نۆۋەتتە،يازمىلار يەنىلا توربېكەتلەرنىڭ ئاساسلىق مەزمۇنى بولۇپ،CSS3 تېخنىكىسىنىڭ بارغانسىرى پىشىپ يېتىلىشىغا ئەگىشىپ،Web فونتى(خەت نۇسخىسى) بارغانسىرى ئاۋات تىمىلارنىڭ بىرىغا ئايلاندى.كەلگۈسىدىكى Webنى تېخىمۇ رەڭدارلىققا ئىگە قىلىدىغان بۇ تۈر ھەققىدە ھەرخىل تەتقىقاتلار باشلانغان بولۇپ،بۇلارنىڭ ئىچىدىكى بىرى @font-face خاسلىقى ئارقىلىق،توربەتلەرگە مەلۇم بىر فونىتنى بەلگىلەشدىن ئېبارەت بولۇپ،نۆۋەتتىكى ئاساسلىق جاھاننامىلەر مەزكۇر تېخنىكىنى راۋۇرۇس قوللايدۇ،بۈگۈن،مەزكۇر يازمىمىزدا ئاساسلىق بولغان بىرقانچە Web فونتلىرىنى ۋە ھەرقايسى جاھاننامىلەردىكى سىغىشچانلىقى ھەققىدە توختىلىپ ئۆتىمىز.

كۆپچىلىك ئىلگىرى بەلكىم ھەرخىل تور دىسكىسىنى ئىشلىتىپ بىر قىسىم ھۆججەتلىرىنى توردا باشقىلار بىلەن ئورتاقلاشقان بولىشى مۇمكىن، ۋە ياكى ھازىرغىچە مۇۋاپىق بولغان تور دىسكىسى تاپالماي يۈرگەن بولىشىمۇ مۇمكىن. تۆۋەندە سىلەر بىلەن ئورتاقلاشماقچى بولغان تور دىسكىسى، DBank دۆلىتىمىز مەھسۇلاتى بولۇپ، ئەڭ ياخشى يېرى چەتئەلنىڭ تور بوشلۇقلىرىدەك دۆلىتىمىز تەرىپىدىن چەكلىنىش خىرىسغا ئۇچرىمايدۇ. ئارتۇقچە ماز پاينەك ئېلانلار يوق. ئۇيغۇربەگ ئىككىمىز ياقتۇرۇپ ئىشلىتىپ كېلىۋاتقان تور بوشلۇقى.

ئەگەر سىز بىر ئەركىن كەسىپتىكى خادىم بولسىڭىز، تور بېكەت سىز ئۈچۈن ناھايىتى مۇھىم بولغان تىجارەت قورالى ھېسابلىنىدۇ. مۇنداقچە قىلىپ ئېيتقاندا ئۇ سىزنىڭ سېتىش ۋاكالەتچىڭىزگە ئوخشاش خېرىدارلارنى جەلپ قىلالايدۇ. شۇنداق دېيىشكىمۇ بولىدۇكى، ئەگەر سىزنىڭ تور بېكىتىڭىز مۇناسىپ ھالدا مەزمۇن تەمىنلىيەلىسە، مۇناسىپ تورداشلارنى جەلپ قىلالايدۇ. بۇ ھەقىقەتەن ناھايىتى توغرا تاللاش، ھەم سىزنى ھەقىقىي خۇشال قىلالايدۇ. ئەمما ، بىز ئۇزۇن يىللىق كۆزىتىش ۋە ئەركىن كەسىپتىكى خادىملار بىلەن ھەمكارلىق مۇناسىۋىتى ئورنىتىش ئارقىلىق، ئەركىن كەسىپتىكى خادىملارنىڭ تور بېكەت لايىھەلىشىدىكى بىر قاتار خاتالىقلارنى يەكۈنلەپ چىقتۇق. ئۇلار قايسىلار؟ مەزكۇر يازمىغا ئالاھىدە دىققەت قىلغايسىز!…

ئالما(Apple) شىركىتىنىڭ مەھسۇلاتلىرى كىشىنىڭ كۆزىنىڭ يېغىنى يەيدۇ دېسە. ئەينى زاماندا، دوستۇمنىڭ قولىدا ئالما ماركىلىق كېسەك تېلىفون(Iphoneنى دېمەكچى، مەندە بولمىغاندىكىن خەقنىڭكىنى كەمسىتىپ شۇنداق دېمەمدىم،مۇغەمبەر كۆلۈپ تۇرغان چىراي ئىپادىسى)نى كۆرۈپ، ئۆزۈمگە ‹‹خەپ، ياخشى ئوقۇپ جېق پۇل تېپىپ ئاۋۋال خوتۇن، ئاندىن ئايفون ئالمىسام!››دەپ ۋەدە بەرگەنىدىم(ئاقسا كۈلۈپ تۇرغان چىراي ئىپادىسى)، يېقىندا، iPad ماركىلىق بۇ كاساپەتنىڭ ئىككىنچى ئەۋلادى چىققان ئوخشايدۇ، ماۋۇ بىز تۇرغان يەرلىك تېلىۋىزىيەدە شۇنداق ھايانكەشلەرگە زەربە بېرىۋاتقاننىڭ پارىڭى بار، بوپتۇلا، زەربە بەرسە بەرمەمدۇ. بىز بىرلىكتە ‹‹ئېسىل بولغان 25 دانە iPad پروگراممىسى تەمىنلەش بېكىتىنىڭ لايىھەلىرى››لىرىنى كۆرۈپ باقمامدۇق؟

كومپيۇتېر بىلەن ئەمدى ئۇچراشقان ۋاقىتلىرىم،مېنىڭ باشلانغۇچنىڭ ئۈچىنچى يىللىقى ۋاقىتلىرى بولسا كېرەك.ئۇ چاغدا كىچىككىنە ناھىيىمىزدە 20 دانە كومپيۇتېر بىلەن ئاچقان بىر تورخانا بولىدىغان،ۋاقىتنى قەغەزگە يېزىپ قويۇپ،سائەتلىكىنى 3 كويدىن ئوينايتتۇق.دەسلەپتە،باشقا ساۋاقداشلار بىلەن بىرگە شۇ چاغدا يامان قىزىۋاتقان CS ئويۇنى بىلەن قىزىل تېرېۋوگا(红色警戒2)ئويۇنىغا دۈم چۈشتۈم،كېيىن،بارا-بارا ئۇيغۇرچە توربېكەتلەر بىلەن ئۇچرىشىشقا باشلىدىم.ئەلۋەتتە،ئۇچراتقان توربېكەتلىرىم ناھايىتى كۆپ بولۇپ،ھەممىسى دېگۈدەك بۇ چاغدا «ئالەمدىن ئۆتكەن»ىدى.ماڭا شۇ چاغدا ئاجايىب تەسىر قىلغان بىر قىسىم بېكەتلەرنى تۇيۇقسىز ئەسلەپ ئۆتۈشنى ئويلاپ بۇ يازمامنى يېزىپ ئولتۇرۇپتىمەن…