يېقىندا 360 بىلەن QQ ئوتتۇرىسىدا جەڭ يۈز بەرگەندىن كېيىن ھەرقايسى ۋىرۇسخورلار بەس-بەستە ھەقسىز نەشىرلىرىنى ئېلان قىلىشقا باشلىدى. كۆپچىلىككە تونۇش بولغان خەلقئارادىكى داڭلىق ۋىرۇسخور 卡巴斯基 مۇ ئۆزىنىڭ ئەڭ يېڭى نەشىرى «Kaspersky بىخەتەرلىك قوشۇنى 2011» نى كۆپچىلىكە بىر يىللىق ھەقسىز ئىشلىتىشكە سۇندى.

پېقىرمۇ ئىلگىرى Kaspersky نىڭ مەستانىسى ئىدىم، ھېلىھەم بۇ ۋىرۇسخورنىڭ ھەرقانداق ۋىرۇسنى رەھىمسىزلەرچە سۈپۈرۈپ تاشلاپ، كومپيۇتېردىكى ھەر بىر شەپىنى كۆزىتىپ تۇرىشىغا قايىللىقىم بار. بۇدا بۇ خەلقئارادا نامى بار داڭلىق ۋىرۇسخورمۇ پۇرسەتتىن پايدىلىنىپ بىر يىللىق ھەقسىز نەشىرىنى بىزگە سۇنۇپتۇ، كۆپىنچەيلەنگە نىسبەتەن باھاسى 200 سومدىن ئاشىدىغان ۋىرۇسخورنى سېتىۋېلىپ ئىشلىتىش ئۇنچە ئاسانغا توختىماسلىقى مۇمكىن، شۇڭا ھەقسىز ۋىرۇسخور ئىزدەپ يۈرگەنلەرگە نىسبەتەن بۇ يەنىلا بىر ياخشى پۇرسەت دەپ ئويلايمەن.

Kaspersky ئاللىقاچان كۆپچىلىككە تونۇلغان بىر ۋىرۇسخور بولۇپ، بەك تەپسىلىي چۈشەندۈرۈشنىڭمۇ ھاجىتى يوق. بۇداقى ھەقسىز تەمىنلەنگەن «Kaspersky بىخەتەرلىك قوشۇنى 2011»دە نۇرغۇن جەھەتتىن ئىلگىرىلەش خېلىلا زور بولۇپ، تور بانكىسى، تور ئويۇنى قاتارلىقلارنىڭ بىخەتەرلىكىگە بولغان نازارەت ئىقتىدارى تېخىمۇ كۈچەيتىلگەن. ئىقتىدار جەھەتتىن بۇدا 卡巴斯基 ئورگان تەرەپتىن «بىزنىڭ Kaspersky ئەمدى ھەرگىزمۇ قېتىۋالمايدۇ!» دەپ مەيدىسىگە چېكىپ تۇرۇپ تەشۋىق قىلىۋاتقىنىغا قارىغاندا، بۇ نەشىرىگە نىسبەتەن خېلىلا ئىشەنچى باردەك قىلىدۇ، 卡巴斯基 ۋىرۇسخورىنى ياقتۇرىدىغان تورداشلارنىڭ بۇ پۇرسەتنى قولدىن بېرىۋەتمەسلىكىنى ئۈمىد قىلىمەن.

ئومۇمى جەھەتتىن ئېيتقاندا، Kaspersky نىڭ بۇدا بىر يىللىق ھەقسىز نەشىرىنى تەمىنلىشى بىزگە نىسبەتەن ناھايىتى ياخشى بىر پۇرسەت دېيىشكە بولىدۇ، ھازىر ھەدەپ ھەقسىز تارقىتىش پائالىيىتى ئېلىپ بېرىلىۋاتقان بولۇپ، Kaspersky نى ياقتۇرىدىغان تورداشلارنىڭ پۇرسەتنى غەنىمەت بىلىشىنى ئۈمىد قىلىمەن. پائالىيەت 2010-يىلى 12-ئاينىڭ 3-كۈنى ئاخىرلىشىدۇ.

چۈشۈرۈش مەنزىلى:

Kaspersky بىخەتەرلىك قوشۇنى 2011 | مەنبە: torhumar.com | ھەقسىز ئاكتىپلاش نومۇرىغا ئېرىشىش