جۇڭگو خەۋەر تورىنىڭ 3-ئاينىڭ 14-كۈنىدىكى خەۋىرى (ئانا تۇپراق تورىدىن دولقۇن تەرجىمىسى): جۇڭگو ھاۋا ئارمىيىسى ئاخبارات باياناتچىسى شېن جىنكې پولكوۋنىك 3-ئاينىڭ 14-كۈنى ئەتىگەندە بىلدۈرۈشىچە، جۇڭگو ھاۋا ئارمىيىسى 3-ئاينىڭ 13-كۈنى كۆپ تۈركۈملەپ كۈرەشچى ئايروپىلان تەشكىللەپ، جۇڭگو چېگرىسىدا تۆۋەن ئۇچقان بېرما ھەربىي ئايروپىلانلىرىنى ئىز قوغلىغان، نازارەت قىلغان، ئاگاھلاندۇرغان، چېكىنىشكە مەجبۇرلىغان.
شېن جىنكې پولكوۋنىكنىڭ بىلدۈرۈشىچە، جۇڭگو ھاۋا ئارمىيىسى ھەر ۋاقىت يۇقىرى ھوشيارلىقنى ساقلاپ، ھاۋا تەۋەلىكىدىكى ھەرىكەتلەرگە قاتتىق دىققەت قىلىدىكەن، يېقىنقى مەزگىلدە بېرما-جۇڭگو چېگرىسىدىكى رايوننىڭ ھاۋا بوشلۇقىنى نۇقتىلىق كۆزەتكەن.
3-ئاينىڭ 13-كۈنى چۈشتىن كېيىن، بېرما ھەربىي ئايروپىلانى تاشلىغان بومبا جۇڭگو چېگرىسى ئىچىگە چۈشۈپ، يۈننەن ئۆلكىسى لىنساڭ شەھىرى گېڭما ناھىيەسى مېڭدىڭ بازىرى داشۇيساڭ كەنتىدە شېكەر قوناق ئورۇۋاتقان گۇناھسىز 4 نەپەر گۇناھسىز دېھقاننىڭ جېنىغا زامىن بولغان، 9 ئادەم يارىدار بولغان ئىدى.
ئانا تۇپراق تورى تەرجىمىسى
