غورۇرلۇق بالىلار ئۈمىدۋار بولۇپ، باشقىلار بىلەن دوست بولۇشنى بەكرەك خالايدۇ ھەم باشقىلارنى ھۆرمەت قىلىشنىمۇ بىلىدۇ. ئەمما غورۇرسىز بالىلار ئاسان مەغلۇپ بولىدۇ ھەم ئۇلاردا دائىم ھەر خىل مەسىلىلەر كۆرۈلۈپ تۇرىدۇ.

بالىڭىزغا ئۆزىڭىزنىڭ ئۇنى قانچىلىك ياخشى كۆرۈدىغانلىقىڭىزنى بىلدۈرۈڭ .

كۆپرەك ۋاقىت چىقىرىپ بالىڭىز بىلەن بىللە بولۇڭ ھەم بۇ جەرياندا ئۇنىڭ كۆز قارىشى، ئىدىيەسىنى ئىگىلەڭ. ئۇنى دائىم قۇچاقلاپ تۇرۇڭ ۋە دائىم قوغداپ، ئاسرايدىغانلىقىڭىزنى بىلدۈرۈڭ، ئۇنىڭغا مېھىر-مۇھەببەتنى ھەقىقىي چۈشەندۈرۈڭ.

بالىغا ئۆزىنى قانداق سۆيۈشنى ئۈگىتىڭ ھەم ئۈلگە بولۇڭ. بالىڭىزغا يېڭىلىقنى قانداق قوبۇل قىلىش، قىيىنچىلىق ۋە مەغلۇبىيەتكە قانداق يۈزلىنىش ۋە بىر تەرەپ قىلىشنى ئۈگىتىڭ. بالىڭىزغا ئۆزى ۋە باشقىلارنىڭ مەسئۇلىيىتىنى بىلدۈرۈڭ ھەم بىر خىل پوزىتسىيەنى ئىزچىل داۋاملاشتۇرۇشنىڭ ھاياتىمىزدا كەم بولمايدىغان مۇھىم ئەڭگۈشتەر ئىكەنلىكىنى تونۇتۇڭ.

بالىڭىزغا ئۆزىنىڭ ھۆرمەت قىلىنىۋاتقانلىقىنى بىلدۈرۈڭ.

بالىڭىز بىلەن كۆپرەك ئويۇن ئويناڭ ھەم ئۇنى ئويۇندىكى ئاساسلىق رولچى قىلىڭ ۋە ئۇنىڭغا ماسلىشىڭ. ئويۇن ئويناشتا بالىڭىزنىڭ گەپلىرىگە بەكرەك قۇلاق سېلىڭ. ئۇنىڭ گېپىگە قىزىققانلىقىڭىزنى ۋە كۆڭۈل بۆلۈۋاتقانلىقىڭىزنى ئىپادىلەڭ. بۇنىڭ بىلەن بالا ئۆزىنىڭ ھۆرمەت قىلىنىۋاتقانلىقىنى ھېس قىلسۇن.

بالىڭىزغا توغرا ئىشنى ئۈگىتىش ئارقىلىق ئۇنىڭ بىخەتەرلىك تۇيغۇسى ۋە ئۆزىگە ئىشىنىشنى ئاشۇرۇڭ.

بالىڭىزنى كۆپرەك ماختاپ بېرىڭ ۋە ئۇنىڭغا رەھمىتىڭىزنى بىلدۈرۈپ تۇرۇڭ.

بالىلار سىزگە ياردەملىشىپ بىرەر ئىشنى قىلغاندا، ئۇلارنى كۆپرەك ماختاپ تۇرۇڭ ۋە رەھمىتىڭىزنى بىلدۈرۈڭ.

بالىڭىزنى يېڭىلىققا ئۇرۇنۇپ بېقىشىغا ئىلھانلاندۇرۇڭ. مەيلى غەلىبە قازانسۇن ياكى مەغلۇپ بولسۇن، ئۇنىڭ نەتىجىسىنى ماختاپ ئۇچۇرۇۋەتمەڭ. چۈنكى بۇنداق بولغاندا، بالىڭىزدا ئاسانلا ۋاز كېچىش، تىرىشماسلىق ھالىتى شەكىللىنىپ قالىدۇ. بالىڭىزغا يېڭى ماھارەتنى ئۈگىنىش ئۈچۈن، چوقۇم بەلگىلىك ۋاقىت كېتىدىغانلىقىنى ۋە سەۋرىچان بولۇشنى تەكىتلىشىڭىز كېرەك. ناۋادا بالىڭىز مەغلۇبىيەتكە ئۇچرىسا، ئۇنىڭ مەغلۇبىيەتتىكى خاتالىقى ۋە يېتەرسىزلىكىنى ئوبدان تونۇتۇپ، تەجرىبىنى يەكۈنلەشنى ئۈگىتىشىڭىز كېرەك.

ئائىلە ئىشلىرىنى تەڭ قىلىشىپ، ئۆزىنىڭ قەدىر-قىممىتىنى تونۇشنى يېتىلدۈرۈشىڭىز كېرەك.بالىغا ئائىلە ئۈچۈن تۆھپە يارىتالايدىغان پۇرسەت ۋە بوشلۇق يارىتىپ بېرىڭ. مەسىلەن، بۇ ئۆي تازىلاش، كۆكتاتلارنى يۇيۇش قاتارلىق ئىشلارنى ئۆز ئىچىگە ئالىدۇ. بۇنداق بولغاندا بالىنىڭ ئۆزىنىڭ قەدىر-قىممىتىنى تونۇش تۇيغۇسىنى يېتىلدۈرگىلى بولىدۇ. ئۇنىڭدىن باشقا، يەنى بالىنى مەسىلىنى ھەل قىلىش پۇرسىتى بىلەن تەمىنلەپ، ئۇنىڭغا تۇرمۇشنىڭ ئىقتىدارىنى ئىگىلىتىشىڭىز كېرەك.

تەڭرىتاغ ئۇيغۇرچە تورى:

http://uy.ts.cn/life/content/2016-03/04/content_505543.htm