ئادەم ئۈچۈن زىيان سالىدىغان نەرسە دەل ئەتە دېگەن سۆزنىڭ ئۆزى.
پەيتنى قولدىن بېرىپ قويۇش ياكى ئالاقزادە بولۇپ تەمتىرەپ قېلىش ھەممىدىن مەھرۇم بولغانغا باراۋەردۇر.
تالانتلىق بولۇش ئۈچۈن ئۆگىنىش كېرەك، ئۆگەنمەي تۇرۇپ تولۇق تالانتلىق بولغىلى بولمايدۇ.
كىتابنىڭ بىر ۋارىقىنى ھەزىم قىلىپ ئۆزلەشتۈرۈش، پۈتۈن بىر كىتابنى ئالدىراپ-سالدىراپ ئوقۇپ تۈگەتكەندىن ئەلا.
شاختىن-شاخقا قونۇش قابىلىيەتسىزلىكنىڭ بەلگىسى، ئىزچىللىق ھاياتنىڭ جېنى.
ئۆزگىنىمۇ، ئۆزۈڭنىمۇ بىلسەڭ ھەرقانداق جەڭدە يېڭىلمەيسەن.
كۈچ باشقا يەردە ئەمەس، ئۆز ۋۇجۇدىمىزدا.
ئادەم ياشىشى كېرەك، لېكىن ئۇنىڭ ياشىشى تەدرىجىي تەرەققىي قىلىش ئۈچۈندۇر؛ ئادەم جاپا چېكىشى كېرەك، لېكىن ئۇنىڭ جاپا چېكىشى كەلگۈسىدىكى جىمى جاپا مۇشەققەتلەرنى تۈگىتىش ئۈچۈندۇر؛ ئادەم ھەممىدىن زۆرۈرى كۈرەش قىلىشى كېرەك، لېكىن ئۇنىڭ كۈرەش قىلىشى ئىسلاھات.ئۈچۈندۇر.
ئۆز ئائىلىسى ئۈچۈن ياشاش ھايۋانغا خاس شەخسىيەتچىلىك، بىر ئادەم ئۈچۈنلا ياشاش پەسكەشلىك، ئۈزى ئۈچۈنلا ياشاش نومۇسسىزلىقتۇر.
ئاچكۆزلۈك غېرىچقا ئېرىشكەن ئادەمنى غۇلاچقا ئېرىشسەم ئىكەن دېگەن ۋەسۋەسىگە، غۇلاچقا ئېرىشكەندىن كېيىن يەنە قوش غۇلاچقا ئېرىشسەم ئىكەن دېگەن ۋەسۋەسىگە سالىدۇ، بۇ ۋەسۋەسە مەڭگۈ تۈگىمەيدۇ، ئادەمنى بارغانسېرى ساراسىمىگە سېلىپ قويىدۇ.
