ئۈرۈمچى كەچلىك گېزىتى خەۋىرى:
ھەدىدىن زىيادە كۆپ غىزالىنىپ بەك تويۇپ كەتكەندەش ئاشقازاننىڭ يۈكى ئېغىرلىشىپ، كۆپ مىقداردىكى قان ئاشقازان ئىچىدە ھەزىم قىلىش خىزمىتىگە قاتنىشىپ، مېڭىنىڭ ئىقتىدارى تۆۋەنلەپ كېتىدۇ. شۇڭلاشقا، يېيىشكە بېرىلىپ كېتىش كىشلەرنى دۆت قىلىپ قويىدۇ، بولۇپمۇ كىچىك بالىلارنىڭ ئۆز-ئۆزىنى كونترول قىلىش كۈچى ناچار بولۇپ، ياخشى نەرسىلەر ئۇچرىسا تويماستىن يەيدۇ، ئەگەر ئۆزىنى چەكلىمىسە، ناھايىتى ئوڭايلا بەدەن ئىقتىدارى زىيانغا ئۇچرايدۇ، ھەزىم قىلىش سىستېمىسىدا كېسەللىك پەيدا بولۇپ، زېھنى كۈچى ۋە ئۆگىنىشكە تەسىر يېتىدۇ، شۇڭلاشقا كىچىك بالىلار ھەدىدىن زىيادە كۆپ نەرسە يېمەسلىكى، سالامەتلىكنىڭ زىيانغا ئۇچرىشىدىن ساقلىنىشى كېرەك.
