ﺋﯩﺠﺘﯩﻤﺎﺋﯩﻲ ﺋﻪﺧﻼﻕ ﮬﻪﻗﻘﯩﺪﻩ ﺳﯚﺯ ﺑﺎﺷﻠﯩﻤﺎﻗﭽﻰ ﺑﻮﻟﻐﯩﻨﯩﻤﯩﺰﺩﺍ ﺷﯘ ﻧﻪﺭﺳﻪ ﺋﯧﻨﻘﯩﻜﻰ، ﺑﺎﺭﻟﯩﻖ ﺋﯩﻨﺴﺎﻧﯩﻴﻪﺕ ﺗﯜﺭﻛﯜﻣﻠﯩﺮﻯ ﺑﯘ ﮬﻪﻗﺘﻪ ﺋﻮﺧﺸﺎﺷﻼ ﺋﯘﺯﯗﻥ ﺗﺎﺭﯨﺨﻘﺎ ﺋﯩﮕﻪ. ﺋﯩﻨﺴﺎﻧﯩﻴﻪﺕ ﺋﺎﺗﺎﻡ ﺯﺍﻣﺎﻧﯩﺴﯩﺪﯨﻦ ﺑﺎﺷﻼﭘﻼ ﻣﻪﻟﯘﻡ ﺧﯩﻞ ﺋﯩﺠﺘﯩﻤﺎﺋﯩﻲ ﺗﯘﺭﻣﯘﺵ ﻛﻪﭼﯜﺭﯛﺵ ﺷﻪﻛﻠﯩﺪﻩ ﻳﺎﺷﯩﻐﺎﻥ ﺑﻮﻟﯘﭖ، ﺑﯘ ﺧﯩﻞ ﺋﯩﺠﺘﯩﻤﺎﺋﯩﻲ ﺗﯘﺭﻣﯘﺵ ﺷﯘ ﺟﻪﻣﺌﯩﻴﻪﺕ ﺋﻪﺯﺍﻟﯩﺮﻯ ﺋﻮﺭﺗﺎﻕ ﺭﯦﺌﺎﻳﻪ ﻗﯩﻠﯩﺸﻰ ﻛﯧﺮﻩﻙ ﺑﻮﻟﻐﺎﻥ ﺗﻪﺭﺗﯩﭙﻜﻪ ﺗﺎﻳﺎﻧﻐﺎﻥ، ﺋﻪﻟﯟﻩﺗﺘﻪ ﺋﯩﺠﺘﯩﻤﺎﺋﯩﻲ ﺋﻪﺧﻼﻕ ﺩﻩﻝ ﺷﯘ ﺋﯩﺠﺘﯩﻤﺎﺋﯩﻲ ﺗﻪﺭﺗﯩﭙﻨﯩﯔ ﻣﯘﮬﯩﻢ ﺗﻪﺭﻛﯩﺒﯩﻲ ﻗﯩﺴﯩﻤﯩﺪﯗﺭ. ﻣﻪﻳﻠﻰ ﺋﻪﻟﻤﯩﺴﺎﻕ ﺑﻮﻟﺴﯘﻥ ﻳﺎﻛﻰ ﮬﺎﺯﯨﺮﻗﻰ ﺯﺍﻣﺎﻥ ﺑﻮﻟﺴﯘﻥ، ﻣﻪﻳﻠﻰ ﺋﺎﻣﯧﺮﯨﻜﺎ ﺟﻪﻣﺌﯩﻴﯩﺘﻰ ﻳﺎﻛﻰ ﺋﯘﻳﻐﯘﺭ ﺟﻪﻣﺌﯩﻴﯩﺘﻰ ﺑﻮﻟﺴﯘﻥ ﮬﻪﻣﻤﯩﺴﯩﻨﯩﯔ ﺋﯚﺯﯨﮕﻪ ﭼﯘﺷﻠﯘﻕ ﺋﯩﺠﺘﯩﻤﺎﺋﯩﻲ ﺋﻪﺧﻼﻕ ﻳﯘﺳﯘﻧﻠﯩﺮﻯ ﺑﻮﻟﻐﺎﻥ. ﺑﯘ ﻧﯘﻗﺘﯩﺪﯨﻦ ﻛﯚﺭﯛﯞﯦﻠﯩﺸﻘﺎ ﺑﻮﻟﯩﺪﯗﻛﻰ ، ﺋﯩﺠﺘﯩﻤﺎﺋﯩﻲ ﺋﻪﺧﻼﻕ ﺩﯗﻧﻴﺎﯞﯨﻲ ﺋﻮﻣﯘﻣﯩﻴﻠﯩﻘﻘﺎ ﺋﯩﮕﻪ. ﺋﻪﻣﻤﺎ، ﺋﯩﺠﺘﯩﻤﺎﺋﯩﻲ ﺋﻪﺧﻼﻕ ﺋﯩﺠﺘﯩﻤﺎﺋﯩﻲ ﻣﻪﺩﻩﻧﯩﻴﻪﺕ ﮬﺎﺩﯨﺴﯩﺴﻰ ﺑﻮﻟﯘﺵ ﺳﯜﭘﯩﺘﻰ ﺑﯩﻠﻪﻥ ﺯﺍﻣﺎﻥ ﯞﻩ ﻣﺎﻛﺎﻧﻨﯩﯔ ﭼﻪﻛﻠﻪﭖ ﺗﯘﺭﯗﺷﯩﻐﺎ ﺋﯘﭼﺮﺍﻳﺪﯨﻐﺎﻥ ﺑﻮﻟﯘﭖ، ﺋﯩﺠﺘﯩﻤﺎﺋﯩﻲ ﺋﻪﺧﻼﻕ ﻳﻮﺳﯘﻧﻠﯩﺮﯨﻨﯩﯔ ﺯﺍﻣﺎﻥ ﯞﻩ ﻣﺎﻛﺎﻥ ﺗﯜﺳﻰ ﻧﺎﮬﺎﻳﯩﺘﻰ ﻗﻮﻳﯘﻕ ﺑﻮﻟﯩﺪﯗ. ﻣﻪﺳﯩﻠﻪﻥ ، ﺋﺎﻣﯧﺮﯨﻜﯩﺪﺍ ﮬﻪﻣﺠﯩﻨﯩﺴﻼﺭ ﺋﺎﺭﺍ ﺋﯩﺸﻘﯩﯟﺍﺯﻟﯩﻖ ﻗﯩﻠﯩﺶ ﻗﺎﻧﯘﻧﯩﻲ ﻛﺎﭘﺎﻟﻪﺗﻜﻪ ﺋﯩﮕﻪ ﺑﻮﻟﯘﭖ، ﺟﻪﻣﺌﯩﻴﻪﺕ ﺗﻪﺭﯨﭙﯩﺪﯨﻦ ﺑﯩﺮﺩﻩﻙ ﺋﯧﺘﺮﺍﭖ ﻗﯩﻠﯩﻨﺴﺎ، ﺋﯘﻳﻐﯘﺭ ﺟﻪﻣﺌﯩﻴﯩﺘﯩﺪﻩ ﺋﻪﯓ ﺋﻪﺷﻪﺩﺩﯨﻲ ﺭﻩﺯﯨﻞ ﻗﯩﻠﻤﯩﺶ ﺳﯜﭘﯩﺘﯩﺪﻩ ﺧﻪﻟﻖ ﺗﻪﺭﯨﭙﯩﺪﯨﻦ ﻟﻪﻧﻪﺗﻠﯩﻨﯩﺪﯗ. ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ ﻣﯩﯔ ﻳﯩﻠﻼﺭ ﺑﯘﺭﯗﻥ ﺑﯘﺗﻘﺎ ﺗﺎﯞﺍﭖ ﻗﯩﻠﯩﺶ، ﺋﻪﯓ ﺋﺎﻟﯩﻲ ﺋﯩﺴﺘﯩﻘﺎﻣﻪﺕ ﺳﯜﭘﯩﺘﯩﺪﻩ ﮬﯚﺭﻣﻪﺗﻠﻪﻧﺴﻪ ، ﺑﯜﮔﯜﻧﻜﻰ ﻛﯜﻧﺪﻩ ﺋﻪﺷﻪﺩﺩﯨﻲ ﻛﯘﭘﯘﺭﻟﯘﻕ ﺩﻩﭖ ﻗﺎﺭﯨﻠﯩﺪﯗ … ﯞﻩﮬﺎﻛﺎﺯﺍ …
