دولانا قان يېغى، قان بېسىمىنى چۈشۈرۈش، يۈرەكنى كۈچەيتىش، يۈرەك رېتىمسىزلىقىنى پەسەيتىش رولىغا ئىگە. شۇنىڭ بىلەن بىللە، ئۇ ئىشتىھانى ئېچىش، ھەزىم قىلىشنى ياخشىلاش، زەھەر قايتۇرۇشنىڭ ياخشى دورىسى بولۇپلا قالماي، يەنە ئورۇقلىتىشنىڭ ياخشى ياردەمچىسى.

تۆۋەندە دولانانىڭ بىر قانچە خىل ئىستېمال قىلىش ئۇسۇلىنى تونۇشتۇرىمىز:

(1) دولانا شورپىسى

خام ماتېرىيالى: 500 گىرام دولانا، 100گىرام شېكەر. ياساش ئۇسۇلى: دولانانى يۇيۇپ ساپىقىنى ئېلىپ، ئۇرۇقىنى سۇدا قاينىتىپ، دولانانى ئېزىپ پىشۇرۇپ، ئاق شېكەر قوشۇپ شورپىسىنى ئىچىش.

( 2 ) دولانا ئىچىملىكى

خام ماتېرىيالى: 500 گىرام دولانا، 200 گىرام قۇرۇق نېلۇپەر يوپۇرمىقى، 200 گىرام تەسۋىقوناق مېغىزى، 100 گىرام چۈچۈكبۇيا يىلتىزى. ياساش ئۇسۇلى: يۇقىرىقى ماتېرىياللارنى بىللە ئېزىپ، 10 بولاققا ئايرىپ، ھەر كۈنى بىر بولاقنى قاينىتىپ سۈيىنى چاينىڭ ئورنىدا ئىچىش.

(3) دولانا، پىچەكگۈل، جۇخار گۈلى ئىچىملىكى

خام ماتېرىيالى: دولانا، پىچەكگۈل، جۇخار گۈلىنىڭ ھەر قايسىسى 10 گىرامدىن تەييارلىنىدۇ. ياساش ئۇسۇلى: دولانانى سوقۇپ پىچەكگۈل، جۇخار گۈلى بىلەن بىرلىكتە ئىستاكانغا سىلىپ دەملەپ، چاينىڭ ئورنىدا ئېچىش. بىر كۈنلۈك مىقدارى مۇشۇنداق بولىدۇ.

(4) دولانا ئاپېلسىن شۆپۈكى ئىچىملىكى

خام ماتېرىيالى: 20 گىرامدىن دولانا، ئاپېلسىن شۆپۈكى، نېلۇپەر يوپۇرمىقى، 10 گىرام تەسۋىقوناق مېغىزى. ياساش ئۇسۇلى: يۇقىرىقى بىر نەچچە ماتېرىيالنى ئېزىپ، چايداننىڭ قايناقسۈيى بىلەن دەملەپ ئىچىپ بېرىش.

(5) دولانا شۆپىكى ئىچىملىكى

خام ماتېرىيالى: 20 گىرام دولانا، 30 گىرام تەكىيە كاۋا شاپىقى، 10 گىرام شۇۋۇ ۋە 10 گىرام تۇخۇمەك پۇرچىقى. ياساش ئۇسۇلى: يۇقىرىقى بىر نەچچە خىل ماتېرىيالنى قازاندا 20 مىنۇت قاينىتىپ، شەربىتىنى سۈزۈپ ئىچىش.

(6) سالامەتلىك ۋە گۈزەللىك ئورۇقلىتىش چېيى

خام ماتېرىيالى: 20 گىرام دولانا، يەتتە گىرامدىن ياۋا كەشمىر، تۇرۇپ ئۇرۇقى، ئارپا ئۈندۈرمىسى، چاي، پىننە، سېرىق پۇرچاق، بۇلۇت پالما مەرىزى، پونوس، ماندارىن شۆپۈكى، ياز غازىڭى. ياساش ئۇسۇلى: يۇقىرىقى ھەر قايسىسىنى قۇم قازاندا قاينىتىپ، شەربىتىنى سۈزۈپ ئىچسە بولىدۇ، بۇ بىر كۈنلۈك مىقدارى بولىدۇ.

(7) قوش يىلتىزلىق چاي

خام ماتېرىيالى: 15 گىرامدىن چاي دەرىخىنىڭ يىلتىزى، دولانا، قومۇش يىلتىزى. ياساش ئۇسۇلى: يۇقىرىقى ھەر قايسى ماتېرىيالنى 20 مىنۇت قاينىتىپ، سۈزگۈچ بىلەن سۈزۈپ، سۈيىنى ئىچىش. دولانا ھەزىم قىلدۇرىدۇ، چۈچۈمەل بولغاچقا كىشىنىڭ ئىشتىھاسىنى قوزغايدۇ، ئورۇقلىماقچى بولسىڭىز بۇنى تاللاڭ. ئەڭ ئاددىي بولغىنى قۇرۇق دولانانى بىۋاسىتە چاي دەملەپ ئىچسە، ھەزىم قىلدۇرۇشنى ياخشىلاپ، ئورۇقلىتىدۇ.

مەنبە: خەلق تورى