ﻗﺎﻳﺮﯨﭗ ﻗﻮﻳﯘﭖ ﮬﺎﻳﺎﻧﻰ،ﻛﯩﻴﮕﻪﻥ ﻳﻮﭘﻜﺎﯓ ﺑﯩﺮ ﻏﯧﺮﯨﭻ،
ﺷﯘ ﻳﻮﭘﻜﯩﻨﯩﯔ ﯞﻩﺟﯩﺪﯨﻦ ﺋﺎﺭﺍﻥ ﻣﺎﯕﺪﯨﯔ ﺑﯩﺮ ﻏﯧﺮﯨﭻ.
ﻣﻮﺩﺍ ﻗﻮﻏﻼﭖ ﺋﯚﺯﯛﯕﭽﻪ ﻗﯩﻠﯩﭗ ﺑﺎﻗﺘﯩﯔ ﮬﻪﻣﻤﯩﻨﻰ ،
ﺋﯘﺯﯗﻥ ﺋﯚﺭﯛﻡ ﭼﯧﭽﯩﯖﻨﻰ ﻛﯧﺴﯩﭗ ﺗﺎﯕﺪﯨﯔ ﺑﯩﺮ ﻏﯧﺮﯨﭻ.

ﻛﯩﻴﮕﻪﻥ ﻛﻮﭘﺘﺎﯓ ﺑﯧﻠﯩﯖﻨﻰ ﻳﺎﭘﻤﯩﻐﺎﻧﻨﻰ ﺋﺎﺯ ﻛﯚﺭﯛﭖ،
ﺋﯚﻟﭽﯩﻤﯩﺪﯨﻦ ﺋﺎﺷﯘﺭﯗﭖ ﺋﻮﻳﯘﯞﺍﻟﺪﯨﯔ ﺑﯩﺮ ﻏﯧﺮﯨﭻ.
ﻣﺎﺳﻼﺷﻤﺎﻕ ﺑﻮﭖ ﺩﻩﯞﺭﻧﯩﯔ ﻣﻮﺩﯨﺴﯩﻐﺎ ﺗﯧﺨﯩﻤﯘ،
ﭘﺎﺷﻨﯩﺴﯩﻨﻰ ﺋﺎﻳﺎﻏﻨﯩﯔ ﻗﯩﻠﯩﯟﺍﻟﺪﯨﯔ ﺑﯩﺮ ﻏﯧﺮﯨﭻ.

ﻧﻪﺩﯨﻦ ﺗﺎﭘﻘﺎﻥ ﭘﯘﻟﻜﯩﻨﺘﺎﯓ ،ﻗﺎﺕ- ﻗﺎﺕ ﺯﻩﻧﺠﯩﺮ ﺑﻮﻳﻨﯘﯕﺪﺍ،
ﺑﻮﻟﺴﺎ ﺋﺎﺷﯘ ﺯﻩﻧﺠﯩﺮﻧﻰ ﺋﯘﻻﻱ ﺩﯦﺪﯨﯔ ﺑﯩﺮ ﻏﯧﺮﯨﭻ.
ﻧﻪﺩﻩ ﺷﯘﻧﺪﺍﻕ ﺋﺎﺩﻩﺕ ﺑﺎﺭ،ﺗﯩﺮﻧﯩﻘﯩﻨﻰ ﺋﯚﺳﺘﯜﺭﯛﺵ؟
ﺋﻪﭘﺴﯘﺱ ،ﺷﯘﻧﻰ ﭘﻪﺭﯞﯨﺸﻠﻪﭖ ﻗﯩﻼﻱ ﺩﯦﺪﯨﯔ ﺑﯩﺮ ﻏﯧﺮﯨﭻ.

ﺋﺎﺯﻟﯩﻖ ﻗﯩﻠﺴﺎ ﻧﺎﯞﺍﺩﺍ ﺋﺎﺗﺎ- ﺋﺎﻧﺎﯓ ﺑﻪﺭﮔﻪﻥ ﭘﯘﻝ،
ﺭﺍﺯﻯ ﺑﻮﻟﻤﺎﻱ ﺗﯘﻣﺸﯘﻗﻨﻰ ﺳﻮﺯﯗﯞﺍﻟﺪﯨﯔ ﺑﯩﺮ ﻏﯧﺮﯨﭻ،
ﭼﯩﻘﯩﭗ ﻛﻪﺗﻜﻪﻥ ﻛﯧﭽﻪﯓ ﻛﯚﭖ،ﺋﻪﻧﺴﯩﺮﯨﺘﯩﭗ ﭼﻮﯕﻼﺭﻧﻰ،
ﻗﺎﯞﺍﻗﺨﺎﻧﺎ ،ﺩﯨﺒﺎﺩﺍ ﺋﯜﺯﯨﯟﺍﻟﺪﯨﯔ ﺑﯩﺮ ﻏﯧﺮﯨﭻ.

ﭼﺎﭘﺘﯩﯔ ﺷﯘﻧﺪﺍﻕ ﻧﯩﺸﺎﻧﺴﯩﺰ،ﺋﻮﻳﻼﭖ ﻗﻮﻳﻤﺎﻱ ﺯﺍﺗﯩﯖﻨﻰ،
ﭼﯧﻜﯩﻨﺪﯨﯔ -ﻳﯘ، ﺋﺎﻟﻐﺎ ﮬﯧﭻ ﺑﺎﺳﺎﻟﻤﯩﺪﯨﯔ ﺑﯩﺮ ﻏﯧﺮﯨﭻ.
ﮔﯜﺯﻩﻝ ﺧﯘﻟﻖ -ﮬﺎﻳﺎﻧﻰ ﻳﻮﻗﯩﺘﯩﭗ ﺳﻪﻥ،ﮬﻪﻱ ﺋﯩﺴﯩﺖ،
ﭘﻪﺯﯨﻠﻪﺗﻨﯩﯔ ﺳﯜﻳﯩﺪﻩ ﺋﺎﻗﺎﻟﻤﯩﺪﯨﯔ ﺑﯩﺮ ﻏﯧﺮﯨﭻ.

ﻧﯧﻤﻪ ﻗﯩﻠﺴﺎﯓ ﻣﻪﻳﻠﯩﻐﯘ،ﺋﯘﻧﯘﺗﻤﯩﺴﺎﯓ ﺋﻪﺳﻠﯩﯖﻨﻰ،
ﺋﻪﻳﺶ – ﺋﯩﺸﺮﻩﺕ ﻛﻮﻳﯩﺪﺍ ﻳﻮﻗﺎﺗﻤﯩﺴﺎﯓ ﯞﻩﺳﻠﯩﯖﻨﻰ،
ﻧﺎﺩﺍﻧﻠﯩﻘﻘﺎ ﻳﻮﻝ ﺋﯧﭽﯩﭗ ،ﻗﯘﺭﯗﺗﻤﯩﺴﺎﯓ ﻧﻪﺳﻠﯩﯖﻨﻰ .
ﺋﻮﻳﻼﻥ،ﮬﺎﻻﻙ ﺑﻮﻟﯘﺷﻘﺎ ﭘﻪﻗﻪﺕ ﻗﺎﻟﺪﯨﯔ ﺑﯩﺮ ﻏﯧﺮﯨﭻ