1 ـ ﮪﯩﺠﺎﭖ ﺩﯦﮕﻪﻥ: ﺋﺎﻳﺎﻟﻼﺭﻧﯩﯔ ﭘﯜﺗﯜﻥ ﺑﻪﺩﯨﻨﯩﻨﻰ «ﻳﯜﺯﻯ ﯞﻩ ﺋﺎﻟﻘﯩﻨﯩﻤﯘ ﺷﯘﻧﯩﯔ ﺋﯩﭽﯩﺪﻩ» ﯞﻩ ﺯﯨﺒﯘﺯﯨﻨﻨﻪﺗﻠﯩﺮﯨﻨﻰ ﻳﺎﺕ ﺋﻪﺭﻟﻪﺭﻧﯩﯔ ﻛﯚﺭﯛﭖ ﻗﯧﻠﯩﺸﯩﺪﯨﻦ ﺗﻮﺳﯩﺪﯨﻐﺎﻥ ﻧﻪﺭﺳﻪ ﺑﯩﻠﻪﻥ ﺋﻮﺭﺍﺷﺘﯘﺭ، ﺑﯘ ﻛﯩﻴﯩﻢ – ﻛﯧﭽﻪﻙ ﯞﻩ ﺋﯚﻱ ﺑﯩﻠﻪﻥ ﺑﻮﻟﯩﺪﯗ. [ﺷﻪﻳﺦ ﺑﻪﻛﺮﻯ ﺋﻪﺑﯘﺯﻩﻳﺪ]
2 ـ ﻳﺎﺳﯩﻨﯩﭗ – ﺗﺎﺭﯨﻨﯩﺶ (ﺗﻪﺑﻪﺭﺭﯗﺝ) ﺩﯦﮕﻪﻥ: ﺋﺎﻳﺎﻟﻼﺭﻧﯩﯔ ﺋﯚﺯ ﺯﯨﺒﯘﺯﯨﻨﻨﻪﺗﻠﯩﺮﯨﻨﻰ ﯞﻩ ﮔﯜﺯﻩﻟﻠﯩﻜﯩﻨﻰ ﻳﺎﺕ ﺋﻪﺭﻟﻪﺭﮔﻪ ﻧﺎﻣﺎﻳﺎﻥ ﻗﯩﻠﯩﺸﺘﯘﺭ. ﻳﺎﺳﯩﻨﯩﺶ ﺗﯚﯞﻩﻧﺪﯨﻜﻰ ﺋﯩﺸﻼﺭ ﺑﯩﻠﻪﻥ ﺑﻮﻟﯩﺪﯗ:
3 ـ ﮪﯩﺠﺎﭘﻨﻰ ﺗﻪﺭﻙ ﺋﯧﺘﯩﺶ ﯞﻩ ﺑﻪﺩﯨﻨﯩﺪﯨﻦ ﺑﯩﺮﻩﺭ ﺋﻪﺯﺍﺳﯩﻨﻰ ﻳﺎﺕ ﺋﻪﺭﻟﻪﺭﮔﻪ ﺋﺎﺷﻜﺎﺭﯨﻼﺵ.
4 ـ ﭘﯩﻼﺷﻠﯩﺮﻯ ﺋﺎﺳﺘﯩﺪﯨﻜﻰ ﻛﯩﻴﯩﻤﻠﻪﺭﮔﻪ ﺋﻮﺧﺸﺎﺵ ﺯﯨﻨﻨﻪﺗﻠﯩﺮﯨﺪﯨﻦ ﺑﯩﺮﻩﺭ ﻧﻪﺭﺳﯩﺴﯩﻨﻰ ﺋﺎﺷﻜﺎﺭﻻﺵ.
5 ـ ﻣﻪﺧﭙﯩﻲ ﺯﯨﻨﻨﻪﺗﻠﯩﺮﯨﻨﻰ ﺑﯩﻠﺪﯛﺭﯛﺵ ﯞﻩ ﻣﯧﯖﯩﺸﻠﯩﺮﯨﻐﺎ ﻳﺎﯕﺰﺍ ﭘﻪﻳﺪﺍ ﻗﯩﻠﯩﺶ ﺋﯜﭼﯜﻥ ﭘﯘﺗﻠﯩﺮﯨﻨﻰ ﻳﻪﺭﮔﻪ ﺋﯘﺭﯗﺵ.
6 ـ ﮔﻪﭖ ـ ﺳﯚﺯﮔﻪ ﻗﯩﻠﻐﺎﻧﺪﺍ ﻧﺎﺯﻟﯩﻨﯩﭗ ﺳﯚﺯﻟﻪﺵ.
7 ـ ﺋﻪﺭﻟﻪﺭ ﺑﯩﻠﻪﻥ ﺋﺎﺭﯨﻠﯩﺸﯩﺶ، ﺑﯘ ﻗﻮﻝ ﺋﯧﻠﯩﺸﯩﭗ ﻛﯚﺭﯛﺷﯜﺵ ﯞﻩ ﭼﺎﻗﭽﺎﻗﻠﯩﺸﯩﺸﻨﯩﻤﯘ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ. [ﺷﻪﻳﺦ ﺑﻪﻛﺮﻯ ﺋﻪﺑﯘ ﺯﻩﻳﺪ]
8 ـ ﮪﻪﺩﯨﺲ: «ﺑﺎﻻﻏﻪﺗﻜﻪ ﻳﻪﺗﻜﻪﻥ ﺋﺎﻳﺎﻟﻨﯩﯔ ﺑﯘﻳﯩﺮﯨﺪﯨﻦ، ﺑﯘﻳﯩﺮﯨﺪﯨﻦ ﺑﺎﺷﻘﺎ ﻳﻪﺭﻟﯩﺮﯨﻨﻰ ﻛﯚﺭﯛﺵ ﺩﯗﺭﯗﺱ ﺋﻪﻣﻪﺱ. (ﺩﻩﭖ) ﻳﯜﺯﻯ ﯞﻩ ﺋﺎﻟﻘﯩﻨﯩﻐﺎ ﺋﯩﺸﺎﺭﻩﺕ ﻗﯩﻠﺪﻯ» ﺑﯘ ﮪﻪﺩﯨﺲ ﺯﻩﺋﯩﭗ. [ﭘﻪﺗﯩﯟﺍ ﻛﻮﻣﯩﺘﯧﺘﻰ]
9 ـ ﺋﺎﻳﺎﻟﻼﺭﻧﯩﯔ ﺋﯚﺯ ﻣﻪﮪﺮﻩﻣﻠﯩﺮﯨﮕﻪ ﺋﺎﺷﻜﺎﺭﯨﻼﺷﻘﺎ ﺑﻮﻟﯩﺪﯨﻐﺎﻥ ﺟﺎﻳﻠﯩﺮﻯ: ﻳﯜﺯﻯ، ﺋﺎﻟﻘﯩﻨﻰ، ﺧﻪﻟﺨﺎﻟﯩﺮﻯ، ﮪﺎﻟﻘﺎ، ﺑﯩﻠﻪﻳﺰﯛﻙ، ﺑﻮﻟﻮﭘﻜﺎ ﯞﻩ ﺑﺎﺵ – ﺋﺎﻳﺎﻏﻠﯩﺮﻯ. [ﭘﻪﺗﯩﯟﺍ ﻛﻮﻣﯩﺘﯧﺘﻰ]
10 ـ ﺋﺎﻳﺎﻟﻼﺭﻧﯩﯔ ﺑﺎﺯﺍﺭ – ﺭﻩﺳﺘﯩﻠﻪﺭﺩﻩ ﮪﺎﻟﻘﺎ ﯞﻩ ﺑﯩﻠﻪﺯﯛﻛﻠﯩﺮﯨﻨﻰ ﺋﺎﺷﻜﺎﺭﯨﻼﭖ ﻳﯜﺭﯛﺷﻠﯩﺮﻯ ﺟﺎﻳﯩﺰ ﺋﻪﻣﻪﺱ، ﭼﯜﻧﻜﻰ ﺋﯘﻣﯘ ﭘﯩﺘﻨﯩﮕﻪ ﺳﻪﯞﻩﺏ ﺑﻮﻟﯩﺪﯗ، ﺑﯩﺮ ﻗﯩﺴﯩﻢ ﺋﺎﻳﺎﻟﻼﺭﻧﯩﯔ ﺑﺎﺭﻣﺎﻗﻠﯩﺮﯨﺪﯨﻜﻰ ﺋﯜﺯﯛﻛﻠﯩﺮﻯ ﯞﻩ ﺑﯩﻠﻪﻳﺰﯛﻛﻠﯩﺮﻯ ﺷﯘ ﺟﯜﻣﻠﯩﺪﯨﻨﺪﯗﺭ. [ﺷﻪﻳﺦ ﺋﯩﺒﻨﻰ ﺋﯘﺳﻪﻳﻤﯩﻦ]
11 ـ ﺧﯩﺰﻣﻪﺗﭽﻰ ﯞﻩ ﺷﻪﺧﺴﻰ ﺷﻮﭘﯘﺭﻟﯩﺮﯨﻨﯩﯔ ﺋﺎﻟﺪﯨﺪﺍ ﺋﻮﭼﯘﻕ ﻳﯜﺭﯛﺷﻨﯩﯔ ﮪﯚﻛﯩﻤﻰ ﻧﯧﻤﻪ؟
- ﺋﯚﺯﯨﻨﻰ ﭼﻪﺗﻜﻪ ﺋﯧﻠﯩﺶ ﯞﺍﺟﯩﭗ ﺑﻮﻟﯩﺪﯨﻐﺎﻥ ﺑﺎﺷﻘﺎ ﺋﻪﺭﻟﻪﺭﻧﯩﯔ ﮪﯚﻛﯩﻤﯩﮕﻪ ﺋﻮﺧﺸﺎﺷﺘﯘﺭ، ﺋﯘﻻﺭﻧﯩﯔ ﻗﺎﻳﺴﻰ ﺑﯩﺮﻯ ﺑﯩﻠﻪﻥ ﺑﻮﻟﻤﯩﺴﯘﻥ ﺧﯩﻠﯟﻩﺗﺘﻪ ﺑﯩﺮﮔﻪ ﺗﯘﺭﯗﺵ ﺟﺎﻳﯩﺰ ﺋﻪﻣﻪﺱ. [ﺷﻪﻳﺦ ﺋﯩﺒﻨﻰ ﺑﺎﺯ]
12 ـ ﺋﺎﻳﺎﻟﻼﺭﺋﻪﻣﺎ ﺋﻪﺭﻟﻪﺭﻧﯩﯔ ﺋﺎﻟﺪﯨﺪﺍ ﻳﯜﺯﻯ ﺋﻮﭼﯘﻕ ﻳﯜﺭﺳﻪ ﺑﻮﻟﯩﺪﯗ. (ﺋﯩﺒﻨﻰ ﺋﯘﻣﻤﯘ ﻣﻪﻛﺘﯘﻣﻨﯩﯔ ﻗﯧﺸﯩﺪﺍ ﺋﯧﭽﯩﯟﻩﺗﺘﻰ، ﺋﯘ ﺋﻪﻣﺎ ﻛﯩﺸﻰ ﺋﯩﺪﻯ) ﺩﯦﮕﻪﻥ ﮪﻪﺩﯨﺲ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ. «ﺳﯩﻠﻪﺭ ﺋﯩﻜﻜﯩﯖﻼﺭﻣﯘ ﻗﺎﺭﯨﻐﯘﻣﯘ، ﺋﯘﻧﻰ ﻛﯚﺭﻣﻪﻣﺴﯩﻠﻪﺭ؟» ﺩﯦﮕﯩﻨﻰ ﺯﻩﺋﯩﭗ. [ﺷﻪﻳﺦ ﺋﯩﺒﻨﻰ ﺑﺎﺯ]
13 ـ ﭼﯩﺮﺍﻳﻨﻰ ﺳﯜﺭﻣﻪ ﯞﻩ ﺷﯘﻧﯩﯔ ﺋﻮﺧﺸﺎﺷﻠﯩﺮﻯ ﺑﯩﻠﻪﻥ ﮔﯜﺯﻩﻟﻠﻪﺷﺘﯜﺭﯛﺵ ﯞﻩ ﻳﺎﺕ ﺋﻪﺭﻟﻪﺭﻧﯩﯔ ﺋﺎﻟﺪﯨﺪﺍ ﻳﯜﺯﯨﻨﻰ ﺋﯧﭽﯩﺶ ﺗﻪﺑﻪﺭﺭﯗﺝ (ﻳﺎﺳﯩﻨﯩﭗ – ﺗﺎﺭﯨﻨﯩﺸﻨﯩﯔ) ﺟﯜﻣﻠﯩﺴﯩﺪﯨﻦ.