ﺑﯩﺮ ﺟﻪﻣﺌﯩﻴﻪﺗﺘﻪ ﺋﻪﺧﻼﻕ ﺷﯘ ﺟﻪﻣﺌﯩﻴﻪﺗﺘﯩﻜﻰ ﺗﯜﺭﻟﯜﻙ ﺗﯜﺯﯛﻡ ، ﺗﯜﺭﻟﯜﻙ ﺟﻪﻣﺌﯩﻴﻪﺕ ﮬﺎﺩﯨﺴﯩﺴﻰ ﯞﻩ ﺋﺎﺩﻩﻣﻠﻪﺭﻧﯩﯔ ﺋﯚﺯﯨﺪﻩ ﺑﻮﻟﯩﯟﺍﺗﻘﺎﻥ ﻓﯩﺰﯨﺌﻮﻟﻮﮔﯩﻴﯩﻠﯩﻚ ﮬﺎﺩﯨﺴﯩﻠﻪﺭ ﺑﯩﻠﻪﻥ ﺯﯨﭻ ﻣﯘﻧﺎﺳﯩﯟﻩﺗﻠﯩﺸﯩﭗ، ﺑﯩﺮ ﺗﻪﺭﻩﭘﺘﯩﻦ ﺷﯘ ﺗﯜﺯﯛﻡ ، ﺟﻪﻣﺌﯩﻴﻪﺕ ﮬﺎﺩﯨﺴﯩﻠﯩﺮﯨﻨﻰ ﭼﻪﻛﻠﻪﭖ ﺗﯘﺭﺳﺎ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺋﯚﺯﯨﻤﻰ ﺷﯘ ﺗﯜﺯﯛﻡ ﯞﻩ ﺟﻪﻣﺌﯩﻴﻪﺕ ﮬﺎﺩﯨﺴﯩﻠﯩﺮﯨﺪﯨﻦ ﺗﻪﺳﯩﺮﻟﯩﻨﯩﭗ ﺋﯚﺯﯨﻨﻰ ﻳﯧﯖﻼﭖ ، ﮔﺎﮬﯩﺪﺍ ﺋﺎﻳﻨﯩﭗ ﺗﯘﺭﯨﺪﯗ. ﮬﻪﺭ ﻗﯧﺘﯩﻤﻠﯩﻖ ﻳﯧﯖﻰ ﺟﻪﻣﺌﯩﻴﻪﺕ ﺗﯜﺯﯛﻣﻰ ﺑﺎﺭﻟﯩﻘﻘﺎ ﻛﻪﻟﮕﻪﻧﺪﻩ ، ﺷﯘ ﺟﻪﻣﺌﯩﻴﻪﺗﺘﯩﻜﻰ ﺋﻪﺧﻼﻕ ﺯﻭﺭ ﺧﺮﯨﺴﻘﺎ ﺩﯗﭺ ﻛﯧﻠﯩﺪﯗ. ﻳﺎ ﻳﯧﯖﻰ ﺗﯜﺯﯛﻣﮕﻪ ﺗﻪﺳﯩﺮ ﻛﯚﺭﺳﯩﺘﯩﺪﯗ ﻳﺎ ﺋﯜﺯﯨﻨﻰ ﺷﯘ ﺗﯜﺯﯛﻣﮕﻪ ﻣﺎﺳﻼﺷﺘﯘﺭﯨﺪﯗ. ﻗﯩﺴﻘﯩﺴﻰ ﺷﯘﻧﺪﺍﻕ ﻗﻮﺵ ﻳﯚﻧﯩﻠﯩﺸﻠﯩﻚ ﺗﻪﺭﻩﻗﻘﯩﻴﺎﺗﻨﻰ ﺋﯚﺯ ﺑﯧﺸﯩﺪﯨﻦ ﻛﻪﭼﯜﺭﯨﺪﯗ. ﺋﻪﻳﺪﯨﺰ ﻛﯧﺴﻪﻟﻠﯩﻜﯩﮕﻪ ﺋﻮﺧﺸﺎﺵ ﻳﯘﻗﯘﭼﺎﻧﻠﯩﻘﻰ ﺋﺎﻻﮬﯩﺪﻩ ﻳﯘﻗﯩﺮﻯ ﺑﻮﻟﻐﺎﻥ، ﺋﺎﻗﯩﯟﯨﺘﻰ ﻗﺎﺑﺎﮬﻪﺗﻠﯩﻚ ﺑﻮﻟﻐﺎﻥ ﻛﯧﺴﻪﻟﻠﯩﻜﻠﻪﺭﻧﯩﯔ ﺋﯩﺠﺘﯩﻤﺎﺋﯩﻲ ﺋﻪﺧﻼﻗﻘﺎ ﺑﻮﻟﻐﺎﻥ ﺗﻪﺳﯩﺮﻯ ﺗﯧﺨﯩﻤﯘ ﺯﻭﺭ ﺑﻮﻟﯩﺪﯗ.
ﻣﻪﺯﻛﯘﺭ ﻳﺎﺯﻣﯩﺪﺍ ﺑﯩﺰﻧﯩﯔ ﺗﻮﺧﺘﯩﻠﯩﺪﯨﻐﯩﻨﯩﺰ ﺋﯚﺗﻜﻪﻥ ﺋﻪﺳﯩﺮﻧﯩﯔ 80- ﻳﯩﻠﻠﯩﺮﯨﻐﺎ ﻛﻪﻟﮕﻪﻧﺪﻩ ﺑﺎﻳﻘﺎﻟﻐﺎﻥ ﻳﯧﯖﻰ ﻛﯧﺴﻪﻟﻠﯩﻚ ﺋﻪﻳﺪﯨﺰ ( AIDS: Acquired Immunodeficiency Syndrome ) ﮬﻪﻗﻘﯩﺪﻩ ﺋﺎﺯﯨﺮﺍﻕ ﺗﻮﺧﺘﯩﻠﯩﭗ ﺋﯚﺗﯜﻣﯩﺰ. 1981- ﻳﯩﻠﻰ ﻳﺎﺯﺩﺍ، ﺋﺎﻣﯧﺮﯨﻜﯩﺪﺍ ﺗﯘﻧﺠﻰ ﺋﻪﻳﺪﯨﺰ ﺑﯩﻤﺎﺭﻯ ﺑﺎﻳﻘﺎﻟﺪﻯ . ﺷﯘﻧﯩﯔ ﺑﯩﻠﻪﻥ ﺋﯩﻨﺴﺎﻧﯩﻴﻪﺕ ﺗﺎﺭﺧﺘﺎ ﺗﯧﺨﻰ ﻳﯜﺯﻟﯩﻨﯩﭗ ﺑﺎﻗﻤﯩﻐﺎﻥ ﺋﻪﯓ ﻗﻮﺭﻗﯘﻧﭽﻠﯘﻕ ﺑﯩﺮ ﺧﯩﻞ ﻛﯧﺴﻪﻟﻠﯩﻜﻪ ﻳﯜﺯ ﺗﯘﺗﯘﺷﻘﺎ ﻣﻪﺟﺒﯘﺭ ﺑﻮﻟﺪﻯ. ﺋﻪﻳﺪﯨﺰ ﺋﯚﺯﻯ ﺑﯩﻠﻪﻥ ﻛﯧﺴﻪﻟﻠﻪﻧﮕﻪﻥ ﺑﯩﻤﺎﺭﻻﺭﻏﯩﻼ ﺋﻪﻣﻪﺱ ﺑﻪﻟﻜﻰ ﺋﯩﻨﺴﺎﻧﯩﻴﻪﺗﻨﯩﯔ ﺋﯩﺠﺘﯩﻤﺎﺋﯩﻴﯩﺘﻰ ، ﺋﯩﻘﺘﯩﺴﺎﺩﻯ، ﺋﻪﺧﻼﻗﻰ، ﺗﺎﺭﯨﺨﻰ، ﺗﯧﺒﺒﯩﻲ ﺋﯩﻠﯩﻤﻰ ﻗﺎﺗﺎﺭﻟﯩﻘﻼﺭﻏﺎ ﺋﺎﺟﺎﻳﯩﭗ ﺗﻪﺳﯩﺮﻟﻪﺭﻧﻰ ﻛﯚﺭﺳﻪﺗﺘﻰ . ﺋﻪﻳﺪﯨﺰﻧﯩﯔ ﺋﺎﻟﺪﯨﻨﻰ ﺋﯧﻠﯩﺶ ﯞﻩ ﺋﯘﻧﯩﯖﻐﺎ ﻣﯘﻧﺎﺳﯩﯟﻩﺗﻠﯩﻚ ﺋﯩﺸﻼﺭﻧﻰ ﺑﯩﺮﺗﻪﺭﻩﭖ ﻗﯩﻠﯩﺶ ﮬﻪﺭﻗﺎﻳﺴﻰ ﺩﯙﻟﻪﺗﻠﻪﺭﻧﯩﯔ ﻗﯩﻠﯩﺸﻰ ﻛﯧﺮﻩﻙ ﺑﻮﻟﻐﺎﻥ ﺯﻭﺭ ﺋﯩﺶ ﺑﻮﻟﯘﭖ ﻗﺎﻟﺪﻯ. ﺑﯩﺰ ﺑﯘ ﻳﺎﺯﻣﯩﻤﯩﺰﺩﺍ ﺋﻪﻳﺪﯨﺰﻧﯩﯔ ﺋﻪﺧﻼﻕ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﻰ ﯞﻩ ﺋﯘﻧﯩﯖﻐﺎ ﺑﻮﻟﻐﺎﻥ ﺗﻪﺳﯩﺮﻯ ﺋﯜﺳﺘﯩﺪﻩ ﺋﺎﺯ – ﺗﻮﻻ ﺑﯩﺮﻧﯧﻤﻪ ﺩﯦﻴﯩﺸﻨﻰ ﻣﯘﯞﺍﭘﯩﻖ ﻛﯚﺭﺩﯗﻕ .
