چوڭ تەرەت مىقدارىنىڭ ئاز ياكى كۆپلۈكى، بەك سېسىقلىقى جىگەر، تال ۋە ئاشقازان خىزمىتىنىڭ ياخشى ئەمەسلىكىنى چۈشەندۈرىدۇ.

ئۆت يوللىرى توسۇلغان ياكى ئاشقازان-ئۈچەينىڭ چىقىرىپ تاشلاش كۈچى ئاجىزلاپ، چوڭ تەرەت يانپاش ئۈچەيدە تۇرۇپ قالغان بولسا، چوڭ تەرەت ئاز كېلىدۇ. چوڭ تەرەتنىڭ ئاز كېلىشى خولىنجى كېسىلىنىڭ باشلىنىش بەلگىلىرىدىن بىرى ھېسابلىنىدۇ.

ئۈچەيدە جاراھەت بولسا، بوۋاسىر قانىسا ياكى مەقئەت يېرىلسا چوڭ تەرەت قان ئارىلاش كېلىدۇ. جىگەر ئىقتىدارى ناچارلىشىپ، تال ئاجىزلاشسا، چوڭ تەرەت قارا رەڭدە كېلىدۇ، ئۈچەي كېزىكى بىلەن ئاغرىغانلارنىڭ چوڭ تەرىتى پۇرچاق شورپىسىدەك، ۋابا كېسىلى بىلەن ئاغرىغانلارنىڭ گۈرۈچ يۇغان سۇدەك كېلىدۇ. تولغاق كېسىلىدە چوڭ تەرەت شىلىمشىق ۋە قان ئارىلاش كېلىدۇ. ئۆت يولىدا توسۇلۇش بولسا، سېرىق كېسەلگە گىرىپتار بولسا چوڭ تەرەت كۈلرەڭ ياكى ئېقىش رەڭلىك بولىدۇ.