شىنجاڭنى قار-مۇز ساياھەتچىلىكىدىكى مۇقەددەس جاي قىلىپ قۇرۇپ چىقىش كېرەك
قىشلىق مەملىكەتلىك تەنھەرىكەت مۇسابىقىسى تۇنجى قېتىم شىنجاڭدا ئۆتكۈزۈلدى. بۇ پۇرسەتنى چىڭ تۇتۇش ئۈچۈن، شىنجاڭ بىر تۈركۈم ساياھەت-مەدەنىيەت-تەنتەربىيە تۈرلىرىنى روياپقا چىقىرىپ، ‹‹13-بەش يىللىق پىلان›› مەزگىلىدە تەڭرىتېغى بوغدا كۆلى مەدەنىيەت كەسىپلىرى باغچىسى قاتارلىق تۈرلەرنى ئىلگىرى سۈرىدۇ.
2016-يىلى 20-يانۋار، شىنجاڭ ئۇيغۇر ئاپتونوم رايونى ئۈرۈمچى شەھىرىرەد، 2016-يىللىق 13-نۆۋەتلىك مەملىكەتلىك قىشلىق تەنھەرىكەت مۇسابىقىسىنىڭ باشلىنىش مۇراسىمى ئۆتكۈزۈلدى.
2015-يىلى شىنجاڭنىڭ قىشلىق ساياھەتچى سانىنىڭ 24 مىليونغا يېتىشىدىن ئۈمىد زور.
30-يانۋار، 13-نۆۋەتلىك مەملىكەتلىك قىشلىق تەنھەرىكەت مۇسابىقىسى شىنجاڭدا ئاياغلاشتى. ‹‹تەڭرىتاغدىكى ئۇچرىشىش›› مۇنبىرىمۇ شۇ كۈنى تەڭرىتېغى بوغدا كۆلىدە باشلاندى. ‹‹يىپەك يولىنىڭ قايتا گۈللىنىشى ۋە مەدەنىيەتلەرنىڭ بىرىكىشى›› بۇ مۇنبەردىكى مۇھىم تېمىلارنىڭ بىرى.
12-نۆۋەتلىك مەملىكەتلىك قىشلىق تەنھەرىكەت مۇسابىقىسى ئىزچىل ھالدا خېيلوڭجياڭ ۋە جىلىندا ئۆتكۈزۈلگەنىدى، بۇ قېتىملىق قىشلىق مەملىكەتلىك تەنھەرىكەت مۇسابىقىسى تۇنجى قېتىم شەرقىي شىمالدىن ئايلىنىپ، شىنجاڭدا ئۆتكۈزۈلدى. 27-يانۋار، سانجى خۇيزۇ ئاپتونوم رايونلۇق خەلق ھۆكۈمىتىنىڭ مۇئاۋىن باش كاتىپى ليۇ ۋەنلىن سانجىنىڭ 13-نۆۋەتلىك قىشلىق تەنھەرىكەت مۇسابىقىسىغا ئاكتىپ ئىنكاس قايتۇرۇپ، بىر تۈركۈم ساياھەت-مەدەنىيەت-تەنتەربىيە تۈرلىرىنى روياپقا چىقىرىپ، ‹‹سوغۇق بايلىق››نى ‹‹ئىسسق مەھسۇلات››قا ئايلاندۇرۇشنى پىلانلىغان.
شىنجاڭنىڭ ساياھەت-مەدەنىيەت-تەنتەربىيە ئىشلىرىنى تەرەققىي قىلدۇرۇش پىلانى شەھەر ئاھالىلىرىنىڭ قىزغىن قوللىشىغا ئېرىشكەن. تەڭرىتاغ تورىنىڭ باش مۇھەررىرى لى ۋەنخۇينىڭ تونۇشتۇرۇشىچە، قىشلىق تەنھەرىكەت مۇسابىقىسى مەزگىلىدە، پەقە تەڭرىتاغ تورىلا 10 مىڭدىن ئارتۇق پىدائىي تەشكىللەپ، خەلقئارانىڭ دىققىتىنى قوزغىغان، تەڭرىتاغ تورىنىڭ ئىنگلىزچە، رۇسچە، تۈركچە قاناللىرىنىڭ كۈندىلىك چېكىلىش قېتىم سانى 300 مىڭدىن ئېشىپ كەتكەن.
2014-يىلى، شىنجاڭنىڭ قىشلىق ساياھەتچىلىرىنىڭ سانى 20 مىليون ئادىم قېتىمغا يېتىپ، شۇ يىلىقى پۈتۈن شىنجاڭنىڭ ساياھەتچى سانىنىڭ % 40 نى ئىگىلىگەن، ئىستاتىستىكا قىلىنىۋاتقان 2015-يىللىق ساندا، 24 مىليون ئادەم قېتىمغا يېتىشتىن ئۈمىد زور.
