تەكشۈرۈش نەتىجىسىدىن قارىغاندا، پەرزەنتلىك بولۇش مەسلىسىنىڭ كەسىپ ئايرىمىسى يوقكەن، ھەرخىل كەسىپتىكىلەرنىڭ ھەممىسىدە پەرزەنت كۆرەلمەسلىك مەسلىسى مەۋجۇت بولۇپ، پەقەت بىر قىسىم بۇلغۇنۇشى ئېغىر، خەتىرى يۇقىرى بولغان خىزمەت بىلەن شۇغۇللىنىدىغانلارنىڭ پەرزەنتلىك بولالماسلىق نىسبىتى نىسبەتەن ئېغىرراق بولىدىكەن. مەسىلەن، خېمىيە زاۋۇتى، يۇقىرى تېمپېراتۇرا، يۇقىرى رادىئاتسىيىلىك جايلاردا خىزمەت قىلىدىغان ياكى ئۇچىرىشىدىغان ئەرلەرنىڭ كەسىپتە ئالدىنى ئېلىشقا ئەھمىيەت بېرىشى ئىنتايىن زۆرۈر.

 

  ھازىر پروبىركىدا يېتىلدۈرۈلگەن بوۋاق تېخنىكىسى بارلىققا كەلدى، پەرزەنتلىك بولالمىغانلار دوختۇرخانىغا بارسىلا مۇشۇ تېخنىكىنى قىلامدۇ؟ ئۇنداق ئەمەس. بىمار دوختۇرخانىغا كەلگەندىن كېيىن ئاۋۋال دوختۇرنىڭ ئۆزىگە ياردەم قىلىپ پەرزەنتلىك بولۇش ئىستىكىنى ئەمەلگە ئاشۇرۇشىنى ئۈمىد قىلىدۇ، ئەمما ئوپېراتسىيە، دورا-ئوكۇل، پروبىركا بوۋاق قاتارلىقلارنىڭ ھەممىسى ئۇلارنىڭ ئۈمىد قىلغان تاللىشى بولماستىن پەقەت كېيىنكى تاللاش خالاس.

 

  دۇنيا سەھىيە تەشكىلاتى ئەرلەرنىڭ پەرزەنتلىك بولالماسلىقىغا نىسبەتەن مۇنداق ئېنىقلىما بەرگەن: ئەر-ئايال سالامەتلىك جەھەتتىن نورمال، جىنسىي ئىقتىدارى نورمال، تۇرمۇشتا بىرگە تۇرغان ۋاقتى بىريىلدىن ئارتۇق بولۇپ ھىچقانداق تۇغۇتتىن ساقلىنىش تەدبىرى قوللانمىسىمۇ پەرزەنتلىك بولالمىغانلارنى ئەرلەردىكى پەرزەنتلىك بولالماسلىق دىگەن. ئەرلەردىكى پەرزەنتلىك بولالماسلىق نوقۇل بىرتۈرلۈك كېسەللىكتىن كېلىپ چىققان ئەمەس، ئۇنىڭ نۇرغۇنلىغان سەۋەبلىرى بولۇپ، شۇنىڭدىن كېلىپ چىققان كېسەللىك ئالامەتلىرىنىڭ يىغىندىسى ئاخىرىدا پەرزەنتلىك بولالماسلىقنى كەلتۈرۈپ چىقارغان.