غېرىب بالىنىڭ تەڭرىسى ۋە ھوللىيۋود چولپىنى Johnny Depp نىڭ تەسىرلىك ھېكايىسى
ئەنگىلىيە لوندۇن شەھىرىدىكى بىر باشلانغۇچ مەكتەپتە، توققۇز ياشلىق تىنا كۆڭلىدىكى مەبۇدىسى بولغان داڭلىق چولپان كاپىتان جېكقا خەت يېزىۋاتاتتى. ئۇ خېتىدا، دادىسىنىڭ دائىم ھاراق ئىچىپ مەس يۈرۈيدىغانلىقى، ئاپىسىنىڭ بولسا زەھەرلىك چېكىملىك چېكىدىغانلىقى ئۈچۈن، ئائىلىسىدە ئازراقمۇ ئىللىقلىقنىڭ يوقلىقىنى، ئۇنىڭ كۆڭلىنى تېخىمۇ يېرىم قىلىدىغىنى بولسا، ئۇ دادىسى بىلەن ئاپىسى سەۋەبلىك، دائىم ساۋاقداشلىرى ۋە ئوقۇتقۇچىلىرىنىڭ مەسخىرىسىگە قالىدىغانلىقىنى، ئوقۇتقۇچىلىرى ئۇنى ئەسكى بالا دەيدىغانلىقى، ساۋاقداشلىرىنىڭ ئۇنىڭ بىلەن بىللە ئويناشنى پەقەتلا ياقتۇرمايدىغانلىقىنى، ئۆزىنىڭ ھازىر ئىنتايىن يالغۇز، غېرىب ئىكەنلىكىنى يازدى. خېتىنىڭ ئاخىرىدا تىنا تەڭرىدىن، كاپىتان جېكنىڭ قول ئاستىدىكىلىرىنى ئېلىپ كېلىپ، ئوقۇتقۇچىلىرىنى ھەيدەپ چىقىرىشىنى تەلەپ قىلدى.
بۇ خەت مۇشۇنداق چۆگلەپ يۈرۈپ، لوندوندا «كارىب دېڭىز قاراقچىسى 4»نى سۈرەتكە ئېلىۋاتقان جوننى دېپنىڭ قولىغا چۈشۈپ قالدى. خەتنى كۆرگەن جېننى دېپنىڭ كۆڭلى تولىمۇ پەرىشان بولدى. چۈنكى ئۇ بىر بالىنىڭ ئوقۇتقۇچىلىرى ۋە ساۋاقداشلىرى تەرىپىدىن قوينىغا ئېلىنماسلىقىنىڭ قانچىلىك دەرىجىدە ئازابلىق ئىش ئىكەنلىكىنى بىلەتتى. قايتا-قايتا ئويلىنىش ئارقىلىق، جوننى دېپ تىنانى تۇيۇقسىز خۇش قىلىۋېتىش قارارىغا كەلدى.
بىر كۈنى، بىر كۈنى، تىنا ئوقۇۋاتقان مەكتەپ ئىنتايىن ئالاھىدە بولغان بىر تېلىفوننى تاپشۇرۇۋالدى. تېلىفوننى جوننى دېپ ئۇرغان بولۇپ، ئۇ مەكتەپنىڭ ئۆزى بىلەن بىرلىكتە تىناغا بېرىدىغان تۇيۇقسىز خۇشاللىققا ماسلىشىپ بېرىشىنى تەلەپ قىلدى. مەكتەپ مۇدىرى ئىنتايىن خۇشاللىق بىلەن جوننى دىپنىڭ تەلىپىگە قوشۇلدى.
