﻠﯩﭗ، ﺋﯘ ﻗﯩﺰ ﺋﺎﻟﯩﻲ ﻣﻪﻛﺘﻪﭘﻜﯩﻤﯘ ﺋﯚﺭﻟﻪﭖ ﺋﻮﻗﯩﻴﺎﻟﯩﻤﯩﺪﻯ ، ﺋﯚﺯﯨﻤﯘ ﺑﯩﻠﯩﭗ – ﺑﯩﻠﻤﻪﻱ ﭼﯜﺷﻜﯜﻧﻠﯩﻚ ﻗﺎﻳﻨﯩﻐﺎ ﭘﯧﺘﯩﭗ ﻗﺎﻟﺪﻯ… ﺋﯘ ﮬﺎﺯﯨﺮ ﺗﺎﻣﺎﻣﻪﻥ ﺋﯚﺯﻟﯩﻜﯩﻨﻰ ﻳﻮﻗﺎﺗﻘﺎﻥ ﺋﯩﺪﻯ. ﺑﻪﺯﯨﺒﯩﺮ ﺑﯘﺯﯗﻕ ﻗﯩﺰﻻﺭ ﺑﯩﻠﻪﻥ ﺩﻭﺳﺖ ﺗﺎﺭﺗﯩﺸﯩﭗ، ﺩﯦﺴﻜﻮﺧﺎﻧﯩﻤﯘ ﺩﯦﺴﻜﻮﺧﺎﻧﺎ، ﻗﺎﯞﺍﻗﻤﯘ – ﻗﺎﯞﺍﻕ ﭼﺎﭘﯩﺪﯨﻐﺎﻥ ﺑﻮﻟﯘﭖ ﻗﺎﻟﺪﻯ …. ﺋﯘ ﮬﻪﺭﻗﺎﻧﺪﺍﻕ ﺑﯩﺮ ﺳﻮﺭﯗﻧﻐﺎ ﺑﺎﺭﺳﺎ ﺋﯚﺯﯨﻨﯩﯔ ﻗﺎﻣﻼﺷﻘﺎﻥ ﭼﯩﺮﺍﻳﻰ ﺑﯩﻠﻪﻥ ﮬﻪﺭﻗﺎﻧﺪﺍﻕ ﺋﻪﺭﻛﻪﻛﻨﯩﯔ ﻛﯚﯕﻠﯩﻨﻰ ﺋﻮﯞﻟﯩﯟﺍﻻﺗﺘﻰ . ﺋﯘ ﺋﻮﻳﻨﺎﭖ ﻳﯜﺭﯛﭖ ﻣﻪﻟﯘﻡ ﺩﯦﺴﻜﻮﺧﺎﻧﯩﻨﯩﯔ ﻳﺎﺵ ﺧﻮﺟﺎﻳﯩﻨﻰ ﻧﺎﻣﻪﺕ ﺑﯩﻠﻪﻥ ﺗﻮﻧﯘﺷﯘﭖ ﻗﺎﻟﺪﻯ. ﻧﺎﻣﻪﺕ ﺋﻪﺳﻠﻰ ﺑﯘﻧﺪﯨﻦ ﺑﯩﺮﻗﺎﻧﭽﻪ ﻳﯩﻠﻼﺭ ﺑﯘﺭﯗﻥ ﺟﺎﮬﺎﻥ ﻛﯚﺭﯛﭖ ﻛﯧﻠﯩﺶ ﺋﯜﭼﯜﻥ ﮔﯘﺍﯕﺠﯘ ﺗﻪﺭﻩﭘﻠﻪﺭﮔﻪ ﭼﯩﻘﯩﭗ ، ﺷﯘ ﺟﺎﻳﺪﺍ ﺑﯩﺮﻗﺎﻧﭽﻪ ﻳﯩﻞ ﺗﯘﺭﯗﭖ ﻗﺎﻟﻐﺎﻥ ﺑﻮﻟﯘﭖ، ﺧﯧﻠﻰ ﺗﻮﻧﯘﻟﻐﺎﻥ ﻻﯞﺩﺍ ﺑﻮﻟﯘﭖ ﻗﺎﻟﻐﺎﻥ ﺋﯩﺪﻯ . ﻧﯧﻤﯩﺸﻘﯩﺪﯗﺭ ﺋﯘ ﺋﯩﭽﻜﯩﺮﺩﯨﻦ ﻗﺎﻳﺘﯩﭗ ﻛﯧﻠﯩﭗ، ﻧﺎﮬﯩﻴﻪ ﻣﻪﺭﻛﯩﺰﯨﻨﯩﯔ ﺋﻪﯓ ﺋﯧﺴﯩﻞ ﺟﺎﻳﺪﯨﻦ ﺑﯩﺮ ﻳﻪﺭﻧﻰ ﺗﺎﻟﻼﭖ ﺩﯦﺴﻜﻮﺧﺎﻧﺎ ﺋﯧﭽﯩﭗ، ﺋﯚﺯﻯ ﻣﻪﺳﺌﯘﻝ ﺑﻮﻟﯘﭖ ﺑﺎﺷﻘﯘﺭﯨﯟﺍﺗﺎﺗﺘﻰ. ﺷﯘﻧﺪﺍﻕ ﻛﯜﻧﻠﻪﺭﺩﻩ ﺧﻪﻳﺮﯨﮕﯜﻝ ﺑﯘ ﺩﯦﺴﻜﻮﺧﺎﻧﯩﻐﺎ ﭘﺎﺕ – ﭘﺎﺕ ﻛﯩﺮﯨﺪﯨﻐﺎﻥ ﺑﻮﻟﯘﭖ ﻗﺎﻟﻐﺎﻥ ﺋﯩﺪﻯ. ﺷﯘﻧﺪﺍ ﻕ ﻗﯩﻠﯩﭗ ﺑﯘﻻﺭﻧﯩﯔ ﻏﻪﻳﺮﯨﻲ ﺭﻩﺳﻤﯩﻲ ﻣﯘﻧﺎﺳﯩﯟﯨﺘﻰ ﺑﺎﺷﻼﻧﺪﻯ … ﻳﺎﻣﺎﻥ ﻳﯧﺮﻯ ﻧﺎﻣﻪﺕ ﺋﯩﭽﻜﯩﺮﺩﯨﻜﻰ ﭼﯧﻐﯩﺪﯨﻼ ﺋﺎﻗﻘﺎ ﺋﯜﮔﻪﻧﮕﻪﻥ ﺑﻮﻟﯘﭖ، ﻧﺎﮬﯩﻴﻪ ﺗﻪﯞﻩﺳﺪﯨﯩﻤﯘ ﺑﯩﺮﻗﺎﻧﭽﻪ ﺋﯜﻟﭙﻪﺗﻠﯩﺮﻯ ﺑﺎﺭ ﺋﯩﺪﻯ. ﺋﯘﻻﺭ ﺩﺍﯞﺍﻣﻠﯩﻖ ﺩﯦﺴﻜﻮﺧﺎﻧﯩﻐﺎ ﻳﯩﻐﯩﭗ، ﺋﺎﻳﺮﯨﻤﺨﺎﻧﯩﺴﯩﺪﺍ ﺋﺎﻗﺘﯩﻦ ﭘﻪﻳﺰﻯ ﻗﯩﻠﻐﺎﭺ ﻧﺎﮬﯩﻴﯩﺪﯨﻜﻰ ﺋﯧﺴﯩﻞ ﻗﯩﺰﻻﺭﻧﯩﯔ ﭘﻪﻳﺰﯨﻨﻰ ﺳﯜﺭﻩﺗﺘﻰ. ﺋﻪﻣﻤﺎ ﺑﯘﻻﺭﻧﯩﯔ ﺧﯘﺷﺎﻟﻠﯩﻖ ﻛﯜﻧﻠﯩﺮﻯ ﺋﯘﺯﯗﻧﻐﺎ ﺑﺎﺭﻣﯩﺪﻯ … ﺧﻪﻳﺮﯨﮕﯜﻟﻤﯘ ﺯﻩﮬﻪﺭﮔﻪ ﺋﯜﮔﯩﻨﯩﭗ، ﺋﻮﺑﺪﺍﻧﻼ ﺧﯘﻣﺎﺭ ﺑﻮﻟﯘﭖ ﻗﺎﻟﺪﻯ… ﺑﯩﺮ ﻗﯧﺘﯩﻤﻠﯩﻖ ﺗﺎﺳﺎﺩﺩﯨﺒﻲ ﺩﻭﺧﺘﯘﺭﻏﺎ ﺑﯧﺮﯨﭗ ﺗﻪﻛﺸﯜﺭﺗﻜﻪﻧﺪﻩ، ﺋﯘﻧﯩﯔ ﺋﺎﻟﻠﯩﻘﺎﭼﺎﻥ ﺋﻪﻳﺪﯨﺰﺩﯨﻦ ﻳﯘﻗﯘﻣﻼﻧﻐﺎﻧﻠﯩﻘﻰ ﻣﻪﻟﯘﻡ ﺑﻮﻟﺪﻯ ….

ﺋﯩﻜﻜﯩﻨﭽﻰ ﮬﯧﻜﺎﻳﻪﺕ :

ﺑﯘ ﻧﺎﮬﯩﻴﻪ ﺑﺎﺯﯨﺮﯨﺪﺍ ﺋﻪﺳﻠﻰ ﺋﺎﻣﻤﯩﯟﯨﻲ ﻣﯘﻧﭽﯩﺨﺎﻧﺎ ﺑﺎﺭﻣﯘ ﻳﻮﻕ ﺑﯘﻧﯩﺴﻰ ﻣﺎﯕﺎ ﻧﺎﻣﻪﻟﯘﻡ، ﺗﻮﻏﺮﯨﺴﻰ ﺑﯘﺭﯗﻥ ﺩﯨﻘﻘﻪﺕ ﻗﯩﻠﻤﺎﭘﺘﯩﻜﻪﻧﻤﻪﻥ. ﺋﻪﻣﻤﺎ ﺑﯘ ﺑﯩﺮﻗﺎﻧﭽﻪ ﻳﯩﻠﺪﯨﻦ ﺑﯘﻳﺎﻥ ﺩﻭﻗﻤﯘﺵ- ﺩﻭﻗﻤﯘﺷﺘﺎ ﺑﯩﺮﺩﯨﻦ ﻣﯘﻧﭽﯩﺨﺎﻧﺎ ﻗﯘﺭﯗﻟﯘﭖ، ﻧﺎﮬﯩﻴﯩﻤﯩﺰﺩﯨﻜﻰ ﻛﯩﺸﯩﻠﻪﺭﻧﯩﯔ ﭘﺎﻛﯩﺰﻟﯩﻨﯩﺸﻰ ﺋﯜﭼﯜﻥ ﺋﺎﺟﺎﻳﯩﭗ ﻳﺎﺧﺸﻰ ﺷﺎﺭﺍﺋﯩﺖ ﮬﺎﺯﯨﺮﯨﻼﻧﺪﻯ. ﺳﻪﮬﺮﺍﻳﻰ ﻗﯩﻴﺎﻣﻪﺕ ﺩﯦﮕﻪﻧﺪﻩ ﮬﻪﺭ ﺋﯚﻳﺪﻩ ﻣﯘﻧﭽﺎ ﺑﻮﻟﯘﺷﻰ ﻣﯘﻣﻜﯩﻨﻤﯘ، ﭼﻪﻳﻨﻪﻛﻜﻪ ﻟﯩﻖ ﺑﯩﺮ ﺳﯘ ﺋﯧﻠﯩﭗ، ﺋﺎﻳﺮﯨﻢ ﺋﯚﻳﺪﻩ ﺋﻮﺑﺪﺍﻥ ﻧﯩﻴﻪﺕ ﻗﯩﻠﯩﭗ، ﺋﯜﺳﺘﯩﻤﯩﺰﺩﯨﻦ ﺋﯜﭺ ﻗﯧﺘﯩﻢ ﺳﯘ ﻗﯘﻳﯘﭖ ﭘﺎﻛﻠﯩﻨﯩﺪﯨﻐﺎﻥ ﮔﻪﭘﻘﯘ … ﺷﯘﻧﺪﺍﻕ ﻗﯩﻠﯩﭗ ، ﻧﯩﻤﯩﺸﻘﯘﺩﯗﺭ ﻧﺎﮬﯩﻴﯩﻤﯩﺰﺩﯨﻜﻰ ﻗﯧﺮﻯ – ﻳﺎﺵ ﺋﻪﺭﻛﻪﻛﻠﻪﺭ ﺑﯘ ﻣﯘﻧﭽﯩﻼﺭﻏﺎ ﺋﻮﺑﺪﺍﻧﻼ ﺋﯚﮔﻪﻧﺪﻯ. ﺑﯘ ﻣﯘﻧﭽﯩﺨﺎﻧﯩﻼﺭﻧﯩﯔ ﺋﻪﺭ – ﺋﺎﻳﺎﻝ ﻳﯘﻳﯘﻧﯘﺵ ﺋﯚﻳﻠﯩﺮﻯ ﺋﺎﻳﺮﯨﻢ ﺑﻮﻟﯘﭖ، ﺋﻮﺗﺘﯘﺭﯨﺴﯩﺪﺍ ﺋﺎﻻﮬﯩﺪﻩ ﻣﯧﮭﻤﺎﻥ ﻳﯘﻳﯘﻧﯘﺵ ﺋﯚﻳﻠﯩﺮﯨﻤﯘ ﺑﺎﺭ ﺋﯩﺪﻯ. ﻣﯘﻧﭽﯩﻐﺎ ﻛﯩﺮﯨﺸﯩﯖﯩﺰﮔﻪ ﺋﯩﭽﻜﯩﺮﺳﯩﺪﯨﻜﻰ ﺋﯜﺳﺘﻪﻟﺪﻩ ﺑﯩﺮ ﻗﺎﻧﭽﯩﻠﯩﻐﺎﻥ ﻗﯩﺰﻻﺭ ﺳﯩﺰﮔﻪ ﺑﯚﻟﻪﻛﭽﻪ ﻗﺎﺭﺍﭖ ﺋﻮﻟﺘﯘﺭﯨﺸﺎﺗﺘﻰ ، ﮔﺎﮬﯩﺪﺍ ﺗﻪﭖ ﺗﺎﺭﺗﻤﺎﺳﺘﯩﻦ ﺋﺎﻛﺎ ﻳﯘﻳﯘﭖ ﻗﯘﻳﺎﻳﻤﯘ ؟ ﻗﯩﻤﻤﻪﺕ ﺋﻪﻣﻪﺱ ﺋﻪﺭﺯﺍﻥ ﺩﯦﮕﻪﻧﺪﻩﻙ ﻏﻪﻟﯩﺘﻪ ﮔﻪﭘﻠﻪﺭﻧﻰ ﻗﯩﻠﯩﭗ ﺑﯧﺸﯩﯖﯩﺰﻧﻰ ﺋﺎﻳﻼﻧﺪﯗﺭﯨﺪﯗ. …
ﺋﻪﻣﻪﺕ ﺑﯩﻠﻪﻥ ﺳﻪﻣﻪﺕ ، ﻧﺎﮬﯩﻴﻪ ﺑﺎﺯﯨﺮﯨﺪﯨﻦ ﺋﺎﻧﭽﻪ ﻳﯩﺮﺍﻕ ﺑﻮﻟﻤﯩﻐﺎﻥ ﮔﯘﯕﺸﯩﺪﺍ ﺑﻮﻟﯘﭖ، ﮬﻪﺭ ﺋﯩﻜﻜﯩﻠﯩﺴﻰ ﺋﯩﺸﯩﻚ ﺋﺎﻟﺪﯨﺪﯨﻜﻰ ﻧﻪﭼﭽﻪ ﺋﻮﻥ ﻣﻮ ﻛﻪﻟﮕﯜﺩﻩﻙ ﻳﯧﺮﯨﮕﻪ ﺗﺎﻳﯩﻨﯩﭗ ، ﺋﻪﺗﯩﻴﺎﺯﺩﺍ ﺑﺎﺭﯨﻨﻰ ﻳﻪﺭﮔﻪ ﻛﯚﻣﯜﭖ، ﻛﯜﺯﺩﻩ ﭼﯩﻘﯩﻘﯩﻨﯩﻐﺎ ﺷﯜﻛﯜﺭﻯ ﻗﯩﻠﯩﭗ ﮬﺎﻻﻝ ﻳﺎﺷﺎﯞﺍﺗﻘﺎﻥ ﻳﺎﺵ ﺩﯦﮭﻘﺎﻥ ﻳﯩﮕﯩﺘﻠﻪﺭ ﺋﯩﺪﻯ. ﻳﯧﺰﯨﺪﯨﻜﻰ ﻳﺎﺷﻼﺭﻧﯩﯔ ﺑﯩﺮﻗﺎﻧﭽﻪ ﻗﯧﺘﯩﻤﻠﯩﻖ ﻳﯩﻐﯩﻠﯩﺸﯩﻠﯩﺮﻯ ﺋﻮﺗﺘﯘﺭﯨﺸﻠﯩﺮﯨﺪﺍ ﻧﺎﮬﯩﻴﻪ ﺑﺎﺯﯨﺮﯨﺪﯨﻜﻰ ﻗﺎﻳﺴﯩﺪﯗﺭ ﺑﯩﺮ ﻣﯘﻧﯩﭽﯩﺨﺎﻧﯩﻐﺎ ﻗﻮﺷﻨﺎ ﻧﺎﮬﯩﻴﺪﯨﻦ ﺑﯩﺮﻗﺎﻧﭽﻪ ﭘﻪﺭﯨﺰﺍﺗﺘﻪﻙ ﺳﻪﺗﻪﯕﻪﻟﻪﺭﻧﯩﯔ ﻛﻪﻟﮕﻪﻧﻠﯩﻜﻰ ، ﺋﯘﻻﺭﻧﯩﯔ ﻳﯘﻳﯘﭖ ﻗﻮﻳﯘﺵ ﻣﯘﻻﺯﯨﻤﯩﺘﻨﯩﯔ ﺋﺎﻻﮬﯩﺪﻩ ﺋﯩﻜﻪﻧﻠﯩﻜﻰ ﺗﻮﻏﺮﯨﺴﯩﺪﯨﻜﻰ ﭘﺎﺭﺍﯕﻼﺭ ﺑﯘ ﺳﺎﺩﺩﺍ ﻳﯩﮕﯩﺘﻠﻪﺭﻧﯩﯔ ﻗﯘﻟﯩﻘﯩﻐﯩﻤﯘ ﻛﯩﺮﯨﭗ ﺋﯜﻟﮕﯜﺭﮔﻪﻥ ﺋﯩﺪﻯ. ﻧﯩﮭﺎﻳﻪﺕ ﺑﯘ ﺋﯩﻜﻜﯩﻠﯩﺴﯩﻨﯩﯔ ﮬﺎﻻﻝ ﺟﯜﭘﻠﯩﺮﻯ ﺑﻮﻟﯘﭖ، ﺑﯩﺮﺩﯨﻦ ﭘﻪﺭﺯﻩﻧﺘﻠﯩﺮﯨﻤﯘ ﺑﺎﺭ ﺋﯩﺪﻯ… ﺋﻪﺭ ﺩﯦﮕﻪﻥ ﻳﯧﻴﯩﺸﯩﮕﻪ ﭘﻮﻕ ﻳﯧﮕﻪﻧﻠﻪﺭﻏﯘ ﺋﺎﺧﯩﺮ ، ﺷﻪﻳﺘﺎﻥ ﺋﺎﺧﯩﺮﻯ ﺑﯘﻻﺭﻧﯩﯔ ﻳﯧﯖﯩﭗ ﮔﻪﺟﮕﯩﺴﯩﮕﻪ ﻣﯩﻨﺪﻯ. ﺷﯘﻧﺪﺍﻕ ﻗﯩﻠﯩﭗ ، ﺧﯘﺩﺍﻧﯩﯔ ﻗﯘﺗﻠﯘﻕ ﺟﯜﻣﻪ ﻛﯜﻧﯩﺪﻩ ﺧﻮﺗﯘﻧﻠﯩﺮﯨﺪﯨﻦ ﻧﺎﻣﺎﺯﻧﻰ ﻧﺎﮬﯩﻴﻪ ﺋﯩﭽﯩﺪﯨﻜﻰ ﭼﻮﯓ ﺟﺎﻣﻪﺩﻩ ﺋﻮﻗﯘﭖ ﭼﯩﻘﯩﻤﯩﺰ ﺩﻩﭖ ﺭﻭﺧﺴﻪﺕ ﺋﯧﻠﯩﭗ ﭼﯩﻘﯩﺸﺘﻰ. ﺷﯘ ﺗﺎﭘﺘﺎ ﺋﯘﻻﺭ ﺋﺎﻟﻼﮬﻨﯩﯔ ﮬﻮﺯﯗﺭﯨﻐﺎ ﺋﻪﻣﻪﺱ ﺑﻪﻟﻜﻰ ، ﮬﯧﻠﯩﻘﻰ ﻣﯘﻧﭽﯩﺪﯨﻜﻰ ﺳﻪﺗﻪﯕﻠﻪﺭﻧﻰ ﺧﯩﻴﺎﻝ ﻗﯩﻠﯩﭗ، ﺷﻪﻳﺘﺎﻥ ﺋﻪﻟﻪﻳﮭﻰ ﻟﻪﻳﯩﻨﻨﯩﯔ ﮬﻮﺯﯗﺭﯨﻐﺎ ﻣﯧﯖﯩﺸﻘﺎﻥ ﺋﯩﺪﻯ.
- ﺋﺎﻛﺎ ﻳﯘﻳﯘﭖ ﻗﻮﻳﺎﻳﻤﯘ ، ﺩﯦﺪﻯ ﭼﯩﺮﺍﻳﻠﯩﻘﺮﺍﻕ ﺑﯩﺮ ﻗﯩﺰ ﻧﺎﺯﯗ ﻛﻪﺭﻩﺷﻤﻪ ﺑﯩﻠﻪﻥ ﺳﻪﻣﻪﺗﻨﯩﯔ ﻛﯚﺯﯨﮕﻪ ﺋﻮﺕ ﭼﯩﻘﯩﺮﯨﯟﻩﺗﻜﯜﺩﻩﻙ ﻗﺎﺭﺍﭖ ، ﺋﯘﻧﯩﯔ ﻛﯚﺯﻟﯩﺪﯨﻦ ﺩﯗﺯﺍﻗﻨﯩﯔ ﺋﯘﭼﻘﯘﻧﻰ ﻳﯧﻠﯩﻨﺠﺎﻳﺘﺘﻰ …. ﻗﯩﻤﻤﻪﺕ ﺋﻪﻣﻪﺱ ﭘﻪﻗﻪﺕ 50 ﻛﻮﻱ … ﮬﺎﺭﺩﯗﻗﻠﯩﺮﯨﻨﻰ ﺋﻮﺑﺪﺍﻧﻼ ﭼﯩﻘﯩﺮﯨﭗ ﻗﻮﻳﯩﻤﻪﻥ، ﺋﻮﺑﺪﺍﻥ ﭘﺎﻛﯩﺰ ﻳﯘﻳﯘﭖ ﻗﻮﻳﯩﻤﻪﻥ ، ﺟﯜﻣﮕﻪ ﺑﯚﻟﻪﻛﭽﻪ ﺭﻭﮬ ﺑﯩﻠﻪﻥ ﺑﺎﺭﻣﺎﻣﻼ …. ﺋﻪﻣﻪﺕ ﺑﯩﻠﻪﻥ ﺳﻪﻣﻪﺕ ﻛﯚﺯ ﺑﯧﻘﯩﺸﯟﺍﻟﻐﺎﻧﺪﯨﻦ ﻛﯧﻴﯩﻦ ﺋﯩﻜﻜﯩﺴﻰ ﺑﯩﺮﺩﯨﻦ ﻗﯩﺰﻧﻰ ﻳﯧﺘﻠﯩﺸﯩﭗ، ﺋﯩﺸﯩﻜﻠﯩﺮﻯ ﻗﺎﺭﯨﺸﯩﭗ ﺗﯘﺭﻏﺎﻥ ﺋﯩﻜﻜﻰ ﻳﯘﻳﯘﻧﯘﺵ ﺋﯚﻳﯩﮕﻪ ﻛﯩﺮﯨﭗ ﻛﻪﺗﺘﻰ …
- ﺋﯩﺴﻤﯩﯖﯩﺰ ﻧﯧﻤﻪ ؟
- ﺋﯩﺴﻤﯩﻢ ﻣﯘﮬﯩﻢ ﺋﻪﻣﻪﺳﻘﯘ ؟
- ﺷﯘﻧﺪﺍﻗﺘﯩﻤﯘ ﺗﻮﻧﯘﺷﯘﭖ ﻗﻮﻳﺎﻳﻠﻰ، ﺑﯘﻧﺪﯨﻦ ﻛﯧﻴﯩﻦ ﻛﻪﻟﺴﻪﻡ ﺋﯘﺩﯗﻝ ﺳﯩﺰﻧﯩﻼ ﺋﯩﺰﻟﯩﻤﻪﻣﺪﯨﻢ …
- ﮬﺎﺯﯨﺮ ﺋﯘﻧﺪﺍﻕ ﺩﯦﮕﯩﻨﯩﯖﯩﺰ ﺑﯩﻠﻪﻥ ﺋﻪﺗﻪ ﺑﻪﺭﯨﺒﯩﺮ ﻣﯧﻨﻰ ﺗﻮﻧﯘﻏﯩﻠﻰ ﺋﯘﻧﻤﺎﻳﺴﯩﺰ …
- ﻳﺎﻗﻪﻱ ، ﺳﯩﺰ ﺷﯘﻧﺪﺍﻕ ﭼﯩﺮﺍﻳﻠﯩﻖ ﺗﯘﺭﺳﯩﯖﯩﺰ ، ﻗﺎﻧﺪﺍﻗﻤﯘ ؟!..
