دائىم كىنو چۈشۈرۈش ئۈچۈن بىر مۇنچە ۋاقتىڭىز ئىسراپ بولامدۇ؟ تور سۈرئىتىڭىز ئاستىلاپ كېتەمدۇ؟ يۇقىرى ئېنىقلىقتىكى فىلىملەرنى چۈشۈرۈش ئۈچۈن نەچچە سائەتلەپ ساقلاپ ئولتۇرۇپ ئىچڭىز پۇشامدۇ؟ بۈگۈن تونۇشتۇرماقچى بولغان بۇلۇت كىنوخانىسى پۈتۈنلەي ھەقسىز ۋە توردىلا يۇقىرى ئېنىقلىقتىكى كىنو كۆرۈش ئۈچۈن تۈزۈلگەن قورال. پەقەت چۈشۈرمەكچى بولغان كىنونىڭ ئادرېسىنى چاپلاپ، قويۇش كۇنۇپكىسىنى باسسىڭىزلا كىنو قويۇلۇشقا باشلايدۇ، ئەمدى ھەرگىزمۇ كىنو چۈشۈرۈش ئۈچۈن ۋاقىت ئىسراپ قىلمايسىز…

بۇلۇت كىنوخانىسىنىڭ ئەسلى پرىنسىپى، 迅雷云点播 بولۇپ، نۆۋەتتە 迅雷 گە ھەقلىق ئەزا بولغانلارلا بۇ خىل مۇلازىمەتنى ئىشلىتەلەيدۇ. بۇ مۇلازىمەتنىڭ ئارتۇقچىلىقى، سىزدە پەقەت كىنونىڭ چۈشۈرۈش ئادرېسى بولسىلا، كىنونى چۈشۈرمەي تۇرۇپلا بىۋاستە كۆرەلەيسىز.

ئازراق ئېتىشىپ يۈرۈپ، بۇلۇت كىنوخانىسى نامىدا بۇ قورالنى تۈزۈپ قويدۇم، سىزدە 迅雷 ھەقلىق ئەزا ھېساباتى بولمىسىمۇ بولىدۇ، پۈتۈنلەي ھەقسىز. پەقەت كۆرمەكچى بولغان كىنونىڭ ھۆججەت بېشى ed2k، thunder، ftp، magnet شەكلىدىكى چۈشۈرۈش ئادرېسى بولسىلا، توردا تۇرۇپ بىۋاستىلا كۆرەلەيسىز. بولۇپمۇ يۇقىرى ئېنىقلىقتىكى فىلىملەرنى كۆرۈش ۋە كىنو چۈشۈرۈش ئۈچۈن ۋاقىت ئىسراپ قىلىشنى خالىمايدىغانلارغا نىسبەتەن، ئىنتايىن ياخشى بىر تاللاش بولالايدۇ. ناۋادا بۇ قورالنى ياقتۇرسىڭىز، ئەتراپىڭىزدىكىلەرگە ۋە تونۇش بۇرادەرلەرگە، شۇنداقلا مىكروبلوگ ئارقىلىق تېخىمۇ كۆپ كىشىلەرگە تەۋسىيە قىلىپ قويسىڭىز بولىدۇ…

ئەسكەرتىش: بۇ قورال بەلكىم خالىغان ۋاقىتتا ئۈنۈمىنى يوقىتىشى مۇمكىن، ناۋادا سىز ھەقىقەتەن بۇ خىلدىكى كىنو كۆرۈش ئۇسۇلىنى ياقتۇرسىڭىز، يەنىلا 迅雷VIP ھېساباتى سېتىۋېلىشىڭىزنى تەۋسىيە قىلىمەن. مەزكۇر قورالنى IE9، Chrome، FireFox قاتارلىق تور كۆرگۈدە ئىشلىتىشىڭىزنى تەۋسىيە قىلىمەن، باشقا تور كۆرگۈلەرگە نىسبەتەن سىناق ئېلىپ بېرىلمىدى، IE6 دېگەنلەردە بەلكىم قاملاشماسلىقىمۇ مۇمكىن. قورال ھەققىدە يەنىمۇ ياخشى تەكلىپ-پىكىرلەر بولسا بېرىشىڭلارنى قارشى ئالىمەن.

مەنزىل تونىلى: بۇلۇت كىنوخانىسىغا مەرھەمەت    |    مەنبە: تورخۇمار