«ئۈرۈمچى مالىيەسى ئارقىلىق شەخسىلەر ئاچقان پۇقراۋى يەسلىلەرنىڭ تەرەققىياتىنى يۆلەش مۇكاپات تولۇقلىما مەبلىغىنى باشقۇرۇش چارىسى (ۋاقىتلىق)» 18-مارت ئېلان قىلىنغان بولۇپ، بۇنىڭدىن كېيىن ماددىي بۇيۇم بىلەن يۆلەش تولۇقلىمىسى مۇكاپات تولۇقلىما مەبلىغى بىلەن يۆلەشكە ئۆزگەرتىلىپ، شەخسىلەر ئاچقان پۇقراۋى يەسلىلەرنىڭ تۆۋەن ھەق ئېلىشنى ساقلاپ قېلىش بىلەن بىرگە، يەنىمۇ ئىلگىرلىگەن ھالدا يەسلىخانىلارنىڭ يۇمشاق، قاتتىق دېتال دەرىجىسىنى ئۆستۈرۈشكە ئىلھام بېرىلىدىكەن.
ئىگىلىنىشىچە، مۇكاپات تولۇقلىما مەبلىغى ئىككى تۈرگە بۆلۈپ تارقىتىلىدىغان بولۇپ، بۇنىڭ ئىچىدە، ئاممىغا نەپ يەتكۈزۈش تۈرىدىكى شەخسىلەر ئاچقان پۇقراۋى يەسلىخانىلارنىڭ ھەر بىر بالىنى بېقىپ تەربىيەلەش ھەققى ئېيىغا 500 يۈەنگە يەتمىسە، ئېيىغا ھەر بىر بالا ئۈچۈن 600 يۈەنگىچە تولۇقلىما بېرىلىدىكەن. شەخىسلەر ئاچقان ئاممىغا نەپ يەتكۈزۈش تۈرىگە تەۋە بولمىغان پۇقراۋى يەسلىخانىلارنىڭ ھەر بىر بالىنى بېقىپ تەربىيەلەش ھەققى ئېيىغا 600 يۈەندىن تۆۋەن بولسا، ھەر ئايدا ھەر بىر بالا ئۈچۈن 100 يۈەن تولۇقلىما بېرىلىدىكەن. تەييارلىق مائارىپى مەزگىلىدە، ھەر بىر ئوقۇغۇچى ئەڭ كۆپ بولغاندا ئۈچ يىل مالىيە تولۇقلىما مۇكاپات مەبلىغىدىن بەھىرلىنەلەيدىكەن، ھەر بىر ئوقۇش يىلى 10 ئاي بولۇپ، مۇكاپات تولۇقلىما مەبلىغى پەقەت يەسلىخاننىڭ ئىجارە ھەققى، ئويۇنچۇق ۋە ئوقۇش ماتېرىيالىرىنى تولۇقلاش ھەققى ھەمدە ئامانلىق ساقلاش ھەققى، مۇئەللىملەرنى تەربىيەلەش خىراجىتى قاتارلىقلار يەسلىلەرنىڭ يۇمشاق، قاتتىق دېتاللىرىنىڭ دەرىجىسىنى يۇقىرى كۆتۈرۈش تۈرىگە ئىشلىتىلىدىكەن.
مۇكاپات تولۇقلىما مەبلىغىدىن بەھرىمەن بولىدىغان يەسلىلەردە ئائىلە باشلىقلىرى تەربىيەلەش ھەققىدىن سىرت، يەسلىخانىغا ئالدۇرۇشتا تاپشۇرىدىغان قۇرۇلۇش ھەققى، پۇل ئىئانە قىلىپ مەكتەپلەرگە ياردەم بېرىش ھەققى ۋە قاتارلىق ھەقلەرنى تۆلىمەيدىكەن. بالىلارنىڭ تاماق ھەققى يەسلىلەرنىڭ تەننەرخ ئۆلچىمى بويىچە ئېلىنىدىكەن.