كېررىي:«بۇ بىر تەرەپلىمە قارار شەرقىي جۇڭگو دېڭىزىنىڭ ھازىرقى ھالىتىنى ئۆزگەرتىشنى مەقسەت قىلغان. بۇ ۋەزىيەتنىڭ كەسكىنلىشىشىنى كەلتۈرۈپ چىقىرىدىغان قىلمىش، پەقەتلا رايونلۇق ۋەزىيەتنىڭ جىددىيلىشىشىنى ۋە ۋەقە يۈز بېرىش خەۋپىنى ئاشۇرىدۇ» دېگەن.
كېررىي ئامېرىكىنىڭ چەكلىمە قوللانمايدىغانلىقىنى ئېيتقان،
ئامېرىكا دۆلەت مۇداپىئە مىنىستىرى چاك خاگېل:«جۇڭگونىڭ باياناتى قانداقلا قىلسۇن ئامېرىكىنىڭ مەزكۇر رايوندىكى ھەربىي ھەرىكىتىنى ئۆزگەرتەلمەيدۇ» دېگەن.
ياپونىيە دىپلوماتىيە ۋازارىتى ئاسىيا ۋە تىنچ ئوكيان ئىشلىرى ئىدارىسىنىڭ باشلىقى جۇنىچى ئىخارا 11-ئاينىڭ 23-كۈنى تېلېفون ئارقىلىق، جۇڭگونىڭ ياپونىيەدىكى ۋاقىتلىق ۋاكالەتچىسى خەن جىچىياڭغا ئېتىراز بىلدۈرگەن، جۇڭگو جاكارلىغان ھاۋا مۇداپىئە رايونىنى تامامەن قوبۇل قىلغىلى بولمايدىغانلىقىنى ئېيتقان.
جۇڭگو مۇداپىئە مىنىستىرلىكى 11-ئاينىڭ 11-ئاينىڭ 23-كۈنى تور بېتىدە بايانات ئېلان قىلىپ، يېڭى بەلگىلىمىگە ئاساسەن، بۇ مۇداپىئە رايونىغا كىرگەن بارلىق ئايروپىلانلارنىڭ چوقۇم جۇڭگونىڭ ئالاقىدار دائىرلىرىگە ئۇقتۇرۇش قىلىشى كېرەكلىكىنى ئېيتقان. ئەگەر جۇڭگو دائىرلىرىگە سالاھىيىتىنى ئېيتمىسا ياكى بېيجىڭنىڭ بۇيرۇقىغا بوي سۇنمىسا، جۇڭگو ھەربىي تەدبىر قوللىنىدىكەن. باياناتتا يەنە يۇقىرىقى بەلگىلىمىنىڭ 11-ئاينىڭ 23-كۈنىدىن باشلاپ كۈچكە ئىگە بولىدىغانلىقىنى ئېيتقان.
