ئاناتىلىم تورتۇراسى

版权声明：转载时请以超链接形式标明文章原始出处和作者信息及本声明
logs/35660884.html

م.ئە.سەبورى

ئەڭ توغرا نەرسە ھامان بىزنىڭ يۈرىكىمىزدە. ئىنسان يارىتىلغاندا ئۇنىڭ ھاياتلىق قانۇنىيتى بىللە يارىتىلىپ بولۇنغان. بۇ دۇنيادىكى نىسىۋەڭنى ئۇنتۇما. دۇنيا ھالاۋىتىدىن قەلبى غاپىللىقتا قالغان ئىنسانلار ئۈچۈن ئىنسانىيەت تىنچلىقىنىڭ ئەڭ ئاخىرقى نىشانى دەل بىزنىڭ ھەققانىي يولىمىزدۇر.
– خاتىرەمدىن

تۈنلىرى بىئۇيقۇ خىيالغا پېتىپ،
ھاياتقا تۈگىمەس سوئاللار قويدۇم.
گۈمبەزلەر تىزىلغان لەھەتكە قاراپ،
غەشلىكتىن ئۈمىدنىڭ يولىنى تۇتتۇم.

ئەجەلنىڭ نۆۋىتى كىملەرگە كەلدى،
شۇم خەۋەر باتۇرنى قايتۇرالمايدۇ.
سۆيگۈنىڭ تۇلپارى ئەركىن بولغاچقا،
ھەقىقەت ھەۋەسنى قايتۇرالمايدۇ.

قانۇنىي ئالەمدە قانۇنلۇق ئادەم،
تەكەببۇر ئەيلىمەي ياشىمىقى تەس،
قەدىمىي بوستاندا سۈرسىمۇ دەۋران،
مەسخىرە تۈگىمەس، جاھان كۆرەلمەس.

ئاي يۈزلۈك جاناننىڭ مەستخۇش پۇرىقى،
سەن ئۈچۈن ھاياتقا مۇقام سازلايدۇ.
قامىتىڭ سايە بوپ چۈشسە كۆكسىگە.
نالىلىق يېشىڭغا كىملەر قارايدۇ؟!

نازۇك تەبەسسۇم ئىسسىتقان شۇدەم،
بىناۋا كۆڭۈلنى، پىنھان خىيالنى.
زەرشەپەق بەختىدىن رەڭگىم قىپقىزىل،
قىبلىگە قاراتتۇق گۇناھلىق يۈزنى.

تەبىئەت ھۆسنىدە چاقنار گۈزەللىك،
چولپان نۇرىدىن ئۈمىدلەر يانار.
جەۋلانۇ بىر ئېقىم دىلدىن كەچكەندە،
سۇبھىدىن گۇگۇمغا ئىلتىجا قانار.

2006.يىلى 25 .يانۋار غەربىي جەنۇبىي تارىم نېفىت