بېيجىڭ ۋاقتى 3-ئاينىڭ 15-كۈنى،سامسۇڭ شىركىتى ئامېرىكىنىڭ نىيۇيوركتىكى دەۋىر مەيدانىدا يېقىندىن بېرى كىشىلەرنىڭ دىققىتىنى تارتىپ كېلىۋاتقان 4-ئەۋلاد GALAXY S  يۈرۈشلۈك يانفونى-سامسۇڭ GALAXY S4 نى رەسمىي ئېلان قىلدى.سامسۇڭ شىركىتىنىڭ GALAXY S4 يانفونى مەزكۇر شىركەتنىڭ 2013-يىلى بازارغا سالغان ئەڭ كۈچلۈك،شۇنداقلا ھەرقايسى جەھەتلەردىكى سەپلەنمىلىرىمۇ بايراقدارلىق دەرىجىسىگە يەتكەن بۇ يانفونىنىڭ كەلگۈسى بازىرىغا ناھايىتى زور ئۈمىد باغلىغان ئىدى.سامسۇڭ شىركىتىنىڭ بۇ يانفونى بۇ يىلنىڭ 2-پەسلىدە رەسمىي سېتىلىشقا  باشلايدىكەن.

  سامسۇڭ GALAXY S4 يانفونىغا مەزكۇر شىركەت بۇ يىلنىڭ يىل بېشىدا ئېلان قىلغان 1.8GHz  لىق Exynos 5410 سەككىز  يادرولۇق بىر تەرەپ قىلغۇچ،2GB RAM لىق ئىچكى سىغىم ساقلاش بوشلۇقى سەپلىنىلگەن بولۇپ،بۇ يانفون ئەڭ يېڭى Android 4.2.1 مەشغۇلات  سېستىمىسىدا خىزمەت قىلىدۇ.سامسۇڭ GALAXY S4  يانفونىغا  يەنە 4.99 دىيۇملۇق 1080P  يۇقىرى ئېنىقلىقتىكى Super AMOLED HD ئېكران سەپلەنگەن بولۇپ،بۇ يانفون ئېكرانىنىڭ ئېنىقلىق دەرىجىسى ئالدىنقى ئەۋلاد GALAXY SIII يانفونىدىن خېلى زور دەرىجىدە ئىلغارلاشتۇرۇلغانىدى.