Salam URUMQI :: سالام ئۈرۈمچى :: 乌鲁木齐综合娱乐网 :: 维吾尔综合门户网:: 新疆维吾尔文化::

تېڭشۈن تورى 21-سېنتەبىر خەۋىرى: پانئامرىكا تەنتەربىيە باش ئۇيۇشمىسى ۋە ئارگېنتىنا تەنتەربىيە باش ئۇيۇشمىسى يېقىندا جۇڭگوغا فاكىس ئەۋەتىپ،جۇڭگو پۇتبولچىلار جەمئىيىتى بىلەن ھەمكارلىشىش ئۈمىدىنى ئوتتۇرىغا قويغان.ھەمدە جۇڭگو بىرلەشمىسىدىكى مۇنەۋۋەر ماھىرلارنىڭ ئارگېنتىنا ئا دەرىجىلىكلەر بىرلەشمىسىگە كېلىپ،توپ ئويناشقا تەكلىپ بەرگەن.يېقىندا ئارگېنتىنا تەنتەربىيە باش ئۇيۇشمىسىنىڭ مۇئاۋىن رەئىسى جۇڭگوغا كېلىپ،پۇتبولچىلار جەمئىيىتىنىڭ رەھبەرلىرى بىلەن مۇشۇ ئىشنى مۇزاكىرە قىلىدىكەن.
جۇڭگو پۇتبولچىلار بىرلەشمىسىمۇ،جۇڭگولۇق توپچىلارنىڭ چەتئەل بىرلەشمىسىدە توپ تېپىشىنى قوللايدۇ،بۇ جەھەتتە كۆپرەك ياۋروپاغا مايىل ئىدى.يېقىندا 23 نەپەر ئۆسمۈر پۇتبولچى ئارگېنتىنانىڭ 7 كۇلۇبىغا تەربىيىلىنىشكە بارغاندىن كىيىن،ئارگېنتىنا تەرەپ،مۇنەۋۋەر ياش پۇتبولچىلارنىڭمۇ ئارگېنتىنا بىرلەشمىسىدە توپ ئوينىشىنى ئۈمىد قىلىدىغانلىقىنى بىلدۈرگەن.يېقىندا پانئامرىكا تەنتەربىيە باش ئۇيۇشمىسى ۋە ئارگېنتىنا تەنتەربىيە باش ئۇيۇشمىسى،جۇڭگو پۇتبولچىلار جەمئىيىتىگە رەسمىي ئالاقە ئەۋەتىپ،بۇ ئىشنى ئوتتۇرىغا قويغان.جۇڭگو پۇتبولچىلار بىرلەشمىسى بۇ ئىشقا بەك ئەھمىيەت بەرگەن،ھەمدە:« ئارگېنتىنا جەنۇبى ئامېرىكىدىكى پۇتبول ھەرىكىتى تەرەققىي قىلغان دۆلەت،ئەگەر جۇڭگولۇق توپچىلار ئارگېنتىنا بىرلەشمىسىدە توپ ئوينىيالىسا،بۇ پەقەت ئىككى دۆلەتنىڭ پۇتبول جەھەتتىكى ئالاقىسىنى ئىلگىرى سۈرۈپلا قالماي،جۇڭگولۇق مۇنەۋۋەر توپچىلارنىڭمۇ سەۋىيىسىنى ئۆستۈرۈشكە پايدىلىق،جۇڭگو پۇتبولچىلار جەمئىيىتىنىڭ بۇ پۇرسەتنى چىڭ تۇتىدىغانلىقىنى » بىلدۈرگەن.
جۇڭگو پۇتبولچىلار بىرلەشمىسىدىكى مۇناسىۋەتلىك خادىملار،ئارگېنتىنا بىرلەشمىسىنىڭ كونكرېت ئەھۋالىنى ئىگىلىگەن.بۇ ھەقتە جۇڭگو پۇتبولچىلار بىرلەشمىسىدىكى نوپۇزلۇق بىر ئەرباب تونۇشتۇرۇپ مۇنداق دېدى:« ئارگېنتىنا بىرلەشمىسىدە بوكا ياشلار كوماندىسى،دەريا قىنى كوماندىسى قاتارلىق نۇرغۇن داڭلىق كۇلۇبلار بار،ئارگېنتىنا بىلەن ھەمكارلىشىشىنىڭ جۇڭگو پۇتبولىنىڭ سەۋىيىسىنى ئۆستۈرۈشتە ياردىمى ئىنتايىن چوڭ،كونكرېت پىلان،ئۇلار جۇڭگوغا كەلگەندە بېكىتىلىدۇ» دېگەن.
مۇخبىرنىڭ ئىگىلىنىشىچە،ئالاقىدار كارخانا ۋە ۋاسىتىچىلەر ئارگېنتىنا تەرەپنى جاڭ ۋېنلى،جىڭ لۇڭ،مىر ئەخمەتجان قاتارلىق توپچىلارنىڭ ماتېرىيالى بىلەن تەمىنلىگەن.كونكرېت زادى كىم بېكىتىلىدۇ،قايسى كۇلۇبقا بارىدۇ،بۇ ئىشلار پات يېقىندا بېكىتىلىدىكەن.جۇڭگو پۇتبولچىلار بىرلەشمىسى:«ھازىرغىچە دۆلىتىمىزدىن ھېچقانداق توپچى ئارگېنتىنا ۋە برازىلىيە كۇلۇبلىرىدا توپ تېپىپ باقمىغان،بۇ قېتىم ئارگېنتىنا بىزگە زەيتۇن شىخى سۇندى،بۇ جۇڭگو توپچىلىرىغا بېرىلگەن بۆسۈش خاراكتېرلىك پۇرسەت،بىز چوقۇم بۇ پۇرسەتنى قەدىرلەيمىز» دېگەن.
تەرجىماندىن قوشۇمچە: مىر ئەخمەتجاننىڭ مۇشۇ يىلنىڭ بېشىدا،ئاجاكىس كۇلۇبىغىمۇ ئەۋەتمىگەن،بۇ قېتىم قانداق بولاكىن،بۇ توغرىسىدىكى خەۋەرلەرگە داۋاملىق دىققەت قىلىمىز.