ئۈرۈمچى كەچلىك گېزىتى خەۋىرى:

شۇنداق دېيىشكە بولىدۇكى، ئېغىزدىن كىرگەن نەرسىلەرنىڭ ھەممىسى دەسلەپكى قەدەمدە ئاشقازان بىلەن تالدا بىرتەرەپ قىلىنىدىغان بولغاچقا، بۇ ئورۇنلاردا نۇرغۇن زەھەر بولىدۇ. ماتېرىياللاردا مۇنداق قۇرلار بار: تاماق يېيىلىپ بولغان ۋاقىت ئاشقازانغا زەھەر يىغىلىدىغان پەيتتۇر، يېگەن ۋاق تاماق ۋاقتىدا ھەزىم قىلىنىپ بەدەنگە قوبۇل قىلىنمىسا ئاشقازانغا يىغىلىدىغان زەھەر بارغانسېرى كۆپىيىپ كېتىدۇ. تاماقتىن كېيىن ئانچە-مۇنچە مېڭىپ بەرگەندىن باشقا تال ۋە ئاشقازاننىڭ كەيپىياتىنى ياخشىلاش ئۈچۈن تاماق يېيىلىپ بىر سائەتتىن كېيىن بىر تال مېۋە يەپ بەرسە، ئاشقازان بىلەن تال قۇۋۋەتلىنىپ زەھەر ھەيدەش ئىقتىدارى ھەسسىلەپ ئاشىدۇ. ئەمما بۇنىڭلىق بىلەنلا چەكلىنىپ قالغىلى بولمايدۇ بەلكى يەنە مۇنداق ئىشلارنى قىلىش تولىمۇ زۆرۈر:

ئاچچىق-چۈچۈك يېمەكلىكلەر:

قارا ئۆرۈك ۋە ئاچچىقسۇغا ئوخشاش نەرسىلەر يېمەكلىكلەردىكى زەھەرلىك تەركىبلەرنى پارچىلايدىغان ئەڭ ياخشى يېمەكلىك، ئۈچەي ۋە ئاشقازاننىڭ ھەزىم قىلىش ئىقتىدارىنى كۈچەيتىپ، يىمەكلىكلەردىكى زەھەرنى ئىنتايىن قىسقا ۋاقىتتا بەدەن سىرتىغا ھەيدەپ چىقىرىدۇ، ئۇنىڭدىن باشقا، ئاچچىق-چۈچۈك يېمەكلىر يەنە ئاشقازان بىلەن تالنى قۇۋۋەتلەيدۇ، شۇڭا ئۇلارنى ئىنتايىن ئۈنۈملۈك زەھەر تازلىغۇچى يېمەكلىك دېيىشكە بولىدۇ.

تاماقتىن كېيىنكى سەيلە.

ھەرىكەت تال بىلەن ئاشقازاننىڭ يېمەكلىكلەرنى ھەزىم قىلىشىغا ياردەم بېرىدۇ، شۇنداقلا زەھەرنى ھەيدەش سۈرئىتىنى تېزلىتىدۇ، بىراق ھەرىكەت قىلىشتا ئۇزۇنغىچە چىڭ تۇرماي بولمايدۇ، ھەر ۋاخ تاماقتىن كېيىن نەچچە ئون مىنۇت مېڭىپ بەرسە، ئۈنۈمى تېخىمۇ ياخشى بولىدۇ.