- ﺋﺎﻛﺎ ﻣﺎ ﭘﻪﻟﻪﻳﻨﻰ …
- ﺋﯘﻛﻪﻡ ، ﻧﯧﻤﻪ ﻛﯚﺭﯛﯞﺍﺗﯩﻤﯩﺰ ﺑﯩﺰﻧﻰ، 50 ﻛﻮﻳﻐﺎ ﭘﻪﻟﻪﻱ ﻛﯧﻴﯩﺪﯨﻐﺎﻥ ﻛﯚﺭﻩﭖ ﻗﺎﻟﻠﯩﻤﺎ …
- ﻳﺎﻗﻪﻱ ﺷﯘ ، ﻛﯧﺴﻪﻝ – ﭘﯩﺴﻪﻝ ﻳﯘﻗﯩﺪﯗ ﺩﻩﻳﺪﯨﻜﻪﻥ ﺑﺎﺷﻘﯩﻼﺭ …
- ﺋﺎﮬﺎﻱ ، ﺧﯘﺩﺍﻳﻤﻨﯩﯔ ﻣﯚﻣﯩﻦ ﺑﻪﻧﺪﯨﺴﻰ ﺑﯩﺰ …
… … ….
ﺷﯘﻧﺪﺍﻕ ﻗﯩﻠﯩﭗ، ﺑﯘ ﺋﺎﻏﯩﻨﯩﻠﻪﺭ ﺑﯘ ﺟﺎﻳﻐﺎ ﺋﻮﺑﺪﺍﻧﻼ ﺋﯚﮔﯩﻨﯩﭗ ﻗﺎﻟﺪﻯ. ﮬﻪﺭ ﮬﻪﭘﯩﺘﯩﺴﻰ ﺑﯘﻻﺭ ﺟﯜﻣﻪﻧﻰ ﻧﺎﮬﯩﻴﻪ ﺑﺎﺯﯨﺮﯨﺪﺍ ﺋﻮﻗﯘﻳﺪﯨﻐﺎﻥ ﺑﻮﻟﯘﭖ ﻗﯧﻠﯩﺸﺘﻰ … ﺋﻪﻣﻤﺎ ، ﺗﯘﺳﺎﺗﺘﯩﻦ ﺗﻪﮔﻜﻪﻥ ﺯﯗﻛﺎﻡ ﺳﻪﻣﻪﺗﻨﻰ ﻳﯩﻘﯩﺘﯩﭗ، ﺑﺎﻟﻨﯩﺘﺴﯩﺪﺍ ﻳﺎﺗﻘﯘﺯﯗﭖ ﻗﻮﻳﺪﻯ. ﺩﻭﺭﯨﻼﺭ ﮬﯧﭻ ﻛﺎﺭ ﻗﯩﻠﻤﺎﻳﺘﺘﻰ … ﺩﻭﺧﺘﯘﺭﻻﺭ ﺋﯘﻧﯩﯖﻐﺎ ﻏﻪﻳﺮﯨﻲ ﻧﻪﺯﻩﺭ ﺑﯩﻠﻪﻥ ﻗﺎﺭﯨﻐﺎﻧﺪﻩﻙ ﺗﯘﻳﯘﻻﺗﺘﻰ . ﺳﯧﺴﺘﺮﻻﺭﻣﯘ ﺑﺎﺷﻘﺎ ﺑﯩﻤﺎﺭﻻﺭﻏﺎ ﻗﻮﻟﻠﯩﺮﯨﻐﺎ ﭘﻪﻟﻪﻱ ﻛﯧﻴﻤﻪﻱ ﺑﯩﻤﺎﻻﻝ ﺋﯘﻛﯘﻝ ﺋﺎﺳﺴﺎ ، ﺋﯘﻧﯩﯖﻐﺎ ﺋﺎﻻﮬﯩﺪﻩ ﻗﻮﺷﻼﭖ ﭘﻪﻟﻪﻱ ﻛﯧﻴﯩﭗ، ﺋﯘﻛﯘﻝ ﺋﺎﺳﺎﺗﺘﻰ .. ﺋﺎﻳﺎﻟﻰ ﺑﯘ ﺳﯩﺮﻧﯩﯔ ﺗﯧﮕﯩﮕﻪ ﻳﯧﺘﯩﭗ ﺑﻮﻻﻟﻤﺎﻱ . ﺋﺎﺧﺮﻯ ﺩﻭﺧﺘﯘﺭﻧﯩﯔ ﻗﯧﺸﯩﻐﺎ ﻛﯩﺮﺩﻯ . ﺋﯩﺶ ﮬﯧﻠﯩﻘﯩﺪﻩﻙ ﺑﻮﻟﯘﭖ ، ﺳﻪﻣﻪﺕ ﺋﻪﻳﺪﯨﺰ ﺑﯩﻠﻪﻥ ﻳﯘﻗﯘﻣﻼﻧﻐﺎﻥ ﺋﯩﺪﻯ. ﺋﺎﻳﺎﻟﻨﯩﯔ ﺑﺎﺷﻠﯩﺮﻯ ﭘﯩﻘﯩﺮﺍﭖ ﺟﺎﻳﯩﻐﺎ ﻳﯩﻘﯩﻠﯩﭗ ﭼﯜﺷﯩﺘﻰ . ﻳﯧﺸﻰ 5 ﻛﯩﻤﯘ ﻳﻪﺗﻤﯩﮕﻪ ﺑﯩﭽﺎﺭﻩ ﺋﯘﻏﯘﻝ ﺋﺎﻳﺎﻟﻨﯩﯔ ﻳﯧﯩﻨﯩﺪﺍ ﻳﯩﻐﻼﭖ ﭘﻪﺭﻳﺎﺩ ﻗﯩﻼﺗﺘﻰ …

ﺋﯜﭼﯩﻨﭽﻰ ﮬﯧﻜﺎﻳﻪﺕ :