14 ـ ﺋﺎﻳﺎﻟﻼﺭﻧﯩﯔ ﻳﺎﺷﺘﺎ ﭼﻮﯓ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ ﮪﻪﻳﺰﺩﯨﻦ ﯞﻩ ﺗﯘﻏﯘﺗﺘﯩﻦ ﻗﺎﻟﻐﺎﻧﻠﯩﺮﻯ ﻣﻪﮪﺮﻩﻣﻠﯩﺮﯨﻨﯩﯔ ﻏﻪﻳﺮﯨﮕﻪ ﻳﯘﺯﯨﻨﻰ ﺋﺎﭼﺴﺎ ﻛﯧﺮﻩﻙ ﻳﻮﻕ، ﻟﯧﻜﯩﻦ ﺋﯘﻻﺭﻧﯩﯖﻤﯘ ﻳﯜﺯﯨﻨﻰ ﻳﺎﭘﻘﯩﻨﯩﻰ ﺋﻪﯞﺯﻩﻝ ﯞﻩ ﺋﻪﯓ ﺋﯧﮭﺘﯩﻴﺎﺗﻠﯩﻖ. «ﺗﺎﺷﻘﻰ ﻛﯩﻴﯩﻤﻠﯩﺮﯨﻨﻰ ﺳﯧﻠﯩﯟﯦﺘﯩﺸﺘﯩﻦ ﺳﺎﻗﻼﻧﺴﺎ ﺋﯘﻻﺭ ﺋﯜﭼﯜﻥ ﻳﺎﺧﺸﯩﺪﯗﺭ». (ﺳﯜﺭﻩ ﻧﯘﺭ 60 ـ ﺋﺎﻳﻪﺕ) [ﺷﻪﻳﺦ ﺋﯩﺒﻨﻰ ﺑﺎﺯ]
15 ـ ﻣﯘﺳﯘﻟﻤﺎﻥ ﺋﺎﻳﺎﻟﻼﺭﻧﯩﯔ ﻏﻪﻳﺮﻯ ﻣﯘﺳﯘﻟﻤﺎﻥ ﺋﺎﻳﺎﻟﻼﺭ ﺋﺎﻟﺪﯨﺪﯨﻜﻰ ﻛﯧﻴﯩﻨﯩﺸﻰ: ﺋﺎﻳﺎﻟﻨﯩﯔ ﺋﺎﻳﺎﻝ ﺋﯜﭼﯜﻥ – ﻣﻪﻳﻠﻰ ﺋﯘ ﻣﯘﺳﯘﻟﻤﺎﻥ ﺋﺎﻳﺎﻝ ﺑﻮﻟﺴﯘﻥ، ﻳﺎﻛﻰ ﻏﻪﻳﺮﻯ ﻣﯘﺳﯘﻟﻤﺎﻥ ﺋﺎﻳﺎﻝ ﺑﻮﻟﺴﯘﻥ – ﻛﯩﻨﺪﯨﻚ ﺋﯜﺳﺘﻰ ﺑﯩﻠﻪﻥ ﺗﯩﺰﯨﻨﯩﯔ ﺋﺎﺳﺘﯩﻨﻘﻰ ﺟﺎﻳﻠﯩﺮﯨﻨﻰ ﺋﯧﭽﯩﺶ ﺩﯗﺭﯗﺱ، ﺋﻪﻣﻤﺎ ﻛﯩﻨﺪﯨﻜﻨﯩﯔ ﺋﺎﺳﺘﻰ، ﺗﯩﺰﯨﻨﯩﯔ ﺋﯜﺳﺘﻰ ﺋﻪﯞﺭﻩﺕ ﺑﻮﻟﯘﭖ ﺑﺎﺷﻘﺎﺋﺎﻳﺎﻟﻼﺭﻧﯩﯔ ﻛﯚﺭﯨﺸﻰ ﺟﺎﻳﯩﺰ ﺋﻪﻣﻪﺱ. [ﭘﻪﺗﯩﯟﺍ ﻛﻮﻣﯩﺘﯧﺘﻰ]
16 ـ ﺧﯩﺰﻣﻪﺗﭽﻰ ﺋﺎﻳﺎﻟﻼﺭﻧﯩﯔ ﮪﯩﺠﺎﭘﻠﯩﻨﯩﺸﻰ: ﺋﯘﻻﺭ ﺧﻮﺟﺎﻳﯩﻦ ﺋﻪﺭﻟﻪﺭﺩﯨﻦ ﺋﯚﺯﯨﻨﻰ ﮪﯩﺠﺎﭘﻠﯩﺸﻰ ﯞﻩ ﺋﯘﻻﺭﻧﯩﯔ ﺋﺎﻟﺪﯨﺪﺍ ﻳﺎﺳﯩﻨﯩﭗ- ﺗﺎﺭﯨﻨﯩﭗ ﻳﯜﺭﻣﻪﺳﻠﯩﻜﻰ ﻻﺯﯨﻢ. ﺩﻩﻟﯩﻠﻠﻪﺭ ﺋﻮﻣﯘﻡ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ ﺋﯘﻻﺭﻧﯩﯔ ﺧﻮﺟﺎﻳﯩﻦ ﺋﻪﺭﻟﯩﺮﻯ ﺑﯩﻠﻪﻥ ﺧﯩﻠﯟﻩﺗﺘﻪ ﺑﯩﺮﮔﻪ ﺗﯘﺭﯨﺸﻰ ﮪﺎﺭﺍﻡ.
17 ـ ﺗﺎﺭ ﻛﯩﻴﯩﻤﻠﻪﺭﻧﻰ ﻛﯩﻴﯩﺶ: ﻧﯩﯔ ﺋﺎﻳﺎﻟﻼ ﺟﯩﺴﻤﯩﻐﺎ ﺑﻮﻟﯩﺪﯨﻐﺎﻥ ﺳﻪﻟﺒﯩﻲ ﺗﻪﺳﯩﺮﻯ: 1 ـ ﺗﯧﺮﯨﻨﯩﯔ ﺳﻪﺯﮔﯜﺭﭼﺎﻧﻠﯩﻘﯩﻨﻰ ﻳﻮﻗﯩﺘﯩﺶ 2 ـ ﺋﯩﭽﻜﻰ ﺋﻪﺯﺍﻻﺭﻧﻰ ﺳﯩﻘﯩﺶ. 3 ـ ﻗﺎﻥ ﺗﻮﻣﯘﺭﻻﺭﻧﻰ ﺳﯩﻘﯩﺶ ﺋﺎﺭﻗﯩﻠﯩﻖ ﻗﺎﻥ ﺑﯧﺴﯩﻤﯩﻨﻰ ﺋﯚﺭﻟﯩﺘﯩﯟﯦﺘﯩﺶ ﯞﻩ ﺋﻪﺯﺍﻻﺭﻧﯩﯔ ﮪﻪﺭﯨﻜﯩﺘﯩﮕﻪ ﺗﻪﺳﯩﺮ ﻳﻪﺗﻜﯜﺯﯛﺵ.
18 ـ ﺋﺎﻕ ﻛﯩﻴﯩﻤﻠﻪﺭﻧﻰ ﻛﯩﻴﯩﺶ ﺗﯚﯞﻩﻧﺪﯨﻜﻰ ﺋﯩﻜﻜﻰ ﺷﻪﺭﺕ ﺑﯩﻠﻪﻥ ﺟﺎﻳﯩﺰ، ﺑﯩﺮﻯ ﻛﯩﻴﯩﻤﻨﯩﯔ ﭘﻮﺳﯘﻥ ﯞﻩ ﺗﯩﻜﯩﻠﯩﺸﻰ ﺋﻪﺭﻟﻪﺭﻧﯩﯔ ﻛﯩﻴﯩﻤﯩﮕﻪ ﺋﻮﺧﺸﯩﻤﺎﺳﻠﯩﻖ. ﻳﻪﻧﻪ ﺑﯩﺮﻯ ﺷﯘ ﻛﯩﻴﯩﻢ ﺑﯩﻠﻪﻥ ﺑﺎﺯﺍﺭ- ﺭﻩﺳﺘﯩﻠﻪﺭﮔﻪ ﭼﯩﻘﻤﺎﺳﻠﯩﻖ ﭼﯜﻧﻜﻰ ﺋﯘ ﻳﺎﺳﯩﻨﯩﭗ – ﺗﺎﺭﯨﻨﯩﺶ (ﺗﻪﺑﻪﺭﺭﯗﺝ) ﺟﯜﻣﻠﯩﺴﯩﺪﯨﻨﺪﯗﺭ. [ﺷﻪﻳﺦ ﺋﯩﺒﻨﻰ ﺋﯘﺳﻪﻳﻤﯩﻦ]
19 ـ ﺷﻪﺭﺋﻰ ﻧﯩﻤﭽﺎ – ﭘﯩﻼﺷﻼﺭﻧﻰ ﻛﯩﻴﯩﺸﻨﯩﯔ ﺷﻪﺭﺗﻠﯩﺮﻯ: 1) ﺋﺎﺳﺘﻰ ﻛﯚﺭﯛﻧﻤﻪﻳﺪﯨﻐﺎﻥ ﺩﻩﺭﯨﺠﯩﺪﻩ ﻗﯧﻠﯩﻨﺮﺍﻕ، ﺑﻪﺩﻩﻧﮕﻪ ﭼﺎﭘﻼﺷﻤﺎﻳﺪﯨﻐﺎﻥ ﺑﻮﻟﯘﺵ. 2) ﭘﯜﺗﯜﻥ ﺑﻪﺩﻩﻧﻨﻰ ﻳﺎﭘﺎﻻﻳﺪﯨﻐﺎﻥ ﯞﻩ ﻛﻪﯓ ـ ﻛﻪﯕﺮﻯ ﺑﻮﻟﯘﺵ. 3) ﭘﻪﻗﻪﺕ ﺋﺎﻟﺪﯨﺪﯨﻨﻼ ﺋﯧﭽﯩﻠﯩﺪﯨﻐﺎﻥ ﺑﻮﻟﯘﺵ ﯞﻩ ﻳﻪﯓ ﺋﯧﻐﯩﺰﻯ ﺗﺎﺭ ﺑﻮﻟﯘﺵ. 4) ﺑﺎﺷﻘﯩﻼﺭﻧﯩﯔ ﺩﯨﻘﻘﯩﺘﯩﻨﻰ ﺗﺎﺭﯨﺘﻤﺎﻳﺪﯨﻐﺎﻥ، ﺭﻩﺳﯩﻢ، ﻳﯧﺮﯨﻖ ﯞﻩ ﺗﯜﺭﻟﯜﻙ ﺑﻪﻟﮕﯩﻠﻪﺭﺩﯨﻦ ﺧﺎﻟﯩﻲ ﺑﻮﻟﯘﺵ. 5) ﺩﯨﻨﺴﯩﺰ ﺋﺎﻳﺎﻟﻼﺭﻧﯩﯔ ﻛﯩﻴﯩﻤﯩﮕﻪ ﻳﺎﻛﻰ ﺋﻪﺭﻟﻪﺭﻧﯩﯔ ﻛﯩﻴﯩﻤﯩﮕﻪ ﺋﻮﺧﺸﯩﻤﺎﺳﻠﯩﻖ. 6) ﻧﯩﻤﭽﺎ – ﭘﯩﻼﺷﻼﺭﻧﻰ ﭼﻮﻗﻘﯩﺴﯩﺪﯨﻦ ﺑﺎﺷﻼﭖ ﺳﯧﻠﯩﺶ. [ﭘﻪﺗﯩﯟﺍ ﻛﻮﻣﯩﺘﯧﺘﻰ]
