ئۇيغۇرلاردىكى 10 مۇنەۋۋەر بىلوگ ۋە بىلكان پەد
[ بىلوگ بىلدۈرگۈسى ]ئالىم ئەھەت بىلوگى «2011-يىللىق ئۇيغۇرلاردىكى 10 مۇنەۋۋەر بىلوگ»نى باھالاش پائالىيىتىدە ئىككىنچى بولۇپتۇ، بۈگۈن بىلكان ئېلېكتىرون پەن-تېخنىكا چەكلىك شىركىتىنىڭ WiFi نەشىرى، 2398 يۈئەن قىممىتىدىكى بىلكان پەد (تاختا كومپيۇتېر) مۇكاپاتىغا ئېرىشتىم. بۇ پائالىيەتنى تەشكىللىگەن يۈكسەل بىلوگى، ئەلداۋا ساغلاملىق تورى، مۇكاپات بويۇمى بىلەن تەمىنلىگەن «بىلكان» ئېلېكتىرون شىركىتى، شۇنداقلا بىلىك، ئىزدىنىش، نۇرقۇت، مىسرانىم ۋە كىرورەن تور بېكىتىدىكى بىلوگىمنى قوللاپ بېلەت تاشلىغان بارلىق تورداشلارغا، شۇنىڭدەك يەنە تور دۇنياسىدىكى باشقا تورداشلارغىمۇ يېڭى يىللىق سەمىمىي سالام يوللايمەن.
بۈگۈن چۈشتىن بۇرۇن تېلېفونۇمغا كېلىۋاتقان يېڭى يىللىق ئۇچۇرلارنىڭ ئارىسىدا يەنە ئالىم ئەھەت بىلوگىنىڭ «2011-يىللىق ئۇيغۇرلاردىكى 10 مۇنەۋۋەر بىلوگ»نىڭ بىرسى بولۇپ باھالانغانلىقى ھەققىدىكى تەبرىك ئۇچۇرلارمۇ بار ئىدى. تورغا قاراپ باقسام راستتىنلا شۇنداق ئىكەن. ئالدى بىلەن بۇ پائالىيەتتە بىرىنچى بولغان «80 خالتا بىلوگى»نىمۇ تەبرىكلەيمەن. مېنىڭ بىلوگ يېزىش تارىخىم تېخى بىر يىلغا بارمىدى، بىلوگىمدىكى يازما ۋە ئىنكاسلارنىڭ ھەممىسىنى يىغىپ كەلسىمۇ تېخى بىر خالتىغىمۇ توشمايدۇ، لېكىن، «بىلكان» شىركىتى «80 خالتا بىلوگى»غا ئوخشاشلا 2398 يۈەن قىممىتىدىكى بىلكان پەد (تاختا كومپيۇتېر) بىلەن مۇكاپاتلىدى، بۈگۈن چۈشتىن كېيىن «بىلكان پەد»نى تاپشۇرۇپ ئالدىم. بىلكان شىركىتىگە رەھمەت ئېيتىمەن.
ئەمما، بۇ «بىلكان پەد (تاختا كومپيۇتېر)» قىزىمدىن ماڭا ئاشمايدىغاندەك قىلىدۇ، قارىغاندا مەنمۇ بىرنى ئالمىسام بولمامدۇ-نېمە؟ قىزىم ھازىر «بىلكان»دىكى ئۇيغۇرچە ئەپلەرگە شۇنداق قىزىقىپ كەتتى. «ئۇيغۇر تىلىنىڭ ئېلىپبەسى»، «تۆت ئەمەل مەشىقى»،..دېگەنلەرنى ئېچىپ ئۆگىنىشنى باشلىۋەتتى. بولۇپمۇ كۆپەيتىشنى مەشىق قىلىش داۋامىدا، «ۋۇيــــــيۇ، سەن بەك ئەقىللىقكەنسەن جۇمۇ!» دېگەن ماختىغان سۆزگە ئامراق بولۇپ قالدى. ئۇيغۇر يېزىقىدىكى ئۇچۇر مەھسۇلاتلىرىنىڭ رولىنى ھەقىقەتەنمۇ بوش چاغلاشقا بولمايدۇ، ئۇچۇر ساھەسىدىكى ئۆزىمىزنىڭ تىل-يېزىقىغا مۇناسىۋەتلىك مۇشۇنداق يېڭى قاتتىق ۋە يۇمشاق دېتال مەھسۇلاتلىرىنى كۆرسەم ناھايىتى خۇشال بولىمەن ھەم ئۇلارنىڭ تىرىشچانلىقىغا ئاپرىن ئېيتىمەن.
شۇنىڭغا ئىشىنىمەنكى، 2012-يىلى ئۇچۇر تېخنىكا ساھەسىدىكى تېخىمۇ كۆپ يېڭىلىقلار بارلىققا كېلىدۇ، مۇشۇ ساھەدە ئىزدىنىۋاتقان بارلىق كىشىلەرنىڭ يېڭى نەتىجىلەرنى قولغا كەلتۈرۈشىنى ئۈمىد قىلىمەن.
- يازما كۆرۈلۈشى: 14,140 قېتىم
- يوللانـغان ۋاقىت:2012-يىلى 01-ئاينىڭ 1-كۈنى pm 19:32
- ئالدىنقى يازما :بېيجىڭغا سەپەر (ئاخىرى)
- كېيىنكى يازما :sign in/up يەنى (登陆,注册) ئاتالغۇلىرى ھەققىدە
ئالىم مۇئەللىم مۇبارەك بولسۇن !
ئالىم مۇئەللىمنىڭ ئىشلىرىنىڭ كۈندىن كۈنگە يۈكسىلىشىنى چىن دىلىمىزدىن ئىستەيمىز….
