دۇنيادىكى ئەڭ قىممەت ھەسەل

   تۈركىيە يېزا ئىگىلىكى ۋە كەنت خوجۇلۇق مىنىستىرلىكى ئېلان قىلغان بىر دوكلاتتا ئىيتىلىشىچە ، تۈركىيەنىڭ قارا دېڭىز بويىدىكى رىزا ئۆلكىسىنىڭ ئەنزەر يايلىقىدىن چىققان "ئەنزەر " ماركىلىق ھەسەل دۇنيادىكى ئەڭ قىممەت ھەسەل بولۇپ قالغان بولۇپ .
    بۇ ماركىدىكى ھەسەلنىڭ ھازىرقى خەلقئارا بازاردىكى بىر كىلوگىرامىنىڭ سېتىلىش باھاسى 245 ئامىرىكا دوللىرى ئىكەن . تۈركىيەنىڭ قارادېڭىز رايۇنىغا جايلاشقان ئەنزەر يايلىقى 70 دىن ئارتۇق رەڭگارەڭ گۈل - گىياھلار بىلەن پۈركەنگەن بولۇپ ، بۇ گىياھلار يىل بويى قارادېڭىز يامغۇرى بىلەن سۇغۇرۇلۇپ تۇرغاچقا ئالاھىدە دورىلىق ئۈنۈمىگە ئىگە بولغان .  بۇ يەردىكى ھەرىچىلەرنىڭ بېقىۋاتقان ھەرىلىرى 25 مىلىيۇندىن ئاشىدۇ .ئەنزەر ھەسەللىرى ھەسەل ھەرىلىرىنىڭ شۇ يەردىكى 70 دىن ئارتۇق ئوخشاشمىغان گۈل - گىياھلارنىڭ گۈل شىرنىلىرىنى يىغىپ ئۆز قارنىدا پىششىقلاپ ئىشلىشىدىن كەلگەن .
    بۇنداق ئېسىل ھەسەل راكنى داۋالاشتىكى ئەڭ ياخشى ياردەمچى دورا بولالايدىكەن . ئۇندىن باشقا ماددا ئالمىشىش( مىتابولىزىم )نى تەڭشەپ ، ئەستە تۇتۇش ئىقتىدارىنى يۇقىرى كۆتۈرۈپ ، چاچ چۈشۈشنىڭ ئالدىنى ئالىدىكەن ، بەدەننى كۈچلەندۈرىدىكەن. بۇ سەۋەپتىن بۇ ھەسەل خەلقئارا ھەسەل بازىرىدىكىلەرنىڭ كۆزىنى ئالا چەكمەن قىلىۋەتكەن .
   يېقىندا ئىتالىيە ھۆكۈمىتى تۈركىيە ھۆكۈمىتىگە شۇ يەردىكى ھەرىچىلەرنى زور مەبلەغ بىلەن يۆلەپ ھەسەلچىلىك ئىشلىرىنى تەرەققى قىلدۇرۇشنى خالايدىغانلىقىنى بۇنىڭ ئۈچۈن ئەنزەر دىھقانلىرى بارلىق ئەنزەر ھەسىلىنى ئىتالىيەگە سېتىپ بىرىشنى تەلەپ قىلدىغانلىقىنى بىلدۈرگەن . لېكىن يېزا خەلقى ئىتالىيە ھۆكۈمىتىنىڭ بۇ تەلىپىنى رەت قىلغان . ھەمدە ھەر قانداق دۆلەتنىڭ ئەنزەر ھەسىلىنىڭ سېتىش ھوقۇقىنى يالغۇز ئىگىلىۋالالمايدىغانلىقىدا چىڭ تۇرغان ، چۈنكى دۇنيادا كۆپلىگەن بىمارلار مۇشۇ ھەسەلنى يەپ شىپاھ تاپىدىكەن . - -----