ﻛﯩﻴﯩﺸﻜﻪ ﺭﯗﺧﺴﻪﺕ ﻗﯩﻠﯩﻨﻐﺎﻥ ﻛﯩﻴﯩﻤﻠﻪﺭ
20 ـ ﺋﻪﮔﻪﺭ ﻳﯜﺯﯨﻨﻰ ﻳﺎﭘﺎﻻﻳﺪﯨﻐﺎﻥ (ﺋﯩﻜﻜﻰ ﻛﯚﺯﻯ ﻳﺎﻛﻰ ﺋﯩﻜﻜﻰ ﻛﯚﺯﯨﻨﯩﯔ ﺑﯩﺮﻯ ﺑﯘﻧﯩﯔ ﺳﯩﺮﺗﯩﺪﺍ) ﺑﻮﻟﺴﺎ ﺭﻭﻣﺎﻝ (ﻳﺎﻏﻠﯩﻖ) ﭼﻪﮔﺴﻪ ﻛﯧﺮﻩﻙ ﻳﻮﻕ. ﯞﻩ ﺋﻪﻧﻪ ﺷﯘ ﺯﯨﻨﻨﻪﺗﻠﻪﺭﻧﻰ ﺋﺎﺷﻜﺎﺭﯨﻠﯩﻤﯩﻐﺎﻥ، ﺗﻮﻟﯘﻕ ﺋﻮﺭﺍﻟﻐﺎﻥ ﺑﻮﻟﯘﺵ ﺑﯩﻠﻪﻥ ﺑﻮﻟﯩﺪﯗ. ﭼﯜﻧﻜﻰ ﮪﻪﺭ ﺑﯩﺮ ﻣﯩﻠﻠﻪﺗﻨﯩﯔ ﺋﯚﺯ ﺋﺎﺩﯨﺘﻰ ﺑﺎﺭ، ﺑﯩﺮﺍﻕ ﮪﻪﺟﺪﻩ ﺭﻭﻣﺎﻝ- ﻳﺎﻏﻠﯩﻖ ﭼﯩﮕﯩﺸﻜﻪ ﺑﻮﻟﻤﺎﻳﺪﯗ. ﻳﯜﺯﯨﻨﻰ ﺗﻮﻟﯘﻕ ﻳﯚﮔﯩﺸﻰ ﯞﺍﺟﯩﭗ. (ﻗﺎﺭﺍ ﺭﻩﯕﻠﯩﻚ ﻣﻪﺧﺴﯘﺱ ﻧﯩﻘﺎﭖ ﺑﯩﻠﻪﻥ ﻳﯚﮔﻪﻳﺪﯗ) [ﺷﻪﻳﺦ ﺋﯩﺒﻨﻰ ﺑﺎﺯ]
21 ـ ﻣﺎﺳﻜﺎ: ﺑﯩﺰ ﻗﻪﺗﺌﯩﻲ ﭼﻪﻛﻠﻪﺵ ﻳﺎﺧﺸﻰ ﺩﻩﭖ ﻗﺎﺭﺍﻳﻤﯩﺰ، ﺋﺎﻳﺎﻟﻼﺭ ﺑﯘ ﺋﯩﺸﺘﺎ ﯞﻩ ﻳﺎﻏﻠﯩﻖ ﭼﯩﮕﯩﺸﺘﻪ ﺷﯘﻧﯩﯖﺪﻩﻙ ﺋﯩﻜﻜﻰ ﻛﯩﺮﭘﯩﻜﻰ، ﻣﻪﯕﺰﻯ ﯞﻩ ﺋﯩﻜﻜﻰ ﻗﯧﺸﯩﻨﯩﯔ ﺋﯜﺳﺘﻰ ﺋﯧﭽﯩﻠﯩﭗ ﻗﺎﻟﯩﺪﯨﻐﺎﻥ ﻣﺎﺳﻜﯩﻼﺭﻧﻰ ﺗﺎﻗﺎﺷﺘﺎ ﭘﻪﺭﯞﻩﺭﺩﯨﮕﺎﺭﻣﯩﺰﺩﯨﻦ ﻗﻮﺭﻗﯘﺷﻰ ﻻﺯﯨﻢ، ﻳﯘﻗﯩﺮﯨﻘﯩﻼﺭﺩﺍ ﯞﻩ ﻳﯜﺯﯨﻨﻰ ﺋﻮﭼﯘﻕ ﻗﻮﻳﯘﺷﺘﺎ ﭘﯩﺘﻨﻪ ـ ﭘﺎﺳﺎﺕ ﺑﻮﻟﯩﺪﯨﻐﺎﻧﻠﯩﻘﻰ ﺋﯜﭼﯜﻥ ﺟﺎﻳﯩﺰ ﺋﻪﻣﻪﺱ. [ﺷﻪﻳﺦ ﺋﯩﺒﻨﻰ ﺋﯘﺳﻪﻳﻤﯩﻦ ﯞﻩ ﺋﯩﺒﻨﻰ ﻓﻪﯞﺯﺍﻥ]
22 ـ ﺷﻪﻳﺦ ﺋﯩﺒﻨﻰ ﺟﯘﺑﻪﻳﺮﯨﻦ ﻣﯘﻧﺪﺍﻕ ﺩﻩﻳﺪﯗ: ﻣﺎﺳﻜﺎ ﺗﺎﺭﺗﯩﺶ، ﺑﯘﺭﯗﻥ، ﻗﺎﺵ- ﻛﯩﺮﭘﯩﻚ ﯞﻩ ﻣﻪﯕﺰﯨﮕﻪ ﺋﻮﺧﺸﺎﺵ ﻳﯜﺯﯨﻨﯩﯔ ﺑﯩﺮ ﻗﯩﺴﯩﻤﻰ ﺋﯧﭽﯩﻠﯩﭗ ﻗﯧﻠﯩﭗ ﻗﺎﺭﯨﻐﯘﭼﯩﻼﺭﻧﻰ ﭘﯩﺘﻨﯩﮕﻪ ﺗﺎﺷﻼﻳﺪﯨﻐﺎﻧﻠﯩﻘﻰ ﺋﯜﭼﯜﻥ ﺟﺎﻳﯩﺰ ﺋﻪﻣﻪﺱ، ﻳﺎﻏﻠﯩﻖ ﺋﯜﺳﺘﯩﺪﯨﻦ، ﻣﺎﺳﻜﯩﺪﯨﻦ ﻛﯚﺭﯛﻧﯜﭖ ﻗﺎﻟﯩﺪﯨﻐﺎﻥ ﻳﯜﺯ ﻗﯩﺴﻤﯩﻨﻰ ﻳﺎﭘﺎﻻﻳﺪﯨﻐﺎﻥ ﺑﯩﺮﺍﻕ ﻛﯚﺭﯛﺷﻜﻪ ﺗﻪﺳﯩﺮ ﻳﻪﺗﻜﯜﺯﻣﻪﻳﺪﯨﻐﺎﻥ ﻧﯧﭙﺰﺭﺍﻕ ﺭﻭﻣﺎﻝ ﺗﺎﺷﻠﯩﯟﯦﻠﯩﺸﻰ ﻛﯧﺮﻩﻙ.
ﻣﯘﺳﯘﻟﻤﺎﻥ ﺋﺎﻳﺎﻟﻨﯩﯔ ﻛﯩﻴﯩﻤﻰ
23 ـ ﻣﯘﺳﯘﻟﻤﺎﻥ ﺋﺎﻳﺎﻟﻨﯩﯔ ﭘﯜﺗﯜﻥ ﺑﻪﺩﯨﻨﯩﻨﻰ ﺗﻮﻟﯘﻕ ﻳﺎﭘﺎﻻﻳﺪﯨﻐﺎﻥ ﺑﻮﻟﯘﺵ ﺷﻪﺭﺗﻰ ﺑﯩﻠﻪﻥ ﺭﻩﯕﺪﺍﺭ ﻛﯩﻴﯩﻤﻠﻪﺭﻧﻰ ﻛﯩﻴﯩﺶ ﺟﺎﻳﯩﺰ. [ﭘﻪﺗﯩﯟﺍ ﻛﻮﻣﯩﺘﯧﺘﻰ]
24 ـ ﺋﻪﺗﺮﺍﭘﺘﯩﻜﻰ ﻛﯩﺸﯩﻠﻪﺭ ﺗﻪﺭﻩﭘﺘﯩﻦ ﺷﻪﮪﯟﯨﺘﻰ ﺑﺎﺭ، ﻳﺎﻛﻰ ﺋﺎﻳﺎﻟﻼﺭﻧﯩﯔ ﺋﻪﮪﯟﺍﻟﯩﻨﻰ ﭼﯜﺷﯩﻨﯩﺪﯗ ﺩﻩﭖ ﻗﺎﺭﺍﻟﻐﺎﻥ ﺋﻮﻏﯘﻟﻼﺭﻧﯩﯔ ﮪﯩﺠﺎﺑﺴﯩﺰ ﺋﺎﻳﺎﻟﻼﺭﻧﯩﯔ ﻗﯧﺸﯩﻐﺎ ﻛﯩﺮﯨﺸﻰ ﻣﻪﻧﺌﻰ ﻗﯩﻠﯩﻨﯩﺪﯗ. [ﭘﻪﺗﯩﯟﺍ ﻛﻮﻣﯩﺘﯧﺘﻰ]
25 ـ ﭘﻪﻳﻐﻪﻣﺒﻪﺭ ﺋﻪﻟﻪﻳﮭﯩﺴﺴﺎﻻﻣﻨﯩﯔ:«ﻗﺎﻳﺴﻰ ﺑﯩﺮ ﺋﺎﻳﺎﻝ ﻛﯩﻴﯩﻢ ـ ﻛﯩﭽﯩﻜﯩﻨﻰ ﺋﯚﺯ ﺋﯧﺮﯨﻨﯩﯔ ﺋﯚﻳﯩﻨﯩﯔ ﻏﻪﻳﺮﯨﺪﻩ ﺳﺎﻟﺴﺎ،ﺋﯚﺯﻯ ﺑﯩﻠﻪﻥ ﺍﻟﻠﻪ ﺋﻮﺗﺘﯘﺭﺳﯩﺪﯨﻜﻰ ﭘﻪﺭﺩﯨﻨﻰ ﻳﯩﺮﯨﺘﻘﺎﻥ ﺑﻮﻟﯩﺪﯗ » ﺩﯦﮕﻪﻥ ﺳﯚﺯﻧﯩﯔ ﻣﻪﻧﯩﺴﻰ: [ﺋﻪﮪﻤﻪﺩ ﺭﯨﯟﺍﻳﻪﺕ ﻗﯩﻠﻐﺎﻥ]
ﭘﻪﻳﻐﻪﻣﺒﻪﺭ ﺋﻪﻟﻪﻳﮭﯩﺴﺴﺎﻻﻣﻨﯩﯔ ﻣﻪﻗﺴﻪﺕ ﻣﯘﺩﺩﯨﺌﺎﺳﯩﻨﻰ ﺍﻟﻠﻪ ﺋﻮﺑﺪﺍﻥ ﺑﯩﻠﯩﺪﯗ: ﺑﯘ ﮪﻪﺩﯨﺴﻨﯩﯔ ﻣﻪﺯﻣﯘﻧﯩﺪﯨﻦ ﻗﺎﺭﯨﻐﺎﻧﺪﺍ ﺋﺎﻳﺎﻝ ﻛﯩﺸﯩﻨﯩﯔ ﻛﯩﻴﯩﻢ ـ ﻛﯩﭽﯩﻜﯩﻨﻰ ﺋﯚﺯ ﺋﯧﺮﯨﻨﯩﯔ ﺋﯚﻳﯩﻨﯩﯔ ﻏﻪﻳﺮﯨﺪﻩ ﺳﯧﻠﯩﺸﻘﺎ ﺳﻪﻝ ﻗﺎﺭﯨﺸﻰ ﻣﻪﻧﺌﻰ ﻗﯩﻠﯩﻨﻐﺎﻥ، ﭼﯜﻧﻜﻰ ﺋﯘﻧﺪﺍﻕ ﺑﻮﻟﻐﺎﻧﺪﺍ ﺋﻪﯞﺭﻩﺗﻠﯩﺮﻯ ﺋﯧﭽﯩﻠﯩﭗ ﭘﺎﮪﯩﺸﻪ ﻗﯩﻠﯩﺸﻘﺎ ﺋﻮﺭﯗﻧﺪﻯ ﺩﯦﮕﻪﻥ ﺗﯚﮪﻤﻪﺗﻜﻪ ﻗﯧﻠﯩﺸﻰ ﻣﯘﻗﻪﺭﺭﻩﺭ.