1 . ﺋﻪﻳﺪﯨﺰ ﯞﻩ ﺋﯩﺠﺘﯩﻤﺎﺋﯩﻲ ﺋﻪﺧﻼﻕ
ﻛﯚﭘﻠﯩﮕﻪﻥ ﺟﻪﻣﺌﯩﻴﻪﺗﺘﻪ ، ﻣﻪﻳﻠﻰ ﻏﻪﺭﯨﭗ ﺟﻪﻣﺌﯩﻴﻪﺗﻠﯩﺮﻯ ﺑﻮﻟﺴﯘﻥ ﻳﺎﻛﻰ ﺷﻪﺭﻕ ﺟﻪﻣﺌﯩﻴﻪﺗﻠﯩﺮﻯ ﺑﻮﻟﺴﯘﻥ ﺋﻪﻳﺪﯨﺰ ( AIDS ) ﻛﯧﺴﻪﻟﻠﯩﻜﻰ ﻛﯩﺸﯩﻠﻪﺭﻧﯩﯔ ﺋﻪﺧﻼﻗﻘﺎ ﺑﻮﻟﻐﺎﻥ ﺋﺎﺳﯩﻴﻠﯩﻘﯩﻨﯩﯔ ﻧﻪﺗﯩﺠﯩﺴﻰ ﺩﻩﭖ ﻗﺎﺭﯨﻠﯩﺪﯗ. ﺟﯜﻣﻠﯩﺪﯨﻦ ﺑﯩﺰ ﺋﯘﻳﻐﯘﺭﻻﺭﻣﯘ ﺋﻪﻳﺪﯨﺰ ﻛﯧﺴﻪﻟﻠﻜﻰ ﺗﯩﻠﻐﺎ ﺋﯧﻠﯩﻨﺴﺎ ﺋﯩﻤﺎﻥ – ﺋﯧﺘﯩﻘﺎﺩﯨﻨﻰ ﺳﯧﺘﯩﭗ، ﺋﯩﭙﭙﻪﺕ – ﻧﻮﻣﯘﺳﯩﻨﻰ ﺑﻮﻟﻐﯩﻐﺎﻥ، ﺯﻩﮬﻪﺭ ﭼﻪﻛﻜﻪﻥ ﺋﻪﺧﻼﻕ ﺑﯩﻠﻪﻥ ﻗﻪﺗﺌﯩﻲ ﺳﯩﻐﯩﺸﺎﻟﻤﺎﻳﺪﯨﻐﺎﻥ ﺋﻪﯓ ﻳﯩﺮﮔﯩﻨﯩﺸﻠﯩﻚ ﻣﻪﻧﺰﯨﺮﯨﻠﻪﺭﻧﻰ ﻛﯚﺯ ﺋﺎﻟﺪﯨﻤﯩﺰﻏﺎ ﻛﻪﻟﺘﯜﺭﯛﻣﯩﺰ. ﺋﻪﻳﺪﯨﺰ ﺑﯩﻤﺎﺭﻟﯩﺮﻯ ﻛﯩﺸﯩﻠﻪﺭﻧﯩﯔ ﻧﻪﺯﯨﺮﯨﺪﻩ ﺯﻩﮬﻪﺭ ﭼﻪﻛﻜﯜﭼﻰ ، ﺯﯨﻨﺎ ﻗﯩﻠﻐﯘﭼﻰ ، ﭘﺎﮬﯩﺸﻪ، ﮬﻪﻣﺠﯩﻨﯩﺴﻼﺭ ﺋﺎﺭﺍ ﺋﯩﺸﻘﯩﯟﺍﺯﻟﯩﻖ ﻗﯩﻠﻐﯘﭼﻰ ﺑﻮﻟﯘﭖ ﮬﯧﺴﺎﺑﻠﯩﻨﯩﺪﯗ.
ﺋﻪﻳﺪﯨﺰ ﻛﯧﺴﻪﻟﻠﯩﻜﯩﻤﯘ ﺑﺎﺷﻘﺎ ﻛﯧﺴﻪﻟﻠﯩﻜﻠﻪﺭﮔﻪ ﺋﻮﺧﺸﺎﺷﻼ ﺋﺎﺩﻩﻣﻠﻪﺭﻧﯩﯔ ﺋﯩﺠﺘﯩﻤﺎﺋﯩﻲ ﻗﯩﻠﻤﯩﺸﻠﯩﺮﻯ ﺑﯩﻠﻪﻥ ﺯﯨﭻ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﯩﺪﯗ. ﻛﯧﺴﻪﻟﻠﯩﻨﯩﺶ ﺳﻪﯞﻩﺑﯩﻨﻰ ﺋﻪﻟﯟﻩﺗﺘﻪ ﺗﯧﺒﺒﯩﻲ ﻧﯘﻗﺘﯩﺪﯨﻦ ﺗﻪﮬﻠﯩﻞ ﻗﯩﻠﯩﺶ ﻛﯧﺮﻩﻙ. ﺋﺎﺩﻩﻡ ﺋﯩﻤﻤﯘﻧﯩﺘﯧﺘﯩﻨﻰ ﻛﻪﻣﺘﯜﻛﻠﻪﺗﻜﯜﭼﻰ ﯞﯨﺮﯗﺱ
( Human Immunodeficiency Virus HIV ) ﻳﯘﻗﯘﻣﻼﻧﻐﯘﭼﯩﻨﯩﯔ ﺑﻪﺩﻩﻥ ﺋﯩﻤﻤﯘﻧﯩﺘﯧﺖ ﺳﯩﺴﺘﯧﻤﯩﺴﯩﻨﻰ ﭘﯜﺗﯜﻧﻠﻪﻱ ﯞﻩﻳﺮﺍﻥ ﻗﯩﻠﯩﺸﻰ ﻧﻪﺗﯩﺠﯩﺴﯩﺪﻩ، ﺑﺎﺷﻘﺎ ﻛﯧﺴﻪﻟﻠﯩﻚ ﻗﻮﺯﻏﺎﺗﻘﯘﭼﻰ ﺑﺎﻛﺘﯧﺮﯨﻴﻪ ، ﯞﯨﺮﯗﺳﻼﺭ ﺗﯧﻨﯩﮕﻪ ﻛﯩﺮﮔﻪﻥ ﮬﺎﻣﺎﻥ ﺑﻪﺩﻩﻥ ﻛﯧﺴﻪﻟﻠﻨﯩﺸﻜﻪ ﻗﺎﺭﺷﻰ ﺗﯘﺭﺍﻟﻤﺎﻱ، ﻳﯧﯖﻰ ﻳﯘﻗﯘﻣﻠﯩﻨﯩﺶ ﻛﯧﻠﯩﭗ ﭼﯩﻘﯩﭗ، ﺩﺍﯞﺍﻟﯩﻐﯩﻠﻰ ﺑﻮﻟﻤﺎﻱ ﺋﺎﻗﯩﯟﻩﺗﺘﻪ ﺋﯚﻟﯜﭖ ﻛﯧﺘﯩﺸﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ.
