بىر كىشى بىلەن تونۇشماقچى بولساڭ ئالدى بىلەن ئۇنىڭ دوستى بىلەن تونۇشۇپ چىق.
دۇنيادا ئەڭ كۆپ ئىشلىتىلىدىغان سۆز- دوست، دۇنيادا تاپماق ئەڭ تەس نەرسىمۇ-دوست.
دوست يوقلاش ئۈچۈن قىلىنغان سەپەر ئۇزۇن بىلىنمەس.
دوستى كۆپلەرنىڭ دۇنياسى يايلاقتەك كەڭ، دوستى ئازلارنىڭ دۇنياسى ئالقاندەك تار.
باشقىلارغا ئىشەنمەيدىغانلار باشقىلارنىڭمۇ ئىشەنچىسىگە ئېرىشەلمەيدۇ.
ھوزۇر-ھالاۋەتنى كىشىلەر بىلەن تەڭ ئورتاقلاشمايدىغانلارنىڭ ھەرگىز قەدىناس دوستى بولمايدۇ.
گۈلنى سۇغۇرۇش كېرەك، دوستلۇقنى قەدىرلەش كېرەك.
دوستۇمنىڭ يېتەرسىزلىكى بولمىسىكەن دەيدىغانلار مەڭگۈ دوست تاپالمايدۇ.
يىلپىز بىلەن ئۆچكە بىر پادا بولۇپ ياشىمايدۇ.
تۈمەنلىگەن دوستى بار ئادەمنىڭ بىرمۇ سىرداش دوستى بولمايدۇ.
يېمەك-ئىچمەك دوستلۇقنى چىڭىتىشقا ئاجىزلىق قىلىدۇ، تۆمۈر تاۋلاشقا ئوت كېرەك، دوستقا سەمىمىيەت كېرەك.
ئالتۇننى توپىغا كۆممە، دوستۇڭنىڭ نەسىھىتىنى ئۇنتۇما.
دوستلار ئوتتۇرىسىدىكى پىكىر ئىختىلاپلار تۈنەپ ئەتىسىگە قالمىسۇن.
ئوڭۇشسىز ئەھۋالغا تولا ئۇچرىساڭ، ھەقىقىي ياخشى دوستقا ئېرىشىسەن.
دوستلۇق ئېچىلىۋاتقان چېچەك، ۋاقىت ئۇنى مېۋىگە كىرگۈزەلەيدۇ.
مال-دۇنيا دېگەن دوستلۇق ئەمەس، دوستلۇق دېگەن مال-دۇنيا.