ﺋﺎﺳﯩﻴﻪ ﺋﯜﺭﯛﻣﭽﯩﺪﯨﻜﻰ ﺳﻪﻧﺌﻪﺕ ﺋﯩﻨﯩﺴﺘﯩﺘﯘﺗﯩﻨﯩﯔ ﺋﯘﺳﯘﻝ ﻛﻪﺳﭙﻨﻰ ﭘﯜﺗﺘﯜﺭﮔﻪﻥ ﺑﻮﻟﯘﭖ، ﻧﺎﮬﯩﻴﯩﻤﯩﺰﻧﯩﯔ ﻧﯘﻗﺘﯩﻠﯩﻖ ﺋﻮﺗﺘﯘﺭﺍ ﻣﻪﻛﺘﯩﭙﯩﺪﻩ ﻣﯘﺯﯨﻜﺎ ﺋﻮﻗﯘﺗﻘﯘﭼﯩﺴﻰ ﺑﻮﻟﻐﺎﻥ ﺋﯩﺪﻯ. ﺋﯘﻧﯩﯔ ﺋﯘﺳﯘﻟﭽﯩﻼﺭﻏﺎ ﺧﺎﺱ ﺳﻪﺭﯞﻯ ﻗﺎﻣﯩﺘﻰ ﻣﻪﻛﺘﻪﭘﺘﯩﻜﻰ ﺧﯧﻠﻰ ﺧﯧﻠﻰ ﺋﻪﺭﻛﻪﻛﻠﻪﺭﻧﯩﯔ ﻳﯜﺭﻩﻙ ﺑﯧﻐﯩﺸﺪﯨﻦ ﻗﺎﺱ ﭼﯩﻘﯩﺮﺍﺗﺘﻰ … ﺋﻪﻣﻤﺎ، ﺋﺎﺳﯩﻴﻪ ﺧﯧﻠﻼ ﺋﯚﺯﯨﻨﻰ ﺗﯘﺗﯩﯟﺍﻟﻐﺎﻥ ﻗﯩﺰ ﺑﻮﻟﯘﭖ، ﺋﺎﺩﻩﺗﺘﻪ ﺑﺎﺷﻘﯩﻼﺭ ﺑﻮﻟﻐﺎﻥ ﻣﯘﻧﺎﺳﯩﯟﻩﺗﻜﻪ ﺋﺎﻻﮬﯩﺪﻩ ﺩﯨﻘﻘﻪﺕ ﻗﯩﻼﺗﺘﻰ . ﺷﯘﯕﺎ، ﻣﻪﻛﺘﻪﭘﺘﯩﻜﻰ ﺋﯘﻧﯩﯖﻐﺎ ﻛﯚﺯﻯ ﭼﯜﺷﻜﻪﻥ ﺑﯚﺭﯨﻠﻪﺭﻣﯘ ﻛﯧﯩﭽﯩﻠﻰ ﻧﺎﻟﻪ ﻗﯩﻠﯩﭗ ﮬﯘﯞﻻﺷﺘﯩﻦ ﺑﺎﺷﻘﯩﻨﻰ ﻗﯩﻼﻟﻤﺎﻱ ﻳﯜﺭﯛﺷﻪﺗﺘﻰ ..
ﺑﯩﺮ ﻛﯜﻧﻰ ﻛﻪﭺ ﺳﺎﺋﻪﺕ 7 ﻟﻪﺭﺩﻩ ﺋﺎﺳﯩﻴﻪﻧﯩﯔ ﻳﺎﻧﻔﯘﻧﻰ ﺳﺎﻳﺮﺍﭖ ﻛﻪﺗﺘﻰ ، ﺗﯧﻠﻔﯘﻥ ﻣﯘﺋﺎﯞﯨﻦ ﻣﯘﺩﯨﺮﺩﯨﻦ ﻛﻪﻟﮕﻪﻥ ﺋﯩﺪﻯ.
- ﯞﻩﻱ ، ﻣﯘﺩﯨﺮ ﻳﺎﺧﺸﯩﻤﯘ ﺳﯩﺰ
- ﮬﻪ ﺋﺎﺳﯩﻴﻪ ، ﻳﺎﺗﺎﻗﺘﯩﻤﯘ ﺳﯩﺰ ، ﺩﻩﻡ ﺋﺎﻟﻐﺎﻧﻤﯩﺪﯨﯖﯩﺰ ، ﻣﯘﻧﺪﺍﻕ ﺋﯩﺶ ﯞﯨﻼﻳﻪﺗﺘﯩﻦ ﺭﻩﮬﺒﻪﺭﻟﻪﺭ ﻛﻪﭘﺘﯩﻜﻪﻥ، ﺭﯦﺴﺘﯘﺭﺍﻧﺪﺍ ﺯﯨﻴﺎﭘﻪﺕ ﺭﺍﺳﻼﭖ ﺋﯘﻻﺭﻧﯩﯔ ﻛﯜﺗﯜﯞﯦﻠﯩﯟﺍﺗﯩﻤﯩﺰ. ﺷﯘﯕﺎ، ﺋﯩﺸﻠﯩﺮﯨﯖﯩﺰﻧﻰ ﻗﻮﻳﯘﭖ، ﺩﻩﺭﮬﺎﻝ ﻛﯧﻠﯩﯔ، ﭼﺎﻱ ﻗﯘﻳﻐﺎﭺ ﺋﯩﺸﻼﺭﻏﺎ ﻳﺎﺭﺩﻩﻣﻠﯩﺸﯩﯔ ، ﻣﻪﻥ ﻳﻪﻧﻪ ﺑﯩﺮﻗﺎﻧﭽﻪ ﺧﺎﻧﯩﻤﻼﺭﻏﺎ ﺗﯧﻠﻔﻮﻥ ﻗﯩﻼﻱ …
- ﻣﯘﺩﯨﺮ ، ﺑﺎﻳﺎ ﺩﻩﺭﺳﺘﯩﻦ ﭼﯜﺷﯜﭖ ، ﺑﻪﻛﻼ ﭼﺎﺭﭼﺎﭖ ﻛﻪﺗﻜﻪﻥ ﺋﯩﺪﯨﻢ، ﻣﯩﺠﻪﺯﯨﻢ ﻳﻮﻕ ﺗﯘﺭﯨﺪﯗ . ﺑﯜﮔﯜﻥ ﻣﻪﻥ ﺑﺎﺭﺍﻟﻤﺎﻳﻤﻪﻥ …