ﺋﻪﻣﻤﺎ ﺋﯚﺯ ﺋﻪﮪﻠﯩﻨﯩﯔ ﯞﻩ ﻣﻪﮪﺮﻩﻣﻠﯩﺮﯨﻨﯩﯔ ﺋﯚﻳﯩﺪﻩ ﻛﯩﻴﯩﻢ ﺋﺎﻟﻤﺎﺷﺘﯘﺭﯗﺵ ﻳﺎﻛﻰ ﺩﻩﻡ ﺋﯧﻠﯩﺶ ﺋﯜﭼﯜﻥ ﻛﯩﻴﯩﻤﯩﻨﻰ ﺳﯧﻠﯩﺶ ﺟﺎﻳﯩﺰ، ﭼﯜﻧﻜﻰ ﺋﯘ ﭘﯩﺘﻨﯩﺪﯨﻦ ﻳﯩﺮﺍﻕ، ﻏﻪﻳﺮﻯ ﻣﻪﻗﺴﻪﺗﻠﻪﺭﺩﯨﻦ ﺧﺎﻟﯩﻲ. [ﭘﻪﺗﯩﯟﺍ ﻛﻮﻣﯩﺘﯧﺘﻰ]
ﺋﺎﻳﺎﻟﻼﺭﻧﯩﯔ ﻛﯩﻴﯩﺸﻰ ﭼﻪﻛﻠﻪﻧﮕﻪﻥ ﻛﯩﻴﯩﻤﻠﻪﺭ
26 ـ ﺋﺎﻳﺎﻟﻼﺭﻧﯩﯔ ﺳﯘﻳﯘﻕ، ﻧﯧﭙﯩﺰ ﻛﯩﻴﯩﻤﻠﻪﺭﻧﻰ ﻛﯩﻴﯩﺸﻰ ﺟﺎﻳﯩﺰ ﺋﻪﻣﻪﺱ. [ﺷﻪﻳﺦ ﺋﯩﺒﻨﻰ ﻓﻪﯞﺯﺍﻥ]
27 ـ ﺋﺎﻳﺎﻟﻼﺭﻧﯩﯔ ﻳﯜﺯﯨﻨﻰ ﻳﺎﭘﺎﻟﻤﺎﻳﺪﯨﻐﺎﻥ ﻧﯧﭙﯩﺰ ﺭﻭﻣﺎﻟﻼﺭﻧﻰ ﺋﺎﺭﺗﯩﺸﻰ ﺟﺎﻳﯩﺰ ﺋﻪﻣﻪﺱ.
28 ـ ﺋﺎﻳﺎﻟﻼﺭﻧﯩﯔ ﺷﯩﻢ ﺋﯩﺸﺘﺎﻥ ﻛﯩﻴﯩﺸﻰ ﺟﺎﻳﯩﺰ ﺋﻪﻣﻪﺱ. ﭼﯜﻧﻜﻰ ﺋﯘﻻﺭ ﺷﯩﻢ ﺋﯩﺸﺘﺎﻥ ﻛﯩﻴﮕﻪﻧﺪﻩ ﺋﻪﺭﻟﻪﺭﮔﻪ ﺋﻮﺧﺸﺎﭖ ﻗﺎﻟﯩﺪﯗ، ﺷﯩﻢ ﺋﯩﺸﺘﺎﻥ ﺋﻪﺭﻟﻪﺭﻧﯩﯔ ﺧﺎﺱ ﻛﯩﻴﯩﻤﻰ، ﭘﻪﻳﻐﻪﻣﺒﻪﺭ ﺋﻪﻟﻪﻳﮭﯩﺴﺴﺎﻻﻡ: ﺋﻪﺭﻟﻪﺭﮔﻪ ﺋﻮﺧﺸﯩﯟﺍﻟﻐﺎﻥ ﺋﺎﻳﺎﻟﻼﺭﻏﺎ، ﺋﺎﻳﺎﻟﻼﺭﻏﺎ ﺋﻮﺧﺸﯩﯟﺍﻟﻐﺎﻥ ﺋﻪﺭﻟﻪﺭﮔﻪ ﻟﻪﻧﻪﺕ ﻗﯩﻠﻐﺎﻧﺪﯗﺭ. [ﭘﻪﺗﯩﯟﺍ ﻛﻮﻣﯩﺘﯧﺘﻰ]
29 ـ ﺋﺎﻳﺎﻟﻼﺭﻧﯩﯔ ﺋﺎﺩﻩﻡ ﯞﻩ ﮪﺎﻳﯟﺍﻧﻼﺭﻧﯩﯔ ﺳﯜﺭﯨﺘﻰ ﭼﯜﺷﯜﺭﯛﻟﮕﻪﻥ ﻛﯩﻴﯩﻤﻠﻪﺭﻧﻰ ﻛﯩﻴﯩﺸﻰ ﺟﺎﻳﯩﺰ ﺋﻪﻣﻪﺱ. [ﺷﻪﻳﺦ ﺋﯩﺒﻨﻰ ﺋﯘﺳﻪﻳﻤﯩﻦ]
30 ـ ﺋﺎﻳﺎﻟﻼﺭﻧﯩﯔ ﻳﯧﭙﯩﺸﻘﺎ ﺗﯧﮕﯩﺸﻠﯩﻚ ﺋﻪﺯﺍﻟﯩﺮﯨﺪﯨﻦ ﺑﯩﺮﻩﺭﺳﻰ ﺋﯧﭽﯩﻠﯩﭗ ﻗﺎﻟﯩﺪﯨﻐﺎﻥ ﻗﯩﺴﻘﺎ ﻛﯩﻴﯩﻤﻠﻪﺭﻧﻰ ﻛﯩﻴﯩﺶ ﺟﺎﻳﯩﺰ ﺋﻪﻣﻪﺱ. [ﭘﻪﺗﯩﯟﺍ ﻛﻮﻣﯩﺘﯧﺘﻰ]
31 ـ ﺋﺎﻳﺎﻟﻼﺭﻧﯩﯔ ﻏﻪﻳﺮﻯ ﺩﯨﻨﺪﯨﻜﻰ ﺋﺎﻳﺎﻟﻼﺭﻏﺎ ﻛﯩﻴﯩﻤﻠﻪﺭﻧﻰ ﻛﯩﻴﯩﺸﻰ ﺟﺎﻳﯩﺰ ﺋﻪﻣﻪﺱ. [ﭘﻪﺗﯩﯟﺍ ﻛﻮﻣﯩﺘﯧﺘﻰ]
32 ـ ﺋﺎﻳﺎﻟﻼﺭﻧﯩﯔ ﻳﺎﺕ ﺋﻪﺭﻟﻪﺭ ﺑﺎﺭ ﺳﻮﺭﯗﻧﺪﺍ ﺋﯩﺸﺘﯩﻨﯩﻨﯩﯔ ﭘﯘﺷﻘﯩﻘﯩﻨﻰ ﻛﯚﺗﯜﺭﯛﭖ ﭘﺎﭼﯩﻘﯩﻨﻰ ﻳﺎﻛﻰ ﭘﺎﭼﯩﻘﯩﻨﯩﯔ ﺑﯩﺮ ﻗﯩﺴﻤﯩﻨﻰ ﺋﯧﭽﯩﺸﻰ ﺟﺎﻳﯩﺰ ﺋﻪﻣﻪﺱ. ﭼﯜﻧﻜﻰ ﺋﺎﻳﺎﻟﻼﺭﻧﯩﯔ ﭘﯜﺗﯜﻥ ﺑﻪﺩﯨﻨﻰ ﺋﻪﯞﺭﻩﺕ. [ﭘﻪﺗﯩﯟﺍ ﻛﻮﻣﯩﺘﯧﺘﻰ]
33 ـ ﺋﺎﻳﺎﻟﻼﺭﻧﯩﯔ ﺳﯩﺮﺗﻘﺎ ﭼﯩﻘﻘﺎﻧﺪﺍ ﻧﯩﻤﭽﯩﻠﯩﺮﯨﻨﻰ ﺗﺎﻏﯩﻘﯩﻐﺎ ﭼﯜﺷﯜﺭﯞﯦﻠﯩﺸﻰ ﺟﺎﻳﯩﺰ ﺋﻪﻣﻪﺱ. [ﭘﻪﺗﯩﯟﺍ ﻛﻮﻣﯩﺘﯧﺘﻰ]
34 ـ ﻗﯩﺰ ﺋﻮﻗﯘﻏﯘﭼﯩﻼﺭﻧﯩﯔ ﺋﯘﺳﯘﻟﭽﻰ ﺋﺎﻳﺎﻟﻼﺭﻏﺎ ﺋﻮﺧﺸﺎﺵ ﺗﺎﺭ، ﻗﯩﺴﻘﺎ ﻛﯩﻴﯩﻤﻠﻪﺭﻧﻰ ﻛﯩﻴﯩﯟﯦﻠﯩﺸﻰ ﺟﺎﻳﯩﺰ ﺋﻪﻣﻪﺱ، ﭼﯜﻧﻜﻰ ﺋﯘ ﺯﯨﻴﺎﺭﻩﺗﻜﻪ ﻛﻪﻟﮕﻪﻥ ﻛﯩﺸﯩﻠﻪﺭﻧﯩﯔ ﺷﻪﮪﯟﯨﺘﯩﻨﻰ ﻗﻮﺯﻏﺎﭖ ﺑﯘﺯﯗﻕ ﻳﺎﻣﺎﻥ ﺋﯩﺸﻼﺭﻧﯩﯔ ﻛﯧﻠﯩﭗ ﭼﯩﻘﯩﺸﻐﺎ ﺳﻪﯞﻩﺏ ﺑﻮﻟﯩﺪﯗ. [ﭘﻪﺗﯩﯟﺍ ﻛﻮﻣﯩﺘﯧﺘﻰ]
35 ـ ﻛﯩﺸﯩﻠﻪﺭﻧﯩﯔ ﺩﯨﻘﻘﯩﺘﯩﻨﻰ ﺗﺎﺭﺗﯩﺪﯨﻐﺎﻥ ﯞﻩ ﮪﻪﻳﺮﺍﻧﻠﯩﻘﯩﻨﻰ، ﻛﯜﻟﻜﯩﺴﯩﻨﻰ ﻗﻮﺯﻏﺎﻳﺪﯨﻐﺎﻥ ﺩﺍﯕﻠﯩﻖ ﻛﯩﻴﯩﻤﻠﻪﺭ ﺋﻪﯞﺭﻩﺗﻨﻰ ﻳﺎﭘﯩﺪﯨﻐﺎﻥ ﻛﯩﻴﯩﻤﻠﻪﺭ ﺋﻪﻣﻪﺱ. [ﭘﻪﺗﯩﯟﺍ ﻛﻮﻣﯩﺘﯧﺘﻰ]
36 ـ ﺋﺎﻳﺎﻟﻼﺭﻧﯔ ﭼﯧﭽﻰ ﻛﯚﺭﯛﻧﯜﭖ ﻗﺎﻟﯩﺪﯨﻐﺎﻥ ﻧﯩﭙﯩﺰ ﻳﺎﻏﻠﯩﻘﻼﺭﻧﻰ ﭼﯩﮕﯩﺸﻰ ﺟﺎﻳﯩﺰ ﺋﻪﻣﻪﺱ.