بىر ھەپتىدىن كېيىنكى بىر كۈنى، تىنا ئىنتايىن ئازاب ئىچىدە مەكتەپكە كەلدى. بۇ كۈنى دەل ئۇنىڭ تۇغۇلغان كۈنى ئىدى. ئەمما ئۇنىڭ ئاتا-ئانىسى بۇنى پاك-پاكىز ئۇنتۇپ كەتكەندەك ئىدى.تىنا شۇ ئازاب ئىچىدە سىنىپقا كىرىپ پارتىسىدا ئولتۇردى-دە، دەرس ئۆگۈنۈشكە باشلىدى. ئەمما ئوقۇتقۇچى تۇيۇقسىزلا بارلىق ئوقۇغۇچىلارنى مەكتەپ يىغىن زالىغا يىغىلىشقا بۇيرىدى. تىنامۇ ئوقۇغۇچىلار بىلەن بىرلىكتە زالغا يىغىلدى.
تىنا يەنىلا شۇ ئازاب ئىچىدە ئولتۇرغاندا تۇيۇقسىز ئوقۇتقۇچىسىنىڭ مۇنداق دېگەنلىكىنى ئاڭلىدى:
-تۆۋەندە بىز كاپىتان جېكنى سەھنىگە تەكلىپ قىلىمىز!
جوننى دېپ ھەمراھلىرى بىلەن بىرلىكتە دېڭىز قاراقچىلارنىڭ ئۇسسۇلىنى ئوينىدى. ۋاقىت قىسچىلىقى سەۋەبلىك ئۇلار ئالدى-كەينى 15 مىنۇتلا نومۇر كۆرسەتتى.
ئاخىرىدا كاپىتان جېك، تەڭرىنىڭ ئۇنى تىنانىڭ تۇغۇلغان كۈنىنى ئۆتكۈزۈپ بېرىشكە ئەۋەتكەنلىكىنى، تەڭرىنىڭ تىنانىڭ خۇشال بولغان بىر تۇغۇلغان كۈن ئۆتكۈزۈشىنى ئۈمىد قىلىدىغانلىقىنى، ئەمما تەڭرىنىڭ ئۇنىڭ ئۇستازلىرىنى ئاغدۇرمايدىغانلىقىنى، بۇ سەۋەبلىك تىنادىن كەچۈرۈم سورايدىغانلىقىنى، چۈنكى ئوقۇتقۇچىلارنىڭ مەكتەپتىن ئايرىلسا بولمايدىغانلىقىنى ئېيتتى. تۆۋەندە گۈلداراس ئالقىشلار ۋە تىناغا بولغان تەبرىكلەر ياڭرىدى.
تىنا ھاڭۋاققىنىچە تۇرۇپلا قالدى. ئۇ ئۆزىنىڭ كاپىتان جېكقا يازغان خېتىنى كاپىتان جېكنىڭ تاپشۇرۋالغانلىقىغا ئىشەنمەيۋاتاتتى. كاپىتان جېكنىڭ راستلا ھەمراھلىرىنى باشلاپ كېلىپ ئۇنىڭغا تۇغۇلغان كۈن ئۆتكۈزۈپ بېرىۋاتقانلىقىغا ئىشەنمەيۋاتاتتى. ئۇنى تېخىمۇ ھەيران قالدۇرۇۋاتقانلىقى، كاپىتان جېكنىڭ ئۇنىڭ ئوقۇتقۇچىلىرىنى ئاغدۇرمىغانلىقى سەۋەبلىك ئۇنىڭدىن سەمىمىي كەچۈرۈم سورىغانلىقى ئىدى.
ئىنتايىن تېزلا، تىنانىڭ ئوقۇتقۇچىسىمۇ ئۆزىنىڭ تىناغا بەك كۆپ ئازار بەرگەنلىكىنى ھېس قىلدى. شۇنىڭ بىلەن تىنانىڭ ئوقۇتقۇچىلىرىمۇ ئۆزلىرىنىڭ تىناغا بەرگەن ئازارلىرى سەۋەبلىك ئۇنىڭدىن كەچۈرۈم سورىدى. تىنانىڭ ساۋاقداشلىرىمۇ ئاغزى-ئاغزىغا تەگمەي ئۇنىڭدىن كەچۈرۈم سوراشتى. ئوقۇتقۇچى-ساۋاقداشلىرىغا قاراپ، تىنا تۇنجى قېتىم بەخت تۇيغۇسىدا ئەللەيلەندى. ئۇ تەڭرى بىلەن كاپىتان جېكقا قايتا-قايتا رەھمەت بىلدۈردى.