- ﻧﯧﻤﻪ؟! ﺳﯩﺰ ﺗﯧﺨﻰ ﻣﻪﻛﺘﻪﭘﻜﻪ ﻛﻪﻟﮕﯩﻠﻰ ﺋﺎﻧﭽﻪ ﺋﯘﺯﯗﻥ ﺑﻮﻟﻤﺎﻱ ، ﺑﯘﻳﯘﻧﺘﺎﯞﻟﯩﻖ ﻗﯩﻠﻤﺎﻗﭽﯩﻤﯘ ، ﺑﯘﻣﯘ ﺧﯩﺰﻣﯩﺘﯩﻤﯩﺰﻧﯩﯔ ﺑﯩﺮ ﻗﯩﺴﯩﻤﻰ ، ﻣﻪﻛﺘﯩﭙﯩﻤﯩﺰ ﻳﯧﻘﯩﻨﺪﺍ ﺳﺎﻟﻤﺎﻗﭽﻰ ﺑﻮﻟﻐﺎﻥ ﺋﻮﻗﯘﺗﯘﺵ ﺑﯩﻨﺎﺳﯩﻨﯩﯔ ﺋﯩﺸﯩﻨﻰ ﺑﯩﻠﯩﺴﯩﺰ ، ﭘﯘﻝ ﻳﻮﻕ ، ﺋﯘﻝ ﺳﻪﭖ ﻗﯘﻳﯘﭖ ﺗﯘﺭﯨﺪﯗ. ﺑﯜﮔﯜﻧﻜﻰ ﺭﻩﮬﺒﻪﺭﻟﻪﺭ ﺩﻩﻝ ﺑﯩﺰﮔﻪ ﺷﯘ ﭘﯘﻟﻨﻰ ﺗﻪﺳﯩﺘﻘﻼﭖ ﺑﯧﺮﯨﺪﯨﻐﺎﻥ ﺭﻩﮬﺒﻪﺭﻟﻪﺭ … ﺋﯩﭙﺎﺩﯨﻤﯩﺰ ﻳﺎﺧﺸﻰ ﺑﻮﻟﺴﺎ ﻣﻪﻛﺘﭙﯩﻤﯩﺰ ﺋﯜﭼﯜﻥ ﺗﯚﮬﭙﻪ ﻳﺎﺭﺍﺗﻘﺎﻥ ﺑﻮﻟﯩﻤﯩﺰ… ﺑﯘﻣﯘ ﻧﺎﮬﯩﻴﯩﻤﯩﺰﻧﯩﯔ ﻣﺎﺋﺎﺭﯨﭗ ﺋﯩﺸﻠﯩﺮﻯ ﺋﯜﭼﯜﻧﻐﯘ ؟!.. ﺗﻮﻻ ﻧﯧﺰﯨﻘﻤﺎﻱ ﺩﻩﺭﮬﺎﻝ ﻛﯧﻠﯩﯔ ، ﻧﺎﮬﯩﻴﯩﻠﯩﻚ ﻣﺎﺋﺎﺭﯨﭗ ﺋﯩﺪﺍﺭﯨﺴﯩﻨﯩﯔ ﺑﺎﺷﻠﯩﻘﻠﯩﺮﯨﻤﯘ ﺑﺎﺭ ، ﺑﯘﻣﯘ ﺳﯩﺰﻧﯩﯔ ﺋﯚﺯﯨﯖﯩﺰﻧﻰ ﻛﯚﺭﺳﯩﺘﯩﯟﺍﻟﯩﺪﯨﻐﺎﻥ ﻣﯘﮬﯩﻢ ﭘﯘﺭﺳﻪﺕ …
- ﻣﯘﺩﯨﺮ ..
- ﺑﯘﻣﯘ ﺳﯩﻴﺎﺳﯩﻲ ﯞﻩﺯﯨﭙﻪ ، ﻛﻪﻟﻤﯩﺴﯩﯖﯩﺰ ﺋﺎﻗﯩﯟﯨﺘﻨﻰ ﺋﯚﺯﯨﯖﯩﺰ ﺋﻮﻳﻠﯩﺸﯩﭗ ﺑﯩﺮ ﺋﯩﺶ ﻗﯩﻼﺭﺳﯩﺰ ..
… … …
ﺷﯘﻧﺪﺍﻕ ﻗﯩﻠﯩﭗ، ﺷﯘ ﻛﯜﻧﻜﻰ ﺳﻮﺭﯗﻧﺪﺍ ﻧﺎﮬﯩﻴﯩﻠﯩﻚ ﻣﺎﺋﺎﺭﯨﭗ ﺋﯩﺪﺍﺭﯨﺴﯩﻨﯩﯔ ﯞﯨﻼﻳﻪﺗﺘﯩﻦ ﻳﯧﯖﻰ ﻛﻪﻟﮕﻪﻥ ﺑﺎﺷﻠﯩﻘﯩﻨﯩﯔ ﻛﯚﺯﻯ ﺋﺎﺳﯩﻴﻪﮔﻪ ﭼﯜﺷﺘﻰ ﯞﻩ ﻣﯘﺩﯨﺮﻧﯩﯔ ﻛﯚﺯﯨﮕﻪ ﺳﯩﺮﻟﯩﻖ ﻗﺎﺭﺍﭖ ﺋﺎﺳﯩﻴﻪﻧﻰ ﺋﯩﺸﺎﺭﻩ ﻗﯩﻠﯩﭗ ﻗﻮﻳﺪﻯ…
ﺑﯘ ﻳﯧﺮﯨﻢ ﻳﯩﻠﺪﺍ ﺑﯘﻧﺪﺍﻕ ﺳﻮﺭﯗﻧﻼﺭ ﮬﻪﭘﺘﯩﺪﻩ ﺩﯦﮕﯜﺩﻩﻙ ﺑﻮﻟﯘﭖ ﺗﯘﺭﺩﻯ، ﺋﺎﺳﯩﻴﻪﻣﯘ ﺑﯘﻧﺪﺍﻕ ﺳﯩﻴﺎﺳﯩﻲ ﯞﻩﺯﯨﭙﯩﻠﻪﺭﮔﻪ ﺋﻮﺑﺪﺍﻧﻼ ﻛﯚﻧﯜﭖ ﻗﺎﻟﺪﻯ. ﻗﺎﺭﯨﻐﺎﻧﺪﺍ ﮬﯧﻠﯩﻘﻰ ﻧﺎﮬﯩﻴﻠﯩﻚ ﻣﺎﺋﺎﺭﯨﭗ ﺋﯩﺪﺍﺭﯨﺴﯩﻨﯩﯔ ﺑﺎﺷﻠﯩﻘﻰ ﺑﯩﻠﻪﻥ ﺋﯩﺴﺴﯩﻖ ﺋﯚﺗﯜﺷﯜﭖ ﻗﺎﻟﻐﺎﻧﺪﻩﻙ …