37 ـ ﺋﺎﻳﺎﻟﻼﺭﻧﯩﯔ ﺋﯚﺯ ﻣﻪﮪﺮﻩﻣﻠﯩﺮﯨﻨﯩﯔ ﻏﻪﻳﺮﯨﮕﻪ ﺋﺎﻟﻘﯩﻨﯩﻨﻰ ﺋﯧﭽﯩﺸﻰ ﺟﺎﻳﯩﺰ ﺋﻪﻣﻪﺱ، ﭼﯜﻧﻜﻰ ﺋﯘﻻﺭﻧﯩﯔ ﭘﯜﺗﯜﻥ ﺋﻪﺯﺍﻟﯩﺮﻯ ﺋﻪﯞﺭﻩﺕ. [ﭘﻪﺗﯩﯟﺍ ﻛﻮﻣﯩﺘﯧﺘﻰ]
39 ـ ﺋﺎﻳﺎﻟﻼﺭﻧﯩﯔ ﻳﺎﺕ ﺋﻪﺭﻟﻪﺭ ﺋﺎﻟﺪﯨﺪﺍ ﻳﯜﺯﯨﻨﻰ ﺋﯧﭽﯩﺸﻰ ﺟﺎﻳﯩﺰﻣﯘ؟
- ﺋﺎﻳﺎﻝ ﻛﯩﺸﻰ ﻳﺎﺕ ﺋﻪﺭﻟﻪﺭﻧﯩﯔ ﺋﺎﻟﺪﯨﺪﺍ ﻳﯜﺯﯨﻨﻰ ﺋﯧﭽﯩﺸﻰ ﮪﺎﺭﺍﻣﺪﯗﺭ، ﮪﯩﺠﺎﺏ ﭘﻪﻗﻪﺕ ﻳﯜﺯﯨﻨﻰ ﻳﯧﭙﯩﺶ ﺑﯩﻠﻪﻧﻼ ﺗﻮﻟﯘﻕ ﺑﻮﻟﯩﺪﯗ.ﺋﺎﻳﺎﻟﻼﺭﻧﯩﯔ ﻳﯜﺯﻯ ﮔﯜﺯﻩﻟﻠﯩﻜﻨﯩﯔ ﻣﻪﺭﻛﯩﺰﻯ، ﺑﯘ ﮪﻪﻗﺘﻪ ﺍﻟﻠﻪ ﺗﺎﺋﺎﻻ: (ﻟﯧﭽﻪﻛﻠﯩﺮﻯ ﺑﯩﻠﻪﻥ ﻛﯚﻛﺮﻩﻛﻠﯩﺮﯨﻨﻰ ﻳﺎﭘﺴﯘﻥ) ﺩﯦﮕﻪﻥ. [ﺳﯜﺭﻩ ﻧﯘﺭ 31- ﺋﺎﻳﻪﺕ]
ﺋﺎﻳﻪﺗﻨﯩﯔ ﻣﻪﺯﻣﯘﻧﻰ: ﻟﯧﭽﻪﻛﻠﯩﺮﯨﻨﻰ ﺑﯧﺸﯩﺪﯨﻦ ﻛﯚﻛﺮﻩﻟﯩﺮﯨﮕﯩﭽﻪ ﺗﺎﺷﻠﯩﺴﯘﻥ ﺩﯦﮕﻪﻧﻠﯩﻚ ﺑﻮﻟﯘﭖ ﺑﯘ، ﺑﺎﺷﻨﻰ ﻛﯚﻛﺮﻩﻙ ﺑﯩﻠﻪﻥ ﻗﻮﺷﯘﭖ ﻳﯧﭙﯩﺸﻘﺎ ﺩﻩﻟﯩﻠﺪﯗﺭ. [ﺷﻪﻳﺦ ﺋﯩﺒﻨﻰ ﺟﯘﺑﻪﻳﺮﯨﻦ]
40 ـ ﭘﯘﺗﻠﯩﺮﻯ ﺋﯧﭽﯩﻠﯩﭗ ﻗﺎﻟﯩﺪﯨﻐﺎﻥ ﻗﯩﺴﻘﺎ ﻛﯩﻴﯩﻤﻠﻪﺭﻧﻰ ﻛﯩﻴﯩﺸﻨﯩﯔ ﮪﯚﻛﻤﻰ ﻧﯧﻤﻪ؟
- ﺋﺎﻳﺎﻟﻼﺭ ﭘﯜﺗﯜﻥ ﺑﻪﺩﯨﻨﯩﻨﻰ ﻳﯧﭙﯩﭗ ﺗﯘﺭﯨﺪﯨﻐﺎﻥ ﻛﯩﻴﯩﻤﻠﻪﺭﻧﻰ ﻛﯩﻴﯩﺸﻰ ﯞﺍﺟﯩﭗ. ﻳﺎﺕ ﺋﻪﺭﻟﻪﺭﻧﯩﯔ ﺋﺎﻟﺪﯨﺪﺍ ﺋﯘﻻﺭﻧﯩﯔ ﺑﻪﺩﯨﻨﯩﺪﯨﻦ ﻧﻪ ﻳﯘﺯﻯ، ﻧﻪ ﻗﻮﻟﻰ، ﻧﻪ ﭘﯘﺗﻰ ﺩﯦﮕﻪﻧﺪﻩﻙ ﺑﯩﺮﻩﺭ ﺋﻪﺯﺍﺳﯩﻨﯩﯔ ﺋﯧﭽﯩﻠﯩﭗ ﻗﯧﻠﯩﺸﻰ ﺟﺎﻳﯩﺰ ﺋﻪﻣﻪﺱ. [ﺷﻪﻳﺦ ﺋﯩﺒﻨﻰ ﺟﯘﺑﻪﻳﺮﯨﻦ]
41 ـ ﭘﻪﻳﻐﻪﻣﺒﻪﺭ ﺋﻪﻟﻪﻳﮭﯩﺴﺴﺎﻻﻣﻨﯩﯔ: «ﺋﺎﻳﺎﻟﻼﺭ ﺋﻪﯞﺭﻩﺗﺘﯘﺭ، ﺋﻪﮔﻪﺭ ﺋﯘ (ﺳﯩﺮﺗﻘﺎ) ﭼﯩﻘﺴﺎ ﺷﻪﻳﺘﺎﻥ ﻛﯚﺗﯜﺭﯛﭖ ﻣﺎﯕﯩﺪﯗ» ﺩﯦﮕﻪﻥ ﮪﻪﺩﯨﺴﻨﯩﯔ ﻣﻪﻧﯩﺴﻰ: ﺋﺎﻳﺎﻝ ﻛﯩﺸﻰ ﺋﯚﺯ ﺋﯚﻳﯩﺪﻩ ﺗﯘﺭﺳﺎ ﻳﺎﺧﺸﻰ ﯞﻩ ﭘﯩﺘﻨﻪ ﭘﺎﺳﺎﺗﺘﯩﻦ ﺋﻪﯓ ﻳﯩﺮﺍﻗﺘﯘﺭ، ﺋﻪﮔﻪﺭ ﺋﯚﻳﺪﯨﻦ ﭼﯩﻘﺴﺎ ﺋﯘﻧﯩﯖﻐﺎ ﺷﻪﻳﺘﺎﻥ ﺑﯩﻠﻠﻪ ﺋﻪﮔﯩﺸﯩﭗ ﻣﺎﯕﯩﺪﯗ. ﻧﻪﺗﯩﺠﯩﺪﻩ ﺷﻪﻳﺘﺎﻥ ﺋﯘﻧﻰ ﺋﺎﺯﺩﯗﺭﯨﺪﯗ، ﺋﯘ ﺑﺎﺷﻘﯩﻼﺭﻧﻰ ﺋﺎﺯﺩﯗﺭﯨﺪﯗ ﺍﻟﻠﻪ ﺭﻩﮪﻤﻪﺕ ﻗﯩﻠﻐﺎﻧﻠﯩﺮﻯ ﺑﯘﻧﯩﯔ ﺳﯩﺮﺗﯩﺪﺍ. ﻣﯘﺳﯘﻟﻤﺎﻥ ﺋﺎﻳﺎﻝ ﺑﯩﺮﻩﺭ ﺯﯙﺭﯛﺭﯨﻴﯩﺘﻰ ﺑﻮﻟﻤﯩﺴﺎ ﺋﯚﻳﺪﯨﻦ ﭼﯩﻘﻤﺎﺳﻠﯩﻘﻰ، ﭼﯩﻘﻘﺎﻧﺪﯨﻤﯘ ﭘﯜﺗﯜﻥ ﺑﻪﺩﯨﻨﯩﻨﻰ ﺗﻮﻟﯘﻕ ﻳﯧﭙﯩﭗ ﭼﯩﻘﯩﺸﻰ، ﺯﯨﻨﻨﻪﺕ ﺑﯘﻳﯘﻣﻠﯩﺮﯨﻨﻰ ﺗﺎﻗﯩﻤﺎﺳﻠﯩﻘﻰ ﯞﻩ ﺧﯘﺵ ﭘﯘﺭﺍﻕ ﺋﯩﺸﻠﻪﺗﻤﻪﺳﻠﯩﻜﻰ ﻻﺯﯨﻢ.
42 ـ ﭘﻪﻳﻐﻪﻣﺒﻪﺭ ﺋﻪﻟﻪﻳﮭﯩﺴﺴﺎﻻﻡ ﻣﯘﻧﺪﺍﻕ ﺩﯦﮕﻪﻥ: «ﺋﻪﮪﻠﻰ ﺩﻭﺯﺍﺧﻼﺭﺩﯨﻦ ﺋﯩﻜﻜﻰ ﺗﯜﺭﻟﯜﻙ ﻛﯩﺸﻰ ﺑﺎﺭ، ﻣﻪﻥ ﺗﯧﺨﻰ ﺋﯘﻻﺭﻧﻰ ﻛﯚﺭﻣﯩﺪﯨﻢ، ﺋﯘﻧﯩﯔ ﺑﯩﺮﻯ ﺋﯚﺯﯨﻤﯘ ﭘﯩﺘﻨﯩﮕﻪ ﻣﺎﻳﯩﻞ ﯞﻩ ﺑﺎﺷﻘﯩﻼﺭﻧﯩﻤﯘ ﭘﯩﺘﻨﯩﮕﻪ ﻣﺎﻳﯩﻞ ﻗﯩﻠﻐﯘﭼﻰ، ﻛﯩﻴﯩﻢ ﻛﻪﻳﮕﻪﻥ ﻳﺎﻟﯩﯖﺎﭺ ﺋﺎﻳﺎﻟﻼﺭﺩﯗﺭ، ﺋﯘﻻﺭﻧﯩﯔ ﺑﯧﺸﻰ ﺗﯚﮔﯩﻨﯩﯔ ﺑﯩﺮ ﺗﻪﺭﻩﭘﻜﻪ ﺳﺎﻣﺪﺍﭖ ﺗﯘﺭﻏﺎﻥ ﻟﻮﻛﯩﺴﯩﻐﺎ ﺋﻮﺧﺸﺎﻳﺪﯗ، ﺋﯘﻻﺭ ﺟﻪﻧﻨﻪﺗﻜﻪ ﻛﯩﺮﻣﻪﻳﺪﯗ ﯞﻩ ﺟﻪﻧﻨﻪﺗﻨﯩﯔ ﮪﯩﺪﯨﻨﻤﯘ ﮪﯩﺪﻟﯩﻴﺎﻟﻤﺎﻳﺪﯗ.«
«ﻛﯩﻴﯩﻢ ﻛﻪﻳﮕﻪﻥ ﻳﺎﻟﯩﯖﺎﭺ» ﺩﯦﮕﻪﻧﻨﯩﯔ ﻣﻪﻧﯩﺴﻰ: ﺑﻪﺩﻩﻧﻨﯩﯔ ﺑﻪﺯﻯ ﻳﻪﺭﻟﯩﺮﻯ ﻛﯩﻴﯩﻤﻠﻪﻧﮕﻪﻥ ﻳﻪﻧﻪ ﺑﻪﺯﻯ ﻳﻪﺭﻟﯩﺮﻯ ﻳﺎﻟﯩﯖﺎﭺ ﺩﯦﮕﻪﻧﻠﯩﻚ ﻳﺎﻛﻰ ﻛﻪﻳﮕﻪﻥ ﻛﯩﻴﯩﻤﻠﯩﺮﻯ ﺗﻮﻟﯩﻤﯘ ﻧﯧﭙﯩﺰ ﺑﻮﻟﯘﭖ ﺑﻪﺩﯨﻨﯩﻨﻰ ﺋﻮﭼﯘﻕ ﻛﯚﺭﺳﯩﺘﯩﭗ ﺗﯘﺭﯨﺪﯗ، ﺑﯘﻻﺭﻣﯘ ﮪﻪﻡ ﻳﺎﻟﯩﯖﺎﭼﻘﺎ ﺗﻪﯞﻩ ﻳﺎﻛﻰ ﻛﻪﻳﮕﻪﻥ ﻛﯩﻴﯩﻤﻠﯩﺮﻯ ﺑﻪﻙ ﺗﺎﺭ ﺑﻮﻟﯘﭖ ﺑﻪﺩﻩﻥ ﺷﻪﻛﻠﯩﻨﻰ ﺋﯧﻨﯩﻖ ﺋﻪﻛﺲ ﺋﻪﺗﺘﯜﺭﯛﭖ ﺑﯧﺮﯨﺪﯗ ﺩﯦﮕﻪﻧﻠﯩﻚ.
