بىرلەشمە سەھەر گېزىتى تورىنىڭ 10-يانۋار خەۋىرى: تالىبانغا قارشى تۇرۇش بىلەن دڭقى چىققان پاكىستان ساقچى باشلىقى 10-ئاينىڭ 9-كۈنى كاراچىدىكى بىر قېتىملىق پارتلىتىش ھۇجۇمىدا ھاياتىدىن ئايرىلغان.
BBC نىڭ خەۋىرىگە ئاساسلانغاندا، كاراچى شەھىرىنىڭ تېررورلۇققا قارشى تۇرۇش ھەرىكىتىنىڭ مەسئۇلى چودھىرىي ئاسلام خاننىڭ ساقچى ماشىنا ئەترىتى كاراچىدا چارلاۋاتقاندا ھۇجۇمغا ئۇچرىغان، باشقا 2 ئادىمىمۇ پارتلاشتا ئۆلگەن.
ساقچى باشلىقى ئاسلام خان ئىلگىرىمۇ نەچچە قېتىملىق ھۇجۇمدا ھايات قالغان ئىدى.
پاكىستان تالىبانلىرى بايانات ئېلان قىلىپ، ھۇجۇم قىلىش ۋەقەسىگە مەسئۇل بولىدىغانلىقىنى جاكارلىغان.
ئەلجەزىرە تېلېۋىزىيە ئىستانسىسى خەۋەر قىلىشىچە، تالىباننىڭ باياناتچىسى ئېھسانۇللاھ ئېھسان تېلېفون ئارقىلىق فرانسىيە ئاخبارات ئاگېنتلىقىغا:«شۇنداق، بىز چودھىرىي ئاسلامنى ئۆلتۈردۇق ھەمدە ئۇنى ئۆلتۈرۈلگەنلىكىگە مەسئۇل بولىمىز. ئىلگىرى نەچچە قېتىم ھۇجۇم قىلساقمۇ ھايات قالغان ئىدى، ئاسلام بىزنىڭ غازاتچى قېرىنداشلىرىمىزغا زىيانكەشلىك قىلدى، قىينىدى، ئۇردى، بىز ئاخىرى ئۇنى ئۆلتۈردۇق» دېگەن.
تەرجىمىدە: نەپرەت