ﻧﺎﮬﯩﻴﯩﻠﯩﻚ ﺳﻪﮬﯩﻴﻪ ﺋﯩﺪﺍﺭﯨﺴﻰ ﺗﯘﻳﯘﻗﺴﯩﺰ ﺑﺎﺭﻟﯩﻖ ﻧﺎﮬﯩﻴﻪ ﺗﻪﯞﻩﺳﯩﺪﯨﻜﻰ ﺋﻮﻗﯘﺗﻘﯘﭼﯩﻼﺭﻧﯩﯔ ﺳﺎﻏﻼﻣﻠﯩﻘﯩﻨﻰ ﭼﻮﯓ ﺗﻪﻛﺸﯜﺭﯛﺷﯩﻨﻰ ﻗﺎﺭﺍﺭ ﻗﯩﻠﺪﻯ . ﺑﺎﺭﻟﯩﻖ ﺋﻮﻗﯘﺗﻘﯘﭼﯩﻼﺭﻧﯩﯔ ﺗﻪﻛﺸﯜﺭﯛﺵ ﻧﻪﺗﯩﺠﯩﺴﻰ ﻣﻪﻛﺘﻪﭘﺘﯩﻼ ﺗﺎﺭﻗﯩﺘﯩﻠﺪﻯ. ﺟﯩﮕﯩﺮﻯ ،ﺋﯚﺗﻰ ﯞﻩ ﺑﺎﺷﻘﺎ ﻳﻪﺭﻟﯩﺮﻯ ﻛﯧﺴﻪﻟﻠﻪﻧﮕﻪﻧﻠﻪﺭ ﺩﺍﯞﺍﻻﻧﯩﻤﯩﺴﺎﻡ ﺑﻮﻟﻤﯩﺪﻯ ﺩﻩﭖ ﯞﺍﯓ – ﭼﯘﯓ ﻗﯩﻠﯩﭗ ﻗﯧﻠﯩﺸﺘﻰ، ﻧﯩﻘﯩﺸﻘﯩﺪﯗﺭ ﺋﺎﺳﯩﻴﻪﻧﯩﯔ ﺗﻪﻛﺸﯜﺭﯛﺵ ﻗﻪﻏﯩﺰﻯ ﻳﻮﻕ ﺋﯩﺪﻯ. ﺷﯘ ﺋﺎﺭﯨﺪﺍ ﺗﯧﻠﻔﯘﻥ ﻛﻪﻟﺪﻯ.
- ﺋﺎﺳﯩﻴﻪ ﺧﺎﻧﯩﻤﻤﯘ ﺳﯩﺰ ؟ ﻣﯘﻣﻜﯩﻦ ﺑﻮﻟﺴﺎ ﺩﻭﺧﺘﯘﺭﺧﺎﻧﯩﻤﯩﺰﻏﺎ ﺑﯩﺮ ﻛﯧﻠﯩﭗ ﻛﻪﺗﺴﯩﯖﯩﺰ ، ﺗﻪﻛﺸﯜﺭﯛﺵ ﻧﻪﺗﯩﺠﯩﯩﯖﯩﺰ ﺑﯩﺰﺩﻩ ﺋﯩﺪﻯ …
ﺋﺎﺳﯩﻴﻪ ﺗﻪﻛﺸﯜﺭﯛﺵ ﻧﻪﺗﯩﺠﯩﺴﯩﻨﻰ ﻛﯚﺭﯛﭖ ﺩﺍﯓ ﻗﯧﺘﯩﭗ ﻗﺎﻟﺪﻯ . ﺋﺸﯩﻨﯩﯔ ﺋﺎﻟﺪﻯ – ﻛﻪﻳﻨﯩﻨﻰ ﭘﻪﺭﻗﯩﺘﻪﻟﻤﻪﻱ ﻗﺎﻟﺪﻯ. ﻗﻪﻏﻪﺯﺩﻩ ، ﺋﻪﻳﺪﯨﺰ ﯞﯨﺮﯗﺳﻰ ﻣﯘﺳﺒﯩﻲ ، ﺩﻩﭖ ﭼﯩﻘﻘﺎﻥ ﺋﯩﺪﻯ ….
ﺋﻪﺳﻠﯩﺪﻩ، ﮬﯧﻠﯩﻘﻰ ﺋﯩﺪﺍﺭﻩ ﺑﺎﺷﻠﯩﻘﻰ ﻗﺎﻳﺴﯩﺪﯗﺭ ﺑﯩﺮ ﻗﯧﺘﯩﻢ ﺋﯜﺭﯛﻣﭽﯩﮕﻪ ﭼﯩﻘﻘﺎﻧﺪﺍ، ﺷﯘ ﺟﺎﻳﺪﯨﻜﻰ ﺩﻭﺳﺘﻠﯩﺮﻯ ﺋﯘﻧﻰ ﻗﺎﻧﺪﺍﻗﺘﯘﺭ ﺑﯩﺮ ﻣﯧﮭﻤﺎﻥ ﻛﯜﺗﯜﺷﺘﻪ ﺩﻩﻡ ﺋﺎﻟﺪﯗﺭﻏﺎﻥ ﺋﯩﺪﻯ. ﺭﻭﺳﯩﻴﻪﺩﯨﻦ ﻛﻪﻟﮕﻪﻥ ﭼﻮﻛﺎﻥ ﺋﯘﻧﯩﯔ ﺋﯘﺳﻘﺎﻧﻠﯩﺮﯨﻨﻰ ﺗﯘﺗﯘﭖ ، ﺋﯘﺧﻠﯩﺘﯩﭗ ﻗﻮﻳﻐﺎﻥ ﺋﯩﺪﻯ …

ﻳﯘﻗﯩﺮﯨﻘﻰ ﮬﯧﻜﺎﻳﻪﺗﻠﻪﺭﺩﯨﻜﻰ ﻛﯩﺸﻰ ﺋﯩﺴﻤﻠﯩﺮﻯ ﺋﯚﺯﮔﻪﺭﺗﯩﻠﺪﻯ. ﺋﯧﻴﺘﺎﻱ ﺩﯦﺴﻪﻡ ﮬﯧﻜﺎﻳﻪﺗﻠﻪﺭ ﺗﯜﮔﯩﻤﯩﮕﯩﺪﻩﻙ ….