ئادەملەر سېمىزلىكنى كۆپ ئەھۋالدا ئىرسىيەتتىن دەپ قارىۋالىدۇ. لېكىن تەتقىقاتچىلارنىڭ يېڭىدىن بايقىشىچە، جورىسىنىڭ بەدىنىنىڭ سېمىز ئورۇقلۇقىغا بولغان تەسىرى ئىرسىيەتتىن كۈچلۈك بولىدىكەن. تەتقىقات نەتىجىسىدىن مەلۇم بولۇشىچە، گېننىڭ قانداق بولۇشىدىن قەتئىينەزەر قۇرامىغا يەتكەنلەرنىڭ تۇرمۇش ئۇسۇلىنىڭ بەدەن ئېغىرلىقىغا بولغان تەسىرى كۆرۈنەرلىك بولىدىكەن، بولۇپمۇ تويدىن كېيىنكى جورىسى بىلەن بىللە ئوزۇقلىنىشمۇ بەدەن قىياپىتىگە زور دەرىجىدە تەسىر قىلىدىكەن. بۇ ھەتتا بالىلىق دەۋرىدىكى ئوزۇقلىنىش ئادىتىگىمۇ تەسىر كۆرسىتىدىكەن. بۇ تەتقىقات نەتىجىسى ئالىملارنىڭ سېمىزلىكتىكى ئىرسىيەت بىلەن تۇرمۇش ئۇسۇلى ئوتتۇرسىدىكى مۇناسىۋەتنى تېخىمۇ چوڭقۇر چۈشىنىشىگە ياردىمى بولغان. شۇڭلاشقا تويدىن كېيىن ئائىلىدىكى «ئاشپەز» ساغلاملىقنى، بەدەن قىياپىتىنى ساقلاشتىكى مۇھىم ئامىل بولۇپ ھېسابلىنىدىكەن.
ئەسلى مەنبە: ئۈرۈمچى كەچلىك گېزىتى