ﺷﯘﻧﻰ ﻛﯚﺭﺳﯩﺘﯩﭗ ﺋﯚﺗﯜﺵ ﮬﺎﺟﻪﺗﻜﻰ، ﻛﯩﺸﯩﻠﻪﺭﻧﯩﯔ ﺋﻪﻳﺪﯨﺰ ﯞﯨﺮﯗﺳﯩﻨﻰ ﻳﯘﻗﺘﯘﺭﯞﯦﻠﯩﺶ ﻳﻮﻟﻠﯩﺮﻯ ﺷﯘ ﻛﯩﺸﯩﻨﯩﯔ ﺋﯩﺠﺘﯩﻤﺎﺋﯩﻲ ﻗﯩﻠﻤﯩﺸﻰ ﺑﯩﻠﻪﻥ ﭼﻪﻣﺒﻪﺭﭼﺎﺱ ﺑﺎﻏﻼﻧﻐﺎﻥ ﺑﻮﻟﯩﺪﯗ. ﮬﻪﻣﻤﻪﻳﻠﻪﻧﮕﻪ ﻣﻪﻟﯘﻣﻜﻰ، ﺋﻪﻳﺪﯨﺰ ﯞﯨﺮﯗﺳﯩﻨﯩﯔ ﺗﺎﺭﻗﯩﻠﯩﺶ ﻳﻮﻟﻰ ﺟﯩﺴﻨﯩﻲ ﻣﯘﻧﺎﺳﯩﯟﻩﺕ ﺋﺎﺭﻗﯩﻠﯩﻖ ﻳﯘﻗﯘﻣﻠﯩﻨﯩﺶ ، ﻗﺎﻧﺪﯨﻦ ﻳﯘﻗﯘﻣﻠﯩﻨﯩﺶ ﯞﻩ ﮬﺎﻣﯩﻠﯩﺪﺍﺭﻟﯩﻖ ﻳﺎﻛﻰ ﺋﯧﻤﺘﯩﺸﺘﯩﻦ ﻳﯘﻗﯘﻣﻠﯩﻨﯩﺸﺘﯩﻦ ﺋﯩﺒﺎﺭﻩﺕ 3 ﺧﻞ ﺑﻮﻟﯩﺪﯗ. ﻳﻪﻧﻰ ﻣﻪﻟﯘﻡ ﺧﯩﻞ ﺷﺎﺭﺍﺋﯩﺖ ﺋﺎﺳﺘﯩﺪﺍ ﻗﺎﻥ ﯞﻩ ﺑﻪﺩﻩﻥ ﺳﯘﻳﯘﻗﻠﯩﻘﻰ ﺋﺎﺭﻗﯩﻠﯩﻖ ﻳﯘﻗﯩﺪﯗ. ﺑﯘ ﻳﻪﺭﺩﯨﻜﻰ ﻣﻪﻟﯘﻡ ﺧﯩﻞ ﺷﺎﺭﺍﺋﯩﺖ ﺩﻩﻝ ﺋﺎﺩﻩﻣﻠﻪﺭﻧﯩﯔ ﻣﻪﻟﯘﻡ ﺧﯩﻞ ﺋﯩﺠﺘﯩﻤﺎﺋﯩﻲ ﻗﯩﻠﻤﯩﺸﯩﻨﻰ ﻛﯚﺭﺳﯩﺘﯩﺪﯗ. ﻣﻪﺳﯩﻠﻪﻥ، ﺯﻩﮬﻪﺭ ﭼﯧﻜﯩﺶ، ﺯﯨﻨﺎ ﻗﯩﻠﯩﺶ، ﮬﻪﻣﺸﭙﯩﺮﯨﺲ ﺋﯩﺸﻠﯩﺘﯩﺶ، ﻗﺎﻥ ﺳﯧﻠﯩﺶ، ﺗﯘﻏﯘﺵ، ﺋﯧﻤﯩﺘﯩﺶ ﻗﺎﺗﺎﺭﻟﯩﻘﻼﺭ.
ﻛﯩﺸﯩﻠﻪﺭﻧﯩﯔ ﺋﯩﺠﺘﯩﻤﺎﺋﯩﻲ ﻗﯩﻠﯩﻤﯩﺶ – ﺋﻪﺗﻤﯩﺸﻠﯩﺮﻯ ﺩﺍﺋﯩﻢ ﺷﯘ ﺟﻪﻣﺌﯩﻴﻪﺗﻨﯩﯔ ﺋﯩﺠﺘﯩﻤﺎﺋﯩﻲ ﺋﻪﺧﻼﻕ ﻣﯩﺰﺍﻧﻠﯩﺮﻯ ﺑﯩﻠﻪﻥ ﺯﯨﭻ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﯩﺪﯗ. ﻳﯘﻗﯩﺮﯨﺪﺍ ﺗﯩﻠﻐﺎ ﺋﯧﻠﯩﻨﻐﺎﻥ ﺋﻪﻳﺪﯨﺰﻧﯩﯔ ﺗﺎﺭﻗﯩﻠﯩﺸﻰ ﺋﯜﭼﯜﻥ ﺯﯨﻤﯩﻦ ﮬﺎﺯﯨﺮﯨﭗ ﺑﯧﺮﯨﯟﺍﺗﻘﺎﻥ ﻗﺎﻻﻳﻤﯩﻘﺎﻥ ﺟﯩﻨﯩﺴﯩﻲ ﻣﯘﻧﺎﺳﯩﯟﻩﺕ ﻗﯩﻠﯩﺶ، ﺯﻩﮬﻪﺭ ﭼﯧﻜﯩﺶ ﻗﺎﺗﺎﺭﻟﯩﻖ ﻧﻪﭘﺴﯩﻨﯩﯔ ﻛﻪﻳﻨﯩﮕﻪ ﻛﯩﺮﯨﭗ ﺳﺎﺩﯨﺮ ﺑﻮﻟﺪﯨﻐﺎﻥ ﻗﯩﻠﯩﻤﯩﺸﻼﺭ ﮬﻪﺭﺑﯩﺮ ﺟﻪﻣﺌﯩﻴﻪﺕ ﺋﯩﺠﺘﯩﻤﺎﺋﯩﻲ ﺋﻪﺧﻼﻗﯩﻨﯩﯔ ﭼﻮﻗﯘﻡ ﺗﯜﺯﯛﺷﻰ ، ﺗﻪﺳﯩﺮ ﻛﯚﺭﺳﯩﺘﯩﺸﻰ ﻛﯧﺮﻩﻙ ﺑﻮﻟﻐﺎﻥ ﺗﻪﺭﻩﭘﺘﯘﺭ.
