نۇرغۇنلىغان خانىم-قىزلار ئۇياتلىق جاينى دائىم يۇيۇپ تۇرسا ساغلاملىققا پايدىلىق، دەپ قارىشىدۇ. بۇ خىل قاراش ھەم كىشىگە ناھايىتى ئىلمىيدەك تۇيۇلىدۇ. ئۇنداقتا سوراپ باقسام، سىزمۇ دائىم مەخسۇس يۇيۇش سۇيۇقلۇقلىرىنى ئىشلىتىپ ئۇياتلىق جايىڭىزنى يۇيۇپ تۇرامسىز؟

ئەلداۋا تەھرىرىنىڭ قارىشىچە، ئۇياتلىق جاينى كۆپ يۇيۇش ياخشى تاللاش ئەمەس. ساغلام ئاياللارنىڭ جىنسىي يولىدا نۇرغۇنلىغان باكتېرىيە توپلىرى بولىدۇ، ئۇلارنىڭ مەۋجۇتلۇقى جىنسىي يول مىكرو بىئولوگىيەلىك مۇھىتىنىڭ تەڭپۇڭلۇقىنى ساقلاشتا مۇھىم ئەھمىيەتكە ئىگە بولۇپلا قالماستىن، يەنە تېخى جىنسىي يولنى ئۆز-ئۆزىنى پاكىزلاش رولىغا ئىگە قىلىدۇ.
ئاياللار ئۇياتلىق جايىغا ئىشلىتىلىدىغان مەھسۇلاتلارنىڭ ئېلانلىرىدا جىنسىي يولنى كۆپ يۇيۇش بېرىش زىيادە تەكىتلىنىدۇ، ئەگەر ئۇلارنىڭ «قىلتىقى» غا چۈشۈپ، راستتىنلا تۈرلۈك «مەخسۇس» يۇيۇش سۇيۇقلۇقلىرى ۋە مەھسۇلاتلىرىنى ئىشلىتىپ ئۇياتلىق جاينى كۆپ يۇيغاندا، جىنسىي يولدىكى تەبىئىي بىئولوگىيەلىك تەڭپۇڭلۇق بۇزۇلۇپ، ئوڭاي كېسەللىنىدىغان بولۇپ قالىدۇ.
ئەلداۋا تەۋسىيەسى:
ئادەتتە، خانىم-قىزلار ئۇياتلىق جايىنى ھەر كۈنى پەقەت پاكىز سۇ بىلەنلا يۇيۇپ بەرسىلا بولىدۇ. يۇيغاندا پەقەت جىنسىي يولنىڭ سىرتىنى يۇيسىلا بولدى، چوڭقۇرلاپ ئىچىنىمۇ يۇيۇشنىڭ ھاجىتى يوق. دورىلىق يۇيۇش سۇيۇقلۇقلىرىنى، ئىچىگە سالىدىغان تۈرلۈك مەھسۇلاتلارنى قارىغۇلارچە ئىشلەتمەسلىك لازىم، زۆرۈر بولغاندا دوختۇرنىڭ كۆرسەتمىسى بويىچە ئىشلىتىش كېرەك.