سەۋەبى: بۇ جىگەر، ئاشقازان، ئۈچەينىڭ مىزاجىنىڭ بەك ئىسسىق ياكى بەك سوغۇقلۇقتىن بۇزۇلۇشىدىن كېلىپ چىقىدىغان مۇرەككەپ كېسەللىكنىڭ بىرىدۇر. ئىسسىقلىقتىن بولۇشتا، بەك قۇرۇق ئىسسىق غىزا ياكى دورىلار جىگەر، ئاشقازان، ئۈچەي ماسارىقا تومۇرلىرىنى قۇرۇتۇپ، تومۇرلارنىڭ ئېلاستىكىلىقىنى تۆۋەنلىتىپ، قاننىڭ قويۇلۇشىدىن ئوزۇقلۇق ماددىلار جىگەرگە تولۇق سۈمۈرۈلمەي خام ھالىتىدە يەل پەيدا قىلىپ قويانلىقتىن ياكى ھەددىدىن زىيادە ھۆل سوغۇق ئاشقازان، جىگەر، ئۈچەيلەرنىڭ ھارارىتىنى تۆۋەنلىتىپ يەلگە ئايلاندۇرۇپ، قورساق بوشلۇقىغا سۇ يىغىپ قويغانلىقىدىن بولىدۇ.
ئالامىتى: قورساق تېرىسى پۈۋلىگەن تۇلۇمدەك چوڭىيىپ كېتىدۇ. قورساقنى چەكسە خۇددى ناغرا ئاۋازىدەك ئاۋاز چىقىدۇ. ھەتتا كىندىك پولتىيىپ چىقىپ قالىدۇ. چوڭ تەرەت سۈرۈپ تۇرسىمۇ يەنىلا قورساق ئېسىلىدۇ.
شىنجاڭ ساغلاملىق تورى: www.saglamlik.com تور بېتىمىزدىكى ساغلاملىق بىلىملىرىنى باشقا تور بەتلەرگە كۆچۈرۈپ ئىشلىتىشكە قەتئىي روخسەت قىلىنمايدۇ. ئەمگىكىمىزگە ھۆرمەت قىلىڭ.