ئۈرۈمچى كەچلىك گېزىتى خەۋىرى:

كۈلكىنىڭ سالامەتلىك ئۈچۈن پايدىسى كۆپ بولسىمۇ، لېكىن سالامەتلىك ئەھۋالى تۆۋەندىكىدەك كىشىلەر قاتتىق كۈلۈشتىن ئېھتىيات قىلىشى كېرەك:

1. قان بېسىمى يۇقىرى كىشىلەر قاتتىق تېلىقىپ كۈلۈشتىن ساقلىشى كېرەك. 

2. مېڭە قان تومۇرلىرى توسۇلۇپ قېلىش، مېڭىگە قان چۈشۈش قاتارلىق كېسەللىكلەرگە گىرىپتار بولۇپ ئەسلىگە كېلىۋاتقان مەزگىلدىكى كىشىلەر كېسەللىكنىڭ تەكرارلىنىپ قالماسلىقى ئۈچۈن قاتتىق كۈلمەسلىكى كېرەك. 

3. يۈرەك مۇسكۇل تىقىلمىسى كېسەللىكىگە گىرىپتار بولغانلار كېسەللىكنىڭ قوزغىلىۋاتقان ياكى ئۆتكۈر مەزگىلى ئۆتۈپ كېتىپ ئەسلىگە كېلىۋاتقان مەزگىلدە قاتتىق كۈلمەسلىكى كېرەك. 

4. كۆكرەك قىسمى ياكى يۈرەك ئوپراتسىيەسى قىلىنىپ ئانچە ئۇزۇن بولمىغان كىشىلەر قاتتىق كۈلسە، ئوپېراتسىيە قىلىنغان جاينىڭ تۇتۇشىغا تەسىر يېتىپ، ئاغرىق كۈچىيىپ كېتىدۇ. 

5. سېرىقئېتى يېرىلغان كىشلەر قاتتىق كۈلسە قورساق ئىچىنىڭ بېسىمى ئېشىپ كېتىپ، سېرىقئەتنىڭ يېرىقىنى بارغانسېرى چوڭايتىۋېتىدۇ. 

6. ھامىلىدار ئاياللار قاتتىق كۈلسە، قورساق بېسىمى ئېشىپ كېتىپ ئاي-كۈنى توشماي تۇرۇپ تۇغۇپ قويىدۇ ياكى بويىدىن ئاجراپ كېتىش ئېھتىمالى كېلىپ چىقىدۇ. 

7. قورساق زىيادە تويۇپ كەتكەندىن كېيىنمۇ قاتتىق كۈلمەسلىك كېرەك، بولمىسا سازاڭسىمان ئۆسۈكچە پەيدا بولىدۇ ياكى ئۈچەي ئالمىشىپ قالىدۇ.