1
يېزا باشلىقى تېلىغۇن تۇرۇپكىسىنى قويۇۋەتكەندىن كىيىن،پېشانسىدىكى تەر تامچىلىرىنى قولىنىڭ دۈمبىسى بىلەن سۈرتكەچ،ئۆزىنى ئورۇندۇققا تاشلىدى،شۇتاپتا ئۇنىڭ قۇلاق تۈۋىدە ھاكىمنىڭ؛(ئېلىشبېشى توسمىسىدىن مەسىلە چىقسا،قاتتىق جاۋابكارلىققا تارتىلسىز)دېگەن ئاۋازى قايتا ئاڭلانغاندەك بولدى.ئەسلى تۈنۈگۈن قىريا دەرياسىغا كەلكۈن كەلگەنلىكى توغرىسىدا،دەسلەپتە دەريانىڭ باش قىسىمىدىكى سۇ مىقىدارىنى ئۆلچەش پونكىتىدىن،كېيىن ناھىيلىك ھۆكۈمەت ئىشخانىسىدىن تېلىغۇن كەلگەن ئىدى.ئەمما نەمەت يېزرا باشلىقى ئەھۋالىنىڭ بۇنچىلىك ئېغىر ئىكەنلىكىنى ئويلاپ باقمىغان،ئەگەر راستىنلا ھېلىقىدەك ئەھۋال بولۇپ قالسا....ئۇ تاماكا تۇتاشتۇرۇپ بىر نەچچىنى قاتتىق-قاتتىق شورۇۋەتكەندىن كېيىن،كاتپىنى چاقىرىتتى-دە،تېزدىن ھەر قايسى مەھەللە كومتېتلارغا ئەمگەك كۈچى ھېسابلانغانلىكى كىشىنى ئەر-ئايال دېمەستىن كەلكۈن مۇداپىئە ئورنىغا ئېلىپ چىقىشنى،كېتەرلىك شاخ-شۇمبىنى كەچكىچە تەييار قىلىشنى ئۇقتۇرۇش قىلىشنى جېكىلىگەندىن كېيىن ئورۇنغا قايتىدىن جايلىشىپ،خام سېمىز گەۋدىسىنى ئورۇندۇق يۆلەنچۈكىگە تىرىدى.
copyright by www.iz.la
2
-رەھىم قىلسىلا تاھىر شۇجى،سىلىنىڭ گەپلىرىنى يېرىشقا ھەددىم ئەمەس،بىراق كۆردىلە،بالىلارنىڭ دادىسى ئېغىر كېسەل،ئاز-تولا ماغدۇرى بولسىلا باراتتى.بۇ چاققىچىمۇ ھاشادىن قالغان ئادەم ئەمەستى ئۇ.
-ھى،،رەھىم قىلىڭ دەڭ.مەن ھەممىسىگە رەھىم قىلىسام كەلكۈننى يالغۇز توسايمۇ،ئائىلەمدىكىلەرنىڭ ھەممىسى كۈدە-كۆرپىسىنى كۆتۈرۈپ ماڭسۇنمۇ؟!....
-مەن ئۇنداق دېمىدىم شۇجى،ئۆزلىرى بىلىلا،بىر قېتىم...
-بولدى،تولا تالاشماڭ،بۇ دورەم باشقا ئىشقا ئوخشىمايدۇ،مۆمىن قاشاڭ ھازىرلا ھاشاغا ماڭسۇن،بولمىسا ئەمگەك كۈنىگە ھېسابلاپ پۇل تۆلەڭ.
ئۆيدە پۇل بولسىغۇ شۇنداق قىلاتتىم.بىراق ئۇنى داۋالىتىمەن دەپ ساتقۇلۇقنى ساتتۇق،ئەمدى قانداقمۇ قىلارمەن.
ى ئىز تورى ئىز تورى ئىز تورى ئىز تورى
-ئۇنى مەندىن سورىماي،ئېغىلدىكى قوينىلا ئېلىپ چىقىڭ.
-جېنىم شۇجى...
