ئىز تورى-爱智网

　　  جۇڭگو ئۇيغۇرچە رادىيو تورى 14-ئىيۇن بېيجىڭ خەۋىرى: ئۇگاندانىڭ باش مىنىستىرى مبابازى يېقىندا مۇنداق دېدى: ئۇگاندا بىلەن جۇڭگونىڭ يېقىن ھەمكارلىقى ۋە ياخشى شېرىكلىك مۇناسىۋىتى بار، ئۇگاندانىڭ ئىقتىسادىي تەرەققىياتى جۇڭگونىڭ ياردىمى ۋە قوللىشىدىن ئايرىلالمايدۇ. نۆۋەتتە، جۇڭگو ئۇگاندانىڭ چەتئەلدىكى 2-چوڭ مەبلەغ سېلىش مەنبەسى. مەبلەغ سېلىش ساھەسى ئاساسلىقى يول، توسما ۋە تېلېگراف قاتارلىق كۆپ ساھەلەرگە چېتىلىدۇ. مبابازى مۇنداق دېدى: جۇڭگونىڭ ئۇگانداغا مەبلەغ سېلىش كۈچىنى يەنىمۇ كۈچەيتىپ، مەبلەغ سېلىش ساھەلىرىنى نېفىت ئېچىش، ئاشلىق ئىشلەپچىقىرىش، دېھقانچىلىق پىششىقلاپ ئىشلەش ۋە ساياھەت كەسپىگىچە كېڭەيتىپ، ئۇگاندانىڭ تەرەققىيات ئىقتىدارىنى يۇقىرى كۆتۈرۈشىگە ياردەم بېرىشىنى ئۈمىد قىلىمەن.   تەرجىمان: ئامانگۈل ھېبىبۇللا