ﺋﯩﻨﺘﺎﻳﯩﻦ ﺋﺎﺯ ﺳﺎﻧﺪﯨﻜﻰ ﺋﺎﻻﮬﯩﺪﻩ ﺳﻪﯞﻩﭘﻠﻪﺭ ﺗﯜﭘﻪﻳﻠﻰ ﺋﻪﻳﺪﯨﺰ ( AIDS ) ﺩﯨﻦ ﻳﯘﻗﯘﻣﻠﯩﻨﯩﭗ ﻗﺎﻟﻐﺎﻧﻼﺭﺩﯨﻦ ﺑﺎﺷﻘﺎ ﻣﯘﺗﻠﻪﻕ ﻛﯚﭖ ﻗﺴﯩﻢ ﺋﻪﻳﺪﯨﺰﺩﯨﻦ ﻳﯘﻗﯘﻣﻼﻧﻐﯘﭼﯩﻼﺭ ﺟﻪﻣﺌﯩﻴﻪﺕ ﺗﻪﺭﯨﭙﯩﺪﯨﻦ ﺋﯚﺯﯨﻨﯩﯔ ﺑﻮﻟﻤﯩﻐﯘﺭ ﻗﯩﻠﯩﻤﯩﺸﻰ ﺗﯜﭘﻪﻳﻠﻰ ﻣﯘﺷﯘ ﻳﯩﺮﮔﯩﻨﯩﺸﻠﯩﻚ ﻛﯧﺴﻪﻝ ﺑﯩﻠﻪﻥ ﻛﯧﺴﻪﻟﻠﻪﻧﺪﻯ ، ﺋﯚﺯ ﺑﯧﺸﯩﻐﺎ ﺋﯚﺯﻟﯩﺮﻯ ﭼﯩﻘﺘﻰ ﺩﻩﭖ ﻗﺎﺭﯨﻠﯩﺪﯗ. ﺷﯘﯕﺎ، ﮔﻪﺭﭼﻪ ﺟﻪﻣﺌﯩﻴﻪﺕ ﺋﯘﻻﺭﻏﺎ ﻧﺎﮬﺎﻳﯩﺘﻰ ﺯﻭﺭ ﮬﯧﺴﺪﺍﺷﻠﯩﻖ ﻗﯩﻠﯩﭗ ، ﺋﯩﻠﻠﯩﻖ ﻗﻮﭼﯩﻘﯩﻨﻰ ﺋﯧﭽﯩﺸﻘﺎ ﺋﻮﺭﯗﻧﺴﯩﻤﯘ ، ﺋﯘﻻﺭﻧﻰ ﻛﻪﻣﺴﯩﺘﯩﺶ ، ﺋﺎﺩﯨﻞ ﻣﯘﺋﺎﻣﯩﻠﻪ ﻗﯩﻼﻟﻤﺎﺳﻠﯩﻘﺘﯩﻦ ﺧﺎﻟﯩﻲ ﺑﻮﻻﻟﻤﺎﻳﺪﯗ.
2. ﺋﻪﻳﺪﯨﺰﻧﯩﯔ ﺋﺎﻟﺪﯨﻨﻰ ﺋﯧﻠﯩﺶ ﯞﻩ ﺋﯩﺠﺘﯩﻤﺎﺋﯩﻲ ﺋﻪﺧﻼﻕ
ﺋﻪﻳﺪﯨﺰ ﺋﯩﻨﺴﺎﻧﯩﻴﻪﺕ ﺋﯜﭼﯜﻥ ﻧﺎﮬﺎﻳﯩﺘﻰ ﺯﻭﺭ ﺧﻪﯞﭖ . ﺷﯘﯕﺎ، ﺋﻪﻳﺪﯨﺰ ( AIDS ) ﻧﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺗﻮﻟﯩﻤﯘ ﻣﯘﮬﯩﻢ . ﺑﻮﻟﯘﭘﻤﯘ ﺗﯧﺒﺒﯩﻲ ﺋﯩﻠﯩﻢ ﺋﻪﻳﺪﯨﺰﮔﻪ ﻗﺎﺭﺷﻰ ﺩﻭﺭﺍ ﻳﺎﻛﻰ ﺋﯘﻧﯩﯔ ﺋﺎﻟﺪﯨﻨﻰ ﺋﺎﻟﺪﯨﻐﺎﻥ ﯞﺍﻛﺴﯩﻨﯩﻨﻰ ﻳﺎﺳﺎﺷﻘﺎ ﻗﺎﺩﯨﺮ ﺑﻮﻻﻟﻤﺎﻳﯟﺍﺗﻘﺎﻥ ﺷﺎﺭﺍﺋﯩﺖ ﺋﺎﺳﺘﯩﺪﺍ ﺗﯧﺨﯩﻤﯘ ﺷﯘﻧﺪﺍﻕ. ﻧﯚﯞﻩﺗﺘﻪ ﺋﻪﯓ ﻛﯚﯕﯜﻟﺪﯨﻜﯩﺪﻩﻙ ﯞﻩ ﺋﯜﻧﯜﻣﻰ ﺋﻪﯓ ﻳﯘﻗﯩﺮﻯ ﺑﻮﻟﻐﺎﻥ ﺋﺎﻟﺪﯨﻨﻰ ﺋﯧﻠﯩﺶ ﺋﯘﺳﯘﻟﻰ ﺷﯘﻛﻰ، ﺋﻪﻳﺪﯨﺰﻧﯩﯔ ﻳﯘﻗﯘﺵ ﻳﻮﻟﻠﯩﺮﯨﻐﺎ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﻐﺎﻥ ﺋﺎﺩﻩﻣﻠﻪﺭﻧﯩﯔ ﺋﯩﺠﺘﯩﻤﺎﺋﯩﻲ ﮬﻪﺭﯨﻜﯩﺘﯩﻨﻰ ﺋﯚﺯﮔﻪﺭﺗﯩﺶ. ﺋﺎﺩﻩﻣﻠﻪﺭﻧﯩﯔ ﮬﻪﺭﯨﻜﯩﺘﯩﻨﻰ ﺋﯚﺯﮔﻪﺭﺗﯩﺶ ﺗﻮﻏﺮﺍ ﻛﻪﻟﺴﻪ ﺷﯜﺑﮭﯩﺴﯩﺰﻛﻰ ﺋﯩﺠﺘﯩﻤﺎﺋﯩﻲ ﺋﻪﺧﻼﻗﻨﻰ ﺗﻪﻛﯩﺘﻠﯩﻤﻪﻱ ﺑﻮﻟﻤﺎﻳﺪﯗ.
ﺋﻪﻳﺪﯨﺰ ( AIDS ) ﮔﻪ ﺋﺎﻻﻗﯩﺪﺍﺭ ﻛﯩﺸﯩﻠﻪﺭ ﺗﻮﭘﯩﻨﻰ ﻣﯘﻧﺪﺍﻕ ﺋﯩﻜﻜﻰ ﮔﯘﺭﯗﭘﭙﯩﻐﺎ ﺑﯚﻟﯜﺵ ﻣﯘﻣﻜﯩﻦ، ﺑﯩﺮﯨﻨﭽﯩﺴﻰ، ﺋﻪﻳﺪﯨﺰﺩﯨﻦ ﻳﯘﻗﯘﻣﻼﻧﻐﺎﻧﻼﺭ، ﺋﯩﻜﻜﯩﻨﭽﯩﺴﻰ ﺋﻪﻳﺪﯨﺰﺩﯨﻦ ﻳﯘﻗﯘﻣﻼﻧﻤﯩﻐﺎﻧﻼﺭ . ﺑﯘ ﺋﯩﻜﻜﻰ ﮔﯘﺭﯗﭘﭙﯩﺪﯨﻜﻰ ﻛﯩﺸﯩﻠﻪﺭﮔﻪ ﭼﻮﻗﯘﻡ ﻣﯘﻧﺪﺍﻕ ﺋﯩﻜﻜﻰ ﺧﯩﻞ ﺳﯧﮕﻨﺎﻟﻨﻰ ﺋﺎﯕﻠﯩﺘﯩﺶ ﺯﯙﺭﯛﺭ. ﺋﻪﻳﺪﯨﺰﺩﯨﻦ ﻳﯘﻗﯘﻣﻼﻧﻐﺎﻧﻼﺭﻏﺎ << ﺑﺎﺷﻘﯩﻼﺭﻏﺎ ﻳﯘﻗﺘﯘﺭﯗﭖ ﻗﻮﻳﻤﺎﯓ ! >> ، ﺋﻪﻳﺪﯨﺰﺩﯨﻦ ﻳﯘﻗﯘﻣﻼﻧﻤﯩﻐﺎﻧﻼﺭ << ﺋﻪﻳﺪﯨﺰﻧﻰ ﻳﯘﻗﺘﯘﺭﯨﯟﺍﻟﻤﺎﯓ! >> . ﺑﯘ ﺋﯩﻜﻜﻰ ﺧﯩﻞ ﮔﯘﺭﯗﭘﭙﯩﺪﯨﻜﻰ ﻛﯩﺸﯩﻠﻪﺭﻧﻰ ﻳﯘﻗﯩﺮﯨﻘﻰ ﺳﯧﮕﻨﺎﻟﻐﺎ ﺋﻪﻣﻪﻝ ﻗﯩﻠﺪﯗﺭﯗﺵ ﺋﯜﭼﯜﻥ ﭼﻮﻗﯘﻡ ﺋﯘﻻﺭﻧﯩﯔ ﮬﻪﺭﯨﻜﯩﺘﯩﻨﻰ ﺋﯚﺯﮔﻪﺭﺗﯩﺶ ﻛﯧﺮﻩﻙ.