بۇ ئىش ئاخبارات ساھەسىدىكىلەرنىڭ تارقىتىشى بىلەن، نۇرغۇنلىغان كىشىلەر جوننى دېپنىڭ نېمە ئۈچۈن كىچىك بىر قىزنى دەپ شۇنچىۋالا داغدۇغا قىلىۋەتكەنلىكىنىڭ سەۋەبلىك ھەرخىل قىياسلارنى قىلىشتى. «كارىب دېڭىز قاراقچىسى 4»نىڭ ئاخبارات ئېلان قىلىش يىغىنىدا، مۇخبىرلار جېننى دېپتىن بۇ سۇئالنى سورىدى.
جوننى دېپ بىردەملىك سۈكۈتتىن كېيىن: «كىچىك چاغلىرىمدا دادامنىڭ خىزمىتى سەۋەبلىك بىز توختىماي ئۆي كۆچەتتۇق. تۆت يىل ئىچىدىلا بىر ئوتتۇز نەچچە قېتىم كۆچۈپ بولغانا ئىدۇق. شۇڭلاشقا ئۇ ۋاقىتلاردا ماڭا چىن دىلىدىن كۆيۈنىدىغان نە ساۋاقداشلىرىم، نە ئوقۇتقۇچىلىرىم يوق ئىدى. ئۇ چاغدا مەن تەڭرىگە ئەڭ كۆپ قىلىدىغان دۇئايىم دەل مېنى ياقتۇردىغان ئوقۇتقۇچىلار بىلەن، مەن بىلەن ئويناشنى خالايدىغان ساۋاقداشلارغا ئۇچراش ئىدى. شۇڭلاشقا مەن تىنانىڭ خېتىنى تاپشۇرۇۋالغاندا، قەلبىم تىترىدى. ئىنتايىن تەسىرلەندىم. مەن ئۆزۈمنى ئۇنى تەڭرىنىڭ ئۇنتۇپ قالمىغانلىقىنى ھىس قىلدۇرالايمەن دەپ ئويلىدىم. مەن ھەربىر غېرىب بالىغا تەڭرىنىڭ ئۇلارنى ئۇنتۇپ قالمىغانلىقىنى ھىس قىلدۇرۇشنى تولىمۇ خالايمەن!» دېدى.
ھەربىر غېرىب بالىغا تەڭرىنىڭ ئۇلارنى ئۇنتۇپ قالمىغانلىقىنى ھىس قىلدۇرۇش، بۇ بىر جۈملە سۆز كىشىلەر ئارىسىدا زور تەسىر قوزغىدى. كىشىلەر جوننى دېپنى مەدھىيلەش بىلەن بىرگە، ئۇنىڭ بالىلارغا بولغان شەخسىيەتسىز مۇھەببىتىنى تېخىمۇ ئالقىشلىدى.
- يازمىنىڭ ئـورنى: [ھېسسىي دۇنيا]
- ھالقىلىق ســــۆز: تۇرمۇش، تەسىرلىك، كىنو، مۇھەببەت، چولپان، ھېكايە
- يازمــا مەنبەســى: ئوكيان تورى
- يازمــا ئاۋاتلىقى: ھازىر نەقمەيدان كەيپىياتى ئۆلچىنىۋاتىدۇ...
