ھازىر ھەر كۈنى ئارىلايدىغان تور بېكەتلەرنىڭ كۆپىيىشىگە ئەگىشىپ، تىزىملاتقان ھېسابات نومۇرلىرىمىزنىمۇ ئەستە ساقلاش قىيىنلىشىپ كېتىۋاتىدۇ، ئەلۋەتتە، بىر قىسىم تورداشلار ئۆزىنىڭ شەخسىي مەخپىيەتلىكىنى ساقلاش ئۈچۈن ئوخشىمىغان تور بېكەتلەردە ئوخشىمىغان ئىسىم ياكى پارول ئىشلىتىدۇ، كۈنلەرنىڭ ئۆتۈشىگە ئەگىشىپ بۇ ئىسىم ۋە پاروللار ئېسىمىزدىن كۆتۈرۈلۈپ قالسا ئۇ ھالدا قايتىدىن ئىسىم تىزىملىتىش تولىمۇ ئاۋارىچىلىق…

بۈگۈن تونۇشتۇرماقچى بولغىنىم دەل توركۆرگۈگە ساقلىنىپ قالغان ئىسىم ۋە پاروللارنى كۆرۈش ئىقتىدارى بار قورال – WebBrowserPassView، ئۇ opera، ie، firefox ۋە chrome قاتارلىق تور كۆرگۈلەرنى قوللايدۇ، ئەڭ مۇھىمى شۇكى، ئىشلىتىش ئىنتايىن قولايلىق. ئەلۋەتتە، بۇ قورالنى باشقىلارنىڭ كومپيۇتېرىدا سىناشقىمۇ بولىدۇ، بىراق مەن ئۇنداق قىلمايمەن، ھەم مۇنداق قىلىشقىمۇ قارشى، چۈنكى بۇ بىر ئەخلاق مەسىلىسىگە تاقىشىدىغان ئىش.

ئىشلىتىش ئۇسۇلى:

بۇ يۇمشاق دېتالنىڭ ئاساسى كۆرۈنمە يۈزى بولۇپ، سولدىن ئوڭغا تەرتىپ بويىچە تور بېكەت ئادرېسى، تور كۆرگۈ، ئىسىم، پارول قاتارلىق ستونلاردىن تەركىب تاپقان. ناۋادا ئۇچۇرلارنى كوپىيەلىۋالماقچى بولساق، تىزىملىكتىكى edit نىڭ ئىچىدىن copypassword نى باسساقلا تامام.

قوللايدىغان تور كۆرگۈلەرنى كۆپەيتىش ئۈچۈن options نىڭ ئىچىدىن advanced نى بېسىپ تاللاپ بەرسەك بولىدۇ.

ئەسكەرتىش: مەزكۇر يۇمشاق دېتالنى ئۆزىڭىزنىڭ ئېھتىياجى ئۈچۈن ئىشلىتىشىڭىزنى كۈچلۈك تەۋسىيە قىلىمەن. ئەلۋەتتە، بۇ قورالمۇ تەڭداشسىز ئەمەس، كەمچىلىكلىرىمۇ خېلى بار، زۆرۈر بولغاندا ئىشلەتسىڭىز بولىدۇ.

WebBrowserPassword نىڭ ئېنگلىزچە نەشىرىنى چۈشۈرۈش     |     مەنبە: تورخۇمار     |     خەنچە تىل بولىقى