Salam URUMQI :: سالام ئۈرۈمچى :: 乌鲁木齐综合娱乐网 :: 维吾尔综合门户网:: 新疆维吾尔文化::

 جۇڭشىن تورىنىڭ 10-ئاينىڭ 8-كۈنىدىكى خەۋىرى، ئەنگىلىيە ئاخبارات ۋاستىلىرىنىڭ 7-ئۆكتەبىردىكى خەۋىرىگە قارىغاندا، يېقىندا ئەنگىلىيەدە پەقەت ھوللىۋود كىنولىرىدىلا ئۇچراتقىلى بولىدىغان خەتەرلىك قۇتقۇزۇش ھەركىتى ئوينىلىپتۇ. ۋەقەنىڭ جەريانى مۇنداق بىر ئايال ساقچى تىك ئۇچاردا چارلاش ئېلىپ بېرىۋىتىپ بىر پويىزنىڭ پويىز يولىغا توختىتىلىپ قويۇلغان پىكاپقا قاراپ شىددەت بىلەن كېلىۋاتقانلىقىنى كۆرگەن ھەمدە تىز سۈرئەتتە تىك ئۇچارنى پەس ئۇچۇرۇپ پويىز خادىمىنىڭ پويىزنى توختىتىشىغا بۇيرۇق بېرىپ پويىزنى توختاتقان، شۇنىڭ بىلەن بىر مەيدان ئېغىر قاتناش ۋەقەسىنىڭ يۈز بېرىشنىڭ ئالدىنى ئالغان.
خەۋەرلەرگە قارىغاندا، ئايال ساقچى كاتىرىن چاپمەن پويىزنىڭ سائىتىگە 80.5 كىلومېتر سۈرئەت بىلەن پويىز يولىغا توختىتىلىپ قويۇلغان پىكاپقا قاراپ كېتىپ بارغانلىقىنى ھېس قىلىپ، دەرھال تىك ئۇچار سۈرئىتىنى ئەسلىدىكى سۈرئەتنىڭ ئۈچ ھەسسىسىگە چىقارغان، ھەمدە 18 مېتر ئېگىزلىكتە پويىز بۇقىسىنىڭ ئالدىغا شۇڭغۇپ پەس ئۇچۇپ تىك يەرگە قونۇش چىرىقىنى ياندۇرۇپ پويىز خادىمىغا بەلگە بەرگەن. خەتەر بارلىقىنى ھېس قىلغان پويىز خادىمى دەرھال پويىزنى تورمۇزلاپ پىكاپكا 30 مېتر كېلىدىغان يەردە توختاتقان، شۇنىڭ بىلەن بىر مەيدان ئېغىر قاتناش ۋەقەسىنىڭ ئالدىنى ئالغان.
بۇ ۋەقە پەقەت قىسقىغىنە بىر مىنۇت ئىچىدە يۈز بەرگەن.
51 ياشقا كىرگەن بۇ ئايال ساقچى بۇرۇن پويىز خادىمى بولغاچقا قانداق بەلگە ئارقىلىق پويىزنى توختىتىشنى بىلەتتى. سائىتىگە 80.5 كىلومېتىر سۈرئەت بىلەن مېڭىۋاتقان پويىزغا سائىتىگە 224.1 كىلومېتىر سۈرئەت بىلەن يېتىشىۋىلىپ بەلگە بېرىپ پويىزنى توختىتىش راستلا ئىنتايىن مۈشكۈل ئىشتۇر. 
يۇقىرىدا ئېيتىلغان پويىز يولىغا پىكاپىنى توختىتىپ قويغان 40 ياشلىق پىكاپ ئىگىسى ئەسلى پىكاپىنى ساقچىلاردىن ئېلىپ قېچىپ بەلگىلەنگەن جايغا توختاتماي پويىز يولىغا توختىتىپ قويۇپ قېچىپ كەتكەن ئىكەن. ساقچىلار ماشىنىدىن چۈشۈپ ئۇنى تۇتىۋالغان. ساقچىلارنىڭ ئېيتىشىچە پىكاپ ئىگىسى قانۇنسىز دورىلارنى يوشۇرۇش ئۈچۈن ئۇنى پىكاپنى پويىز يولىغا توختىتىپ قويغان بولىشى مۇمكىنلىكىنى ئېيتقان.