-نېمە، مەن ئايال كىشى،بارمايمەن دەۋاتامسىز،بىلىپ قويۇڭ،ئېرىڭىزنى مەن ئۆلتۈرۈۋەتمىگەن.خۇدا بەرگەن جاننى خۇدا ئۆزى ئالىدۇ.قازاغا رىزا بولماي،بەندىدە ئامال يوق،
-ئادەمنى تار يەردە قىستىمىغان بولسىلا،بارسامغۇ باراتتىم.لېكىن ئۆيدە تۆت بالا...
-ئەمسە پۇل تۆلەڭ.
-خۇش بولاي شۇجى،مەندەك ئايال كىشى تۆت بالىنىڭ ئۇچىسىغا كىيم،قورسىقىغا ئاش-نان بېرىپ پۇلغا ئېشىنالامدۇ.بۈگۈنچە قىستمىسلا،ئەتە كەچكىچە پۇلنىڭ كويىغا كېرەي.
-مەن سىز بىلەن سودا قىلغىلى كەلمىدىم،مېنى شۇنداق قىلىشقا يېزا باشلىقى بۇيرىغان،تېز بولۇڭ.گەپنى ئايرىڭ،ئۆستەڭگە چىقامسىز يا پۇل تۆلەمسىز؟ بۇ مەزمۇن ئىز تورىدىن كۆچۈرۈلگەن
-جېنىم شۇجى،ئازراق مۆھلەت بەرسىلە،
-مەن سىزگە مۆھلەت بەرسەم،كىم ماڭا مۆھلەت بىرىدۇ،مۇنداق بولسۇن،ئۆينىڭ ئالدىدىكى ياغاچتىن بەش تۈپ كېسەيلى،ئەمسە.....
بىز ھەممىمىز ئىز تورىنى ياخشى كۆرىمىز!
3
مەكتەپنىڭ چاققانغىنە مەجلىسخانسى بۈگۈن بۆلەكچىلا تۈس ئالغانىدى.سورۇن باشلانغىلى خېلىلا بولغاچقا،يۈزلەر قىزىرىپ،كۆزلەر خۇمارلاشقانلىقىغا قارىماي،بېلىق كۆزى قىلىپ قويۇلغان رومكىلار ئۈزۈلمەي ئايلىنى تۇراتتى.يېزا باشلىقى نەمەت باياتىن بېرى ھەر بىر مۇزىكىغا ئاركا-ئارقىدىن تانسا ئويناپ،بۇ يەردىكى بىر نەچچە قىزنى بىر مەيداندىن پىرقىرىتىپ چىققان بولسىمۇ،ئەمدىكى مەسىلە(كىمىگە چىكىت قويۇپ،كۆڭۈل ئىزھارى قىلىش)تا ئىدى.چىرايى،بوي بەستى بىر-بىرىدىن ئانچە پەرقلىنىپ كەتمەيدىغان بۇ قىزلارنىڭ بۇ يەرگە تەقسىملىنىپ كەلگىنىگە ئانچە ئۇزۇن بولمىغاچقا،يېزا باشلىقى نەمەتنىڭ ئۇلار بىلەن ئەسرا بولۇشى تۇنجى قېتىم ئىدى.شۇڭا ئۇ ھەر بىر قىزغا بىر قۇر سۆز تاشلاپ چىققان بولسىمۇ،لېكىن كۆڭلىدىكىدەك جاۋابقا ئېرىشەلمىدى ئەگەر بۇ دورەممۇ....
يېزا باشلىقى نەمەت يەنە ھەممەيلەنگە نەزەر سېلىشقا باشلىدى،ئۇ ھەر بىر قىزغا كۆڭلىدە باھا بېرىپ،چەتتەرەك ئولتۇرغان قىزغا كەلگەندە،كۆزلىرى ئىختىيارسىز توختاپ قالدى؛(ئەجەپ چىرايلىق كاساپەتكەن بۇ،تومۇچۇقنىڭ ئۆزى....تومۇرى قاياققا سوقىدىكىن...)ئۇنىڭ خىيالىنى ئىشكنى داراقشىتىپ ئاچقىنچە كىرىپ كەلگەن كاتىپ ئۈزۈپ قويدى.
-باشلىق،كەلكۈن مۇداپىئەسىنى تەكشۈرگىلى ناھىيىدىن ئادەم كەپتۇ،-دېدى ئۇ باشلىقىنىڭ قۇلقىغا پىچىرلاپ.
