يۈرەك: كېلىنكىلىق ستاتىستىكىلارغا قارىغاندا، ئەرلەردە يۈرەك مۇسكۇل تىقىلمىسىغا گىرىپتار بولۇپ داۋالىغانلارنىڭ سانى ئاياللارنىڭ 7~10 ھەسسىگە توغرا كېلىدىكەن، بۇ كېسەللىك ئاساسلىقى ئارتۇقچە سېمىزلىك، ھاراق، تاماكىغا بەك بېرىلىشتىن پەيدا بولىدۇ. بۇنىڭدىن باشقا، خىزمەت جىددىيلىكى ۋە كەيپىياتنىڭ ياخشى بولماسلىقىمۇ بۇ كېسەللىككە سەۋەب بولىدۇ.
جىگەر: سوزۇلما جىگەر ياللۇغى بىمارلىرى ئىچىدە ئەرلەر ئاياللاردىن 4 ھەسسە كۆپ بولىدۇ، بۇ كېسەللىك ئاساسلىقى ھاراقتىن پەيدا بولىدۇ. بۇنىڭدىن باشقا، يۇقىرى ياغ گۆش تۈرىدىكى يېمەكلىكلەرمۇ جىگەر ئۈچۈن پايدىسىز بولىدۇ.
تۈز ئۈچەي: ئادەتتە تۈز ئۈچەي راكىغا گىرىپتار بولىدىغان ئەرلەرنىڭ سانى ئاياللاردىن كۆرۈنەرلىك دەرىجىدە كۆپ بولىدۇ، ئادەتتە ئەرلەرنىڭ ئوزۇقلۇقىدا گۆش ۋە ئاقسىللار ئاياللارنىڭكىدىن كۆپ بولىدۇ. تېببىي تەتقىقاتلاردا مەلۇم قىلىنىشىچە، تالالىق يېمەكلىكلەر يېتەرلىك بولماسلىق بىلەن بىر ۋاقىتتا ئارتۇقچە گۆش ۋە ئاقسىللار بىلەن ئوزۇقلىنىش تۈز ئۈچەي راكىنى پەيدا قىلىشنىڭ مۇھىم بىر سەۋەبى بولىدۇ.
ئاشقازان: ئەرلەر ھاراق ئىچىش، تاماكا چېكىش ۋە قەھۋە ئىچىشنى ياخشى كۆرىدۇ. تاماق ئۈستىلىدە بولۇشىچە يەپ ئىچىدۇ، پۇخادىن چىققاندا ئاشقازان ئاغرىقى، ياندۇرۇش، قان قۇسۇش، كېكىرىش قاتارلىقلار قىيناشقا باشلايدۇ. تىببىي تەتقىقاتلاردىن بايقىلىشىچە، ئەرلەرنىڭ ئاشقازان ئاغرىقنىڭ قوزغىلىشى ئاياللارنىڭكىدىن 6.2 ھەسسە يۇقىرى بولىدىكەن.
مەزى بېزى: مۇناسىۋەتلىك تەتقىقاتلارغا قارىغاندا، 50 ياشتىن كېيىن ئەرلەرنىڭ تەخمىنەن %60 مەزى بېزى كېسەللىكىگە گىرىپتار بولىدىكەن، ئۇنىڭ سەۋەبى ئەرلىك ھورمون تۈرىدىكى ئىستىرولنىڭ ئاجرىلىپ چىقىشىنىڭ ئۆزگىرىشى سۈيدۈك يولىنىڭ تۆت ئەتراپىدىكى بەز تەنچىسىنى چوڭايتىدۇ. چوڭايغان مەزى بېزى بېسىلىپ ياپىلاق ھالەتكە كېلىپ قالىدۇ، ئاندىن دوۋساقنى بېسىپ سىيىش قىيىنلىشنى كەلتۈرۈپ چىقىرىدۇ.
ئابدۇكېرىم ئابدۇراخمان
پىچان ناھىيىلىك ئۇيغۇر تېبابەت دوختۇرخانىسىدىن.