43 ـ ﺑﯜ ﺳﯜﭘﻪﺗﻜﻪ، ﻛﻪﺷﺘﯩﻠﻪﻧﮕﻪﻥ ﭘﯩﻼﺵ ﻛﯩﻴﯩﯟﺍﻟﻐﺎﻥ، ﺷﯘﻧﯩﯖﺪﻩﻙ ﻛﯚﺯ ﺋﻪﺗﺮﺍﭘﻠﯩﺮﯨﻨﻰ، ﻣﻪﯕﺰﯨﻨﻰ ﺗﻮﻟﯘﻕ ﻳﺎﭘﺎﻟﻤﺎﻳﺪﯨﻐﺎﻥ ﻳﺎﻏﻠﯩﻖ ﭼﯩﮕﯩﯟﺍﻟﻐﺎﻥ ﺋﺎﻳﺎﻟﻼﺭﻣﯘ ﻛﯩﺮﯨﺪﯗ
44 ـ ﭘﻪﻳﻐﻪﻣﺒﻪﺭ ﺋﻪﻟﻪﻳﮭﯩﺴﺴﺎﻻﻣﻨﯩﯔ «ﺋﯚﺯﯨﻤﯘ ﭘﯩﺘﻨﯩﮕﻪ ﻣﺎﻳﯩﻞ، ﺑﺎﺷﻘﯩﻼﺭﻧﯩﻤﯘ ﭘﯩﺘﻨﯩﮕﻪ ﻣﺎﻳﯩﻞ ﻗﯩﻠﻐﯘﭼﻰ» ﺩﯦﮕﻪﻥ ﺳﯚﺯﻧﯩﯔ ﻣﻪﻧﯩﺴﻰ: ﭘﯘﺗﯩﻐﺎ ﺋﯧﮕﯩﺰ ﭘﺎﺷﻨﯩﻠﯩﻖ ﺋﺎﻳﺎﻕ ﻛﯩﻴﯩﯟﯦﻠﯩﭗ ﺋﯚﺯﯨﻨﻰ ﺗﺎﺷﻼﭖ ﺋﻮﯓ ﺳﻮﻟﻐﺎ ﺋﯧﻐﺎﯕﻼﭖ ﻣﺎﯕﯩﺪﯨﻐﺎﻥ ﺋﺎﻳﺎﻟﻼﺭ ﺩﯦﮕﻪﻧﻠﯩﻚ.
45 ـ ﭘﻪﻳﻐﻪﻣﺒﻪﺭ ﺋﻪﻟﻪﻳﮭﯩﺴﺴﺎﻻﻡ ﺋﯘﻻﺭﻧﻰ ﺳﯜﭘﻪﺗﻠﻪﭖ: «ﺋﯘﻻﺭﻧﯩﯔ ﺑﺎﺷﻠﯩﺮﻯ، ﺑﯩﺮ ﺗﻪﺭﻩﭘﻜﻪ ﺳﺎﻣﺪﺍﭖ ﺗﯘﺭﻏﺎﻥ ﺗﯚﮔﯩﻨﯩﯔ ﻟﻮﻛﯩﻠﯩﺮﯨﻐﺎ ﺋﻮﺧﺸﺎﻳﺪﯗ» ﺩﯦﮕﻪﻥ. ﻟﻮﻛﯩﺴﻰ ﺑﯩﺮ ﺗﻪﺭﻩﭘﻜﻪ ﺳﺎﻣﺪﺍﭖ ﺗﯘﺭﻏﺎﻥ ﺗﯚﮔﻪ، ﺋﻪﺭﻩﺏ ﺋﻪﻟﻠﯩﺮﯨﺪﻩ ﻳﺎﺷﺎﻳﺪﯨﻐﺎﻥ ﺗﺎﻕ ﻟﻮﻛﯩﻠﯩﻖ ﺗﯚﮔﯩﺪﯗﺭ، ﺋﺎﻳﺎﻟﻼﺭﻧﯩﯔ ﺑﯧﺸﻰ ﺷﯘ ﺗﯚﮔﯩﻠﻪﺭﻧﯩﯔ ﻟﻮﻛﯩﺴﯩﻐﺎ ﺋﻮﺧﺸﺎﭖ ﻗﯧﻠﯩﺸﻰ، ﺋﯘﻻﺭﻧﯩﯔ ﭼﺎﭼﻠﯩﺮﯨﻨﻰ ﺗﯜﺭﻣﻪﻟﻠﻪﭖ ﺑﯩﺮ ﻳﻪﺭﮔﻪ ﻳﯧﻐﯩﯟﺍﻟﻐﺎﻧﻠﯩﻘﺘﯩﻦ ﺑﻮﻟﯩﺪﯗ. [ﭘﻪﺗﯩﯟﺍ ﻛﻮﻣﯩﺘﯧﺘﻰ]
46 ـ ﺋﺎﻳﺎﻟﻼﺭﻧﯩﯔ ﻏﻪﻳﺮﻯ ﻣﻪﮪﺮﻩﻣﻠﯩﺮﻯ ﺋﺎﻟﺪﯨﺪﺍ ﻣﻪﻳﻠﻰ ﺑﻪﻝ ﺗﺎﺳﻤﺎ ﻳﺎﻛﻰ ﺋﯘﻧﯩﯖﺪﯨﻦ ﺑﺎﺷﻘﺎ ﻧﻪﺭﺳﯩﻠﻪﺭ ﺑﯩﻠﻪﻥ ﭘﻪﻗﻪﺕ ﺋﻮﺗﺘﯘﺭﺳﯩﻨﯩﻼ ﭼﯩﮕﯩﯟﺍﻟﯩﺪﯨﻐﺎﻥ ﻛﯩﻴﯩﻤﻠﻪﺭﻧﻰ ﻛﯩﻴﯩﺸﻰ، (ﻣﻪﻳﻠﻰ ﻧﺎﻣﺎﺯﺩﺍ ﺑﻮﻟﺴﯘﻥ ﻣﻪﻳﻠﻰ ﻧﺎﻣﺎﺯ ﺳﯩﺮﺗﯩﺪﺍ ﺑﻮﻟﺴﯘﻥ) ﺟﺎﻳﯩﺰ ﺋﻪﻣﻪﺱ. ﭼﯜﻧﻜﻰ ﺋﯘ، ﺋﺎﻳﺎﻟﻼﺭﻧﯩﯔ ﺑﻪﺩﻩﻥ ﺷﻪﻛﻠﯩﻨﻰ ﺋﺎﺷﻜﺎﺭﯨﻼﭖ ﻗﻮﻳﯩﺪﯗ. [ﺷﻪﻳﺦ ﻣﯘﮪﻪﻣﻤﻪﺩ ﺋﯩﺒﻨﻰ ﺋﯩﺒﺮﺍﮪﯩﻢ]
47 ـ ﺋﯩﻨﮕﻠﯩﺰ ﻳﯧﺰﯨﻘﻰ ﭼﯜﺷﯜﺭﯛﻟﮕﻪﻥ ﻛﯩﻴﯩﻤﻠﻪﺭﻧﻰ ﻛﯩﻴﯩﺸﻰ ﺩﯗﺭﯗﺱ ﺋﻪﻣﻪﺱ.
48 ـ ﺋﺎﻳﺎﻟﻼﻧﯩﯔ ﺋﯚﺭﻩ ﺗﯘﺭﻏﺎﻥ ﮪﺎﻟﯩﺘﯩﺪﻩ ﻛﯩﻴﯩﻤﯩﻨﻰ ﻳﯧﻐﯩﯟﯦﻠﯩﺸﻰ ﺩﯗﺭﯗﺱ ﺋﻪﻣﻪﺱ. ﭼﯜﻧﻜﻰ ﺋﯘﻧﺪﺍﻕ ﻗﯩﻠﯩﺶ ﺋﺎﻳﺎﻟﻼﺭﻧﯩﯔ ﺑﻪﺩﯨﻨﯩﻨﻰ ﺋﺎﺷﻜﺎﺭﯨﻼﭖ ﻗﻮﻳﯩﺪﯗ. [ﺷﻪﻳﺦ ﻣﯘﮪﻪﻣﻤﻪﺩ ﺋﯩﺒﻨﻰ ﺋﯩﺒﺮﺍﮪﯩﻢ]
49 ـ ﺗﯚﮔﻪ، ﻛﺎﻻ ﯞﻩ ﻗﻮﻱ ﻗﺎﺗﺎﺭﻟﯩﻖ ﺑﻮﻏﯘﺯﻟﯩﺴﺎ ﮪﺎﻻﻝ ﺑﻮﻟﯩﺪﯨﻐﺎﻧﻠﯩﺮﯨﺪﯨﻦ ﺋﯚﺯﻯ ﺋﯚﻟﯜﭖ ﻗﺎﻟﻐﺎﻥ ﮪﺎﻳﯟﺍﻥ ﺗﯩﺮﯨﻠﯩﺮﯨﻨﻰ ﺋﺎﺷﻠﯩﻐﺎﻧﺪﯨﻦ ﻛﯧﻴﯩﻦ ﺋﯩﺸﻠﻪﺗﺴﻪ ﺟﺎﻳﯩﺰ.
50 ـ ﭼﻮﺷﻘﺎ، ﺋﯩﺖ ﻗﺎﺗﺎﺭﻟﯩﻖ ﺑﻮﻏﯘﺯﻟﯩﺴﯩﻤﯘ ﮪﺎﻻﻝ ﺑﻮﻟﻤﺎﻳﺪﯨﻐﺎﻥ ﮪﺎﻳﯟﺍﻧﻼﺭﻧﯩﯔ ﺗﯩﺮﯨﻠﯩﺮﯨﻨﻰ ﺋﺎﺷﻠﯩﺴﺎ ﭘﺎﻙ ﺑﻮﻟﯩﺪﯨﻐﺎﻧﻠﯩﻘﯩﻰ ﮪﻪﻗﻘﯩﺪﻩ ﺋﺎﻟﯩﻤﻼﺭ ﺋﺎﺭﯨﺴﯩﺪﺍ ﺋﯩﺨﺘﯩﻼﭖ ﺑﺎﺭ، ﺷﯘﯕﺎ ﺋﯘﻧﻰ ﺋﯩﺸﻠﻪﺗﻤﯩﮕﻪﻥ ﻳﺎﺧﺸﻰ. [ﺷﻪﻳﺦ ﺋﯩﺒﻨﻰ ﺑﺎﺯ]
51 ـ ﺋﺎﺭﯨﻴﻪﺕ ﺋﺎﻟﻐﺎﻥ ﻛﯩﻴﯩﻤﻠﻪﺭ: ﺗﯩﺒﺒﯩﻲ ﻣﯘﺗﻪﺧﯩﺴﻠﻪﺭ ﺩﻩﻳﺪﯗ: ﺋﺎﻳﺎﻟﻼﺭﻧﯩﯔ ﻛﯚﭘﯩﻨﭽﯩﺴﻰ ﺑﻪﺩﯨﻨﯩﻨﻰ ﻗﯘﻳﺎﺵ ﻧﯘﺭﯨﻐﺎ ﻗﺎﻗﻠﯩﻐﺎﻧﻠﯩﻖ ﺳﻪﯞﻩﺑﻠﯩﻚ ﺗﯩﺮﻩ ﺭﺍﻛﯩﻐﺎ ﮔﯩﺮﯨﭙﺘﺎﺭ ﺑﻮﻟﯩﺪﯗ.
