ئانا تۇپراق تورى تەرجىمىسى: رۇسىيە تاراتقۇلىرىنىڭ خەۋىرىگە قارىغاندا، ئامېرىكا ئۇچۇر مۇلازىمەت جەمئىيىتىنىڭ مۇداپىئە ۋە بىخەتەرلىك مەسىلىسى جەھەتتىكى يۇقىرى دەرىجىلىك مۇلاھىزىچىسى Craig Caffrey نىڭ قارىشىچە، جۇڭگونىڭ ھەربىي ئىشلار جەھەتتىكى راسخوتىنىڭ ئېشىش سۈرئىتى رۇسىيەدىن قالسىلا 2- ئورۇندا تۇرىدىكەن، ئەمما جۇڭگو ئىقتىسادىنىڭ ئۇمۇمىسىغا سېلىشتۇرغاندا، جۇڭگونىڭ ھەربىي ئاشلار راسخوتى بەك كۆپ ھېسابلانمايدىكەن.
خەۋەرلەرگە قارىغاندا، جۇڭگو مەملىكەتلىك خەلق قۇرۇلتىيىنىڭ باياناتچىسى بويىڭ مۇنداق دېگەن: 2015- يىلى جۇڭگونىڭ دۆلەت مۇداپىئە راسخوتى %10 ئەتراپىدا ئاشىدۇ، بىز دۆلەت مۇداپىئەسى ۋە قوشۇننى زامانىۋىلاشتۇرىمىز دەيدىكەنمىز، چوقۇم بەلگىلىك دەرىجىدىكى ھەربىي ئىشلار راسخوتىغا كاپالەتلىك قىلىشىمىز كېرەك.
2014- يىلى جۇڭگونىڭ ھەربىي ئىشلار راسخوتىنى ئېشىشى %12.2 بولۇپ، ئۇمۇمىسى 132 مىليارد ئامېرىكا دوللىرىغا يەتكەن. 2013- يىلى %10.7 ئاشقان، 2012- يىلى ۋە 2011- يىلى ئايرىم ھالدا %11.2 ۋە %12.7 ئاشقان.
Craig Caffrey مۇنداق دېگەن: گەرچە جۇڭگو جاكارلىغان ھەربىي ئىشلار راسخوتىنىڭ ئېشىش سۈرئىتى ئۆتكەن يىللارغا قارىغاندا ئاستىلىغان بولسىمۇ، ئەمما ھەربىي ئىشلار راسخوتى يىلسېرى كۆپىيىۋاتىدۇ. 2015- يىلىدىكى ھەربىي راسخوتى كۆپەيگەن 20 دۆلەتنىڭ ئىچىدە، جۇڭگونىڭ ھەربىي ئىشلار راسخوتىنىڭ ئېشىش سۈرئىتى پەقەت رۇسىيەنىڭ ئارقىسىدىلا تۇرىدۇ. 2015- يىلىدىكى ھەربىي راسخوت 2008 – يىلىدىكىدىن بىر ھەسسە قاتلاندى.
ئۇ تۇلۇقلاپ مۇنداق دېدى: گەرچە جۇڭگونىڭ ھەربىي راسخوتى يىلسېرى ئېشىۋاتقان بولسىمۇ، ئەمما جۇڭگونىڭ ئىقتىسادى كۆلىمى ۋە دۇنيادىكى ئورنىغا نىسبەتەن ئېيتقاندا يەنىلا تۆۋەن ھېسابلىنىدۇ، ئومۇمىي جەھەتتىن جۇڭگونىڭ ھەربىي ئىشلار راسخوتىنىڭ ئېشىش سۈرئىتى بىلەن ئىقتىسادىنىڭ ئېشىش سۈرئىتى ئۆز- ئارا ماس كېلىدۇ.