ﺑﯩﺰ ﻳﯘﻗﯩﺮﯨﺪﺍ ﺋﻪﻳﺪﯨﺰ ( AIDS ) ﻧﯩﯔ ﺋﺎﻟﺪﯨﻨﻰ ﺋﯧﻠﯩﺸﻨﯩﯔ ﺋﻪﯓ ﺋﯜﻧﯜﻣﻠﯜﻙ ﺋﯘﺳﯘﻟﯩﻨﯩﯔ ﺋﻪﻳﺪﯨﺰﻧﯩﯔ ﺗﺎﺭﻗﯩﻠﯩﺶ ﻳﻮﻟﻠﯩﺮﯨﻐﺎ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﻐﺎﻥ ﺋﺎﺩﻩﻡ ﮬﻪﺭﯨﻜﯩﺘﯩﻨﻰ ﺋﯚﺯﮔﻪﺭﺗﯩﺶ ﺩﯦﺪﯗﻕ، ﮬﻪﻣﺪﻩ ﺋﺎﺩﻩﻡ ﮬﻪﺭﯨﻜﯩﺘﯩﻨﻰ ﺋﯚﺯﮔﻪﺭﺗﯩﺸﺘﻪ ﺋﯩﺠﺘﯩﻤﺎﺋﯩﻲ ﺋﻪﺧﻼﻗﻨﯩﯔ ﺭﻭﻟﯩﻨﯩﯔ ﻣﯘﮬﯩﻤﻠﯩﻘﻨﻰ ﺗﻪﻛﺘﯩﻠﻪﭖ ﺋﯚﺗﺘﯘﻕ. ﺷﯘﻧﯩﺴﻰ ﺋﯧﻨﯩﻘﻜﻰ ﺑﯘ ﻳﻪﺭﺩﯨﻜﻰ ﺋﯩﺠﺘﯩﻤﺎﺋﯩﻲ ﺋﻪﺧﻼﻕ ﺷﯘ ﻣﯩﻠﻠﻪﺕ ﻣﯩﻘﯩﻴﺎﺳﯩﺪﺍ ﻣﯘﻗﻪﺩﺩﻩﺱ ﺑﯩﻠﯩﻨﯩﭗ، ﺩﯨﻠﻼﺭﺩﺍ ﺯﯨﻜﯩﺮﻯ ﻗﯩﻠﯩﻨﯩﭗ، ﺗﯩﻠﻼﺭﺩﺍ ﺟﺎﺭﻯ ﺋﻪﻳﻠﯩﻨﯩﭗ، ﺋﻪﻣﻪﻟﯩﻴﺘﯩﺪﻩ ﺗﻪﺩﺑﯩﻘﻠﯩﻨﯩﯟﺍﺗﻘﺎﻥ ﺩﯨﻨﯩﻲ ﺋﻪﻗﯩﺪﯨﻠﻪﺭﻧﯩﻤﯘ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ. ﻗﯩﺴﻘﯩﺴﻰ ﺑﯩﺰ ﮬﺎﺯﯨﺮ ﺗﻪﻛﯩﺘﻠﻪﯞﺍﺗﻘﺎﻥ ﺋﯩﺠﺘﯩﻤﺎﺋﯩﻲ ﺋﻪﺧﻼﻕ ﻣﻪﻟﯘﻡ ﺑﯩﺮ ﻣﯩﻠﻠﻪﺗﻨﯩﯔ ﺗﺎﺭﯨﺨﻼﺭﺩﯨﻦ ﺑﯧﺮﻯ ﺋﯜﺯﯛﻟﻤﻪﻱ ﺩﺍﯞﺍﻣﻠﯩﺸﯩﭗ ﻛﯧﻠﯩﯟﺍﺗﻘﺎﻥ ﺋﯩﺠﺘﯩﻤﺎﺋﯩﻲ ﺗﯘﺭﻣﯘﺵ ﻳﯘﺳﯘﻧﻠﯩﺮﻯ ﺑﯩﻠﻪﻥ ﺷﯘ ﻣﯩﻠﻠﻪﺕ ﻛﯩﺸﯩﻠﯩﺮﻯ ﮬﺎﺯﯨﺮ ﺋﯧﺘﯩﻘﺎﺩ ﻗﯩﻠﯩﯟﺍﺗﻘﺎﻥ ﺩﯨﻨﻨﯩﯔ ﺋﻪﻗﯩﺪﻩ ﭼﯜﺷﻪﻧﭽﯩﻠﯩﺮﯨﻨﯩﯔ ﺑﯩﺮﯨﻜﻤﻪ ﮔﻪﯞﺩﯨﺴﯩﺪﯗﺭ.
ﺋﯘﻳﻐﯘﺭﻻﺭ ﺋﯘﺯﺍﻕ ﻳﯩﻠﻠﯩﻖ ﺷﺎﻧﻠﯩﻖ ﻣﻪﺩﻩﻧﯩﻴﻪﺕ ﺗﺎﺭﯨﺨﯩﻐﺎ ﺋﯩﮕﻪ ﺋﯘﻟﯘﻍ ﺧﻪﻟﻘﻠﻪﺭﻧﯩﯔ ﺑﯩﺮﻯ، ﺋﯘﻻﺭﻧﯩﯔ ﺋﯩﺠﺘﯩﻤﺎﺋﯩﻲ ﺗﯘﺭﻣﯘﺵ ﻳﯘﺳﯘﻧﻠﯩﺮﻯ ﺋﯘﺯﺍﻕ ﺗﺎﺭﯨﺨﯩﻲ ﺗﻪﺭﻩﻗﻘﯩﻴﺎﺕ ﺟﻪﺭﻳﺎﻧﯩﺪﺍ ﺗﻪﺩﺭﯨﺠﯩﻲ ﺷﻪﻛﯩﻠﻠﯩﻨﯩﭗ ﺑﺎﺭﺍ – ﺑﺎﺭﺍ ﻣﯘﻛﻪﻣﻤﻪﻟﻪﺷﻜﻪﻥ. ﺋﯘﻳﻐﯘﺭﻻﺭ ﺋﯩﺴﻼﻡ ﺩﯨﻨﯩﻨﻰ ﺋﯚﺯﯨﻠﯩﺮﻧﯩﯔ ﺋﺎﺧﯩﺮﯨﻘﻰ ﺩﯨﻨﯩﻲ ﺋﯩﺘﯩﻘﺎﺩﻯ ﻗﯩﻠﯩﭗ ﺗﺎﻟﻠﯩﻐﺎﻧﺪﯨﻦ ﻛﯧﻴﯩﻦ ، ﺋﯩﺠﺘﯩﻤﺎﺋﯩﻲ ﺋﻪﺧﻼﻕ ﭼﯜﺷﻪﻧﭽﯩﻠﯩﺮﻯ ﺗﯧﺨﯩﻤﯘ ﻳﯜﻛﺴﻪﻛﻠﯩﻜﻜﻪ ﻛﯚﺗﯜﺭﯛﻟﯜﭖ، ﺗﯧﺨﯩﻤﯘ ﺗﺎﻛﺎﻣﯘﻟﻼﺷﻘﺎﻥ . ﻣﻪﺯﻣﯘﻧﻰ ﺑﯧﻴﯩﭗ، ﭼﻪﻙ – ﭼﯩﮕﺮﺍﻟﯩﺮﻯ ﺗﯧﺨﯩﻤﯘ ﺋﯧﻨﯩﻖ ﺋﺎﻳﺮﯨﻠﯩﻐﺎﻥ ﺋﯩﺪﻯ.
