2016- يىلى 1- ئاينىڭ 5- كۈنى جياڭشى ئۆلكىلىك زېمىن بايلىق ئىدارىسى نەنچاڭ شەھىرىدە فۇلياڭ ناھىيەسىدىكى جۇشى ۋولفرام كېنىنى ئادەتتىكىچە تەكشۈرۈش نەتىجىسىنى ئومۇمىي ئۇقتۇرۇش قىلىش يىغىنى ئېچىپ، فۇلياڭ ناھىيەسى جۇشى ئەتراپىدا 286 توننا 333+334 تىپلىق ۋولفرام ترىئوكسىد ( WO3 ) بايلىق مەنبەسى بارلىقى ئېنىقلانغالىقىنى، ۋولفرام زاپاس مىقدارى جەھەتتە يەنە بىر قېتىم دۇنيا رىكورتى بۇزۇپ تاشلانغانلىقىنى، فۇلياڭ ناھىيەسى جۇشى ۋولفرام كېنىنىڭ دۇنيا بۇيىچە ئەڭ چوڭ ۋولفرام كېنى بولۇپ قالغانلىقىنى جاكارلىغان. بۇ كاندىكى ۋولفرام بايلىق مەنبەسى زاپاس مىقدارى بۇندىن ئىلگىرىكى دۇنيا بۇيىچە ئەڭ چوڭ ۋولفرام كانىدىكى ۋولفرام زاپاس مىقدارىنىڭ 2.7 ھەسسىگە تەڭ كېلىدىكەن. فۇلياڭ ناھىيەسى جۇشى ۋولفرام كېنىنىڭ ئورنى جىڭدې بازىرىغا 13 كىلومېتىر كېلىدىغان جايدا بولۇپ، بۇ كان جياڭشى ئۆلكىسى گىئولوگىيەلىك چارلاش فوندى بىلەن مەركەز چارلاش فوندىنىڭ نۇقتىلىق گىئولوگىيە تۈرى بولۇپ ھېسابلىنىدۇ، مەزكۇر تۈر 2010- يىلدىن 2015- يىلغىچە داۋاملاشقان بولۇپ، بەش يىل ئىچىدە جەمئىي 103 مىليون 750 مىڭ يۈەن مەبلەغ سېلىغان.