خوجايىننىڭ ئۈچ نەسىھېتى

بىر ئەر سىرتتا 20 يىل ئىشلەپ ئاخىرى ئۆيىگە قايتىدىغان ۋاقتى كەپتۇ. خوجايىنى:
-سەن 20 يىللىق ئىش ھەققىڭنى ئالامسەن ياكى مېنىڭ ئۈچ ئېغىز سەمىمىي نەسىھىتىمنىمۇ؟
-مەن ئەتە يولغا چىقىمەن خوجايىن، سىزگە ئەتە ئەتە ئەتىگەن جاۋابىنى بېرەي.
خوجايىن ماقۇل دەپتۇ.
شۇكۈنى كەچ ئەر ئۇخلىيالماپتۇ،… سەھەردە ئۇ خوجايىنىغا:<<مەن 3 ئېغىز نەسىھەتنى ئالىمەن>>دەپتۇ.
شۇنىڭ بىلەن خوجايىن ئۇنىڭغا ئۈچ ئېغىز نەسىھەتنى ئېيتىپ بېرىپتۇ.

1.مۇمكىن بولمايدىغان ئۇدۇل يولنى ئىزدەشكە ئۇرۇنما، چۈنكى دۇنيادا ئەرزان ئىش يوق، مەيلى قانداق ئىش قىلغىن ئەستايىدىللىق ئەڭ ياخشى ئامال.

2.ياخشى ئىش ئەمەسلىكىنى بىلىپ تۇرۇپ ئۇ ئىشقا ھەددىدىن زىيادە قىززىقما، بەلكىم سەن شۇ ئىش تۈپەيلى جېنىڭدىن ئايرىلىشىڭ مۇمكىن.

3.ھەرگىزمۇ ھاياجانلانغان ۋاقتىڭدا بىرەر قارار چىقارما، بولمىسا سېنىڭ بۇ قارارىڭ ئۆمرىڭدىكى ئەڭ ئەپسۇسلىنىدىغان ئىش بولۇپ قالىدۇ.