-نېمە،بۇ گەپ راستما؟
-راست،ھېلىلا بىرى شۇنداق دېدى.ئۇنىڭ دېيىشچە ھاكىم ئۆزى كېلەرمىش.
يېزا باشلىقى نەمەت چاققانلىق بىلەن ئورنىدىن چاچراپ تۇردى-دە،ۋارقىرىدى؛ بىز ھەممىمىز ئىز تورىنى ياخشى كۆرىمىز!
-دەرھال شوپۇرنى چاقىر.
كاتىپ قانداق تېز كىرگەن بولسا،شۇنداق تېز چىقىپ كەتتى.ئارقىدىن نەمەتمۇ ماڭدى.سورۇندىكىلەر نېمە ئىش بولغانلىقىنى بىلمەي ھاڭتاڭ قېلىشتى.
4
تاھىر شۇجى(ئەمدى قانداق قىلىمىز)دېگەندەك قاراپ تۇرغان مەھەللە كومىتېت باشلىقى نۇرىغا لاپپىدە قارىۋالغاندىن كېيىن،كۆزىنى چىمچىقلىتىپ تۇرۇپ ئېغىز ئاشتى؛
-ئەزالارنى ماڭدۇرۋەتتۇق،بۇچاققىچە ئىش ئورنىغىمۇ بېرىپ بولدى.بىزمۇ ئەمدى يولغا چىقايلى.
نۇرى ېشىنى لىڭىشتىقاچ سورىدى؛
-ئۇقتۇرۇشتا شاخ-شۇمبا تەييارلاڭلار دەپ يېزىپتىكەن.ھازىر ئالغاچ بارامدۇق ياكى....
-تۇرۇپ تۇرسۇن،-دېدى تاھىر شۇجى ئەتراپىغا بىر قارىۋەتكەندىن كېيىن،-لازىم بولسا ئېلىپ چىقارمىز،بولمىسا ئارتۇق دۇنيا باشنى يارماپتۇ.ھەراست،بۈگۈن بىر نەچچە تۈپ ياغاچ يىغىلىدى،ئۆتكەندە ئۆينى يېڭىلارمەن دەۋاتاتتىڭىز،ئۇنى ئۆزىڭىز بىر تەرەپ قىلىڭ،قويدىن نەمەت باشلىق بىلەن سالا شۇجىغا بىردىن چىقارتايلى،بىرەرنى ئۆلتۈرۈپ ئەمگەككە ماڭغانلارنىڭ ئېغىزىغىمۇ تەڭگۈزەيلى،قالغىننى....
مەن ئىز تورىغا بەك ئامراق
نۇرى بۇ گەپنى ئاڭلاپ كۈلدى؛
-چۈشەندىم شۇجى،چۈشەندىم،ئەسلى بىر چالمىدا ئىككى پاختەك سوقۇپسىز-دە.
ھا....ھا....ھا....
ھى .....ھى.....ھى....
ماشىنا توختىشى بىلەن تەڭلا،يەرگە سەكرەپ چۈشكەن يېزا باشلىقى نەمەت كۆز ئالدىدىكى مەنزىلىگە قاراپ تۇرۇپلا قالدى،سۈتتەك ئاي نۇرىدا كىشىلەر جىددىي ئىشلەشكە تۇتۇلغان بولۇپ،ئۇ يەر بۇ يەرلەردىن ۋارقىرىغان ئاۋازلار ئاڭلىنىپ تۇراتتى.ئۇ كىشىلەر توپنى كۆزلەپ ماڭدى-دە،ئارىلىق بىر نەچچە چامداملار قالغاندا،كۈچلۈك بىر نۇرنى،نۇريورۇتۇۋاتقان ئادەملەرنى،ئادەملەر توپى ئىچىدىكى ھاكىمىنى كۆرۈپ داڭ قېتىپ تۇرۇپلا قالدى،ئۇنىڭ پۇت-قوللىرى تىتىرەپ،كۆز ئالدى قاراڭغۇلاشقاندەك بولدى-دە،دەرھال ئۆزىنى ئوڭشىۋالدى.(ئەمدى قانداق قىلىش كېرەك،زادى قانداق...)