Business Insider خەنزۇچە تورى 11-فېۋرال خەۋىرى، لەگلەك تورى تەرجىمىسى

بۈگۈن تېسلانىڭ پېيى داۋاملىق قاتتىق تۆۋەنلىدى، بۈگۈنكى چۈشۈشنىڭ سەۋەبلىرىدىن بىرى بولسا ئەيلون ماسكنىڭ ئاخبارات ئېلان قىلىش يىغىنىدا تېسلانىڭ جۇڭگودىكى تۆتىنچى پەسىللىك سېتىلىش مىقدارىدا «ھەيران قالارلىق چۈشكەن» لىكىنى ئېتىراپ قىلىشى بولدى.

تېسلا ئاخبارات بۆلۈمى مەسئۇلى رىكاردو رېيېسنىڭ Business Insider مۇخبىرىغا ئېيتىشىچە، «ModelS تىپلىق توك قاچىلىغۇچنىڭ تېز، قولايلىق توك قاچىلاش ئىدىيىسىگە بولغان خاتا تونۇش تېسلانىڭ جۇڭگو بازىرىدىكى سېتىش مىقدارىنىڭ كۆڭۈلسىز بولۇشىنىڭ ئاساسلىق سەۋەبى» ئىكەن. «بۇ خىل خاتا قاراشنى تۈگىتىش ئۈچۈن بىز داۋاملىق ModelS توك قاچىلىغۇچلىرىمىزنىڭ قولايلىق ۋە تېز توك قاچىلاش ئىدىيىسىنى داۋاملىق چۈشەندۈرىمىز ۋە پۈتۈن جۇڭگونى قاپلىغان توك قاچىلىغۇچ تورىنى قۇرۇپ چىقىمىز» دېدى رېيېس.

توك قاچىلىغۇچلارنىڭ سانى ھەقىقەتەنمۇ  ئاشماقتا. Quartz نىڭ خەۋىرىگە قارىغاندا جۇڭگو ھۆكۈمىتى مەملىكەت مىقياسىدا توك قاچىلىغۇچتىن 19 مىڭ دانە ئورناتقان بولۇپ، تېسلا جۇڭگونىڭ 10 شەھرىدە 23 دانە دەرىجىدىن تاشقىرى توك قاچىلاش ئىستانىسىسى قۇردى.

ئۇل ئەسلىھە قۇرۇلۇشىنى كۈچەيتىش ئۈچۈن ماسك جۇڭگو بىرلەشمە خەۋەرلىشىش شىركىتى ۋە يەر-مۈلۈك سودىگىرى SOHO بىلەن ھەمكارلىشىپ جۇڭگونىڭ 70 شەھرىدە 700 دانە دەرىجىدىن تاشقىرى توك قاچىلاش ئىستانىسىسى قۇرۇپ چىقماقچى. نۆۋەتتى تېسلانىڭ جۇڭگودىكى توك قاچىلاش ئىستانىسىسى قۇرۇلۇشى پەقەت ئامېرىكىدىنلا كېيىن تۇرىدۇ.

Business Insider ۋە جۇڭگو ماشىنا ساھەسىدىكى ئانالىزچىلارنىڭ قارىشىچە، تېسلا جۇڭگودا مۇۋەپپەقىيەت قازىنىمەن دەيدىكەن، تۆۋەندىكى بەش تۈرلۈك توسالغۇنى يېڭىشى كېرەك:

 1. بىرىنچى تۈركۈم ئىشلەتكۈچىلەر مەھسۇلاتنى پۈتۈنلەي سېتىۋېلىپ تۈگەتكەن.

2. بىرىنچى تۈركۈم ئىشلەتكۈچىلەر توپى نىسبەتەن كىچىك بولۇپ ئۇلارنىڭ كوچىلاردا تېسلا ھەيدەپ يۈرۈشى چوڭ مودا دولقۇنى قوزغىيالمىغان.

3. ماشىنا بازىرىدا ئوتتۇرىدىكى ۋاستىچىلار باھانى قالايمىقان قىلىۋەتكەن.

4. كىشىلەرنىڭ توك قاچىلىغۇچلۇق ماشىنىغا بولغان تونۇشى تېخى ناھايىتى تېيىز.

5. تېسلانىڭ تاشقى كۆرۈنۈشىدە كۆزنى چاقناتقۇدەك ئالاھىدىلىكلەر يوق. 

ئاخىرقى نۇقتا ناھايىتى روشەن. تېسلانىڭ ئېگىزلىكى پەقەت 1.44 مېتىر، باشقا مەھسۇلاتلارغا سېلىشتۇرغاندا نىسبەتەن كىچىك. ماشىنا ئانالىزچىسى سىيېبېرتنىڭ دېيىشىچە، «جۇڭگودا بايلار ماشىنىنى ئابروي ئۈچۈن تاللايدۇ، ئىستاتىستىكىلىرىمىزغا ئاساسلانغاندا ئۇلار تېخىمۇ ئېگىزرەك، كەڭرەك ماشىنىلارنى ياقتۇرىدۇ. تېسلا پاكارراق، كۆز چاقنىتىش دەرىجىسى تۆۋەن. تېسلا جۇڭگودا بازار ئىگىلەيمەن دەيدىكەن، بۇ يېتەرسىزلىكلەرنى تۈزىتىشى ۋە جۇڭگو بايلىرىنىڭ كۆزىنى ئالىچەكمەن قىلىۋېتىدىغان قىلىپ ئىشلەپ چىقىرىشى كېرەك.»