تۈركىيە دىپلوماتىيە مىنىستىرلىكى بايانات ئېلان قىلىپ، مىسىرنىڭ تۈركىيەدە تۇرۇشلۇق ئەلچىسىنىڭ قارشى ئېلىنمايدىغان ئادەم ئىكەنلىكىنى ھەمدە تۈركىيە-مىسىر دىپلوماتىيە مۇناسىۋىتىنى ۋەكىل دەرىجىسىگە تۆۋەنلەتكەنلىكىنى جاكارلىغان. باياناتتا:«بىز نۆۋەتتىكى ۋەزىيەتتىن ئازابلىنىدىغانلىقىمىزنى بىلدۈرىمىز. ئەمما ۋەقەنىڭ مەسئۇلىيىتىنى 'سىياسىي ئۆزگىرىش' ئارقىلىق تەختكە چىققان مىسىر ۋاقىتلىق ھۆكۈمىتى ئۈستىگە ئېلىشى كېرەك» دېگەن.
تۈركىيە باش مىنىستىرى ئەردوغاننىڭ مىسىرغا ئالاقىدار سۆزلىرىگە نارازى بولغانلىقتىن، مىسىر دائىرلىرى 11-ئاينىڭ 23-كۈنى ئىككى دۆلەت دىپلوماتىيە مۇناسىۋىتىنى ۋەكىل دەرىجىسىگە تۆۋەنلەتكەنلىكىنى، تۈركىيەدە تۇرۇشلۇق ئەلچىسىنى قايتۇرۇپ كېلىدىغانلىقىنى جاكارلىغان ھەمدە تۈركىيەنىڭ مىسىردا تۇرۇشلۇق ئەلچىسىنىڭ مىسىردىن كېتىشىنى تەلەپ قىلغان. مىسىرنىڭ تۈركىيەدە تۇرۇشنىڭ ئەلچىسى قاھىرەگە قايتىپ كەلگەن.
ئەردوغان 11-ئاينىڭ 21-كۈنى روسىيەدە زىيارەتتە بولۇشتىن ئىلگىرى، مورسىنىڭ سوتتىكى مەيدانىنى قوللايدىغانلىقىنى بىلدۈرگەن. مىسىر دىپلوماتىيە مىنىستىرى بادر ئابدۇلئەتىي 11-ئاينىڭ 23-كۈنى بىلدۈرۈشىچە، ئەردوغاننىڭ مىسىر ئىچكى ئىشلىرى ھەققىدە قىلغان سۆزلىرى ھەقىقەتكە ئۇيغۇن كەلمەيدىكەن، مىسىر خەلقىنىڭ رايىغا خىرس قىلغانلىق، مىسىرنىڭ ئىچكى ئىشلىرىغا ئارىلاشقانلىق ئىكەن.