يېزا باشلىقى نەمەت سۈرەتكە ئېلىش ئاپپاراتىغا يورۇقلۇق چىقىرىپ بېرىۋاتقان نوقتىغا قاراپ بېردەم تۇرۇۋالغاندىن كېيىن بىرسىدىن مەسىھەت سورماقچى بولغاندەك ئەپراپقا قارىدى-دە،يۈرىكى ئويناپ كەتتى ئۇنىڭ كۆزى كەلكۈن مۇداپىئەسى ئۈچۈن بۇرۇن تەييارلاپ قويۇلغان تاش دۈۋىسىگە چۈشكەن ئىدى.ئۇ تېزلىكتە يوغان بىر پارچە تاشنى تاللىدى-دە،ئۇنى خېلى تەسلىكتە قورىسقىغا تىرەپ،كۈچلۈك نۇر يورۇپ چىققان بىر ئاچچىق بىر ئاچچىق سېزىم بىلەن يەرگە ئېڭىشتى-دە،تەڭپۇڭلۇقنى يوقتىپ،قولىدىكى تاش بىلەن بىللە دەرياغا چۈشۈپ كەتتى.كۈچلۈك نۇردا ئۇنى كۆرۈپ قالغان بىرەيلەن ۋارقىرىدى. ئىز تورى www.iz.la
-نەەت يېزا باشلىقى...نەمەت يېزا باشلىقى سۇغا چۈشۈپ كەتتى....شۇئان بىر نەچچە كىشى ئۆزىنى سۇغا ئاتتى.
5
ئىككى كۈندىن كېيىن،يېزا باشلىقى نەمەت كېسەلخانىدىن چىقتى،شۇ كۈن تېلىۋۇزۇردا ئۇنىڭ سىماسى كۆرۈندى.ئۇ بىر پارچە چوڭ تاشنى كۆتۈرگەن ھلدا،يار ئېلىپ كەتكەن جايغا تاشنى تاشلاۋېتىپ،سۇغا چۈشۈپ كەتكەن كۆرۈنۈش بىلەن بىللە،دىكتورنىڭ(يېزا باشلىقى نەمەتنىڭ بىۋاستە يېتەكچىلىك قىلىشى بىلەن،كەلكۈن دەل ۋاقىتىدا توسۇۋېلىنىغاچقا،زىيان ئانچە چوڭ بولمىدى،شۇنداق بولمىدى،شۇنداق بولسىمۇ،يېزا باشلىقى نەمەت بەك چارچاپ كەتكەنلىكىتىن سۇغا چۈشۈپ كەتتى.باشقىلارنىڭ پىداكارلىق كۆرسىتىشى بىلەن ئۇ قۇتقۇزۇۋېلىنىدى،يېزا باشلىقى نەمەتنىڭ خەلق مەنپەئىتى ئۈچۈن جان تەسەددۇق قىلىشقا تەييار روھى بىزنىڭ ئۆگىنىشىمىزگە ئەرزىيدۇ)دېگەن سۆزلىرى ئۇنىڭغا ئەلەمچە خۇشاللىق ئېلىپ كەلدى.
يېزا باشلىقى نەمەت يەنە (بىرەر ئايدىن كېيىن،تېلىۋۇزۇرر ئېكىراندا قايتا كۆرۈندى.بۇ قېتىم ئۇ ناھىيە بويىچە(قۇرغاقچىلىقنىڭ ئالدىنى ئېلىپ،كەلكۈندىن مۇداپىئە كۆرۈشتىكى ئىلىغار شەخس)بولۇپ مۇكاپاتلانغانىدى.
تەقدىر دېگەن شۇنداق.بەزى كىشىلەر بىر ئۆمۈر كۈرەس قىلپمۇ،شەرەپكە ئېرىشىشتە يوق،دائىم پېشكەللىككە يولۇقۇپلا تۇرىدۇ.يەنە بەزى كىشىلەر جاپا تارتمايلا تاسادىپى ئىشلار سەۋەبىدىن شانۇ-شۆھرەت سەھنىسىگە قەدەم تاشلايدۇ.بۇ پېشاننىڭ ئوڭلىقىدىنمۇ ياكى... ئىز تورى www.iz.la
www.iz.la
مەنبە؛شىنجاڭ ياشلىرى ژۇرنىلىدىن ئېلىنىدى copyright by www.iz.la