52 ـ ﺋﺎﻳﺎﻟﻼﻧﯩﯔ ﻣﻪﺧﺴﯘﺱ ﺟﺎﻳﻼﺭﺩﺍ ﻣﻪﺧﺴﯘﺱ ﻛﯩﻴﯩﻢ ﺑﯩﻠﻪﻥ ﺳﯘ ﺋﯜﺯﯛﺷﻰ: ﺋﺎﻳﺎﻟﻼﺭ ﻛﯩﻨﺪﯨﻜﻰ ﺑﯩﻠﻪﻥ ﺗﯩﺰﻯ ﺋﺎﺭﯨﺴﯩﻨﻰ ﻳﯧﭙﯩﺸﻰ، ﻛﯩﻴﯩﻤﻰ ﻗﯧﻠﯩﻦ ﯞﻩ ﻛﻪﯓ ﺑﻮﻟﯘﺷﻰ، ﮔﻪﺭﭼﻪ ﺋﺎﻳﺎﻟﻼﺭ ﺋﺎﺭﯨﺴﯩﺪﺍ ﺑﻮﻟﺴﯩﻤﯘ ﺋﻪﯞﺭﯨﺘﯩﻨﯩﯔ ﺷﻪﻛﻠﯩﻨﻰ ﻛﯚﺳﯩﺘﯩﭗ ﺑﻪﺭﻣﻪﺳﻠﯩﻜﻰ ﻻﺯﯨﻢ. [ﭘﻪﺗﯩﯟﺍ ﻛﻮﻣﯩﺘﯧﺘﻰ]
53 ـ ﻛﯩﻴﯩﻢ ـ ﻛﯧﭽﻪﻛﺘﻪ ﺑﺎﺷﻘﯩﻼﺭﺩﯨﻦ ﭘﻪﺭﻗﻠﯩﻖ ﺑﻮﻟﯘﺷﻨﻰ ﻳﺎﺧﺸﻰ ﻛﯚﺭﯛﺵ: ﺑﯘﻧﯩﯖﺪﺍ ﻛﯩﺒﺮﻯ، ﺋﯚﺯﯨﻨﻰ ﺑﺎﺷﻘﯩﻼﺭﺩﯨﻦ ﺋﯜﺳﺘﯜﻥ ﻛﯚﺭﯛﺵ ﻣﻪﻗﺴﻪﺕ ﻗﯩﻠﯩﻨﺴﺎ ﮪﺎﺭﺍﻡ، ﺋﻪﮔﻪﺭ ﮔﯜﺯﻩﻟﻠﯩﻚ، ﺯﯨﻨﻨﻪﺕ ﻣﻪﻗﺴﻪﺕ ﻗﯩﻠﯩﻨﺴﺎ ﺩﯗﺭﯗﺱ. [ﺷﻪﻳﺦ ﺋﯩﺒﻨﻰ ﺟﯘﺑﻪﻳﺮﯨﻦ]
55 ـ ﻗﯘﺭﺋﺎﻥ ﻛﻪﺭﯨﻤﻨﯩﯔ ﺋﺎﻳﻪﺗﻠﯩﺮﻯ ﻳﺎﻛﻰ ﺷﺎﮪﺎﺩﻩﺕ ﻛﻪﻟﯩﻤﯩﻠﯩﺮﻯ ﭼﯜﺷﯜﺭﯛﻟﮕﻪﻥ ﻛﯩﻴﯩﻤﻠﻪﺭﻧﻰ ﻛﯩﻴﯩﺶ ﺟﺎﻳﯩﺰ، ﻟﯧﻜﯩﻦ ﺋﯘﻧﻰ ﮪﯚﺭﻣﻪﺕ ﻗﯩﻠﯩﺸﻰ ﯞﻩ ﺋﯘﻧﯩﯔ ﺑﯩﻠﻪﻥ ﺋﯘﺧﻠﯩﻤﺎﺳﻠﯩﻘﻰ ﮪﻪﻡ ﺋﯘﻧﯩﯔ ﺑﯩﻠﻪﻥ ﮪﺎﺟﻪﺗﺨﺎﻧﯩﻐﺎ ﻛﯩﺮﻣﻪﺳﻠﯩﻜﻰ ﻛﯧﺮﻩﻙ. [ﭘﻪﺗﯩﯟﺍ ﻛﻮﻣﯩﺘﯧﺘﻰ]
56 ـ ﻛﯩﻴﯩﻢ ـ ﻛﯧﭽﻪﻙ ﯞﻩ ﺯﯨﺒﯘ ـ ﺯﯨﻨﻨﻪﺗﻜﻪ ﻛﯚﭖ ﺋﯩﻘﺘﯩﺴﺎﺩ ﺳﻪﺭﭖ ﻗﯩﻠﯩﺶ: ﻣﯘﺳﯘﻟﻤﺎﻥ ﮪﻪﺭ ﺑﯩﺮ ﺋﯩﺸﺘﺎ ﻧﻮﺭﻣﺎﻝ ﺑﻮﻟﯘﺷﻰ، ﻛﯩﻴﯩﻢ- ﻛﯧﭽﻪﻙ ﯞﻩ ﻳﯧﻤﻪﻙ – ﺋﯩﭽﻤﻪﻙ ﺟﻪﮪﻪﺗﻠﻪﺭﺩﻩ ﺋﻮﺗﺘﯘﺭﮪﺎﻝ ﺧﯩﺮﺍﺟﻪﺕ ﻗﯩﻠﯩﺶ ﻻﺯﯨﻢ. ﺍﻟﻠﻪ ﺑﻪﺭﮔﻪﻥ ﻣﺎﻝ ﻣﯜﻟﯜﻛﻨﯩﯔ ﮪﯧﺴﺎﺑﯩﻨﻰ ﻗﯩﻴﺎﻣﻪﺕ ﻛﯜﻧﻰ ﭼﻮﻗﯘﻡ ﺑﯧﺮﯨﺸﻜﻪ ﺗﻮﻏﺮﺍ ﻛﯧﻠﯩﺪﯗ. ﯞﻩ ﻧﻪﺩﯨﻦ ﺗﺎﭘﺘﯩﯔ؟ ﻧﯧﻤﯩﮕﻪ ﺳﻪﺭﭖ ﻗﯩﻠﺪﯨﯔ؟ ﺩﻩﭖ ﺳﻮﺭﺍﻕ ﻗﯩﻠﯩﻨﯩﺪﯗ. [ﺷﻪﻳﺦ ﺋﯩﺒﻨﻰ ﻓﻪﯞﺯﺍﻥ]
57 ـ ﺋﺎﻳﺎﻝ ﺋﯚﺯ ﺋﯧﺮﯨﻨﯩﯔ ﺋﺎﻟﺪﯨﺪﺍ ﺷﯩﻢ ﻛﯩﻴﺴﻪ ﺑﻮﻟﯩﺪﯗ. [ﺷﻪﻳﺦ ﺋﯩﺒﻨﻰ ﺟﯘﺑﻪﻳﺮﯨﻦ]
58 ـ ﺋﯩﭙﭙﻪﺗﻠﯩﻚ ﺋﺎﻳﺎﻟﻼﺭ ﺋﯚﺯﯨﻨﻰ ﭘﯜﺗﯜﻧﻠﻪﻱ ﺋﻮﺭﺍﭖ ﻳﯜﺭﯛﺵ ﺯﯙﺭﯛﺭ ﺋﻪﻣﻪﺱ، ﺩﯦﮕﻪﻥ ﻛﯩﺸﯩﻨﯩﯔ ﮪﯚﻛﻤﻰ ﻧﯧﻤﻪ؟
- ﺑﯘ ﻛﯩﺘﺎﺑﯘﻟﻼﮪﻘﺎ ﯞﻩ ﺳﯜﻧﻨﯩﺘﻰ ﺭﻩﺳﯘﻟﯘﻟﻼﮪﻘﺎ، ﺷﯘﻧﯩﯖﺪﻩﻙ ﺋﯩﻨﺴﺎﻧﯩﻴﻪﺗﻨﯩﯔ ﺋﻪﻗﯩﻞ ﯞﻩ ﺗﻪﺑﯩﺌﯩﺘﯩﮕﻪ ﺗﯜﭘﺘﯩﻦ ﺧﯩﻼﭖ، ﺑﺎﺗﯩﻞ ﺩﻩﯞﺍ، ﮪﻪﺭ ﻗﺎﻧﺪﺍﻕ ﺑﯩﺮ ﺋﺎﻳﺎﻝ ﻗﺎﻧﭽﯩﻠﯩﻚ ﺋﯩﭙﭙﻪﺗﻠﯩﻚ ﺑﻮﻟﯘﺷﯩﺪﯨﻦ ﻗﻪﺗﺌﯩﻲ ﻧﻪﺯﻩﺭ ﻳﺎﺳﯩﻨﯩﭗ- ﺗﺎﺭﯨﻨﯩﭗ ﻳﯜﺭﺳﻪ ﺑﺎﺷﻘﺎ ﺋﻪﺭﻟﻪﺭﻧﻰ ﺋﯚﺯﯨﮕﻪ ﺭﺍﻡ ﻗﯩﻠﯩﯟﺍﻟﯩﺪﯗ، ﺑﻪﻟﻜﻰ ﺋﯘﻧﯩﯔ ﺳﻪﯞﻩﺑﻰ ﺑﯩﻠﻪﻥ ﺷﻪﻳﺘﺎﻥ ﺑﯩﺮ ﺑﯚﻟﯜﻙ ﭘﺎﺳﯩﻘﻼﺭﻧﻰ ﺋﺎﺯﺩﯗﺭﯨﺸﻰ ﻣﯘﻣﻜﯩﻦ. ﺋﺎﻳﺎﻝ ﺋﯩﭙﭙﻪﺗﻠﯩﻚ ﯞﻩ ﺋﯧﺴﻞ ﺑﻮﻟﺴﺎ ﮪﯩﺠﺎﺑﻠﯩﻨﯩﺶ ﺋﯘﻧﯩﯔ ﺷﻪﺭﭘﯩﻨﻰ ﺗﯧﺨﯩﻤﯘ ﺋﺎﺷﯘﺭﺩﯗ. [ﺷﻪﻳﺦ ﺋﯩﺒﻨﻰ ﺋﯘﺳﻪﻳﻤﯩﻦ]
59 ـ ﺩﯨﻨﺴﯩﺰ ﺋﻪﻟﻠﻪﺭﺩﻩ ﺳﺎﻳﺎﮪﻪﺗﭽﻰ ﻗﯩﺰ-ﺋﺎﻳﺎﻟﻼﺭﻧﯩﯔ ﻳﺎﺳﯩﻨﯩﭗ- ﺗﺎﺭﯨﻨﯩﭗ ﺋﯚﺯﯨﻨﻰ ﻛﯚﺯ ـ ﻛﯚﺯ ﻗﯧﻠﯩﺸﻰ ﺗﻮﻏﺮﺍ ﺋﻪﻣﻪﺱ، ﺑﻪﻟﻜﻰ ﺋﯘﻻﺭ ﻳﺎﺕ ﺋﻪﺭﻟﻪﺭﺩﯨﻦ ﮪﯩﺠﺎﺑﻠﯩﺸﻨﻰ ﯞﺍﺟﯩﭗ. [ﺷﻪﻳﺦ ﺋﯩﺒﻨﻰ ﺑﺎﺯ]
60 ـ ﭘﻪﺭﺯﻩﻧﺘﻠﻪﺭ ﺋﺎﻟﺪﯨﺪﺍ ﻗﯩﺴﻘﺎ ﻛﯩﻴﯩﻤﻠﻪﺭﻧﻰ ﻛﯩﻴﯩﭗ ﻳﯜﺭﯛﺵ ﺗﻮﻏﺮﺍ ﺋﻪﻣﻪﺱ، ﺋﺎﻳﺎﻟﻼﺭ ﺋﯚﺯ ﭘﻪﺭﺯﻩﻧﺘﻠﯩﺮ ﯞﻩ ﻣﻪﮪﺮﻩﻣﻠﯩﺮﻯ ﺋﺎﻟﺪﯨﺪﺍ ﭘﯩﺘﻨﻪ ﻗﻮﺯﻏﯩﻤﺎﻳﺪﯨﻐﺎﻥ ﯞﻩ ﺋﺎﺩﻩﺗﺘﻪ ﺋﻮﭼﯘﻕ ﻗﻮﻳﯘﭖ ﻳﯜﺭﯨﺪﯨﻐﺎﻥ ﺋﻪﺯﺍﻟﯩﺮﯨﻨﻰ ﻳﯚﮔﯩﻤﻪﻱ ﻳﯜﺭﺳﻪ ﻛﯧﺮﻩﻙ ﻳﻮﻕ. ﻗﯩﺴﻘﺎ ﻛﯩﻴﯩﻤﻠﻪﺭﻧﻰ ﭘﻪﻗﻪﺕ ﺋﯧﺮﻯ ﺋﺎﻟﺪﯨﺪﯨﻼ ﻛﻪﻳﺴﻪ ﺑﻮﻟﯩﺪﯗ. [ﺷﻪﻳﺦ ﺋﯩﺒﻨﻰ ﻓﻪﯞﺯﺍﻥ]
