مۇخبىرىمىز زۇلپىيە زۇمرەتشاھ، ئىختىيارىي مۇخبىرىمىز ئالىيە خەۋەر قىلىدۇ: ئۈرۈمچى شەھىرى تەڭرىتاغ رايونلۇق خەلق سوت مەھكىمىسى 2-ئاپرېل ئەر-خوتۇن ئوتتۇرىسىدىكى ماجىرانى مۇرەسسە بىلەن ئاخىرلاشتۇردى.
ئىگىلىنىشچە، روشەن بىلەن شەۋكەتنىڭ توي قىلغىنىغا خېلى يىللار بولغان بولۇپ، ئارىدا جېدەل بېسىقمىغان، شۇنىڭ بىلەن روشەن نىكاھتىن ئاجرىشىش توغرىسىدا سوت مەھكىمىسىگە ئەرز سۇنغان. سودىيە تەرەپلەرنى مۇرەسسەگە يېتەكلىگەن، نەتىجىدە شەۋكەت ئوغلىنى ئۆزى بېقىپ تەربىيەلەيدىغان، دەۋاگەر روشەن زۇنۇننى ئىككى ھەپتىدە بىر قېتىم كۆرىدىغان، تەرەپلەر ئورتاق سېتىۋالغان بىر يۈرۈش ئۆيگە جاۋابكار شەۋكەت ئىگىدارلىق قىلىدىغان، ئۆي پۇلى ئۈچۈن روشەنگە 300 مىڭ يۈەن بېرىدىغان، پۇلنى بىر ئايغىچە بېرەلمىسە، ئۆيگە ئىگىدارلىق قىلىش ھوقۇقىنى دەۋاگەرگە ئۆتكۈزۈپ بېرىپ، ئۇنىڭدىن 300 مىڭ يۈەن ئالىدىغانغا كېلىشكەن.
«قانۇنچىلىق گېزىتى»دىن ئېلىندى