مۇبارەك بولسۇن
ئالىم مۇئەللىم ،مۇبارەك بولسۇن!مەن بىلوگ بىلەن باشقا تور بەتلەرنىڭ پەرقىنى تازا ئېنىق بىلمەيمەن، لىكىن بىلىشمچە ،ھازىر بىزدە باشقا تىل تور بەتلىرىدىكىدەك بارلىق ياشلار،چوڭلار ۋە ھەر قايسى ساھەدىكى كىشىلەر ياختۇرۇپ ھەرقايسى تېمىدىكى ماتېرياللارنى ئەۋەتىدىغان، بىرلا ئاڭلاپ «ھە،ئۇ توربەت…» دىيەلەيدىغان، كىشىلەرنىڭ ئالقىشىغا ئېرىشكەن تور بەتلەر ئاساسەن يوق. ئىلگىركى «شەبنەم»،«دىيارىم» تور بەتلىرى مېنىڭچە،بۇ جەھەتلەردىن يېتىشىپ ،شۇ يولدا مېڭىۋاتقان ئىدى. شۇڭا، ئالىم مۇئەللىم ،تور بېتىڭىزنىڭ تېخىمۇ گۈللىنىپ ،بارلىق كىشىلەر تورنى ئاچماقچى بولغاندا، تۇنجى بولۇپ مۇشۇ توربەتنى ئاچىدىغان ھالەتكە كېلىشىنى ئۈمىد قىلىمەن!
يەنە مىنىڭ كىچىككىنە بىر پىكرىم، مەزكۇر بىلوگدىكى مەزمۇنلار ئاسەسەن سىياسى يىغىنلار، ۋە ئىلىكترون ئۇچۇرلىرى قەتارلىقلارلا بولغاچقا، ھەر قىتىم ياخشى بىرەر تېما تاپقىنىمدا ئەۋەتىپ باقاي دەيمەنيۇ، لېكىن بولدى قىلىمەن! بەلكىم، ماڭا ئوخشاش ئويدىكى تورداشلار كۆپ بولىشى مۇمكىن. بۇ پىكرىمگە قانداق قارايسىزكىن؟
بىلكان پەد نىڭ پايدىسى بىلەن بىلوگ ئۇسلۇبى ئاخىرى چىرايلىقلىشىپتۇ…
بلوگىنىمۇ يېڭىلىۋاپلا، بۇنىڭغىمۇ مۇبارەك بولسۇن! ئۇيغۇر ئۇچۇر تېخنىكا ساھەسىدىكى سىزگە ن=مۇناسىۋەتلىك ئەڭ يېڭى خەۋەرلەرنى ئايىماي يوللاپ تۇرارسىز.
مۇبارەك بولسۇن مۇئەللىم!
مۇبارەك بولسۇن ئالىم ئەھەت ئەپەندى.
ئەسسالامۇئەلەيكۇم،مۇبارەك بولسۇن ! بلوگىڭىزدىكى پايدىلىق ئىلىملەر ئۈزۈلۈپ قالمىغاي ،شۇنچە ئالدىراشچىلىق ئىچىدىن ۋاقىت چىقىرىپ يازىسىز،رەھمەت
ئاددىي بلوگ توغرىسىدىمۇ بىر ماقالە يېزىپ قويمامسىز، ئالىمكا؟
ئۇنى ئىنگىلىزچە تۇمبال دەيدىكەن، خەنزۇچىسىنى ئابدۇكېرىمكامدەك تەرجىمە قىلساق يېنىك بلوگ دەيدىكەن (轻博客)، مەنچىمۇ ئۇنى بلوگ ۋە مىكرو بلوگ ئارىسىدىكى نەرسە بولغانلىقتىن، ۋە ئاددى بلوگ تورىنىڭ قۇرغۇچىسىنىڭ چۈشەندۈرۈشىگە ھۆرمەت قىلغان ئاساستا «ئاددىي بلوگ» دېسەك مۇۋاپىق بولغۇدەك. كۆرۈپ بېقىڭ:
http://www.addiblog.com
مۇبارەك بولسۇن ئالىمجان مۇئەللىم! بۇ بىلوگ ھەقىقەتەن نادىر بىلوگ بولۇشقا مۇناسىپ!
قارىغاندا، بىلوگ يېزىپ مەشھۇر شەخىس بولىمەن دېمەي، مەشھۇر شەخىس بولۇپ ئاندىن بىلوگ يازسا بولامدۇ نېمە!؟
مۇبارەك بولسۇن مۇئەللىم،
ئەمدى يېڭى يىلدا تېخىمۇ نادىر يازمىلىرىڭىزنى كۆرۈشكە تەشنامىز…
ناھايىتى ياخشى ئىش بولدى، داۋاملىق قوللايمىز.. ھەر بىر يازمىڭىزدا «ئۇيغۇر»سۆزىنى ئاڭلىغىنىمدا سىزدىن پەخىرلىنىمەن. ئۇيغۇرۇم ئۈچۈن داۋاملىق ئالغا، مۇئەللىم.
مۇبارەك بولسۇن ! ئەمدى ئالدىراش چاغدا بىلوگنى «بىلكان پەد» بىلەنلا يېڭىلىغۇدەكسىز !
مۇبارەك بولسۇن ئالىم مۇئەللىم. سىزنىڭ تېخىمۇ ياخشى مەزمۇنلارنىڭ بىزگە سۇنىشىڭىزغا تەشنامىز.
قاتناشماي دېسەم، يۈكسەل ئۇنىماي قويدى، تاللاش ھوقۇقى سىزدە ئەمەس، تورداشلار نامزاتلىققا كۆرسەتتى دەيدۇ. روھى بېسىمدىن بىرسى كۆپەيدى مانا