61 ـ ﺋﺎﻳﺎﻟﻼﺭﻧﯩﯔ ﺋﺎﻳﺎﻟﻼﺭ ﺋﺎﻟﺪﯨﺪﺍ ﺗﺎﺭ، ﻧﯧﭙﯩﺰ ﻛﯩﻴﯩﻤﻠﻪﺭﻧﻰ ﻛﯩﻴﯩﺸﻨﯩﯔ ﮪﯚﻛﻤﻰ ﻧﯧﻤﻪ؟
- ﺋﺎﻳﺎﻟﻼﺭﻧﯩﯔ ﺋﺎﻳﺎﻟﻼﺭ ﺋﺎﻟﺪﯨﺪﺍ ﺋﯘﻧﺪﺍﻕ ﻛﯩﻴﯩﻤﻠﻪﺭ ﺑﯩﻠﻪﻥ ﻳﯜﺭﯛﺷﻰ ﺗﻮﻏﺮﺍ ﺋﻪﻣﻪﺱ. ﭼﯜﻧﻜﻰ ﺋﯘﻧﺪﺍﻕ ﻛﯧﻴﯩﻨﯩﺶ ﺋﺎﺳﺘﺎ-ﺋﺎﺳﺘﺎ ﺋﯘﻻﺭﻧﯩﯔ ﺋﺎﺩﯨﺘﯩﮕﻪ ﺋﺎﻳﻠﯩﻨﯩﭗ ﻗﺎﻟﯩﺪﯗ ﯞﻩ ﺋﯘﻧﯩﯖﻐﺎ ﻛﯚﻧﯜﭖ ﻗﺎﻟﯩﺪﯗ، ﻳﺎﺧﺸﻰ ﻛﯚﺭﯛﭖ ﻗﺎﻟﯩﺪﯗ، ﻛﯧﻴﯩﻨﭽﻪ ﺋﺎﺯﺍﺩﻩ ﻛﯩﻴﯩﻤﻠﻪﺭ ﺋﯘﻧﯩﯖﻐﺎ ﻳﺎﻗﻤﺎﻳﺪﯨﻐﺎﻥ، ﺋﯧﻐﯩﺮ ﻛﯧﻠﯩﺪﯨﻐﺎﻥ ﺑﻮﻟﯘﭖ ﻗﺎﻟﯩﺪﯗ. [ﺷﻪﻳﺦ ﺋﯩﺒﻨﻰ ﺟﯘﺑﻪﻳﺮﯨﻦ]
62 ـ ﺑﻪﺯﻯ ﺋﺎﻳﺎﻟﻼﺭ ﻧﯧﻤﻪ ﺋﯜﭼﯜﻥ ﭘﻪﺭﺩﺍﺯﻻﭖ ﮪﺎﻳﺎﺳﯩﺰﻻﺭﭼﻪ ﻳﺎﺳﯩﻨﯩﭗ ﻳﯜﺭﯨﺪﯗ؟
-ﺋﯩﻤﺎﻧﻰ ﺯﻩﺋﯩﭗ ﺑﻮﻟﻐﺎﻧﻠﯩﻘﻰ ﯞﻩ ﺭﻩﮪﻤﺎﻥ ﺗﺎﺋﺎﻻﺩﯨﻦ ﻗﻮﺭﯗﻗﻤﺎﻳﺪﯨﻐﺎﻧﻠﯩﻘﻰ ﺋﯜﭼﯜﻥ. ﺋﺎﻳﺎﻝ ﻛﯩﺸﻰ ﺍﻟﻠﻪ ﻧﯩﯔ ﺋﻪﻣﺮﯨﮕﻪ ﺧﯩﻼﭘﻠﯩﻖ ﻗﯩﻠﻐﺎﻧﺪﺍ ﺍﻟﻠﻪﻧﯩﯔ ﺟﺎﺯﺍﺳﯩﻐﺎ ﺋﯘﭼﺮﺍﻳﺪﯨﻐﺎﻧﻠﯩﻐﯩﻨﻰ ﺋﯘﻧﺘﯘﭖ ﻗﺎﻟﺴﺎ، ﺷﻪﻳﺘﺎﻧﻐﺎ ﺋﯩﻤﻜﺎﻧﯩﻴﻪﺕ ﻳﺎﺭﺗﯩﭗ ﺑﯧﺮﯨﺸﻰ ﯞﻩ ﻳﺎﻣﺎﻧﻠﯩﻖ ﺑﯩﻠﻪﻥ ﺗﻮﻟﻐﺎﻥ ﻧﻪﭘﺴﻰ ﺷﻪﮪﯟﯨﺘﯩﻨﻰ ﺑﯧﺴﯩﺶ ﺋﯜﭼﯜﻥ ﺋﯚﺯ ﺧﺎﻟﯩﻐﺎﻥ ﺋﯩﺸﻼﺭﻧﻰ ﻗﯩﻠﯩﺪﯗ. ﺋﺎﺩﯨﻤﻰ ﺷﻪﻳﺘﺎﻧﻼﺭ ﯞﻩ ﺟﯩﻨﻨﻰ ﺷﻪﻳﺘﺎﻧﻼﺭ ﺋﯘﻻﺭﻏﺎ ﭼﯩﺮﺍﻳﻠﯩﻖ ﻛﯚﺭﯛﻧﯩﺪﯗ، ﺷﯘﻧﯩﯔ ﺋﯜﭼﯜﻥ ﭘﻪﻳﻐﻪﻣﺒﻪﺭ ﺋﻪﻟﻪﻳﮭﯩﺴﺴﺎﻻﻡ ﻣﯘﻧﺪﺍﻕ ﺩﯦﮕﻪﻥ: «ﻣﻪﻥ ﺩﻭﺯﺍﺧﻘﺎ ﻗﺎﺭﺍﭖ ﺋﯘﻧﯩﯔ ﺋﻪﮪﻠﯩﻨﯩﯔ ﻛﯚﭘﯩﻨﭽﯩﺴﻰ ﺋﺎﻳﺎﻟﻼﺭ ﺋﯩﻜﻪﻧﻠﯩﻜﯩﻨﻰ ﻛﯚﺭﺩﯛﻡ» [ﺑﯘﺧﺎﺭﻯ ﺭﯨﯟﺍﻳﻪﺕ ﻗﯩﻠﻐﺎﻥ]
63 ـ ﻧﺎﺗﻮﻏﺮﺍ ﺗﻪﺭﺑﯩﻴﻪ: ﺋﺎﺋﯩﻠﻪ ﺑﺎﺷﻠﯩﻘﻰ ﺋﯚﺯ ﺋﻪﺯﺍﻟﯩﺮﯨﻨﻰ ﻳﺎﺧﺸﻰ ﺗﻪﻟﯩﻢ ﺗﻪﺭﺑﯩﻴﻪ ﺑﯩﻠﻪﻥ ﺋﯚﺳﺘﯜﺭﯛﺷﻜﻪ ﺳﻪﻝ ﻗﺎﺭﯨﺴﺎ ﺋﺎﺋﯩﻠﻪ ﺋﻪﺯﺍﻟﯩﺮﻯ ﮔﯘﻣﺮﺍﮪﻠﯩﻖ ﻳﻮﻟﯩﻐﺎ ﻛﯩﺮﯨﭗ ﻗﺎﻟﯩﺪﯗ، ﻗﯩﺰﻻﺭ ﺋﯚﺯ ـ ﺋﻪﮪﻠﯩﺪﯨﻦ ﺗﻪﻟﯩﻢ ﺋﺎﻟﯩﺪﯗ، ﺋﻪﮔﻪﺭ ﺋﺎﻧﯩﺴﯩﻨﯩﯔ ﺋﯚﺯﯨﻨﻰ ﭘﻪﺭﺩﺍﺯﻟﯩﻨﯩﭗ ﻳﯜﺭﮔﻪﻧﻠﯩﻜﯩﻨﻰ ﻛﯚﺭﺳﻪ ﺋﯘﻻﺭﻣﯘ ﺷﯘﻧﺪﺍﻕ ﻗﯩﻠﯩﺪﯗ.
64 ـ ﺋﯘﭼﯘﺭ ﯞﺍﺳﺘﯩﻠﯩﺮﻯ: ﮪﺎﺯﯨﺮﻗﻰ ﺯﺍﻣﺎﻥ ﺋﯘﭼﯘﺭ ﯞﺍﺳﺘﯩﻠﯩﺮﯨﻨﯩﯔ ﻛﯚﭘﯩﻴﯩﺸﻰ ﺑﯩﻠﻪﻥ ﺋﯧﺴﯩﻞ ﭘﻪﺯﯨﻠﻪﺗﻨﯩﯔ ﻛﯜﺷﻪﻧﺪﯨﻠﯩﺮﻯ ﺷﯘ ﺋﯧﺴﯩﻞ ﭘﻪﺯﯨﻠﻪﺗﻠﻪﺭﻧﻰ ﻣﻪﺳﺨﯩﺮﻩ ﻗﯩﻠﯩﺸﻨﻰ ﻧﯩﺸﺎﻧﻠﯩﺪﻯ. ﻛﯩﺸﯩﻠﻪﺭ ﻗﻪﻟﺒﯩﺪﯨﻦ ﻣﻪﻧﯩﯟﯨﻲ ﮔﯘﮪﻪﺭﻟﻪﺭﻧﻰ ﭼﯩﻘﯩﺮﯨﭗ ﺗﺎﺷﻼﭖ ﺭﻩﺯﯨﻞ ﭘﺎﺗﻘﺎﻗﻼﺭﻏﺎ ﭘﺎﺗﯘﺭﯗﺵ ﺋﯘﻻﺭﻧﯩﯔ ﺋﻪﯓ ﻛﯚﯕﯜﻝ ﺑﯚﻟﯩﺪﯨﻐﺎﻥ ﺋﯩﺸﻠﯩﺮﯨﺪﯗﺭ.
65 ـ ﺗﻪﻗﻠﯩﺪﭼﯩﻠﯩﻖ: ﭘﯩﺘﻨﻪ – ﭘﺎﺳﺎﺕ ﯞﻩ ﺋﺎﺯﻏﯘﻧﻠﯘﻕ ﻛﯚﭘﻪﻳﮕﻪﻥ ﺑﯘ ﺩﻩﯞﺭﯨﺪﻩ ﺑﯩﺮ ﻗﯩﺴﯩﻢ ﺋﺎﻳﺎﻟﻼﺭ ﺗﻪﻗﻠﯩﺪﭼﯩﻠﯩﻘﻘﺎ ﻣﻪﺟﻨﯘﻧﻼﺭﭼﻪ ﺋﯚﺯﯨﻨﻰ ﺋﯘﺭﯞﺍﺗﯩﺪﯗ. ﺑﻮﻟﯘﭘﻤﯘ ﺋﯚﺯﻧﯩﯔ ﺑﻪﺩﻩﻥ ﮔﯜﺯﻩﻟﻠﯩﻜﯩﮕﯩﻼ ﺋﻪﮪﻤﯩﻴﻪﺕ ﺑﯧﺮﯨﺪﯨﻐﺎﻥ ﺋﻪﺧﻼﻕ- ﭘﻪﺯﯨﻠﻪﺕ ﺩﯦﮕﻪﻧﻠﻪﺭ ﺧﯩﻴﺎﻟﯩﻐﯩﻤﯘ ﻛﯩﺮﯨﭗ ﭼﯩﻘﻤﺎﻳﺪﯨﻐﺎﻥ ﻏﻪﺭﺏ ﺋﺎﻳﺎﻟﻠﯩﺮﯨﻐﺎ ﺗﻪﻗﻠﯩﺪ ﻗﯩﻠﯩﯟﺍﺗﯩﺪﯗ. ﻧﻪﺗﯩﺠﯩﺪﻩ ﺋﻪﺧﻼﻗﻰ، ﻳﯜﺭﯛﺵ- ﺗﯘﺭﯗﺷﻰ ﻏﻪﺭﺑﻠﻪﺷﻜﻪﻥ ﻣﯘﺳﯘﻟﻤﺎﻥ ﺋﺎﻳﺎﻟﻼﺭ ﻣﻪﻳﺪﺍﻧﻐﺎ ﻛﻪﻟﺪﻯ.
66 ـ ﻧﺎﭼﺎﺭ ﮪﻪﻣﺮﺍﮪ: ﺑﯘ ﺧﯘﺩﺩﻯ: «ﺋﯜﻟﭙﯩﺘﯩﯔ ﻗﺎﻏﺎ ﺑﻮﻟﺴﺎ ﻳﯧﻴﯩﺸﯩﯔ ﭘﻮﻕ» ﺩﯦﮕﻪﻥ ﺗﻪﻣﺴﯩﻠﮕﻪ ﺋﻮﺧﺸﺎﻳﺪﯗ.