ئاخىرىدا خوجايىن ئۇنىڭغا ئۈچ تال بولكا ۋە ئازراق پۇل بېرىپ، چوقۇم ئەڭ چوڭ بولكىنى ئۆيۈڭگە بارغاندا ئۇلار بىلەن يىگىن، دەپ تاپىلاپتۇ.
ئەر يولغا چىىقىپتۇ، بىر نەچچە كۈن يول يۈرگەندىن كېيىن بىر بولكىنىڭ يېرىمىنى يەپ بوپتۇ، ئۇزاق ئۆتمەي بىر ئاچا يولغا ئۇچراپ قاپتۇ ۋە ئەتراپتىكى كىشىلەردىن قايسى يول ياخشىلىقىنى سوراپتۇ، بىركىشى<<كىچىك يولدىن ماڭغىن،ئۇ يول يېقىن>>دەپتۇ، يەنە بىر كىشى بولسا<<چوڭ يولدىن ماڭغىن،ئۇ يول بىخەتەر>>دەپتۇ، ئەر ئايالى بىلەن كۆرۈشۈشكە ئالدىراپ كېتىپ كىچىك يول بىلەن مېڭىپتۇ، مېڭىپ ئۇزاق ئۆتمەي بىر كىشىدىن يېقىن ئەتراپتا تاغ قاراقچىلىرى بارمىش، دىگەن گەپنى ئاڭلاپتۇ ۋە خوجايىنىنىڭ بىرىنچى نەسىھىتى:« يېقىن يولنى ئىزدەشكە ئۇرۇنما»دىگەننى ئېسىگە ئاپتۇ، شۇنىڭ بىلەن ئارقىغا قايتىپ چوڭ يول بىلەن مېڭىپتۇ.
ئەر بىر نەچچە كۈن ماڭغاندىن كېيىن ئىككىنچى بولكىسىنىڭ يېرىمى تۈگەپتۇ. ۋە ناھايىتى ئەرزان بىر مېھمانساراينى تېپىپ شۇيەردە قونۇپ قاپتۇ. يېرىم كېچىدە بىر قىزبالىنىڭ يىغلىغان ئاۋازىنى ئاڭلاپتۇ ھەم پەقەتلا ئۇخلىيالماپتۇ، شۇنىڭ بىلەن چىقىپ كۆرۈپ بېقىشنى قارار قىپتۇ، لېكىن ئۇستازىنىڭ:«ياخشى ئىش ئەمەسلىكىنى بىلىپ تۇرۇپ، ئۇ ئىشقا ھەددىدىن زىيادە قىززىقما» دىگەن ئىككىنچى نەسىھىتىنى ئېسىگە ئاپتۇ ۋە ئۇيقۇسىنى داۋاملاشتۇرۇپتۇ. ئەتىسى ئەتىگەن سەپەرگە ئاتلىنىدىغان چاغدا دۇكاندار ئۇنى كۆرۈپ ھەيرانلىق بىلەن <<سەن تېخى ھاياتكەنسەنغۇ؟>>دەپ سوراپتۇ، ئەر نېمە ئىشلىقىنى ئاڭقىرالماي دۇكانداردىن نېمىشقا بۇنداق دەيدىغانلىقىنى سوراپتۇ، دۇكاندار ئەتىراپتا بىر ساراڭ قىزىنىڭ بارلىقىنى، ھەر قېتىم كېسىلى تۇتقاندا يىغا ئاۋازى ئارقىلىق ئادەملەرنى باشلاپ چىقىپ ئۇلارنى ئۆلتۇرىۋېتىدىغانلىقىنى ئېيتىپ بېرىپتۇ ۋە تۈنۈگۈنكى مېھمانلاردىن پەقەت ئۇنىڭلا ھايات قالغانلىقىنى ئېيتىپتۇ.
يەنە بىر نەچچە كۈن ماڭغاندىن كېيىن ئۇنىڭ ئىككىنچى بولىكىسىنىڭ قالغان يېرىمىمۇ تۈگەپتۇ، شۇندىمۇ ئۆيىگە ئارىلىقىنىڭ ناھيىتى ئاز قالغانلىقىدىن كۆڭلى يايراپ كېتىپتۇ. شۇ تەرىقىدە مېڭىپ-مېڭىپ قاراڭغۇ چۈشىشى بىلەن كەنتىگە يېتىپ كەپتۇ. ئۆزىنىڭ ئۆيىنىڭ ئالدىغا بېرىپ ئىشىكىنى چېكەي دەپ تۇرىشىغا ئىچىدىن بىر ئەركىشىنىڭ ئاۋازى ئاڭلىنىپتۇ. ئەر ناھايىتى ئاچچىقلىنىپتۇ ۋە پىچاق ئېلىپ ئۆيگە كىرىپ ئەرنى ئۆلتۈرىۋەتمەكچى بوپتۇيۇ، بىراق خوجايىنىنىڭ «ھەرگىزمۇ ھاياجانلانغان ۋاختىڭدا بىرەر قارار چىقارما» دېگەن ئۈچۈنچى نەسىھىتىنى ئېسىگە ئاپتۇ. شۇنىڭ بىلەن ئۇ ئۆزىنى بېسىۋېلىپ ئۆي سىرتىدا بىر كېچە ئولتۇرۇپ، ئەتىسى سەھەردە ناھايىتى بالدۇرلا ئىشىكنى قېقىپتۇ. ئايالى ئۇنىڭ كەلگىنىدىن ناھايىتى خۇشال بوپتۇ، لېكىن ئۇ سوغۇق مۇئامىلە بىلەن: ئۇ ئەر كىم؟ دەپ سوراپتۇ. ئايالى كۈلۈمسىرەپ : ئۇ بىزنىڭ بالىمىز، سىز كېتىپ ئۇزاق ئۆتمەي مەن…
بۇ ۋاقىتتا ئۇ ئۇ يىگىتنىڭ ئۆزىگە ناھايىتى ئوخشايدىغانلىقىنى بايقاپتۇ،ئاتا -بالا تۇنجى كۆرۈشۈپ قۇچاغلىشىپ، ياش تۆكۈشۈپتۇ. ھەممىسى ئۆتۈپ كەتكەندىن كېيىن ئۇ خوجايىنىنىڭ تاپىلىغىنى بويىچە 3_بولكىنى ئېلىپ ئائىلىسىدىكىلەر بىلەن ئورتاقلىشىش ئۈچۈن كېسپىپتۇ. كېسپ بولغاندىن كېيىن ئۆزىنىڭ 20 يىللىق مائاشىنىڭ بولكىنىڭ ئىچىدە ئىكەنلىكىنى بايقاپتۇ…
شۇڭلاشقا….