ﺑﯩﺰﻧﯩﯔ ﭼﯜﺷﯩﻨﯩﺸﯩﻤﯩﺰﭼﻪ ﺋﯘﻳﻐﯘﺭﻻﺭﺩﺍ ﻣﯘﻧﺪﺍﻕ ﺑﯩﺮ ﻗﺎﻧﭽﻪ ﻣﯘﮬﯩﻢ ﺋﯩﺠﺘﯩﻤﺎﺋﯩﻲ ﺋﻪﺧﻼﻕ ﻣﯩﺰﺍﻧﻰ ﺑﺎﺭ :
1. ﻧﯧﻜﺎﮬ ﺗﯜﺯﯛﻣﻰ ﻧﺎﮬﺎﻳﯩﺘﻰ ﺋﯧﻨﯩﻖ ﺑﻮﻟﯘﭖ، ﺋﻪﺭ – ﺋﺎﻳﺎﻟﻼﺭﻧﯩﯔ ﻧﯩﻜﺎﮬﻠﯩﻨﯩﭗ ﮬﺎﻻﻝ ﺟﯜﭖ ﺑﻮﻟﯘﺷﯩﻨﻰ ﺭﻭﺷﻪﻥ ﻛﺎﭘﺎﻟﻪﺗﻜﻪ ﺋﯩﮕﻪ ﻗﯩﻠﯩﺪﯗ. ﻗﻮﺭﺍﻣﯩﻐﺎ ﻳﻪﺗﻜﻪﻥ ﻳﯩﮕﯩﺖ – ﻗﯩﺰﻻﺭ ﺑﺎﻟﺪﯗﺭﺭﺍﻕ ﺗﻮﻱ ﻗﯩﻠﯩﺸﻘﺎ ﺭﯨﻐﺒﻪﺗﻠﻪﻧﺪﯛﺭﯛﻟﯩﺪﯗ. ﻧﯩﻜﺎﮬﺴﯩﺰ ﮬﻪﺭﻗﺎﻧﺪﺍﻕ ﺋﻪﺭ – ﺋﺎﻳﺎﻟﻠﯩﻖ ﻣﯘﻧﺎﺳﯩﯟﻩﺗﻨﻰ ﮬﺎﺭﺍﻡ ﺩﻩﭖ ﻗﺎﺭﺍﭖ ، ﺋﯘﻧﻰ ﺋﻪﺷﻪﺩﺩﯨﻲ ﺋﯧﻐﯩﺮ ﮔﯘﻧﺎﮬ ﻗﺎﺗﺎﺭﯨﺪﺍ ﻛﯚﺭﯛﯨﺪﯗ.
2. ﺑﯩﺮ ﺋﻪﺭ ﺑﯩﺮ ﺋﺎﻳﺎﻟﻠﯩﻖ ﺋﺎﻳﺮﯨﻢ ﺋﻪﮬﯟﺍﻟﺪﺍ ﻛﯚﭖ ﺑﻮﻟﻐﺎﻧﺪﺍ 4 ﺋﺎﻳﺎﻟﻠﯩﻖ ﺑﻮﻟﯘﺷﻘﺎ ﺑﻮﻟﯩﺪﯗ. ﺋﻪﻣﻤﺎ ، ﻧﯩﻜﺎﮬﺪﯨﻦ ﺳﯩﺮﺕ ﮬﻪﺭﻗﺎﻧﺪﺍﻕ ﺋﻪﺭ – ﺋﺎﻳﺎﻟﻠﯩﻖ ﻣﯘﻧﺎﺳﯩﯟﻩﺕ ﻗﺎﺗﺘﯩﻖ ﭼﻪﻛﻠﯩﻨﯩﺪﯗ. ﺑﯘ ﺑﯩﺰﻧﯩﯔ ﻧﯩﻜﺎﮬ ﺗﯜﺯﯛﻣﯩﻤﯩﺰﺩﯨﻜﻰ ﺋﻪﯓ ﺋﻠﯩﻐﺎﺭﻟﯩﻖ ﺑﻮﻟﯘﭖ، ﻏﻪﺭﭖ ﺋﻪﻟﻠﯩﺮﯨﺪﻩﻙ ﺋﺎﺷﻨﺎ، ﭘﺎﮬﯩﺸﻪ ﯞﻩ ﻳﻪﻧﻪ ﻗﺎﻧﺪﺍﻗﺘﯘﺭ ﮬﻪﻣﺮﺍﮬ ﺑﻮﻟﻐﯘﭼﯩﻼﺭﻧﻰ ﻗﺎﻧﯘﻧﻼﺷﺘﯘﺭﯗﭖ، ﺋﯚﺯﻟﯩﺮﯨﻨﯩﯔ ﻧﯩﻜﺎﮬ ﺗﯜﺯﯛﻣﯩﻠﯩﺮﯨﮕﻪ ﺋﯚﺯﻟﯩﺮﻯ ﮬﺎﻗﺎﺭﻩﺕ ﻗﯩﻠﻐﺎﻧﺪﻩﻙ ﺋﯩﺸﻼﺭ ﻣﻪﯞﺟﯘﺩ ﺋﻪﻣﻪﺱ .
3. ﻗﺎﻻﻳﻤﯩﻘﺎﻥ ﺟﯩﻨﯩﺴﻲ ﻣﯘﻧﺎﺳﯩﯟﻩﺕ ﻗﺎﺗﺘﯩﻖ ﭼﻪﻛﻠﯩﻨﯩﺪﯗ. ﻗﯩﺰﻻﺭﻧﯩﯔ ﺋﯩﭙﭙﻪﺕ – ﻧﻮﻣﯘﺳﻰ ﺟﺎﻧﺪﯨﻨﻤﯘ ﺋﻪﺯﯨﺰ ، ﺋﻪﯓ ﺑﯩﺒﺎﮬﺎ ﺑﻮﻟﯘﭖ، ﻛﯚﭖ ﻗﯩﺴﯩﻢ ﺋﯘﻳﻐﯘﺭ ﻗﯩﺰﯨﻠﯩﺮﻯ ﺋﯚﺯ ﺋﯩﭙﭙﻪﺕ – ﻏﻮﺭﯗﺭﯨﻨﻰ ﺳﺎﻗﻼﺵ ﺋﯜﭼﯜﻥ ﮬﻪﺗﺘﺎ ﺟﺎﻧﻠﯩﺮﯨﻨﯩﻤﯘ ﻗﯘﺭﺑﺎﻥ ﻗﯩﻠﯩﺪﯗ. ﺩﯨﻨﯩﻲ ﭼﯜﺷﻪﻧﭽﯩﻠﯩﺮﯨﻤﯩﺰﺩﻩ ﻳﺎﺕ ﺟﯩﻨﯩﺴﻠﯩﻘﻼﺭﻏﺎ ﻗﺎﻧﺪﺍﻕ ﻣﯘﺋﺎﻣﯩﻠﯩﺪﻩ ﺑﻮﻟﯘﺵ ﮬﻪﻗﻘﯩﺪﻩ ﺋﯧﻨﯩﻖ ﺑﻪﻟﮕﯩﻠﯩﻤﯩﻠﻪﺭ ﺑﺎﺭ، ﺋﯘﻻﺭ ﺑﯩﻠﻪﻥ ﻗﺎﻻﻳﻤﯩﻘﺎﻥ ﻣﯘﻧﺎﺳﯩﯟﻩﺗﺘﻪ ﺋﻪﻣﻪﺱ ﺑﻪﻟﻜﻰ ﻏﻪﻳﺮﯨﻲ ﻧﻪﺯﻩﺭ ﺑﯩﻠﻪﻥ ﻗﺎﺭﺍﺷﻤﯘ ﺗﻪﻧﻘﯩﺪ ﻗﯩﻠﻨﯩﺪﯗ.