- يوللانـغان ۋاقىت: 2012-يىلى 08-ئاينىڭ 01-كۈنى
- يازما مەنزىلى: 9-year-old-little-girl-and-johnny-depp.html [كۆچۈرىۋېلىش] (باشقا يەردە مەنبە ۋە ئۇلانمىنى ئەسكەرتىپ ئېلان قىلسىڭىز بولىدۇ)
- ئالدىنقى يازما > 40 يىلدىن بۇيان كۆيۈۋاتقان «جەھەننەم ئىشىكى» نى بىلەمسىز؟
- كېيىنكى يازما > روسىيەلىك بۇ ھۈرمەت قاراۋۇللىرىغا قاراڭ! ئادەمنىڭ كۆزىنى ئېچىپ قويىدىغان دومىنو قارتىسى شەكلىدىكى بۇ خىلدىكى ماھارەت!
- كومپىيۇتېرىڭىز كونىراپ قالدى، يېڭىسىنى سېتىۋېلىشقا ئاپىڭىز ئۇنىمايدۇ، ئەمىسە زادى قانداق قىلىش كېرەك ؟
- «ئالتۇن مېدال» نىڭ كەينىدىكى ئېيتىپ تۈگەتكۈسىز بەدەللەر
- تۈركىيە تارىخىدا ئەڭ كۆپ مەبلەغ سېلىنىپ ئىشلەنگەن تارىخى فىلىم «Fetih(فەتىھ) 1453» نىڭ DVD نۇسخىسى ئېلان قىلىندى
- ئارزۇ-ئارمانلىرىمىز ئۈستىدە، رېئاللىق بولسا پەستە، مانا بۇ تۇرمۇش…
- ئۆزىڭىزنى پەس كۆرەمسىز؟ يادىڭىزدا بولسۇن: روھىي جەھەتتىكى توسالغۇ جىسمانى جەھەتتىكى توسالغۇدىنمۇ رەھىمسىز بولىدۇ!
- تاللانغان ئۈچ پارچە ۋەھىمىلىك ھېكايە | يۈرىكى ئاجىز تورداشلار كىرىپ يۈرمەڭ!
- ئۇيغۇر ھەققىدە يالغان پاراڭلار…
- ھامان بىر كۈنى ئەينەك ئالدىدا چاچلىرىڭىزنى تاراۋېتىپ ياكى گالىستۇكىڭىزنى تاقاۋېتىپ شۇنى ھېس قىلىسىز…
- سەت قىزنىڭ مۇھەببەت ھىكايىسى | دۇنياغا گۈزەللىك بىلەن باققىنىڭىزدا، ئۇنىڭمۇ سىزگە كۈلۈمسىرەۋاتقانلىقىنى بايقايسىز…
- «تۆمۈر پالۋان(钢铁侠)» فىلىمىدىكى كەلگۈسى فانتازىيەلىك تۇيغۇسى كۈچلۈك بولغان 3D سىستېما كۆرۈنمە يۈز!
بۈگۈن تەلەي دەھشەت كەپتا بىراقلا 3 دىۋان ، تورخۇمار كۇلۇبى تارىخىدا كۆرۈلمىگەن ئىش بولغىيتى
نېمىدىگەن ئالىجاناپ روھ
راس دەيسىز……..
راستىنلا ئۈتۈپ كەتكەن دىۋانى ئىكەنسىز ( چاقچاق )
ھەقىقەتەن بولىدىغان گۇي جۇمۇ مۇشۇ!يارايدۇ!!!
چەتەلنىڭ ئارتىسلىرى ئالامەت ھە،،،،،،،،ئۆزىنى بېغىشلاش، ئەھمىيەتلىك ئىش قىلىش قارىشى بەك يۇقۇرى
راس نىمە دىسەم بولا…راسلا تەسىرلىك
«كالبىرىت دېڭىز قاراقچىلىرى»نىڭ بەشىنجى بۆلۈمى سۈرەتكە ئىلىنۋىتىپتۇ. چۈشەندۈرۈشكە ئاساسلانغاندا، بۇ بۆلۈممۇ ناھايىتى ئىسىل چىقىدىغاندەك.
http://baike.baidu.com/view/5050523.htm