4. ﻗﯩﺰ – ﺋﺎﻳﺎﻟﻠﯩﺮﯨﻤﯩﺰﻧﯩﯔ ﻛﯧﻴﯩﻨﯩﺸﯩﮕﻪ ﺑﻮﻟﻐﺎﻥ ﺗﻪﻟﻪﭖ ﺑﯩﺮﻗﻪﺩﻩﺭ ﻛﯜﭼﻠﯜﻙ، ﺋﺎﺩﻩﺗﺘﻪ ﺋﯘﻻﺭﻧﯩﯔ ﺑﻪﺩﻩﻧﻠﯩﺮﻧﻰ ﻳﯧﭙﯩﭗ ﺗﯘﺭﯨﺪﯨﻐﺎﻥ ﻛﯧﻴﯩﻤﻠﻪﺭﻧﻰ ﻛﯧﻴﯩﺶ ﺗﻪﺷﻪﺑﺒﯘﺱ ﻗﯩﻠﯩﻨﯩﺪﯗ.
5. ﻗﯩﺰ – ﻳﯩﮕﯩﺘﻠﻪﺭ ﺋﻮﺗﺘﯘﺭﯨﺴﯩﺪﯨﻜﻰ ﭘﻪﺩﯨﺸﻪﭖ ﺑﯩﺮﻗﻪﺩﻩﺭ ﻛﯜﭼﻠﯜﻙ. ﺳﯚﺯﻟﯩﺸﯩﺶ ﺟﻪﮬﻪﺗﺘﯩﻤﯘ ﺋﯚﺯﯨﮕﻪ ﭼﯘﺷﻠﯘﻕ ﺋﻪﺩﻩﭖ ﻗﺎﺋﯩﺪﯨﻠﯩﺮﻯ ﺑﺎﺭ
6. ﺯﻩﮬﻪﺭ ﺋﻪﻣﻪﺱ ﺗﺎﻣﺎﻛﺎ ﭼﯧﻜﯩﺸﻨﯩﯔ ﺋﯚﺯﯨﻼ ﺋﻪﻳﯩﭙﻠﯩﻚ ﺋﯩﺶ ﺩﻩﭖ ﻗﺎﺭﯨﻠﯩﺪﯗ. ﮬﺎﺯﯨﺮﯨﻤﯘ ﻳﺎﺷﻼ ﭘﯩﺸﻘﻪﺩﻩﻣﻠﻪﺭ ﻳﺎﻛﻰ ﮬﯚﺭﻣﻪﺗﻜﻪ ﭼﻮﯓ ﻛﯩﺸﯩﻠﻪﺭ ﺋﺎﻟﺪﯨﺪﺍ ﺑﯩﻤﺎﻻﻝ ﺗﺎﻣﺎﻙ ﭼﯧﻜﯩﺸﺘﯩﻦ ﮬﻴﯩﻘﯩﺪﯗ.
ﻣﯩﺴﺎﻝ ﺋﺎﻟﺴﺎﻕ ﻳﻪﻧﻪ ﺗﺎﻻﻳﻼﭖ ﺋﯧﻠﯩﺶ ﻣﯘﻣﻜﯩﻦ ﺋﯩﺪﻯ. ﺋﻪﻣﻤﺎ، ﭘﻪﻗﻪﺕ ﺋﻪﻳﺪﯨﺰ ( AIDS ) ﺑﯩﻠﻪﻥ ﺋﺎﻻﻗﯩﺪﺍﺭ ﺩﻩﭖ ﻗﺎﺭﯨﻐﺎﻧﻠﯩﺮﯨﻤﯩﺰﺩﯨﻦ ﺑﯩﺮﻗﺎﻧﭽﯩﻨﻰ ﻣﯩﺴﺎﻟﻐﺎ ﺋﯧﻠﯩﺶ ﻛﯘﭘﺎﻳﯩﻠﯩﻨﯩﭗ ﺳﯚﺯﯨﻤﯩﺰﮔﻪ ﻗﺎﻳﺘﺴﺎﻕ، ﺑﯘ ﻗﻪﺩﻩﺭ ﺋﯧﻨﯩﻖ ﺋﻪﺧﻼﻕ ﻣﯩﺰﺍﻧﻰ ، ﺟﻪﻣﺌﯩﻴﻪﺕ ﺗﻪﺭﺗﯩﭙﻰ ﺑﺎﺭ ﺑﯩﺮ ﺟﻪﻣﺌﯩﻴﻪﺗﺘﻪ ﻧﯧﻤﻪ ﺋﯜﭼﯜﻥ ﺋﻪﻳﺪﯨﺰﻧﯩﯔ ﺗﺎﺭﻗﯩﻠﯩﺶ ﺳﯜﺭﺋﯩﺘﻰ ﻛﯩﺸﯩﻨﻰ ﺑﯘ ﻗﻪﺩﻩﺭ ﭼﯜﭼﯩﺘﯩﺪﯗ؟! ﺋﯚﺯ ﯞﺍﻗﺘﯩﺪﺍ ﺋﯘﻳﻐﯘﺭﻻﺭ ﺋﻪﺧﻼﻗﯩﻲ ﭘﻪﺯﯨﻠﻪﺕ – ﻣﻪﺩﻩﻧﯩﻴﻠﯩﻜﺘﻪ ﺧﯧﻠﻰ ﺧﯧﻠﻰ ﻣﯩﻠﻠﻪﺗﻠﻪﺭﻧﯩﯔ ﺋﻪﻗﻠﯩﻨﻰ ﻻﻝ ﻗﯩﻠﻐﺎﻥ ﺑﻮﻟﺴﺎ، ﺋﻪﻣﺪﯨﻠﯩﻜﺘﻪ ﺋﻪﻳﺪﯨﺰﻧﯩﯔ ﺋﯘﻳﻐﯘﺭﻻﺭﺩﺍ ﺷﯩﺪﺩﻩﺕ ﺑﯩﻠﻪﻥ ﻳﺎﻣﯩﺮﯨﺸﻰ ﺟﺎﮬﺎﻧﻨﻰ ﺗﺎﯓ ﻗﻮﻳﻤﺎﻗﺘﺎ ! … ﭘﯜﺗﻜﯜﻝ ﺩﯗﻧﻴﺎ ﮬﻪﻳﺮﻩﺗﺘﻪ ﻗﺎﻟﻤﺎﻗﺘﺎ، ﺑﯘ ﺯﺍﺩﯨﻦ ﻧﯧﻤﻪ ﺋﯜﭼﯜﻥ؟ ! . …
مەنبە: يۈكسەل بلوگى ، يازما : AIDS ۋە ئىجتىمائىي ئەخلاق
بىر ئويلىنىشقا تىگىشلىك مەسلىدە بۇ.
يۈكسەل ئەپەندى شۇنداق ياخشى نەرسىلەرنى ئەۋەتىسىز مەن كۈدە كىرىپ ئەسەرلىرىڭىزنى ئوقۇپ تۇرىمەن.
لىكىن بىر ئىشنى ئويلاپ قالدىم سىز نىمىش قىلىسىز؟
يۈكسەل نىمىش قىلىدۇ؟ يۈكسەل مۇشۇنداق يازمىلارنى يېزىپ كىىشىلەرنى ئاگاھلاندۇرۇىدۇ، يول كۆرسىتىدۇ، چوڭقۇر ئويلارغا چۆمدۈرىدۇ.
جاۋاپ سەل مۈجىمەل بولۇپ قالدى، ئەمما يۈكسەلنىڭ ئۇچۇرلىرى مۇشۇ بىلوگنى بىر ئىزدىسىڭىز مانا مەن دەپ تۇرسا، يەنە سوراپ يۈرگىنىڭىزنى.